ಬೆಂಗಳೂರು: ಐಪಿಎಲ್ನ (IPL 2024) ಎರಡನೇ ಹಂತವು ದೇಶಾದ್ಯಂತ ಚರ್ಚೆಯ ವಿಷಯವಾಗಿದೆ. ಶನಿವಾರ ಕೇಂದ್ರ ಚುನಾವಣಾ ಆಯೋಗ ಲೋಕಸಭಾ ಚುನಾವಣೆಯನ್ನು (lok Sabha Election) ಪ್ರಕಟಿಸಿರುವ ಕಾರಣ ಐಪಿಎಲ್ ಎಲ್ಲಿ ನಡೆಯಬಹುದು ಎಂಬ ಚರ್ಚೆ ಶುರುವಾಗಿದೆ. ಬಹುತೇಕ ಮಂದಿ ಯುಎಇನಲ್ಲೇ ನಡೆಯಲಿದೆ ಎಂದು ಅಂದಾಜಿಸಿದ್ದಾರೆ. ಆದರೆ ಫೈನಲ್ (IPL FInal) ಯಾವಾಗ ನಡೆಯಬಹುದು ಎಂಬ ಸುಳಿವು ಯಾರಿಗೂ ಇಲ್ಲ. ಆದರೆ ಕೋಲ್ಕೊತಾ ನೈಟ್ ರೈಡರ್ಸ್ ತಂಡದ ಕೋಚ್ ಗೌತಮ್ ಗಂಭೀರ್ (Gautam Gambhir) ಬಾಯ್ತಪ್ಪಿ ಫೈನಲ್ ಪಂದ್ಯದ ದಿನಾಂಕ ಹೇಳಿದ್ದಾರೆ. ಆ ವಿಡಿಯೊ ವೈರಲ್ ಆಗಿದೆ.
Guru Gautam Gambhir’s first speech 🏟️🧏♂️ pic.twitter.com/muE7xXixml
— KolkataKnightRiders (@KKRiders) March 16, 2024
ಬಿಸಿಸಿಐ ಈ ಹಿಂದೆ ಲೀಗ್ನ ಮೊದಲ ಹಂತದ ದಿನಾಂಕಗಳನ್ನು ಬಿಡುಗಡೆ ಮಾಡಿತ್ತು. ಪಂದ್ಯಾವಳಿಯ ಆರಂಭಿಕ ಹಂತವು ಮಾರ್ಚ್ 22 ರಂದು ಪ್ರಾರಂಭವಾಗಲಿದ್ದು, ಏಪ್ರಿಲ್ 7 ರಂದು ಕೊನೆಗೊಳ್ಳಲಿದೆ. ಇತ್ತೀಚೆಗೆ ಕೋಲ್ಕತಾ ನೈಟ್ ರೈಡರ್ಸ್ ಶಿಬಿರಕ್ಕೆ ಸೇರ್ಪಡೆಯಾದ ಗೌತಮ್ ಗಂಭೀರ್ ಹೇಗೋ ಬಹು ಚರ್ಚಿತ ಫೈನಲ್ಸ್ ದಿನಾಂಕವನ್ನು ಬಿಟ್ಟುಕೊಡುವಲ್ಲಿ ಯಶಸ್ವಿಯಾಗಿದ್ದಾರೆ. ಶಿಬಿರದ ಸಭೆಯಲ್ಲಿ ತಮ್ಮ ಮೊದಲ ಭಾಷಣ ಮಾಡುವಾಗ ಗಂಭೀರ್ ಅವರು ಮೇ 26 ರ ಕಡೆಗೆ ಎಲ್ಲರ ಗಮನ ಇರಲಿ ಎಂದು ಹೇಳಿದ್ದಾರೆ. ಅಂದರೆ ಅದು ಫೈನಲ್ ಪಂದ್ಯದ ದಿನವೆಂದು ಅರ್ಥ.
ಪ್ರತಿಯೊಬ್ಬರೂ ಗೆಲುವಿಗಾಗಿ ಒಂದು ಸರಳ ಮಾರ್ಗವನ್ನು ಅನುಸರಿಸಬೇಕು. ಮೇ 26ರಂದು ನಾವು ಸಾಧ್ಯವಿರುವ ಎಲ್ಲ ಪ್ರಯತ್ನಗಳನ್ನು ಮಾಡಿ ಅಂದು ಆಡಬೇಕು. ಆ ಗುರಿ ಇಂದಿನಿಂದ ಪ್ರಾರಂಭವಾಗುತ್ತದೆ. ಇದು 26ರಂದು ಪ್ರಾರಂಭವಾಗುವುದಿಲ್ಲ. ಇದು 23ರಂದು ಪ್ರಾರಂಭವಾಗುವುದಿಲ್ಲ. ಇದು ಇಂದಿನಿಂದ ಪ್ರಾರಂಭವಾಗುತ್ತದೆ ಮತ್ತು ನಾವು ಇದನ್ನು ಮಾಡಲು ಬಯಸುತ್ತೇವೆ. ಆದ್ದರಿಂದ ನಾವು ಅದೇ ಹಾದಿಯಲ್ಲಿ ನಡೆದರೆ ಮತ್ತು ನಾವು ಹೋರಾಡಿದರೆ, ನಾವು ಸಾಕಷ್ಟು ಯಶಸ್ಸನ್ನು ಸಾಧಿಸುತ್ತೇವೆ ಎಂದು ನನಗೆ ಖಾತ್ರಿಯಿದೆ”ಎಂದು ಗಂಭೀರ್ ಹೇಳಿದ್ದಾರೆ.
ಇದನ್ನೂ ಓದಿ : IPL 2024 : ಐಪಿಎಲ್ನಿಂದ ಹೊರಗುಳಿದ ಆಟಗಾರರು, ಬದಲಿ ಆಟಗಾರರ ಪಟ್ಟಿ ಇಲ್ಲಿದೆ
“ಶುಭವಾಗಲಿ, ಹುಡುಗರೇ. ಸ್ವಾತಂತ್ರ್ಯವನ್ನು ಹೊಂದಿರಿ. ಆನಂದಿಸಿ. ಬಾಗಿಲುಗಳನ್ನು ಮುಚ್ಚಿರಲಿ ಅಥವಾ ಎಲ್ಲರ ಮುಂದೆಯೇ ನೀವು ಪ್ರಶ್ನೆಗಳನ್ನು ಕೇಳಬಹುದು. ಮತ್ತು ಸಹಾಯಕ ಸಿಬ್ಬಂದಿಯ ದೃಷ್ಟಿಕೋನದಿಂದ, ನಾವು ನಿಮ್ಮೆಲ್ಲರಿಗೂ ಸಂಪೂರ್ಣವಾಗಿ ಪ್ರಾಮಾಣಿಕರಾಗಿರುತ್ತೇವೆ ಎಂದು ನಾನು ನಿಮಗೆ ಭರವಸೆ ನೀಡಬಲ್ಲೆ. ಆದ್ದರಿಂದ, ಶುಭವಾಗಲಿ, “ಎಂದು ಅವರು ಹೇಳಿದರು.
ಕೋಲ್ಕತಾ ನೈಟ್ ರೈಡರ್ಸ್ ವಿವಿಧ ಸ್ಥಳಗಳಲ್ಲಿ ಮೂರು ಪಂದ್ಯಗಳನ್ನು ಆಡಲಿದೆ
ಆರಂಭಿಕ 21 ಪಂದ್ಯಗಳ ವೇಳಾಪಟ್ಟಿಯನ್ನು ಇಲ್ಲಿಯವರೆಗೆ ಬಿಡುಗಡೆ ಮಾಡಲಾಗಿದೆ. ಕೋಲ್ಕತಾ ನೈಟ್ ರೈಡರ್ಸ್ ಮತ್ತು ಸನ್ರೈಸರ್ಸ್ ಹೈದರಾಬಾದ್ ತಂಡಗಳು ಮಾರ್ಚ್ 23 ರಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ನಲ್ಲಿ ಮುಖಾಮುಖಿಯಾಗಲಿವೆ. ಮಾರ್ಚ್ 29ರಂದು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು ಎದುರಿಸಲಿದೆ. ಐಪಿಎಲ್ನ ಮೊದಲ ಹಂತದ ಕೊನೆಯ ಪಂದ್ಯ ಏಪ್ರಿಲ್ 3 ರಂದು ವಿಶಾಖಪಟ್ಟಣಂನ ತಟಸ್ಥ ಸ್ಥಳದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ನಡೆಯಲಿದೆ.