ಬೆಂಗಳೂರು: ಚಾಕೊಲೆಟ್(chocolate) ಎಂದರೆ ಯಾರ ಬಾಯಲ್ಲಿ ನೀರೂರಲ್ಲ ಹೇಳಿ. ಅದರಲ್ಲೂ ಮಕ್ಕಳಿಗಂತೂ ಈ ಸಿಹಿ ತಿನಿಸು ಬಲು ಇಷ್ಟ. ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ(MS Dhoni) ಅವರಿಗೂ ಚಾಕೊಲೆಟ್ ಎಂದರೆ ಬಲು ಇಷ್ಟ. ಇದಕ್ಕೆ ಸಂಬಂಧಿಸಿದ ವಿಡಿಯೊವೊಂದು ವೈರಲ್(Viral Video) ಆಗಿದೆ.
ಅಭಿಮಾನಿಯಿಂದ ಚಾಕೊಲೆಟ್ ಪಡೆದ ಧೋನಿ
ಧೋನಿ ಅವರು ಇತ್ತೀಚೆಗೆ ಯುಎಸ್ ಓಪನ್ ಟೆನಿಸ್ ಟೂರ್ನಿಯನ್ನು ನೋಡಲು ನ್ಯೂಯಾರ್ಕ್ಗೆ ತೆರಳಿದ್ದರು. ಇಲ್ಲಿ ಅಲೆಕ್ಸಾಂಡರ್ ಜ್ವೆರೆವ್ ಮತ್ತು ಕಾರ್ಲೋಸ್ ಅಲ್ಕರಾಜ್ ನಡುವಿನ ಕ್ವಾರ್ಟರ್ ಫೈನಲ್ ಪಂದ್ಯವನ್ನು ವೀಕ್ಷಿಸಿದ್ದರು. ಬಳಿಕ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್(former USA President Donald Trump ) ಅವರೊಂದಿಗೆ ಗಾಲ್ಫ್ ಆಡಿ(MS Dhoni played golf with Donald Trump) ಗಮನ ಸೆಳೆದಿದ್ದರು. ಇದೀಗ ಅಭಿಮಾನಿಗೆ ಆಟೋಗ್ರಾಫ್ ನೀಡಿ ಅವರಿಂದ ಚಾಕೊಲೆಟ್ ವಾಪಸ್ ಪಡೆದಿದ್ದಾರೆ.
ಚಾಕೊಲೆಟ್ ಬಾಕ್ಸ್ ಮರೆಯದ ಧೋನಿ
ವಾಸ್ತವವಾಗಿ ಧೋನಿಯನ್ನು ಕಂಡ ಅವರ ಅಭಿಮಾನಿಯೊಬ್ಬರು ಪುಟ್ಟ ಬ್ಯಾಟ್ಗಳಲ್ಲಿ ಧೋನಿ ಅವರ ಆಟೋಗ್ರಾಫ್ ಪಡೆದಿದ್ದಾರೆ. ಇದೇ ವೇಳೆ ಧೋನಿ ತಮ್ಮ ಕೈಯಲ್ಲಿದ್ದ ಚಾಕೊಲೆಟ್ ಬಾಕ್ಸ್ ಹಿಡಿದುಕೊಳ್ಳುವಂತೆ ಅಭಿಮಾನಿ ಕೈಗೆ ನೀಡಿದ್ದಾರೆ. ಬಳಿಕ ಆಟೋಗ್ರಾಫ್ ನೀಡಿದ ಬಳಿಕ ತಮ್ಮ ಚಾಕೊಲೆಟ್ ಬಾಕ್ಸ್ ಹಿಂದೆ ನೀಡುವಂತೆ ಕೇಳಿದ್ದಾರೆ. ಈ ವೇಳೆ ಅಭಿಮಾನಿ ಜೋರಾಗಿ ನಗುತ್ತ ತಮ್ಮ ಕೈಯಲ್ಲಿದ್ದ ಧೋನಿಯ ಚಾಕೊಲೆಟ್ ಬಾಕ್ಸ್ ಹಿಂದಿರುಗಿಸಿದ್ದಾರೆ.
ಹಿಂದೊಮ್ಮೆ ಧೋನಿ ಅವರು ವಿಮಾನದಲ್ಲಿ ಪ್ರಯಾಣಿಸುತಿದ್ದ ವೇಳೆ ಗಗನಸಖಿಯಿಂದ ಚಾಕೊಲೆಟ್ ಕೇಳಿ ಪಡೆದ ವಿಡಿಯೊ ಕೂಡ ವೈರಲ್ ಆಗಿತ್ತು. ಕೆಲವು ತಿಂಗಳುಗಳ ಹಿಂದೆ ನಡೆದ 16ನೇ ಆವೃತ್ತಿಯ ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಐದನೇ ಬಾರಿ ಚಾಂಪಿಯನ್ ಪಟ್ಟಕೇರಿಸಿದ ಧೋನಿ ಈಗ ತಮ್ಮ ಬಿಡುವನ್ನು ಪ್ರವಾಸದ ಮೂಲಕ ನಿರಂತರವಾಗಿ ಆನಂದಿಸುತ್ತಿದ್ದಾರೆ.
ಇದನ್ನೂ ಓದಿ MS Dhoni: ಡೊನಾಲ್ಡ್ ಟ್ರಂಪ್ ಜತೆ ಗಾಲ್ಫ್ ಆಡಿದ ಮಹೇಂದ್ರ ಸಿಂಗ್ ಧೋನಿ
ಟ್ರಂಪ್ ಜತೆ ಟೆನಿಸ್ ಆಡಿದ್ದ ಧೋನಿ
ಧೋನಿ ಬಳಿ ಇದೆ ದೊಡ್ಡ ಬೈಕ್ ಗ್ಯಾರೇಜ್
ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಹೇಳಿದ ಬಳಿಕ ವಿಶ್ರಾಂತ ಜೀವನವನ್ನು ಎಂಜಾಯ್ ಮಾಡುತ್ತಿರುವ ಧೋನಿ ಅವರು ತಮ್ಮ ಬೈಕ್ ಮತ್ತು ಕಾರ್ಗಳನ್ನು ಇರಿಸಲು ತಮ್ಮ ಮನೆಯ ಪಕ್ಕದಲ್ಲಿ ದೊಡ್ಡ ಕಟ್ಟಡವನ್ನೇ ಹೊಂದಿದ್ದಾರೆ. ಕೆಳವು ದಿನಗಳ ಹಿಂದೆ ವೆಂಕಟೇಶ್ ಪ್ರಸಾದ್ ಮತ್ತು ಸುನಿಲ್ ಜೋಶಿ ಅವರು ಧೋನಿಯ ರಾಂಚಿಯಲ್ಲಿರುವ ಮನೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಧೋನಿ ಫಾರ್ಮ್ ಹೌಸ್ನಲ್ಲಿರುವ ಬೈಕ್(ms dhoni bike collection) ಮತ್ತು ಕಾರುಗಳ ವಿಡಿಯೊವನ್ನು ಹಂಚಿಕೊಂಡಿದ್ದರು. ಇದನ್ನು ಕಂಡ ಅನೇಕರು ಅಬ್ಬಾ… ಎಂದು ಆಶ್ಚರ್ಯವಾಗಿದ್ದರು. ಈ ಫಾರ್ಮ್ಹೌಸ್ನ ವಿಡಿಯೊ ವೈರಲ್ ಆಗಿತ್ತು.