ಅಹ್ಮದಾಬಾದ್: ಸಾಯಿ ಸುದರ್ಶನ್ (45 ರನ್), ಡೇವಿಡ್ ಮಿಲ್ಲರ್ (ಅಜೇಯ 44 ರನ್) ಅವರ ಉತ್ತಮ ಬ್ಯಾಟಿಂಗ್ ಹಾಗೂ ಮೋಹಿತ್ ಶರ್ಮಾ (25 ರನ್ಗಳಿಗೆ 3 ವಿಕೆಟ್) ಅವರ ಅಮೋಘ ಬೌಲಿಂಗ್ ನೆರವಿನಿಂದ ಮಿಂಚಿದ ಗುಜರಾತ್ ಟೈಟಾನ್ಸ್ (Gujarat Titans) ತಂಡ ಐಪಿಎಲ್ 17ನೇ ಆವೃತ್ತಿಯ (IPL 2024) 12ನೇ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ (Sunrisers Hyderabad) ತಂಡದ ವಿರುದ್ದ 7 ವಿಕೆಟ್ಗಳ ಅಮೋಘ ವಿಜಯ ದಾಖಲಿಸಿದೆ. ಈ ಮೂಲಕ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ವಿರುದ್ಧದ ಹಿಂದಿನ ಪಂದ್ಯದ ಸೋಲನ್ನು ಮರೆಯಿತು. ಗುಜರಾತ್ ತಂಡಕ್ಕೆ ಇದು ಹಾಲಿ ಆವೃತ್ತಿಯಲ್ಲಿ ಎರಡನೇ ಗೆಲುವಾಗಿದ್ದು ಮೊದಲ ಪಂದ್ಯದಲ್ಲಿ ಮುಂಬಯಿ ಇಂಡಿಯನ್ಸ್ ವಿರುದ್ಧ 6 ರನ್ಗಳ ಗೆಲುವು ದಾಖಲಿಸಿತ್ತು. ಈ ಗೆಲುವಿನೊಂದಿಗೆ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ಬಡ್ತಿ ಪಡೆಯಿತು.
🎥 That moment when @gujarat_titans sealed their 2⃣nd win of the #TATAIPL 2024 𝙄𝙉 𝙎𝙏𝙔𝙇𝙀 👌
— IndianPremierLeague (@IPL) March 31, 2024
Joy in the #GT camp as they bag 2⃣ more points 🙌 🙌
Head to @JioCinema & @StarSportsIndiato watch the match LIVE 💻 📱
Scorecard ▶️ https://t.co/hdUWPFsHP8 #TATAIPL | #GTvSRH pic.twitter.com/Wq3MNGNlTa
ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಸನ್ರೈಸರ್ಸ್ ಹೈದರಾಬಾದ್ ತಂಡ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 162 ರನ್ ಬಾರಿಸಿತು. ಪ್ರತಿಯಾಗಿ ಆಡಿದ ಗುಜರಾತ್ ಬಳಗ ಇನ್ನೂ 5 ಎಸೆತಗಳು ಬಾಕಿ ಇರುವಂತೆಯೇ 3 ವಿಕೆಟ್ ನಷ್ಟಕ್ಕೆ 168 ರನ್ ಬಾರಿಸಿ ಗೆಲುವು ಸಾಧಿಸಿತು. ಪ್ಯಾಟ್ಕಮಿನ್ಸ್ ನೇತೃತ್ವದ ಎಸ್ಎಚ್ಆರ್ ತಂಡಕ್ಕೆ ಇದು ಹಾಲಿ ಆವೃತ್ತಿಯ ಎರಡನೇ ಪರಾಜಯವಾಗಿದೆ. ಮೊದಲ ಪಂದ್ಯದಲ್ಲಿ ಕೆಕೆಆರ್ಗೆ 4 ರನ್ಗಳಿಂದ ಮಣಿದಿದ್ದರೆ ಎರಡನೇ ಪಂದ್ಯದಲ್ಲಿ ಮುಂಬಯಿ ವಿರುದ್ದ ದಾಖಲೆಯ 31 ರನ್ ಗೆಲುವು ಸಾಧಿಸಿತ್ತು. ಇದೀಗ ಮತ್ತೆ ಸೋಲಿನ ಸುಳಿಗೆ ಸಿಲುಕಿದೆ.
Skills 🫡
— IndianPremierLeague (@IPL) March 31, 2024
Discipline 🫡
2️⃣ in 2️⃣ for Mohit Sharma as he keeps the #SRH innings under check✅
Head to @JioCinema & @StarSportsIndia to watch the match LIVE 💻📱
Follow the match ▶️ https://t.co/hdUWPFsHP8#TATAIPL | #GTvSRH | @gujarat_titans pic.twitter.com/dVj6ImFB93
ಮೊದಲು ಬ್ಯಾಟ್ ಮಾಡಿದ ಎಸ್ಆರ್ಎಚ್ ಉತ್ತಮವಾಗಿ ಆಡಲಿಲ್ಲ. ಹಿಂದಿನ ಪಂದ್ಯದಲ್ಲಿ ದಾಖಲೆಯ 277 ರನ್ ಬಾರಿಸಿದ್ದ ಎಸ್ಆರ್ಎಚ್ ಈ ಪಂದ್ಯದಲ್ಲಿ ಆರಂಭದಿಂದಲೇ ವಿಕೆಟ್ಗಳನ್ನು ಕಳೆದುಕೊಂಡಿತು. ಮಯಾಂಕ್ ಅಗರ್ವಾಲ್ 17 ರನ್ಗೆ ಔಟಾದರೆ, ಟ್ರಾವಿಸ್ ಹೆಡ್ 19 ರನ್ಗೆ ಬೌಲ್ಡ್ ಆದರು. ಅಭಿಷೇಕ್ ಶರ್ಮಾ 29 ರನ್ ಬಾರಿಸಿದರೆ ಏಡೆನ್ ಮಾರ್ಕ್ರಮ್ 17 ರನ್ಗೆ ಸೀಮಿತಗೊಂಡರು. ಹೆನ್ರಿಚ್ ಕ್ಲಾಸೆನ್ ಹೆನ್ರಿಚ್ ಕ್ಲಾಸೆನ್ 24 ಹಾಗೂ ಶಹಾಜ್ ಅಹಮದ್ 22 ರನ್ ಬಾರಿಸಿದರು. ಕೊನೆಯಲ್ಲಿ ಅಬ್ದುಲ್ ಸಮದ್ 29 ರನ್ ಬಾರಿಸುವ ಮೂಲಕ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.
ಇದನ್ನೂ ಓದಿ: Hardik Pandya : ಹಾರ್ದಿಕ್ ಪಾಂಡ್ಯಗೆ ವಿಶೇಷ ಭದ್ರತೆ ಮಾಹಿತಿ ಸುಳ್ಳು ಎಂದ ಎಂಸಿಎ
ಸುಲಭವಾಗಿ ಗುರಿ ಮುಟ್ಟಿದ ಗುಜರಾತ್
ಸ್ಪರ್ಧಾತ್ಮಕ ಗುರಿಗೆ ಪ್ರತಿಯಾಗಿ ಆಡಲು ಶುರು ಮಾಡಿದ ಗುಜರಾತ್ ಉತ್ತಮ ಆರಂಭ ಪಡೆಯಿತು. ಮೊದಲ ವಿಕೆಟ್ಗೆ 36 ರನ್ ಬಾರಿಸಿತು. ವೃದ್ಧಿಮಾನ್ ಸಾಹ 25 ರನ್ ಬಾರಿಸಿದರೆ ನಾಯಕ ಶುಭ್ಮನ್ ಗಿಲ್ 36 ರನ್ ಕೊಡುಗೆ ಕೊಟ್ಟರು. ಮೂರನೇ ಕ್ರಮಾಂಕದಲ್ಲಿ ಆಡಿದ ಸಾಯಿ ಸುದರ್ಶನ್ 45 ರನ್ ಬಾರಿಸಿದರೆ ಡೇವಿಡ್ ಮಿಲ್ಲರ್ 44 ರನ್ ಬಾರಿಸುವ ಮೂಲಕ ಗೆಲುವು ಸುಲಭಗೊಳಿಸಿದರು. ವಿಜಯ್ ಶಂಕರ್ 14 ರನ್ ಬಾರಿಸಿದರು.