ಹೈದರಾಬಾದ್ : ನ್ಯೂಜಿಲ್ಯಾಂಡ್ ವಿರುದ್ಧದ ಏಕ ದಿನ ಸರಣಿಯ (INDvsNA ODI ) ಮೊದಲ ಪಂದ್ಯದಲ್ಲಿ ಭಾರತ ತಂಡದ ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ಅವರಿಗೆ ಮೂರನೇ ಅಂಪೈರ್ ವಿವಾದಾತ್ಮಕ ಔಟ್ ತೀರ್ಪು ನೀಡಿದರು. ಇದರಿಂದ ಕೋಪಗೊಂಡ ನೆಟ್ಟಿಗರು ಮೂರನೇ ಅಂಪೈರ್ ತೀರ್ಪಿನ ವಿರುದ್ಧ ಕಿಡಿ ಕಾರಿದರು.
ಭಾರತದ ಇನಿಂಗ್ಸ್ನ 40ನೇ ಓವರ್ನಲ್ಲಿ ಈ ವಿವಾದಾತ್ಮಕ ತೀರ್ಪು ನೀಡಲಾಯಿತು. ಡ್ಯಾರಿಲ್ ಮಿಚೆಲ್ ಎಸೆತ ಪಾಂಡ್ಯ ಬ್ಯಾಟ್ನಿಂದ ತಪ್ಪಿಸಿಕೊಂಡು ವಿಕೆಟ್ಕೀಪರ್ ಟಾಮ್ ಲೇಥಮ್ ಕೈ ಸೇರಿತು. ಚೆಂಡು ಬೇಲ್ಸ್ನಿಂದ ಕೂದಲೆಳೆ ಅಂತರದಲ್ಲಿ ಮೇಲಕ್ಕೆ ಸಾಗಿ ಲೇಥಮ್ ಗ್ಲವ್ಸ್ ಸೇರಿಕೊಂಡಿತು. ಇದೇ ವೇಳೆ ಬೇಲ್ಸ್ ಎಗರಿತ್ತು. ಖಚಿತತೆ ಪಡೆಯುವ ಉದ್ದೇಶದಿಂದ ಫೀಲ್ಡ್ ಅಂಪೈರ್ಗಳ ಮೂರನೇ ಅಂಪೈರ್ ಮೊರೆ ಹೋದರು.
ಚೆಂಡು ಸಾಗುವ ರೀತಿಯನ್ನು ಸೂಕ್ಷ್ಮವಾಗಿ ಗಮನಿಸಿದ ಮೂರನೇ ಅಂಪೈರ್ ಬೌಲ್ಡ್ ಎಂದು ತೀರ್ಪು ನೀಡಿದರು. ತಕ್ಷಣ ಪಾಂಡ್ಯ ಸಮೇತ ಎಲ್ಲರೂ ಅಚ್ಚರಿಗೆ ಒಳಗಾದರು. ಚೆಂಡು ವಿಕೆಟ್ಗಿಂತ ಮೇಲಿಂದ ಸಾಗಿದ್ದು, ವಿಕೆಟ್ ಕೀಪರ್ ಗ್ಲವ್ಸ್ ಸಮೀಪವಿತ್ತು. ಹೀಗಾಗಿ ವಿಕೆಟ್ಗೆ ಗ್ಲವ್ಸ್ ತಾಗಿ ಬೇಲ್ಸ್ ಬಿದ್ದಿದಿಯೇ ಹೊರತು ಚೆಂಡು ತಾಗಿಲ್ಲ ಎಂಬುದು ಅವರ ಅಭಿಪ್ರಾಯವಾಗಿತ್ತು. ಈ ವಿಚಾರ ನೆಟ್ಟಿಗರ ಚರ್ಚೆಗೆ ಕಾರಣವಾಯಿತು. ಅಂಪೈರ್ಗಳ ಕೆಟ್ಟ ತೀರ್ಪಿನಿಂದ ಪಾಂಡ್ಯ ಅನಗತ್ಯವಾಗಿ ಔಟಾಗಬೇಕಾಯಿತು ಎಂದೆಲ್ಲ ಚರ್ಚೆ ನಡೆಯಿತು.
ಪಾಂಡ್ಯ ವಿಕೆಟ್ ಬೀಳುತ್ತಿದ್ದಂತೆ ಭಾರತ ತಂಡ 40 ಓವರ್ಗಳಲ್ಲಿ 251 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿತು. ಹಾರ್ದಿಕ್ ಪಾಂಡ್ಯ 38 ಎಸೆತಗಳಲ್ಲಿ 28 ರನ್ ಬಾರಿಸಿ ಔಟಾದರು. ಆದಾದ ಬಳಿಕ ಶುಬ್ಮನ್ ಗಿಲ್ ದ್ವಿ ಶತಕ ಬಾರಿಸಿ ಭಾರತ ತಂಡಕ್ಕೆ 249 ರನ್ ಪೇರಿಸಲು ನೆರವಾದರು.
ಇದನ್ನೂ ಓದಿ | Hardik Pandya | ನೀರು ತಂದುಕೊಡದ ಸಹ ಆಟಗಾರರನ್ನು ನಿಂದಿಸಿದ ಹಾರ್ದಿಕ್ ಪಾಂಡ್ಯ, ನೆಟ್ಟಿಗರ ಟೀಕೆ