ಗಯಾನಾ: ವಿಂಡೀಸ್ ವಿರುದ್ಧದ ಮೂರನೇ ಟಿ20 ಪಂದ್ಯದಲ್ಲಿ(West Indies vs India, 3rd T20) ತಿಲಕ್ ವರ್ಮಾ(Tilak Varma) ಅವರ ಅರ್ಧಶತಕದ ಅವಕಾಶವನ್ನು ತಪ್ಪಿಸಿದ ಹಾರ್ದಿಕ್ ಪಾಂಡ್ಯ(Hardik Pandya) ವಿರುದ್ಧ ಅನೇಕ ಟೀಕೆಗಳು ವ್ಯಕ್ತವಾಗಿತ್ತು. ಇದೀಗ ಪಾಂಡ್ಯ ಅವರು ಮೈದಾನದಲ್ಲಿ ತಿಲಕ್ ಮರ್ಮಾಗೆ ನೀಡಿದ ಸೂಚನೆಯ ಆಡಿಯೊವೊಂದು(viral audio) ವೈರಲ್ ಆಗಿದೆ.
ಗಯಾನಾದಲ್ಲಿ ಮಂಗಳವಾರ ನಡೆದ ಮೂರನೇ ಟಿ20 ಪಂದ್ಯದಲ್ಲಿ ಭಾರತ ಗೆಲ್ಲಲು 14 ಬಾಲ್‌ಗಳಲ್ಲಿ 2 ರನ್‌ಗಳು ಬೇಕಾಗಿದ್ದವು. ಪಾಂಡ್ಯ ಜತೆ ಸಹ ಬ್ಯಾಟಿಂಗ್ ಮಾಡುತ್ತಿದ್ದ ತಿಲಕ್ ವರ್ಮಾ (Tilak Verma) ಅವರ ಸ್ಕೋರ್‌ 49 ಆಗಿತ್ತು. ಇನ್ನೊಂದು ರನ್ ಮಾಡಿದ್ದರೆ ಟಿ20ಯಲ್ಲಿ ಎರಡನೇ ಹಾಫ್‌ ಸೆಂಚುರಿ ಮಾಡಿದ ಹೆಗ್ಗಳಿಕೆ ಈ ಯುವ ಆಟಗಾರನದಾಗುತ್ತಿತ್ತು. ಇನ್ನೂ 7 ವಿಕೆಟ್‌ಗಳು ಕೈಯಲ್ಲಿದ್ದವು. ಹೀಗಾಗಿ ಸೋಲುವ ಭಯವೂ ಇರಲಿಲ್ಲ.
ʼಪಾಂಡ್ಯ, ನೀನು ಧೋನಿ ಆಗಲಾರೆʼ
ಆದರೆ ಮುಂದಿನ ಪೊವೆಲ್‌ ಅವರ ಮುಂದಿನ ಎಸೆತವನ್ನು ಎದುರಿಸಿದ ಪಾಂಡ್ಯ, ಅದನ್ನು ನೇರವಾಗಿ ಸಿಕ್ಸ್‌ಗೆ ಅಟ್ಟಿದರು.(hardik pandya six) ಪಾಂಡ್ಯ ಅವರ ಈ ಹೊಡೆತ ತಿಲಕ್ ವರ್ಮಾ ಅವರ ಹಾಫ್‌ ಸೆಂಚುರಿಯ ಸಾಧ್ಯತೆಯನ್ನು ಕಸಿದುಕೊಂಡಿತು. ಇದರಿಂದ ಕುಪಿತರಾದ ಕ್ರಿಕೆಟ್ ಅಭಿಮಾನಿಗಳು ʼʼಪಾಂಡ್ಯ, ನೀನು ಧೋನಿ ಆಗಲಾರೆʼʼ “ಇದು ಕ್ರಿಕೆಟ್ ಚರಿತ್ರೆಯ ಅತ್ಯಂತ ಕೆಟ್ಟ ಸಿಕ್ಸ್‌ʼʼ ನೀವೊಬ್ಬ ಸ್ವಾರ್ಥಿ ಹೀಗೆ ಹಲವು ತೀಕ್ಷ್ಣ ಮಾತುಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಟೀಕೆ ಮಾಡಿದ್ದರು. ಇದೀಗ ಈ ಪ್ರಕರಣಕ್ಕೆ ಮತ್ತೊಂದು ಪುಷ್ಟಿ ಸಿಕ್ಕಿದ್ದು ಆಡಿಯೊವೊಂದು ವೈರಲ್ ಆಗಿದೆ.
ಇದನ್ನೂ ಓದಿ Hardik Pandya: ಸಿಕ್ಸರ್ ಬಾರಿಸಿ ವಿರಾಟ್ ಕೊಹ್ಲಿಯ ದಾಖಲೆ ಸರಿಗಟ್ಟಿದ ಹಾರ್ದಿಕ್ ಪಾಂಡ್ಯ
ಮೈಕ್ ಸ್ಟಂಪ್ನಲ್ಲಿ ಸೆರೆಯಾದ ಆಡಿಯೊ
ತಿಲಕ್ ವರ್ಮಾ ಅವರು 44 ರನ್ ಗಳಿಸಿ ಕ್ರೀಸ್ನಲ್ಲಿದ್ದ ವೇಳೆ ಹಾರ್ದಿಕ್ ಪಾಂಡ್ಯ ಅವರು ತಿಲಕ್ ವರ್ಮಾರನ್ನು ಬಾಯ್(ಸಹೋದರ) ಎಂದು ಕರೆದು “ಪಂದ್ಯವನ್ನು ನೀನೇ ಫಿನಿಶ್ ಮಾಡಬೇಕು. ಕೊನೆ ತನಕ ನಿಂತು ಆಡಬೇಕು. ಎಷ್ಟು ಎಸೆತಗಳನ್ನು ಎದುರಿಸಿರುವೆ ಎಂಬುದು ಇಲ್ಲಿ ಲೆಕ್ಕಕ್ಕೆ ಪಂದ್ಯದ ಗೆಲುವು ಪರಿಗಣನೆಗೆ ಬರುತ್ತದೆ. ಜತೆಗೆ ಅಜೇಯರಾಗಿ ಆಗಿ ಉಳಿಯುವುದರ ಮಹತ್ವ ಹೆಚ್ಚಿರುತ್ತದೆ” ಎಂದು ಪಾಂಡ್ಯ ಹಿಂದಿಯಲ್ಲಿ ಹೇಳಿರುವುದು ಸ್ಟಂಪ್ ಮೈಕ್‌ನಲ್ಲಿ ದಾಖಲಾಗಿದೆ.
— Nihari Korma (@NihariVsKorma) August 9, 2023
ಮತ್ತೆ ಪಾಂಡ್ಯಗೆ ಕ್ಲಾಸ್ ತೆಗೆದುಕೊಂಡ ನೆಟ್ಟಿಗರು
ಮೈಕ್ ಸ್ಟಂಪ್ನ ಆಡಿಯೊ ವೈರಲ್ ಆಗುತ್ತಿದ್ದಂತೆ ಮತ್ತೆ ಪಾಂಡ್ಯರನ್ನು ನೆಟ್ಟಿಗರು ತರಾಟೆಗೆ ತೆಗೆದುಕೊಂಡಿದ್ದಾರೆ. ಉತ್ತಮವಾಗಿ ಆಟವಾಡುತ್ತಿದ್ದ ಆಟಗಾರನ ಹಾದಿ ತಪ್ಪಿಸಿದ್ದು ಮಾತ್ರವಲ್ಲದೆ ವಿಶ್ವಾಸ ದ್ರೋಹ ಬಗೆದಿದ್ದೀರ ಎಂದು ಕಮೆಂಟ್ ಮಾಡಿದ್ದಾರೆ. ನಿಮ್ಮ ಮಾತಿಗೆ ಬೆಲೆ ಕೊಟ್ಟ ಆಟಗಾರನೀಗೆ ಈ ರೀತಿ ಕೇಟು ಬಗೆದದ್ದು ಸರಿಯಲ್ಲ ಎಂದು ಹೇಳಿದ್ದಾರೆ. ತಿಲಕ್ ವರ್ಮ ಅವರು ಈ ಪಂದ್ಯದಲ್ಲಿ 37 ಎಸೆತಗಳಿಂದ ಅಜೇಯ 49 ರನ್ ಬಾರಿಸಿದರು.