ಢಾಕಾ: ಅತ್ಯಂತ ರೋಚಕವಾಗಿ ನಡೆದ ಭಾರತ ಮತ್ತು ಬಾಂಗ್ಲಾದೇಶ ಮಹಿಳೆಯರ ನಡುವಿನ ಅಂತಿಮ ಪಂದ್ಯ ಟೈ ನಲ್ಲಿ ಅಂತ್ಯಗೊಂಡಿತು. ಸರಣಿಯ ನಿರ್ಣಾಯಕ ಪಂದ್ಯ ಟೈ ಆದ ಕಾರಣ 1-1 ಅಂತರದಲ್ಲಿ ಸಮಬಲದಲ್ಲಿ ಕೊನೆಗೊಂಡಿತು. ಹೀಗಾಗಿ ಟ್ರೋಫಿಯನ್ನು ಉಭಯ ತಂಡಗಳು ಜಂಟಿಯಾಗಿ ಹಂಚಿಕೊಂಡವು. ಆದರೆ ಈ ಪಂದ್ಯದಲ್ಲಿ ಭಾರತ ತಂಡದ ನಾಯಕಿ ಹರ್ಮನ್ಪ್ರೀತ್ ಕೌರ್(Harmanpreet Kaur) ಅಂಪೈರ್ ವಿರುದ್ಧ ಸಿಟ್ಟಿಗೆದ್ದು ಬ್ಯಾಟ್ನಿಂದ ವಿಕೆಟ್ಗೆ ಬಡಿದಿದ್ದಾರೆ.(Harmanpreet Kaur smashes stumps) ಜತೆಗೆ ಪೆವಿಲಿಯನ್ಗೆ ತೆರಳುವು ವೇಳೆ ಅಂಪೈರ್ ಜತೆ ವಾಕ್ಸಮರ ಕೂಡ ನಡೆಸಿದ್ದಾರೆ. ಈ ಘಟನೆಯ ವಿಡಿಯೊ ವೈರಲ್(Viral Video) ಆಗಿದೆ.
ಶನಿವಾರ ನಡೆದ ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ಆತಿಥೇಯ ಬಾಂಗ್ಲಾ ವನಿತೆಯರು ನಾಲ್ಕು ವಿಕೆಟ್ ನಷ್ಟಕ್ಕೆ 225 ರನ್ ಗಳಿಸಿದರು. ಗುರಿ ಬೆನ್ನಟ್ಟಿದ ಭಾರತ ಉತ್ತಮ ಆಟ ಪ್ರದರ್ಶಿಸಿದರೂ ಅಂತಿಮ ಹಂತದಲ್ಲಿ ನಾಟಕೀಯ ಕುಸಿತ ಕಂಡು 49.3 ಓವರ್ಗಳಲ್ಲಿ 225 ರನ್ ಗೆ ಆಲೌಟಾಯಿತು. ಬಾಂಗ್ಲಾ ಪರ ಫರ್ಗಾನಾ ಹಖ್ ಶತಕ ಸಿಡಿಸಿ ಮಿಂಚಿದರೆ, ಭಾರತದ ಪರ ಹರ್ಲೀನ್ ಡಿಯೋಲ್ 77 ರನ್ ಮತ್ತು ಸ್ಮೃತಿ ಮಂಧನಾ 59 ರನ್ ಮಾಡಿದರು.
ಉತ್ತಮವಾಗಿ ಆಡುತ್ತಿದ್ದ ಹರ್ಮನ್ಪ್ರೀತ್ ಕೌರ್ ಅವರು 34 ನೇ ಓವರ್ನಲ್ಲಿ ನಹಿದಾ ಅಖ್ತರ್ ಎಸೆತವನ್ನು ಸ್ವೀಪ್ ಮಾಡಿದರು. ಚೆಂಡು ಪ್ಯಾಡ್ಗೆ ಬಡಿದು ಸ್ಲಿಪ್ ಫೀಲ್ಡರ್‌ ಕೈ ಸೇರಿತು. ಬಾಂಗ್ಲಾ ಆಟಗಾರರು ಔಟ್ ಎಂದು ಮನವಿ ಮಾಡಿದರು. ಅಂಪೈರ್ ತಕ್ಷಣ ಔಟ್ ಎಂದು ಘೋಷಣೆ ಮಾಡಿದರು. ಚೆಂಡು ಬ್ಯಾಟ್ಗೆ ಬಡಿಯದೆ ಪ್ಯಾಡ್ಗೆ ತಾಗಿ ಕ್ಯಾಚ್ ಹಿಡಿದಿದ್ದಕ್ಕೆ ಔಟ್ ನೀಡಿದ ಕಾರಣ ಕೌರ್ ಕೋಪ ಪಿತ್ತ ನೇತ್ತಿಗೇರಿತು. ತಮ್ಮ ಅಸಮಾದಾನವನ್ನು ಅವರು ಬ್ಯಾಟ್ನಿಂದ ವಿಕೆಟ್ಗೆ ಬಡಿಯುವ ಮೂಲಕ ಹೊರಹಾಕಿದರು. ಇಲ್ಲಿಗೆ ಸುಮ್ಮನಾಗದ ಕೌರ್ ಬಳಿಕ ಅಂಪೈರ್ ಜತೆ ವಾಗ್ವಾದ ನಡೆಸಿ ಪೆವಿಲಿಯನ್ಗೆ ತೆರಳಿದರು. ಅಚ್ಚರಿ ಎಂದರೆ ಈ ಸರಣಿಯಲ್ಲಿ ಡಿಆರ್ಎಸ್ ರಿವ್ಯೂ ಇರಲಿಲ್ಲ. ಒಂದೊಮ್ಮೆ ಡಿಆರ್ಎಸ್ ಇರುತ್ತಿದ್ದರೆ ಈ ಘಟನೆ ನಡೆಯುತ್ತಿರಲಿಲ್ಲ. ಕೌರ್ ಅವರ ಈ ವರ್ತನೆಗೆ ಐಸಿಸಿ ಶಿಶ್ತುಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
ಇದನ್ನೂ ಓದಿ WOMENS IPL | ದೇಶೀಯ ಆಟಗಾರ್ತಿಯರಿಗೆ ಮಹಿಳಾ ಐಪಿಎಲ್ ಉತ್ತಮ ವೇದಿಕೆ; ಹರ್ಮನ್ಪ್ರೀತ್ ಕೌರ್ ವಿಶ್ವಾಸ
Harmanpreet Kaur Hits The Stumps With Her Bat In Anger After On-Field Umpire Rules Her LBW In 3rd ODI pic.twitter.com/09SVb8mF8C
— Nibraz Ramzan (@nibraz88cricket) July 22, 2023
ಪಂದ್ಯದ ಬಳಿಕ ಮಾತನಾಡಿದ ಕೌರ್ ಅಂಪೈರ್ ನಿರ್ಧಾರಕ್ಕೆ ಬೇಸರ ವ್ಯಕ್ತಪಡಿಸಿದರು. ಇಲ್ಲಿನ ಅಂಪೈರ್ಗಳು ತೀರ ಕಳಪೆ ಮಟ್ಟದ ಅಂಪೈರಿಂಗ್ ಮಾಡಿದ್ದಾರೆ. ಇದು ನಮಗೆ ತುಂಬಾ ಆಶ್ಚರ್ಯ ಮತ್ತು ಬೇಸರ ಉಂಟುಮಾಡಿದೆ. ಮುಂದಿನ ಬಾರಿ ನಾವು ಬಾಂಗ್ಲಾದೇಶಕ್ಕೆ ಬಂದಾಗ ಈ ರೀತಿಯ ಅಂಪೈರ್ಗಳು ನೋಡಲು ಇಷ್ಟಪಡುವುದಿಲ್ಲ. ಸಾಮಾನ್ಯ ವ್ಯಕ್ತಿಯೂ ಇದು ಔಟ್ ಇಲ್ಲವೆಂದು ಸ್ಪಷ್ಟವಾಗಿ ಹೇಳುತ್ತಿದ್ದರು. ನಿಜಕ್ಕೂ ನಾವು ಅಂಪೈರ್ಗಳ ಬಗ್ಗೆ ನಿರಾಶೆಗೊಂಡಿದ್ದೇವೆ ಎಂದರು.