ಕೊಲಂಬೊ: ಇಲ್ಲಿನ ಆರ್ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಶ್ರೀಲಂಕಾ ವಿರುದ್ಧದ ಏಷ್ಯಾ ಕಪ್ 2023 ಫೈನಲ್ ಪಂದ್ಯದಲ್ಲಿ ಭಾರತದ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್ ಏಕದಿನ ಅಂತರರಾಷ್ಟ್ರೀಯ ಪಂದ್ಯದಲ್ಲಿ ಭಾರತದ ಎರಡನೇ ಅತ್ಯುತ್ತಮ ಬೌಲಿಂಗ್ ದಾಖಲೆಯನ್ನು ಮಾಡಿದ್ದಾರೆ. ಅವರು ಏಕದಿನ ಕ್ರಿಕೆಟ್ನಲ್ಲಿ ಜಂಟಿಯಾಗಿ ಅತಿ ವೇಗದ 5 ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ.
ಸಿರಾಜ್ ಅವರ ಆಕ್ರಮಣಕಾರಿ ಸ್ಪೆಲ್ 50 ಓವರ್ಗಳ ಸ್ವರೂಪದಲ್ಲಿ ಭಾರತೀಯ ಬೌಲರ್ ಒಬ್ಬರ ಅತ್ಯುತ್ತಮ ಪ್ರದರ್ಶನವಾಗಿದೆ. ಸ್ಟುವರ್ಟ್ ಬಿನ್ನಿ ಬಾಂಗ್ಲಾದೇಶ ವಿರುದ್ಧ 4 ರನ್ಗೆ ಗೆ 6 ವಿಕೆಟ್ ಪಡೆದು ವೃತ್ತಿಜೀವನದ ಅತ್ಯುತ್ತಮ ಸಾಧನೆ ಮಾಡಿದ್ದರು. ಇದೇ ವೇಳೆ ಸಿರಾಜ್ ಒಂದೇ ಓವರ್ನಲ್ಲಿ 4 ವಿಕೆಟ್ ಕಬಳಿಸಿದ ಮೊದಲ ಭಾರತೀಯ ವೇಗಿ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ.
Phenomenal win by India to bag the #AsianCup2023 It was #Siraj all the way . Devastating spell ! #INDvSL pic.twitter.com/iH9PusnKvY
— Amitabh Kant (@amitabhk87) September 17, 2023
ಮೊಹಮ್ಮದ್ ಸಿರಾಜ್ ಅಜಂತಾ ಮೆಂಡಿಸ್ ನಂತರ 50 ಏಕದಿನ ವಿಕೆಟ್ (ಕನಿಷ್ಠ ಎಸೆತಗಳನ್ನು ಬೌಲ್ ಮಾಡಿದ) ಪಡೆದ ಎರಡನೇ ವೇಗದ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಭಾರತದ ಪರ 10 ಬೌಲರ್ಗಳು ಆರು ವಿಕೆಟ್ಗಳ ಸಾಧನೆ ಮಾಡಿದ್ದಾರೆ, ಆಶಿಶ್ ನೆಹ್ರಾ ಏಕದಿನ ಅಂತಾರರಾಷ್ಟ್ರೀಯ ಪಂದ್ಯಗಳಲ್ಲಿ ಎರಡು ಬಾರಿ ಈ ಸಾಧನೆ ಮಾಡಿದ ಏಕೈಕ ಬೌಲರ್ ಆಗಿದ್ದಾರೆ.
ಭಾರತದ ಪರ ಏಕದಿನದಲ್ಲಿ ಶ್ರೇಷ್ಠ ಬೌಲಿಂಗ್ ಸಾಧನೆಗಳು
- ಸ್ಟುವರ್ಟ್ ಬಿನ್ನಿ: 4 ರನ್ಗಳಿಗೆ 6 ವಿಕೆಟ್ (2014, ಬಾಂಗ್ಲಾದೇಶ ವಿರುದ್ಧ, ಮೀರ್‌ಪುರ)
- ಅನಿಲ್ ಕುಂಬ್ಳೆ: 12 ರನ್ಗಳಿಗೆ 6 ವಿಕೆಟ್ (1993, ವೆಸ್ಟ್ ಇಂಡೀಸ್ ವಿರುದ್ಧ, ಕೋಲ್ಕೊತಾ)
- ಜಸ್‌ಪ್ರೀತ್ ಬುಮ್ರಾ: 19ಕ್ಕೆ 6 ವಿಕೆಟ್ (2022, ಇಂಗ್ಲೆಂಡ್ ವಿರುದ್ಧ, ಓವಲ್)
- ಮೊಹಮ್ಮದ್ ಸಿರಾಜ್: 21 ಕ್ಕೆ 6 ವಿಕೆಟ್ (2023, ಶ್ರೀಲಂಕಾ ವಿರುದ್ಧ, ಕೊಲಂಬೊ)
ಒಂದೇ ಓವರ್ನಲ್ಲಿ 4 ವಿಕೆಟ್ ಸಾಧನೆ
ಏಕದಿನ ಕ್ರಿಕೆಟ್ನಲ್ಲಿ ಓವರ್‌ವೊಂದರಲ್ಲಿ ನಾಲ್ಕು ವಿಕೆಟ್ ಕಬಳಿಸಿದ ಭಾರತದ ಮೊದಲ ಬೌಲರ್ ಎಂಬ ಖ್ಯಾತಿಗೂ ಸಿರಾಜ್ ಪಾತ್ರರಾಗಿದ್ದಾರೆ. ಸಿರಾಜ್ ತಮ್ಮ 2ನೇ ಓವರ್ನಲ್ಲಿ ಮೇಡನ್‌ ಸಹಿತ 4 ವಿಕೆಟ್ ಕಬಳಿಸಿದರು. ಅಲ್ಲದೆ 16 ಎಸೆತಗಳಲ್ಲೇ ಐದು ವಿಕೆಟ್ ಸಾಧನೆ ಮಾಡಿದರು. ಏಕದಿನ ಕ್ರಿಕೆಟ್ನಲ್ಲಿ ಭಾರತ ಇದೇ ಮೊದಲ ಬಾರಿಗೆ ಮೊದಲ 10 ಓವರ್ನಲ್ಲಿ ಎದುರಾಳಿ ತಂಡದ 6 ವಿಕೆಟ್ ಕಬಳಿಸುವಲ್ಲಿ ಯಶಸ್ವಿಯಾಗಿದೆ. 10 ಓವರ್ ಅಂತ್ಯಕ್ಕೆ ಲಂಕಾ ಆರು ವಿಕೆಟ್ ನಷ್ಟಕ್ಕೆ 31 ರನ್ ಗಳಿಸಿತ್ತು.
ಇದನ್ನೂ ಓದಿ : Asia Cup 2023 : ಭಾರತ ಏಷ್ಯಾ ಕಪ್ ಚಾಂಪಿಯನ್, 8ನೇ ಬಾರಿ ಟ್ರೋಫಿ ಎತ್ತಿದ ಟೀಮ್ ಇಂಡಿಯಾ
ಒಡಿಐ ಮಾದರಿಯ ಫೈನಲ್ ಒಂದರಲ್ಲಿ ಕನಿಷ್ಠ ಮೊತ್ತ
ಸಿರಾಜ್ ಉರಿಚೆಂಡಿಗೆ ನಲುಗಿದ ಶ್ರೀಲಂಕಾ 15.2 ಓವರ್‌ಗಳಲ್ಲಿ 50 ರನ್ಗೆ ಸರ್ವಪತನ ಕಂಡಿತು. ಇದು ಏಕದಿನ ಟೂರ್ನಿಯೊಂದರ ಫೈನಲ್‌ನಲ್ಲಿ ದಾಖಲಾದ ಕನಿಷ್ಠ ರನ್ಗಳಾಗಿದೆ. ಈ ಹಿಂದೆ 2000ನೇ ಇಸವಿಯಲ್ಲಿ ಶಾರ್ಜಾದಲ್ಲಿ ಶ್ರೀಲಂಕಾ ವಿರುದ್ಧವೇ ಭಾರತ 54 ರನ್ನಿಗೆ ಆಲೌಟ್ ಆಗಿತ್ತು.
ಭಾರತದ ವಿರುದ್ಧ ಏಕದಿನ ಕ್ರಿಕೆಟ್ನಲ್ಲಿ ತಂಡವೊಂದು ದಾಖಲಿಸಿದ ಕನಿಷ್ಠ ಮೊತ್ತ ಕೂಡ ಇದಾಗಿದೆ. ಈ ಹಿಂದೆ 2014ರಲ್ಲಿ ಬಾಂಗ್ಲಾದೇಶ ತಂಡವನ್ನು ಭಾರತ 58 ರನ್ನಿಗೆ ಆಲೌಟ್ ಮಾಡಿತ್ತು. ಏಕದಿನ ಕ್ರಿಕೆಟ್ನಲ್ಲಿ ಶ್ರೀಲಂಕಾ ತಂಡದ ಬಾರಿಸಿದ 2ನೇ ಅತಿ ಕಡಿಮೆ ಮೊತ್ತ ಇದಾಗಿದೆ. 2012ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ 43 ರನ್ಗೆ ಆಲೌಟ್ ಆಗಿತ್ತು.
ಐಸಿಸಿ ಪೂರ್ಣ ಸದಸ್ಯ ತಂಡಗಳ ಪೈಕಿ ಜಿಂಬಾಬ್ಬೆ ಬಳಿಕ ಅತಿ ಕಡಿಮೆ ಓವರ್‌ಗಳಲ್ಲಿ ಆಲೌಟ್ ಆದ ತಂಡ ಎಂಬ ಅಪಖ್ಯಾತಿಗೂ ಲಂಕಾ ಒಳಗಾಗಿದೆ. ಶ್ರೀಲಂಕಾ ಕೇವಲ 15.2 ಓವರ್‌ಗಳಲ್ಲಿ ಆಲೌಟಾಯಿತು. ಈ ಹಿಂದೆ 2017ರಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಜಿಂಬಾಬ್ಬೆ 13.5 ಓವರ್‌ಗಳಲ್ಲಿ ಸರ್ವಪತನ ಕಂಡಿತ್ತು.