ಅಹಮದಾಬಾದ್: ಎಂ.ಎಸ್.ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ 2023ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2023) ಫೈನಲ್ನಲ್ಲಿ ಕಳೆದ ಬಾರಿಯ ಚಾಂಪಿಯನ್ ಗುಜರಾತ್ ಟೈಟನ್ಸ್ ವಿರುದ್ಧ ಸೆಣಿಸಿ ಐದು ವಿಕೆಟ್ ಗೆಲುವು ಸಾಧಿಸಿ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಈ ಮೂಲಕ ಮಹೇಂದ್ರ ಸಿಂಗ್ ಧೋನಿ ಪಡೆ ಮುಂಬೈ ಇಂಡಿಯನ್ಸ್ ಹೊಂದಿದ್ದ ಐದು ಐಪಿಎಲ್ ಪ್ರಶಸ್ತಿಗಳ ದಾಖಲೆಯನ್ನು ಸರಿಗಟ್ಟಿದೆ.
14 ವರ್ಷಗಳ ಇತಿಹಾಸದಲ್ಲಿ ಐದನೇ ಬಾರಿಗೆ ಪ್ರಶಸ್ತಿ ಗೆದ್ದ ಸಿಎಸ್ಕೆ ತಂಡ 20 ಕೋಟಿ ರೂಪಾಯಿ, ರನ್ನರ್ ಅಪ್ ಸ್ಥಾನ ಪಡೆದ ಹಾರ್ದಿಕ್ ಪಾಂಡ್ಯ ಪಡೆಗೆ 12.5 ಕೋಟಿ ರೂ. ಕ್ವಾಲಿಫೈಯರ್ 2 ರಲ್ಲಿ ಜಿಟಿ ವಿರುದ್ಧ ಸೋತು ಮೂರನೇ ಸ್ಥಾನ ಪಡೆದ ಐದು ಬಾರಿಯ ಮಾಜಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ 7 ಕೋಟಿ ರೂ., ಕೃನಾಲ್ ಪಾಂಡ್ಯ ನೇತೃತ್ವದ ಲಕ್ನೋ ಸೂಪರ್ ಜೈಂಟ್ಸ್ (ಎಲ್ಎಸ್ಜಿ) ಕ್ವಾಲಿಫೈಯರ್ 1 ರಲ್ಲಿ ಸೋತ ನಂತರ 4 ನೇ ಸ್ಥಾನ ಪಡೆದ ನಂತರ 6.5 ಕೋಟಿ ರೂಪಾಯಿ ಬಹುಮಾನ ಪಡೆದುಕೊಂಡಿದೆ.
ಇದನ್ನೂ ಓದಿ : IPL 2023: ʼʼರಿಟೈರ್‌ ಆಗೋಕೆ ಸೂಕ್ತ ಸಮಯ, ಆದ್ರೆ…ʼʼ ಐಪಿಎಲ್ ಟ್ರೋಫಿ ಗೆದ್ದ ಬಳಿಕ ಧೋನಿ ಹೇಳಿದ್ದೇನು?
ಸೋಮವಾರ ನಡೆದ ಐಪಿಎಲ್ 2023 ರ ಫೈನಲ್ ಪಂದ್ಯದಲ್ಲಿ 39 ರನ್ಗಳಿಗೆ ಔಟ್ ಆದ ಗುಜರಾತ್ ತಂಡದ ಆರಂಭಿಕ ಬ್ಯಾಟರ್ ಶುಭ್ಮನ್ ಗಿಲ್ 17 ಪಂದ್ಯಗಳಲ್ಲಿ 890 ರನ್ ಗಳಿಸುವ ಮೂಲಕ ಐಪಿಎಲ್ ಆರೆಂಜ್ ಕ್ಯಾಪ್ ಗೆದ್ದ ಅತ್ಯಂತ ಕಿರಿಯ ಆಟಗಾರ ಎನಿಸಿಕೊಂಡರು. ಅವರು ಅದರಕ್ಕಾಗಿ 15 ಲಕ್ಷ ರೂಪಾಯಿ ಪಡೆದುಕೊಂಡರು. ಗುಜರಾತ್ ತಂಡದ ವೇಗಇ ಮೊಹಮ್ಮದ್ ಶಮಿ ಈ ಋತುವಿನ 17 ಪಂದ್ಯಗಳಲ್ಲಿ 28 ವಿಕೆಟ್ ಪಡೆಯುವ ಮೂಲಕ ಪರ್ಪಲ್ ಕ್ಯಾಪ್ ಪಡೆದರು. ಅವರಿಗೆ ೧೫ ಲಕ್ಷ ರೂಪಾಯಿ ದೊರೆಯಿತು. 21ನೇ ವಯಸ್ಸಿನಲ್ಲಿ 14 ಪಂದ್ಯಗಳಿಂದ 625 ರನ್ ಗಳಿಸಿದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ವ ರ್ಷದ ಉದಯೋನ್ಮುಖ ಆಟಗಾರ’ ಪ್ರಶಸ್ತಿಗೆ ಭಾಜನರಾಗಿದ್ದಾರೆ. ಅವರಿಗೆ 10 ಲಕ್ಷ ರೂಪಾಯಿ ದೊರಕಿತು.
ಐಪಿಎಲ್ 2023 ರ ಪ್ರಶಸ್ತಿ ವಿಜೇತರ ಪಟ್ಟಿ ಮತ್ತು ಬಹುಮಾನದ ಮೊತ್ತ
- ಫೈನಲ್ ಪಂದ್ಯದ ಸೂಪರ್ ಸ್ಟ್ರೈಕರ್: ಅಜಿಂಕ್ಯ ರಹಾನೆ (ಸಿಎಸ್ಕೆ) 1 ಲಕ್ಷ ರೂ.
- ಗೇಮ್ ಚೇಂಜರ್ ಆಫ್ ಮ್ಯಾಚ್: ಸಾಯಿ ಸುದರ್ಶನ್ (ಜಿಟಿ)- 1 ಲಕ್ಷ ರೂ.
- ಪಂದ್ಯದ ಅತ್ಯಂತ ಮೌಲ್ಯಯುತ ಆಟಗಾರ: ಸಾಯಿ ಸುದರ್ಶನ್ (ಜಿಟಿ) – 1 ಲಕ್ಷ ರೂ.
- ಫೈನಲ್ ಪಂದ್ಯದ ದೂರದ ಸಿಕ್ಸರ್: ಸಾಯಿ ಸುದರ್ಶನ್ (ಜಿಟಿ) – 1 ಲಕ್ಷ ರೂ.
- ಫೈನಲ್ ಪಂದ್ಯದ ಉತ್ತಮ ಕ್ಯಾಚ್: ಎಂಎಸ್ ಧೋನಿ (ಸಿಎಸ್ಕೆ) – 1 ಲಕ್ಷ ರೂ.
- ಫೈನಲ್ ಪಂದ್ಯದ ಪಂದ್ಯಶ್ರೇಷ್ಠ: ಡೆವೊನ್ ಕಾನ್ವೇ (ಸಿಎಸ್ಕೆ) – 5 ಲಕ್ಷ ರೂ.
ಐಪಿಎಲ್ 2023ರ ಆವೃತ್ತಿಯ ಪ್ರಶಸ್ತಿ ವಿಜೇತರ ಪಟ್ಟಿ ಇಲ್ಲಿದೆ
- ಐಪಿಎಲ್ 2023ರ ಉದಯೋನ್ಮುಖ ಆಟಗಾರ: ಯಶಸ್ವಿ ಜೈಸ್ವಾಲ್ (ರಾಜಸ್ಥಾನ್ ರಾಯಲ್ಸ್) – 10 ಲಕ್ಷ ರೂ.
- ಐಪಿಎಲ್ 2023ರ ಸೂಪರ್ ಸ್ಟ್ರೈಕರ್: ಗ್ಲೆನ್ ಮ್ಯಾಕ್ಸ್ವೆಲ್ (ಆರ್ಸಿಬಿ) – 10 ಲಕ್ಷ ರೂ.
- ಐಪಿಎಲ್ 2023ರ ಗೇಮ್ ಚೇಂಜರ್: ಶುಭ್ಮನ್ ಗಿಲ್ (ಜಿಟಿ) – 10 ಲಕ್ಷ ರೂ.
- ಐಪಿಎಲ್ 2023ರ ಮೌಲ್ಯಯುತ ಆಟಗಾರ: ಶುಭಮನ್ ಗಿಲ್ (ಜಿಟಿ) – 10 ಲಕ್ಷ ರೂ.
- ಐಪಿಎಲ್ 2023ರ ಅತಿ ದೂರದ ಸಿಕ್ಸರ್: ಫಾಫ್ ಡು ಪ್ಲೆಸಿಸ್ (ಆರ್ಸಿಬಿ) – 10 ಲಕ್ಷ ರೂ.
- ಋತುವಿನ ಅದ್ಭುತ ಕ್ಯಾಚ್: ರಶೀದ್ ಖಾನ್ (ಜಿಟಿ) – 10 ಲಕ್ಷ ರೂ.
- ಐಪಿಎಲ್ 2023ರ ಸರಣಿ ಶ್ರೇಷ್ಠ : ಶುಭ್ಮನ್ ಗಿಲ್ (ಜಿಟಿ) – 10 ಲಕ್ಷ ರೂ.
- ಟೂರ್ನಿಯ ನ್ಯಾಯಯುತ ತಂಡ ಪ್ರಶಸ್ತಿ – ಡೆಲ್ಲಿ ಕ್ಯಾಪಿಟಲ್ಸ್ (ಟ್ರೋಫಿ)
- ಆರೆಂಜ್ ಕ್ಯಾಪ್ ವಿಜೇತ: ಶುಭಮನ್ ಗಿಲ್ (ಜಿಟಿ) – 10 ಲಕ್ಷ ರೂ.
- ಪರ್ಪಲ್ ಕ್ಯಾಪ್ ವಿಜೇತ : ಮೊಹಮ್ಮದ್ ಶಮಿ (ಜಿಟಿ) – 10 ಲಕ್ಷ ರೂ.
- ಅತ್ಯುತ್ತಮ ಪಿಚ್ ಮತ್ತು ಮೈದಾನ: ಈಡನ್ ಗಾರ್ಡನ್ಸ್ ಮತ್ತು ವಾಂಖೆಡೆ ಕ್ರೀಡಾಂಗಣ- ತಲಾ 50 ಲಕ್ಷ ರೂ.
- ರನ್ನರ್ ಅಪ್ ತಂಡ: ಗುಜರಾತ್ ಟೈಟನ್ಸ್ – 12.5 ಕೋಟಿ ರೂ.
- ವಿಜೇತ ತಂಡ – ಚೆನ್ನೈ ಸೂಪರ್ ಕಿಂಗ್ಸ್ – 20 ಕೋಟಿ ರೂ.