ನವದೆಹಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ICC) ಪುರುಷರ ಟಿ 20 ವಿಶ್ವಕಪ್ 2024ನ (T20 World Cup 2024) ಅಧಿಕೃತ ಪ್ರಚಾರ ವೀಡಿಯೊವನ್ನು ಬಿಡುಗಡೆ ಮಾಡಿದೆ. ಇದು ಟೂರ್ನಿಯ 100 ದಿನಗಳ ಕ್ಷಣಗಣನೆಯ ಆರಂಭವನ್ನು ಸೂಚಿಸುತ್ತದೆ. ‘ಔಟ್ ಆಫ್ ದಿಸ್ ವರ್ಲ್ಡ್’ ಎಂಬ ಶೀರ್ಷಿಕೆಯ ವಿಡಿಯೊದಲ್ಲಿ ಟಿ 20 ಸೂಪರ್ಸ್ಟಾರ್ಗಳಾದ ಕ್ವಿಂಟನ್ ಡಿ ಕಾಕ್, ಕೀರನ್ ಪೊಲಾರ್ಡ್, ಮಾರ್ಕಸ್ ಸ್ಟೊಯಿನಿಸ್, ಶಾಹೀನ್ ಅಫ್ರಿದಿ ಮತ್ತು ಶುಭ್ಮನ್ ಗಿಲ್ ಇದ್ದಾರೆ.
Something Out Of This World is coming this June. 🏏☄️🌴🇺🇸
— ICC (@ICC) February 22, 2024
Get your tickets 👉 https://t.co/XgCKGHVck7#T20WorldCup pic.twitter.com/cfHy8Wc80M
ಈ ವಿಡಿಯೊವು ವೆಸ್ಟ್ ಇಂಡೀಸ್ ಮತ್ತು ಯುಎಸ್ಎಯಲ್ಲಿ ನಡೆದ ಟಿ 20 ವಿಶ್ವಕಪ್ ಪಂದ್ಯಗಳ ವಿವಿಧ ಸ್ಥಳಗಳನ್ನು ತೋರಿಸುತ್ತದೆ. ಪಂದ್ಯಾವಳಿಯ ಸುತ್ತಲಿನ ಉತ್ಸಾಹವನ್ನು ತೋರಿಸಿದೆ. ಜೂನ್ 1ರಿಂದ ಜೂನ್ 29 ರವರೆಗೆ ನಡೆಯಲಿರುವ ಬಹುನಿರೀಕ್ಷಿತ ಪಂದ್ಯಾವಳಿಗೆ ಕೇವಲ 100 ದಿನಗಳು ಉಳಿದಿದ್ದು, ವೆಸ್ಟ್ ಇಂಡೀಸ್ ಮತ್ತು ಯುಎಸ್ಎಯಲ್ಲಿ ನಡೆಯಲಿರುವ ಐಸಿಸಿ ಪುರುಷರ ಟಿ 20 ವಿಶ್ವಕಪ್ 2024 ರ ಉಳಿದ ಟಿಕೆಟ್ಗಳು ಈಗ ಸಾಮಾನ್ಯ ಮಾರಾಟಕ್ಕೆ ಲಭ್ಯವಿರುತ್ತವೆ.
ಫೆಬ್ರವರಿ 1 ರಂದು ಲೈವ್ ಆದ ಟಿಕೆಟ್ಗಳಿಗೆ ಅಭೂತಪೂರ್ವ ಬೇಡಿಕೆಯ ನಂತರ, ಈವೆಂಟ್ನ ಸಾಮಾನ್ಯ ಟಿಕೆಟ್ಗಳು ಫೆಬ್ರವರಿ 22, ಆಂಟಿಗುವಾ ಸ್ಟ್ಯಾಂಡರ್ಡ್ ಟೈಮ್ ಬೆಳಿಗ್ಗೆ 10 ಗಂಟೆಯಿಂದ ಟಿ 20 ವಿಶ್ವಕಪ್ ವೆಬ್ಸೈಟ್ನಲ್ಲಿ ಲಭ್ಯವಾಗಿಗಿದೆ. ಐಸಿಸಿ 161 ಕ್ಕೂ ಹೆಚ್ಚು ದೇಶಗಳಿಂದ 3 ಮಿಲಿಯನ್ ಟಿಕೆಟ್ ಅರ್ಜಿಗಳನ್ನು ಸ್ವೀಕರಿಸಿದೆ.
ಇದನ್ನೂ ಓದಿ : IPL 2024 : ಆರ್ಸಿಬಿ ತಂಡದ ವೇಳಾಪಟ್ಟಿ, ಪಂದ್ಯದ ವಿವರಗಳು ಇಲ್ಲಿವೆ
ಜೂನ್ನಲ್ಲಿ ನ್ಯೂಯಾರ್ಕ್ನಲ್ಲಿ ನಡೆಯಲಿರುವ ಭಾರತ ಮತ್ತು ಪಾಕಿಸ್ತಾನ ನಡುವಿನ ಎಲ್ಲಾ ಟಿ 20 ವಿಶ್ವಕಪ್ ಪಂದ್ಯಗಳಿಗೆ ಟಿಕೆಟ್ಗಳು ಪ್ರಸ್ತುತ ಲಭ್ಯವಿಲ್ಲ. ಟ್ರಿನಿಡಾಡ್ ಮತ್ತು ಟೊಬಾಗೊ ಮತ್ತು ಗಯಾನಾದಲ್ಲಿ ನಡೆಯುವ ಸೆಮಿಫೈನಲ್ ಪಂದ್ಯಗಳು ಮತ್ತು ಬಾರ್ಬಡೋಸ್ನಲ್ಲಿ ನಡೆಯುವ ಫೈನಲ್ ಪಂದ್ಯಗಳ ಟಿಕೆಟ್ಗೆ ಹೆಚ್ಚಿನ ಬೇಡಿಕೆ ಬಂದಿದೆ. ಆದಾಗ್ಯೂ, ವೆಸ್ಟ್ ಇಂಡೀಸ್ನಲ್ಲಿ ಇತರ ಎಲ್ಲಾ ಪಂದ್ಯಗಳ ಟಿಕೆಟ್ಗಳು ಖರೀದಿಗೆ ಲಭ್ಯವಿದೆ.
ರೋಮಾಂಚಕಾರಿ ಆಟ
ಐಸಿಸಿ ಪುರುಷರ ಟಿ 20 ವಿಶ್ವಕಪ್ 2024 ಒಂದು ರೋಮಾಂಚಕಾರಿ ಆಟವಾಗಿದೆ. ವಿಶ್ವದಾದ್ಯಂತದ ಅತ್ಯುತ್ತಮ ಟಿ 20 ಆಟಗಾರರು ಟ್ರೋಫಿಗಾಗಿ ಕಣಕ್ಕೆ ಇಳಿಯಲಿದ್ದಾರೆ. ಆಂಟಿಗುವಾ, ಬಾರ್ಬಡೋಸ್, ಗಯಾನಾ ಮತ್ತು ಟ್ರಿನಿಡಾಡ್ ಮತ್ತು ಟೊಬಾಗೊದಲ್ಲಿ ಪಂದ್ಯಗಳು ನಡೆಯಲಿವೆ. ಅದೇ ರೀತಿ ವೆಸ್ಟ್ ಇಂಡೀಸ್ ಮತ್ತು ಯುಎಸ್ಎ ನಲ್ಲೂ ಪಂದ್ಯಗಳು ಆಯೋಜನೆಗೊಂಡಿದೆ. ಕೇವಲ 100 ದಿನಗಳು ಬಾಕಿ ಇರುವಾಗ, ಅಭಿಮಾನಿಗಳು ಈಗ ಉಳಿದ ಪಂದ್ಯಗಳ ಟಿಕೆಟ್ ಖರೀದಿಯಲ್ಲಿ ಉತ್ಸಾಹ ತೋರಿದ್ದಾರೆ.