ಮುಂಬಯಿ: ಭಾರತ ಮತ್ತು ನ್ಯೂಜಿಲ್ಯಾಂಡ್(IND vs NZ) ತಂಡಗಳು ಬುಧವಾರ ನಡೆಯುವ ವಿಶ್ವಕಪ್ನ(ICC World Cup 2023) ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಇತ್ತಂಡಗಳು ಮುಖಾಮುಖಿಯಾಗುವಾಗ ನೆನಪಾಗುವುದು 2019ರಲ್ಲಿ ಧೋನಿ ರನೌಟ್(ms dhoni run out 2019) ಆಗಿ ಭಾರತದ ಫೈನಲ್ ಕನಸು ಕಮರಿ ಹೋದದ್ದು. ಇದೀಗ ನಾಲ್ಕು ವರ್ಷಗಳ ಬಳಿಕ ಮತ್ತೆ ಇತ್ತಂಡಗಳು ವಿಶ್ವಕಪ್ ಸೆಮಿಯಲ್ಲಿ ಸೆಣಸಾಡಲಿವೆ. ಅಂದಿನ ಪಂದ್ಯದ ಘಟನೆಯ ವಿಡಿಯೊವನ್ನು ಐಸಿಸಿ ಈ ಪಂದ್ಯಕ್ಕೂ ಮುನ್ನ ಮೆಲುಕು ಹಾಕಿದೆ. ಈ ವಿಡಿಯೊ ವೈರಲ್ ಆಗಿದೆ.
ಲೀಗ್ನಲ್ಲಿ ಅಮೋಘ ಪ್ರದರ್ಶನ
ಕ್ರಿಕೆಟ್ ಜನಕರ ನಾಡು ಲಂಡನ್ನಲ್ಲಿ ನಡೆದ ಈ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ವಿರಾಟ್ ಕೊಹ್ಲಿ ಸಾರಥ್ಯದಲ್ಲಿ ಕಣಕ್ಕಿಳಿದಿತ್ತು. ಲೀಗ್ ಹಂತದಲ್ಲಿ ಅಮೋಘ ಸಾಧನೆ ತೋರಿದ ಭಾರತ ಆಡಿದ 9 ಪಂದ್ಯಗಳ ಪೈಕಿ 7 ರಲ್ಲಿ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆಯಿತು. ರೋಹಿತ್ ಶರ್ಮ ಅವರು ವಿಶ್ವಕಪ್ ಇತಿಹಾಸದ ಆವೃತ್ತಿಯಯೊಂದರಲ್ಲೇ ಸರ್ವಾಧಿಕ 5 ಶತಕ ಬಾರಿಸಿದ್ದರು. ತಂಡ ಎಲ್ಲ ವಿಭಾಗದಲ್ಲೂ ಬಲಿಷ್ಠವಾಗಿತ್ತು. ಭಾರತದ ಪ್ರದರ್ಶನವನ್ನು ಕಂಡಾಗ ಎಲ್ಲ ಕ್ರಿಕೆಟ್ ಪಂಡಿತರು ಕೂಡ ಕೊಹ್ಲಿ ಪಡೆ ಕಪ್ ಗೆಲ್ಲುವುದರಲ್ಲಿ ಯಾವುದೇ ಅನುಮಾನ ಬೇಡ ಎಂದಿದ್ದರು. ಆದರೆ ಸೆಮಿಫೈನಲ್ನಲ್ಲಿ ಸಂಭವಿದ್ದೇ ಬೇರೆ, ಭಾರತದ ಫೈನಲ್ ಹಾದಿಗೆ ನ್ಯೂಜಿಲ್ಯಾಂಡ್ ಅಡ್ಡಗಾಲಿಕ್ಕಿತು.
ಇದನ್ನೂ ಓದಿ ICC World Cup 2023: ಸೆಮಿ ಪಂದ್ಯಗಳ ಅಂಪೈರ್ ಪಟ್ಟಿ, ಮಳೆ ನಿಯಮ ಹೀಗಿದೆ
ಮಳೆಯಿಂದ ಮೀಸಲು ದಿನ ಬ್ಯಾಟಿಂಗ್
ಅದು, ಮ್ಯಾಂಚೆಸ್ಟರ್‌ನಲ್ಲಿ ನಡೆದ ಮುಖಾಮುಖಿಯಾಗಿತ್ತು. ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲ್ಯಾಂಡ್ ತಂಡ 8ಕ್ಕೆ 239 ರನ್ ಗಳಿಸಿತು. ಭಾರತದ ಬ್ಯಾಟಿಂಗ್ ವೇಳೆ ಮಳೆ ಅಡ್ಡಿಪಡಿಸಿದ ಕಾರಣ ಪಂದ್ಯ ಮೀಸಲು ದಿನಕ್ಕೆ ಮುಂದುವರಿಯಿತು. ಮೀಸಲು ದಿನದಲ್ಲಿ ಭಾರತ ಗೆಲುವಿಗೆ 239 ರನ್ ಚೇಸಿಂಗ್‌ ಲಭಿಸಿತ್ತು. ಇನಿಂಗ್ಸ್ ಆರಂಭಗೊಂಡು 5 ರನ್ ಗಳಿಸುವಷ್ಟರಲ್ಲಿ 3 ವಿಕೆಟ್‌ ಕಳೆದುಕೊಂಡ ವಿರಾಟ್ ಕೊಹ್ಲಿ ಬಳಗಕ್ಕೆ ಭಾರೀ ಗಂಡಾಂತರ ಎದುರಾಗಿತ್ತು. ಆದರೆ ಮಹೇಂದ್ರ ಸಿಂಗ್ ಧೋನಿ ಮತ್ತು ರವೀಂದ್ರ ಜಡೇಜಾ ಸೇರಿಕೊಂಡು ಇನ್ನಿಂಗ್ಸ್‌ ಒಂದನ್ನು ಕಟ್ಟತೊಡಗಿದರು. ಶತಕದ ಜತೆಯಾಟ ದಾಖಲಾಯಿತು. ಭಾರತ ಗೆಲುವಿನ ಹಾದಿಗೆ ಮರಳುತ್ತಿತ್ತು. ಇದೇ ವೇಳೆ ಜಡೇಜಾ ನಿರ್ಗಮನ. ಆ ಬಳಿಕವೂ ಧೋನಿ ಹೋರಾಟವನ್ನು ಜಾರಿಯಲ್ಲಿರಿಸಿದ್ದರು.
ಗೆಲುವು ಕಸಿದ ಗಪ್ಟಿಲ್
49ನೇ ಓವರ್‌ನಲ್ಲಿ ಧೋನಿ ಅರ್ಧ ಶತಕ ಪೂರೈಸಿದರು. ಧೋನಿ ಸ್ಟ್ರೈಕ್ನಲ್ಲಿರುವವರೆಗೆ ಭಾರತಕ್ಕೆ ಗೆಲುವ ಖಚಿತ ಎಂದು ಎಲ್ಲ ಭಾರತೀಯರು ನಂಬಿದ್ದರು. ಆದರೆ ಎರಡು ರನ್ ಓಡುವಾಗ ಮಾರ್ಟಿನ್‌ ಗಪ್ಟಿಲ್ ಅವರ ಡೈರೆಕ್ಟ್‌ ಥ್ರೋ ಧೋನಿಯನ್ನು ರನೌಟ್ ಮಾಡಿತು. ಅಲ್ಲಿಗೆ ಭಾರತದ ಫೈನಲ್ ಕನಸು ಕಮರಿ ಹೋಯಿತು. ಧೋನಿ ಕಣ್ಣೀರು ಸುರಿಸುತ್ತಾ ಪೆವಿಲಿಯನ್‌ ಕಡೆಗೆ ನಡೆದರು. ಡಗ್ಔಟ್ನಲ್ಲಿದ್ದ ರೋಹಿತ್ ಶರ್ಮ, ವಿರಾಟ್ ಕೊಹ್ಲಿ ಸೇರಿ ಎಲ್ಲ ಆಟಗಾರರು ಕೂಡ ಕಣ್ಣೀರು ಕಾಹಿದರು. ಅತ್ತ ಸ್ಟೇಡಿಯಂನಲ್ಲಿ ನೀರವ ಮೌನ ಉಂಡಾಯಿತು. ಎಲ್ಲ ಭಾರತೀಯಕರು ಕೂಡ ಸೋಲಿನ ಬೇಸರದಲ್ಲಿ ಗಪ್ಟಿಲ್ಗೆ ಹಿಡಿ ಶಾಪ ಹಾಕುತ್ತ ಸ್ಟೇಡಿಯಂನಿಂದ ಹೊರ ನಡೆದರು. ಭಾರತ 18 ರನ್ಗಳ ಸೋಲು ಕಂಡಿತು.
ಇದನ್ನೂ ಓದಿ IND vs NZ: ಮುಂದಿದೆ ಟೇಬಲ್ ಟಾಪ್ ಕಂಟಕ; ಪಾರಾದೀತೇ ಭಾರತ?
Two Teams To Give It All 🏌️💥
— MersalRagu 🤍🌴 (@MersalRagu19) November 13, 2023
It's Revenge time #TeamIndia 🤩🔥#WorldCup2023 #Semifinals #INDvNZ #WorldCup2023india pic.twitter.com/HS00Kb8dSI
ಮತ್ತೆ ಎದುರಾಳಿ
4 ವರ್ಷಗಳ ಬಳಿಕ ಮತ್ತೆ ಭಾರತ ಮತ್ತು ನ್ಯೂಜಿಲ್ಯಾಂಡ್ ಸೆಮಿಫೈನಲ್ ಮುಖಾಮುಖಿಯಾಗುತ್ತಿವೆ. ಪಂದ್ಯ ಆರಂಭಕ್ಕೂ ಮುನ್ನವೇ ಭಾರತೀಯ ಕ್ರಿಕೆಟ್ ಅಭಿಮಾನಿಗಳಲ್ಲಿ ಆತಂಕ ಮೂಡಿದೆ. ಎಲ್ಲರ ಬಾಯಲ್ಲೂ ಕೂಡ ಇದೇ ಮಾತು, ಪ್ರತಿ ಬಾರಿಯೂ ಭಾರತದ ಗೆಲುವಿಗೆ ಅಡ್ಡಗಾಲಿಡುವ ಕಿವೀಸ್ ಅಪಾಯಕಾರಿ ಎನ್ನುವುದು. ಕಳೆದ 20 ವರ್ಷಗಳಿಂದ ಕಿವೀಸ್ ವಿರುದ್ಧ ಐಸಿಸಿ ಟೂರ್ನಿಯಲ್ಲಿ ಗೆಲುವು ಸಾಧಿಸದಿದ್ದ ಭಾರತ ಲೀಗ್ ಪಂದ್ಯದಲ್ಲಿ ಗೆದ್ದು ಆತ್ಮವಿಶ್ವಾಸ ಹೆಚ್ಚಿಸಿಕೊಂಡಿದೆ. ಇದೇ ವಿಶ್ವಾಸದಲ್ಲಿ ಸೆಮಿಯಲ್ಲಿಯೂ ಬಗ್ಗುಬಡಿಯಲಿ ಎನ್ನುವುದು ನಮ್ಮೆಲ್ಲರ ಆಶಯವಾಗಿದೆ.
The man who fought with his heart in 2019 CWC SF vs New Zealand
— Kohlisexual 🇮🇳 (@Kohlisexual0511) November 14, 2023
Ravindra Jadeja 77(59) vs New Zealand 2019 ( Ball by Ball Highlights )#INDvsNZ #CWC23 pic.twitter.com/SoO7gq4Anm