Iftikhar Ahmed : ಅಂಕಲ್​ ಎಂದ ಅಭಿಮಾನಿ ವಿರುದ್ಧ ಪಾಕ್​ ಆಲ್​ರೌಂಡರ್​ ಗರಂ; ಇಲ್ಲಿದೆ ವೈರಲ್ ವಿಡಿಯೊ

ವಿಸ್ತಾರ ನ್ಯೂಸ್​, ಬೆಂಗಳೂರು: ನ್ಯೂಜಿಲ್ಯಾಂಡ್​ ಹಾಗೂ ಪಾಕ್ ನಡುವಿನ ಎರಡನೇ ಟಿ20 ಪಂದ್ಯದ ವೇಳೆ ಬೌಂಡರಿ ಲೈನ್​ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದಾಗ ಅಭಿಮಾನಿಯೊಬ್ಬ ತಮ್ಮನ್ನು ‘ಚಾಚು’ (ಅಂಕಲ್​) ಎಂದು ಕರೆದಿದ್ದಕ್ಕೆ ಇಫ್ತಿಕಾರ್ ಅಹ್ಮದ್ ಕೋಪಗೊಂಡ ಘಟನೆ ನಡೆದಿದೆ. ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟಿ 20 ಪಂದ್ಯದಲ್ಲಿ ಪಾಕಿಸ್ತಾನ 21 ರನ್​ಗಳಿಂದ ಸೋತಿದೆ. ಈ ಮೂಲಕ ಸರಣಿಯಲ್ಲಿ 2-0 ಅಂತರದಿಂದ ಹಿಂದುಳಿದಿದೆ. ನ್ಯೂಜಿಲೆಂಡ್ ನೀಡಿದ 195 ರನ್​ಗಳ ಗುರಿಯನ್ನು ಬೆನ್ನಟ್ಟಲು ಮೆನ್ ಇನ್ ಗ್ರೀನ್ ವಿಫಲವಾಯಿತು. ಎರಡೂ ಟಿ 20 ಪಂದ್ಯಗಳಲ್ಲಿ ಬ್ಲ್ಯಾಕ್​ ಕ್ಯಾಪ್ಸ್​ ತಂಡ ಗೆಲುವಿಗೆ ಪಾತ್ರವಾಯಿತು.

See more

Iftikhar Ahmed got angry
When a fan called him "Chachu"
Dont call me "Chachu" iftkhar replied.#PAKvsNZ #NZvsPAK #NZvPAK#Iftimania #PakistanCricketTeam pic.twitter.com/G9DRBBWBxU

— Rizwan Babar Army (@RizwanBabarArmy) January 14, 2024

ಇಫ್ತಿಕಾರ್ ಅಹ್ಮದ್ ಅವರನ್ನು ಅಭಿಮಾನಿಗಳು ಪ್ರೀತಿಯಿಂದ ‘ಚಾಚು’ (ಅಂಕಲ್​) ಎಂದು ಕರೆಯುತ್ತಾರೆ. ಆದರೆ ಈ ಬಾರಿ ಅವರು ಅಭಿಮಾನಿ ಅಡ್ಡಹೆಸರಿನಿಂದ ಕರೆದಿದ್ದಕ್ಕಾಗಿ ಕೋಪಗೊಂಡರು. ಅಲ್ಲದೇ ಸುಮ್ಮನೆ ಕುಳಿತುಕೊಳ್ಳುವಂತೆ ಅಭಿಮಾನಿಗೆ ಗದರಿದರು.

ಇಫ್ತಿಕಾರ್ ಅಹ್ಮದ್ ಇತ್ತೀಚಿನ ದಿನಗಳಲ್ಲಿ ಉತ್ತಮ ಫಾರ್ಮ್​ನಲ್ಲಿಲ್ಲ. ಬ್ಯಾಟಿಂಗ್​ನಲ್ಲಿ ಹೆಣಗಾಡುತ್ತಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟಿ 20ಯಲ್ಲಿ 24 ರನ್ ಗಳಿಸಿ ಔಟಾಗಿದ್ದ ಅವರು ಎರಡನೇ ಟಿ20 ಯಲ್ಲಿ ಕೇವಲ 4 ರನ್ ಗಳಿಸಿದ್ದಾರೆ.

ವಿಡಿಯೊ ವೈರಲ್​

ತನ್ನನ್ನು ‘ಚಾಚು’ ಎಂದು ಕರೆದಿದ್ದಕ್ಕಾಗಿ ಇಫ್ತಿಕಾರ್ ಅಹ್ಮದ್ ಅಭಿಮಾನಿಯನ್ನು ಗದರಿಸುವ ವೀಡಿಯೊ ವೈರಲ್ ಆಗುತ್ತಿದೆ. ಏಕೆಂದರೆ ಅವರು ಅಭಿಮಾನಿಗೆ ‘ಖಮೋಶ್’ (ಮೌನ) ಎಂದು ಹೇಳುವುದು ವಿಡಿಯೊದಲ್ಲಿ ದಾಖಲಾಗಿದೆ. ಆ ವ್ಯಕ್ತಿ “ನಾನು ನಿಮ್ಮ ಅಭಿಮಾನಿ” ಎಂದು ಹೇಳುತ್ತಿರುವುದು ಕೇಳಿಸಿದೆ. ಇಫ್ತಿಕಾರ್ ಬೌಂಡರಿ ಲೈನ್​ಗೆ ಬಂದಾಗ ಅವರು ಖುಷಿಯಿಂದ ಕರೆದಿದ್ದರು. ಆದರೆ ಇಫ್ತಿಕಾರ್ ಅಹ್ಮದ್ ನಿರಂತರವಾಗಿ ‘ಚಾಚು’ ಎಂದು ಕರೆದಿದ್ದಕ್ಕೆ ಕೋಪಗೊಂಡರು. ಆ ರೀತಿಯ ಕಾಮೆಂಟ್​ ಮಾಡದಂತೆ ತರಾಟೆಗೆ ತೆಗೆದುಕೊಂಡರು.

ಇದನ್ನೂ ಓದಿ : KL Rahul : ಅದೃಷ್ಟಶಾಲಿ ಅಭಿಮಾನಿಯ ಮದುವೆಯಲ್ಲಿ ಸೆಲ್ಫಿ ತೆಗೆದುಕೊಂಡ ಕೆ. ಎಲ್ ರಾಹುಲ್​

ಇಫ್ತಿಕಾರ್ ಅಹ್ಮದ್ ಪಾಕಿಸ್ತಾನ ತಂಡದ ಹಿರಿಯ ಆಟಗಾರರಲ್ಲಿ ಒಬ್ಬರು. ಅವರು 2015ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪಾದಾರ್ಪಣೆ ಮಾಡಿದ್ದರು. 33 ವರ್ಷದ ಬ್ಯಾಟಿಂಗ್ ಆಲ್ರೌಂಡರ್ ಪಾಕಿಸ್ತಾನ ಪರ 51 ಟಿ20 ಮತ್ತು 28 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ. ನಾಲ್ಕು ಟೆಸ್ಟ್ ಪಂದ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರು ತಂಡದ ಪವರ್ ಹಿಟ್ಟರ್​ಗಳಲ್ಲಿ ಒಬ್ಬರು. ಇಫ್ತಿಖರ್ ಅಹ್ಮದ್ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್​​ನಲ್ಲಿ 131.77ರ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ.

ಕಳಪೆ ಫಾರ್ಮ್​

ಇಫ್ತಿಕಾರ್ ಅಹ್ಮದ್ ಬ್ಯಾಟ್ನೊಂದಿಗೆ ಕೆಟ್ಟ ಹಂತವನ್ನು ಎದುರಿಸುತ್ತಿದ್ದಾರೆ. ಬಾಬರ್ ಅಜಮ್ ಮತ್ತು ಇಮಾಮ್-ಉಲ್-ಹಕ್ ಅವರಂತಹ ಹೆಸರುಗಳನ್ನು ಒಳಗೊಂಡಂತೆ ಪಾಕಿಸ್ತಾನದ ಬಹಳಷ್ಟು ಬ್ಯಾಟರ್​ಗಳು ಅತ್ಯುತ್ತಮ ಫಾರ್ಮ್​ನಲ್ಲಿ ಇಲ್ಲ. ಇಮಾಮ್-ಉಲ್-ಹಕ್ ಅವರನ್ನು ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟೆಸ್ಟ್ ನಿಂದ ಕೈಬಿಡಲಾಯಿತು. ಮಾಜಿ ನಾಯಕ ಬಾಬರ್ ಅಜಮ್ ಇತ್ತೀಚೆಗೆ ನ್ಯೂಜಿಲೆಂಡ್ ವಿರುದ್ಧ ನಡೆಯುತ್ತಿರುವ ಟಿ20 ಐ ಸರಣಿಯಲ್ಲಿ ಸತತ ಎರಡು ಅರ್ಧಶತಕಗಳನ್ನು ಗಳಿಸುವ ಮೂಲಕ ಸ್ವಲ್ಪ ಸುಧಾರಣೆ ತೋರಿಸಿದ್ದಾರೆ.