ವಿಶಾಖಪಟ್ಟಣ: ಭಾರತ ವಿರುದ್ಧದ ಮೊದಲ ಟಿ20(IND vs AUS T20) ಪಂದ್ಯದಲ್ಲಿ ವಿಸ್ಫೋಟಕ ಬ್ಯಾಟಿಂಗ್ ನಡೆಸಿದ ಜೋಶ್ ಇಂಗ್ಲಿಸ್(110) ಶತಕ ಬಾರಿಸಿ ಮಿಂಚಿದ್ದಾರೆ. ಇವರ ಈ ಶತಕದ ನೆರವಿನಿಂದ ಆಸ್ಟ್ರೇಲಿಯಾ 208 ರನ್ ಗಳಿಸಿ ಭಾರತಕ್ಕೆ ಸವಾಲೊಡ್ಡಿದೆ. ಭಾರತ ಗೆಲುವಿಗೆ 209 ರನ್ ಬಾರಿಸಬೇಕಿದೆ.
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆಹ್ವಾನ ಪಡೆದ ಆಸ್ಟ್ರೇಲಿಯಾ ಆರಂಭದಿಂದಲೇ ಆಕ್ರಮಣಕಾರಿ ಬ್ಯಾಟಿಂಗ್ ನಡೆಸಿ ನಿಗದಿತ 20 ಓವರ್ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು 208 ರನ್ ಗಳಿಸಿದೆ.
Josh Inglis light up Vizag with a 47-ball century 🤯
— Sport360° (@Sport360) November 23, 2023
The world champions are having fun in the opening T20I 🔥#INDvAUS pic.twitter.com/faJUAQiT43
ಜೋಶ್ನಿಂದ ಬ್ಯಾಟಿಂಗ್ ನಡೆಸಿದ ಜೋಶ್ ಇಂಗ್ಲಿಸ್
ದ್ವಿತೀಯ ಕ್ರಮಾಂಕದಲ್ಲಿ ಆಡಲಿಳಿದ ಜೋಶ್ ಇಂಗ್ಲಿಸ್ ಫುಲ್ ಜೋಶ್ನಿಂದಲೇ ಬ್ಯಾಟಿಂಗ್ ನಡೆಸಿ ಭಾರತೀಯ ಬೌಲರ್ಗಳ ಎಸೆತಗಳನ್ನು ದಿಕ್ಕಾಪಾಲಾಗಿಸಿದರು. ಕನ್ನಡಿಗ ಪ್ರಸಿದ್ಧ್ ಕೃಷ್ಣ ಅವರಂತು ಸರಿಯಾಗಿಯೇ ದಂಡಿಸಿಕೊಂಡರು. ಓವರ್ಗೆ ಕನಿಷ್ಠ 4 ಬೌಂಡರಿ ಮತ್ತು ಒಂದೆರಡು ಸಿಕ್ಸರ್ ಹೊಡೆಸಿಕೊಂಡರು. ಜಿದ್ದಿಗೆ ಬಿದ್ದವರಂತೆ ಬ್ಯಾಟ್ ಬೀಸಿದ ಸ್ಟೀವನ್ ಸ್ಮಿತ್ ಮತ್ತು ಜೋಶ್ ಇಂಗ್ಲಿಸ್ ಕಡಿಮೆ ಎಸೆತಗಳಿಂದ ಅರ್ಧಶತಕ ಪೂರೈಸಿದರು.
Josh Inglis was Flopped in whole wc Just to Score Century against Endia in paan Bahar trophy 😭 pic.twitter.com/zGO2VbtvKS
— 🇵🇰JACKIE/ BA56 Forever👑 (@TahreemZero) November 23, 2023
ಅನುಭವಿ ಆಟಗಾರರ ಅನುಪಸ್ಥಿತಿ ಈ ಪಂದ್ಯದಲ್ಲಿ ಎದ್ದು ಕಾಣುತ್ತಿತ್ತು. ಯಂಗ್ ಟೀಮ್ ಇಂಡಿಯಾ ಆಟಗಾರರು ಹಲವು ಫೀಲ್ಡಿಂಗ್ ತಪ್ಪುಗಳನ್ನು ಮಾಡಿ ಕೈ ಸುಟ್ಟುಕೊಂಡರು, ಕ್ಯಾಚ್ ಮತ್ತು ಸುಲಭದ ರನೌಟ್ ಅವಕಾಶವನ್ನು ಕೈಚೆಲ್ಲಿದರು. ಇದರಿಂದ ಜೀವದಾನ ಪಡೆದ ಇಂಗ್ಲಿಸ್ ಶತಕ ಬಾರಿಸಿ ಆಸೀಸ್ ಬೃಹತ್ ಮೊತ್ತಕ್ಕೆ ಕಾರಣವಾದರು.
Josh Inglis equals Australia's fastest-ever Men's T20I century in Visakhapatnam 🔥#INDvAUS pic.twitter.com/9SGWO7iP93
— ICC (@ICC) November 23, 2023
ದ್ವಿತೀಯ ವಿಕೆಟ್ಗೆ ಸ್ಮಿತ್ ಮತ್ತು ಇಂಗ್ಲಿಸ್ ಸೇರಿಕೊಂಡು 130ರನ್ ಜತೆಯಾಟ ನಡೆಸಿದರು. ಅರ್ಧಶತಕ ಬಾರಿಸಿದ ಬಳಿಕ ಸ್ಮಿತ್ ಅವರು ರನೌಟ್ ಆದರು. ಆದರೆ ಇಂಗ್ಲಿಸ್ ಮಾತ್ರ ತಮ್ಮ ಬ್ಯಾಟಿಂಗ್ ಪರಾಕ್ರಮವನ್ನು ಮುಂದುವರಿಸಿ ಭಾರತೀಯ ಬೌಲರ್ಗಳಿಗೆ ಕಾಡಿದರು. ಕೇವಲ 47 ಎಸೆತಗಳಿಂದ ಶತಕ ಪೂರ್ತಿಗೊಳಿಸಿದರು.
ರವಿ ಬಿಷ್ಣೊಯಿ ಅವರು ನಾಲ್ಕು ಓವರ್ ಎಸೆದು 54 ರನ್ ಬಿಟ್ಟುಕೊಟ್ಟು ಒಂದು ವಿಕೆಟ್ ಪಡೆದರು. ಗಾಯಗೊಂಡು ವಿಶ್ವಕಪ್ ಟೂರ್ನಿಯಿಂದ ಅಂತಿಮ ಕ್ಷಣದಲ್ಲಿ ಹೊರಬಿದಿದ್ದ ಅಕ್ಷರ್ ಪಟೇಲ್ ಅವರು 32 ರನ್ ಬಿಟ್ಟುಕೊಟ್ಟು ವಿಕೆಟ್ ಲೆಸ್ ಎನಿಸಿಕೊಂಡರು. ಆರಂಭಿಕ ಮೂರು ಓವರ್ಗಳಲ್ಲಿ 43 ರನ್ ಬಿಟ್ಟುಕೊಟ್ಟ ಪ್ರಸಿದ್ಧ್ ಕೃಷ್ಣ ತಮ್ಮ ಅಂತಿಮ ಓವರ್ನಲ್ಲಿ ಡೇಂಜಸರ್ ಇಂಗ್ಲಿಸ್ ಅವರ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ಸ್ಲೋ ಬಾಲ್ಗೆ ಸಿಕ್ಸರ್ ಬಾರಿಸುವ ಯತ್ನದಲ್ಲಿ ಎಡವಿದ ಇಂಗ್ಲಿಸ್ ಬೌಂಡರಿ ಲೈನ್ನಲ್ಲಿ ಯಶಸ್ವಿ ಜೈಸ್ವಾಲ್ಗೆ ಕ್ಯಾಚ್ ನೀಡಿದರು.
ಇದನ್ನೂ ಓದಿ ‘ಸೋಲಿನ ನೋವು ಇನ್ನೂ ಕಾಡುತ್ತಿದೆ’; ಭಾವನಾತ್ಮಕ ಪೋಸ್ಟ್ ಮಾಡಿದ ರಾಹುಲ್
Suryakumar Yadav reaction after watching Josh Inglis batting. Insane batting by Inglis !#JioCinema | #indvsauspic.twitter.com/bLRhtp4RrU
— Haroon 🏏🌠 (@Haroon_HMM) November 23, 2023
50 ಎಸೆತ ಎದುರಿಸಿದ ಇಂಗ್ಲಿಸ್ ಸೊಗಸಾದ 8 ಸಿಕ್ಸರ್ ಮತ್ತು 11 ಬೌಂಡರಿ ನೆರವಿನಿಂದ 110 ರನ್ ಬಾರಿಸಿದರು. ಸ್ಟೀವನ್ ಸ್ಮಿತ್ 41 ಎಸೆತಗಳಿಂದ 8 ಬೌಂಡರಿ ಬಾರಿಸಿ 52 ರನ್ ಗಳಿಸಿದರು. ಆರಂಭಕಾರ ಮ್ಯಾಥ್ಯೂ ಶಾರ್ಟ್ 13 ರನ್ ಗಳಿಸಿದರು. ಅಂತಿಮ ಹಂತದಲ್ಲಿ ಟಿಮ್ ಡೇವಿಡ್ ಅಜೇಯ 19 ರನ್ ಗಳಿಸಿ ತಂಡದ ಮೊತ್ತವನ್ನು 200ಕ್ಕೇರಿಸಿದರು. ಸ್ಟೋಯಿನಿಸ್ 7 ರನ್ ಗಳಿಸಿ ಅಜೇಯರಾಗಿ ಉಳಿದರು.