ಬ್ಲೋಮ್‌ಫಾಂಟೀನ್‌: ಅಂಡರ್‌-19 ಏಕದಿನ ವಿಶ್ವಕಪ್‌ ಕ್ರಿಕೆಟ್‌(ICC Under 19 World Cup 2024) ಟೂರ್ನಿಯಲ್ಲಿ ಹಾಲಿ ಚಾಂಪಿಯನ್‌ ಭಾರತ(IND vs BAN U19) ಗೆಲುವಿನ ಶುಭಾರಂಭ ಕಂಡಿದೆ. ಶನಿವಾರ ನಡೆದ ಪಂದ್ಯದಲ್ಲಿ ಬಾಂಗ್ಲಾದೇಶ ವಿರುದ್ಧ 84 ರನ್ಗಳ ಗೆಲುವು ಸಾಧಿಸಿದೆ. ಸೌಮಿ ಪಾಂಡೆ( 4 ವಿಕೆಟ್), ಆದರ್ಶ್ ಸಿಂಗ್(76) ಭಾರತ ಗೆಲುವಿನ ಹೀರೊಗಳಾಗಿ ಮೂಡಿ ಬಂದರು.
ಶನಿವಾರ ಇಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಭಾರತ ನಿಗದಿತ 50 ಓವರ್ಗಳಲ್ಲಿ 7 ವಿಕೆಟ್ಗೆ 251 ರನ್ ಬಾರಿಸಿತು. ಜವಾಬಿತ್ತ ಬಾಂಗ್ಲಾದೇಶ ಆರಂಭದಿಂದಲೇ ಸತತ ವಿಕೆಟ್ ಕಳೆದುಕೊಂಡು 45.5 ಓವರ್ಗಳಲ್ಲಿ 167 ರನ್ಗೆ ಸರ್ವಪತನ ಕಂಡಿತು.
Congratulations to Team India U19 for winning against Bangladesh U19 by 84 runs in the ICC U19 World Cup, marking the beginning of their campaign with an impressive start. Saumy Pandey taking four wickets was a standout moment in this impressive triumph. pic.twitter.com/NoUPo9TyRK
— Jay Shah (@JayShah) January 20, 2024
ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ಆರಂಭಿಕ ಆಘಾತ ಎದುರಿಸಿತು. ಅರ್ಶಿನ್‌ ಕುಲಕರ್ಣಿ(7) ಮತ್ತು ಮುಶೀರ್‌ ಖಾನ್‌(3) ವಿಕೆಟ್ ಕಳೆದುಕೊಂಡಿತು. ಆದರೆ, ಆತ್ಮವಿಶ್ವಾಸ ಕಳೆದುಕೊಳ್ಳದ ಆದರ್ಶ್ ಸಿಂಗ್ ಮತ್ತು ನಾಯಕ ಉದಯ್‌ ಸಹಾರಣ್‌ ಬಾಂಗ್ಲಾ ಬೌಲರ್ಗಳನ್ನು ಸಮರ್ಥವಾಗಿ ಎದುರಿಸಿ ತಂಡವನ್ನು ಮೇಲೆತ್ತಿದರು. ಉಭಯ ಆಟಗಾರರು ಅರ್ಧಶತಕ ಬಾರಿಸಿ ಮಿಂಚಿದರು.
ಆದರ್ಶ್ ಮತ್ತು ಸಹಾರಣ್‌ ಜೋಡಿ ಸೇರಿಕೊಂಡು ಮೂರನೇ ವಿಕೆಟ್ಗೆ 116 ರನ್ ರಾಶಿ ಹಾಕಿದರು. 96 ಎಸೆತ ಎದುರಿಸಿದ ಆದರ್ಶ್ 6 ಬೌಂಡರಿ ನೆರವಿನಿಂದ 76 ರನ್ ಬಾರಿಸಿದರೆ, ಸಹಾರಣ್‌ 4 ಬೌಂಡರಿ ಸಹಾಯದಿಂದ 64 ರನ್ ಬಾರಿಸಿದರು. ಈ ಜೋಡಿಯ ವಿಕೆಟ್ ಪತನದ ಬಳಿಕ ಕ್ರೀಸ್ಗಿಳಿದ ಪ್ರಿಯಾಂಶು ಮೋಲಿಯಾ(23), ಎ. ಅವನೀಶ್‌ ರಾವ್‌(23) ಮತ್ತು ಸಚಿನ್‌ ದಾಸ್‌(26) ರನ್ ಬಾರಿಸಿ ತಂಡದ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.
For his solid 76-run opening act, Adarsh Singh is adjudged the Player of the Match 👏👏
— BCCI (@BCCI) January 20, 2024
India U19 win their opening game of #U19WorldCup by 84 runs.
Scorecard ▶️ https://t.co/DFqdZaYujm#BoysInBlue | #BANvIND pic.twitter.com/DdQ1l2mfUP
ಗುರಿ ಬೆನ್ನಟ್ಟಿದ ಬಾಂಗ್ಲಾದೇಶ ಕೂಡ ಭಾರತದಂತೆ ಆರಂಭಿಕ ಆಘಾತ ಎದುರಿಸಿತು. 50 ರನ್ಗೆ ಪ್ರಮುಖ 4 ವಿಕೆಟ್ ಕಳೆದುಕೊಂಡಿತು. ಆದರೆ, 5ನೇ ವಿಕೆಟ್ಗೆ ಜತೆಯಾದ ಅರಿಫುಲ್ ಇಸ್ಲಾಂ ಮತ್ತು ಮೊಹಮ್ಮದ್ ಶಿಹಾಬ್ ಜೇಮ್ಸ್ ಸಮಯೋಚಿತ ಬ್ಯಾಟಿಂಗ್ ಮೂಲಕ ಸಣ್ಣ ಹೋರಾಟವೊಂದನ್ನು ಜಾರಿಯಲ್ಲಿರಿಸಿದರು. ಈ ಜೋಡಿ 77 ರನ್ಗಳ ಜತೆಯಾಟ ನಡೆಸಿತು. ಉಭಯ ಆಟಗಾರರ ವಿಕೆಟ್ ಪತನದ ಬಳಿಕ ನಾಟಕೀಯ ಕುಸಿತ ಕಂಡ ಬಾಂಗ್ಲಾ ಅಂತಿಮವಾಗಿ 84 ರನ್ಗಳ ಸೋಲಿಗೆ ತುತ್ತಾಯಿತು.
ಇದನ್ನೂ ಓದಿ IND vs ENG: ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ಟೀಮ್ ಇಂಡಿಯಾದ ದಾಖಲೆ ಹೇಗಿದೆ?
The #BoysInBlue start the #U19WorldCup Campaign with a win 🙌
— BCCI (@BCCI) January 20, 2024
Saumy Pandey finishes with a four-wicket haul as India U19 register a 84-run victory over Bangladesh U19 👏👏
Scorecard ▶️ https://t.co/DFqdZaZ28U#BoysInBlue | #U19WorldCup | #BANvIND pic.twitter.com/pzifFawsL7
ಪಂದ್ಯದುದ್ದಕ್ಕೂ ಇತ್ತಂಡಗಳ ಆಟಗಾರರು ಲಾಲು ಕರೆದುಕೊಂಡು ಜಗಳವಾಡಿದ್ದು ಕಂಡು ಬಂದು. ಹಲವು ಬಾರಿ ಅಂಫೈರ್ ಮಧ್ಯ ಪ್ರವೇಶಿಸಿ ಆಟಗಾರರನ್ನು ಸಮಧಾನ ಪಡೆಸಿದರು. ಭಾರತ ಪರ ಘಾತಕ ಬೌಲಿಂಗ್ ಪ್ರದರ್ಶನ ತೋರಿದ ಸೌಮಿ ಪಾಂಡೆ 9.5 ಓವರ್ ಎಸೆದು 24 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಕಿತ್ತರು. ಮುಶೀರ್‌ ಖಾನ್‌ 2 ವಿಕೆಟ್ ಪಡೆದರು. ಬಾಂಗ್ಲಾ ಪರ ಮರುಫ್ ಮೃಧ 5 ವಿಕೆಟ್ ಉರುಳಿಸಿದರು.