ಧರ್ಮಶಾಲಾ: ಇಂಗ್ಲೆಂಡ್ ವಿರುದ್ಧ ಇಲ್ಲಿ ಸಾಗುತ್ತಿರುವ ಅಂತಿಮ ಟೆಸ್ಟ್ನಲ್ಲಿ(IND vs ENG 5th Test) ಭಾರತ ಸದ್ಯ ಹಿಡಿತ ಸಾಧಿಸಿದೆ. ಮೊದಲ ಇನಿಂಗ್ಸ್ನಲ್ಲಿ 1 ವಿಕೆಟ್ ನಷ್ಟಕ್ಕೆ 135 ರನ್ ಗಳಿಸಿ ದ್ವಿತೀಯ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ. ಇಂಗ್ಲೆಂಡ್ನ ಮೊದಲ ಇನಿಂಗ್ಸ್ ಮೊತ್ತವನ್ನು ಬೆನ್ನಟ್ಟಲು ಇನ್ನು 83 ರನ್ ಅಗತ್ಯವಿದೆ.
ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂನಲ್ಲಿ ಗುರುವಾರ ಆರಂಭಗೊಂಡ ಈ ಟೆಸ್ಟ್ನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್, ಭೋಜನ ವಿರಾಮದವರೆಗೆ ಕೇವಲ 2 ವಿಕೆಟ್ಗೆ 100ರ ಗಡಿ ದಾಟಿ ಉತ್ತಮ ಸ್ಥಿತಿಯಲ್ಲಿತ್ತು. ಆ ಬಳಿಕ ಹಠಾತ್ ಕುಸಿತ ಕಂಡು 218 ರನ್ ಗಳಿಗೆ ಸರ್ವಪತನ ಕಂಡಿತು. ಗುರಿ ಬೆನ್ನಟ್ಟುತ್ತಿರುವ ಭಾರತ, ಯಶಸ್ವಿ ಜೈಸ್ವಾಲ್ ಮತ್ತು ರೋಹಿತ್ ಶರ್ಮಾ ಅವರ ಅಜೇಯ ಅರ್ಧಶತಕ ನೆರವಿನಿಂದ 1 ವಿಕೆಟ್ಗೆ 135 ರನ್ ಗಳಿಸಿದೆ.
Stumps on the opening day in Dharamsala! 🏔️#TeamIndia move to 135/1, trail by 83 runs.
— BCCI (@BCCI) March 7, 2024
Day 2 action will resume with Captain Rohit Sharma (52*) & Shubman Gill (26*) in the middle 💪
Scorecard ▶️ https://t.co/OwZ4YNtCbQ#INDvENG | @IDFCFIRSTBank pic.twitter.com/nhUXwzACi4
ಆಂಗ್ಲರ ಆಕ್ರಮಣಕಾರಿ ಬಾಜ್ ಬಾಲ್ ಶೈಲಿಯಲ್ಲೇ ಬ್ಯಾಟಿಂಗ್ ನಡೆಸಿದ ಜೈಸ್ವಾಲ್ 58 ಎಸೆತಗಳಿಂದ 57 ರನ್ ಗಳಿಸಿ ಅರ್ಧಶತಕ ಬಾರಿಸಿದರು. ಅವರ ಈ ಬಿರುಸಿನ ಬ್ಯಾಟಿಂಗ್ ಇನಿಂಗ್ಸ್ನಲ್ಲಿ 3 ಸಿಕ್ಸರ್ ಮತ್ತು 5 ಬೌಂಡರಿ ದಾಖಲಾಯಿತು. ಮೂರು ಸಿಕ್ಸರ್ ಶೋಯೆಬ್ ಬಶೀರ್ ಅವರ ಒಂದೇ ಓವರ್ನಲ್ಲಿ ಸಿಡಿಯಿತು. ರೋಹಿತ್ ಜತೆಗೂಡಿ ಮೊದಲ ವಿಕೆಟ್ಗೆ 104 ರನ್ ಒಟ್ಟುಗೂಡಿಸಿದರು. ಜೈಸ್ವಾಲ್ ಹಲವು ದಾಖಲೆಗಳನ್ನು ಕೂಡ ಈ ಪಂದ್ಯದಲ್ಲಿ ಬರೆದರು. ಸದ್ಯ ರೋಹಿತ್ ಶರ್ಮ ಅವರು 6 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಿಂದ 52*, ಶುಭಮನ್ ಗಿಲ್(26*) ಬಾರಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ.
ಉತ್ತಮ ಆರಂಭದ ಬಳಿಕ ಕುಸಿದ ಆಂಗ್ಲರು
ಮೊದಲು ಬ್ಯಾಟಿಂಗ್ ನಡೆಸಿದ ಇಂಗ್ಲೆಂಡ್ ಪರ ಆರಂಭಿಸಿದ ಜಾಕ್ ಕ್ರಾಲಿ ಮತ್ತು ಬೆನ್ ಡಕೆಟ್ ತಾಳ್ಮೆಯುತ ಬ್ಯಾಟಿಂಗ್ ನಡೆಸಿ ಉತ್ತಮ ರನ್ ಕಲೆ ಹಾಕಿದರು. ಕ್ರೀಸ್ನಲ್ಲಿ ಬೇರೂರಿದ್ದ ಈ ಜೋಡಿಯನ್ನು ಅಂತಿಮವಾಗಿ ಕುಲ್ದೀಪ್ ಬೇರ್ಪಡಿಸುವಲ್ಲಿ ಯಶಸ್ವಿಯಾದರು. ಶುಭಮನ್ ಗಿಲ್ ಅವರು ಹಿಮ್ಮುಖವಾಗಿ ಓಡಿ ಅತ್ಯಂತ ಕಷ್ಟದ ಕ್ಯಾಚೊಂದನ್ನು ಹಿಡಿಯುವ ಮೂಲಕ ಡಕೆಟ್ಗೆ ಪೆವಿಲಿಯನ್ ದಾರಿ ತೋರಿದರು. ಅವರ ಗಳಿಕೆ 27. ಕ್ರಾಲಿ ಮತ್ತು ಡಕೆಟ್ ಜೋಡಿ ಮೊದಲ ವಿಕೆಟ್ಗೆ 64 ರನ್ ಜತೆಯಾಟ ನಡೆಸಿತು.
ಜಾಕ್ ಕ್ರಾಲಿ ಅವರು 79 ರನ್ ಗಳಿಸಿ ಕುಲ್ದೀಪ್ ಎಸೆತದಲ್ಲಿ ಕ್ಲೀನ್ ಬೌಲ್ಡ್ ಆದರು. 100ನೇ ಟೆಸ್ಟ್ ಆಡುತ್ತಿರುವ ಜಾನಿ ಬೇರ್ಸ್ಟೋ ಬಡಬಡನೆ ಒಂದೆರಡು ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿದರೂ ಇದೇ ಆಟವನ್ನು ಮುಂದುವರಿಸುವಲ್ಲಿ ವಿಫಲರಾದರು. ತಲಾ 2 ಸಿಕ್ಸರ್ ಮತ್ತು ಬೌಂಡರಿ ನೆರವಿನಿಂದ 29ರನ್ಗೆ ಆಟ ಮುಗಿಸಿದರು.ಅನುಭವಿ ರೂಟ್ ಕೂಡ ಹೆಚ್ಚು ಹೊತ್ತು ಕ್ರೀಸ್ ಆಕ್ರಮಿಸಿಕೊಳ್ಳುವಲ್ಲಿ ಎಡವಿದರು. 26 ರನ್ ಗಳಿಸಿ ಜಡೇಜಾಗೆ ವಿಕೆಟ್ ಒಪ್ಪಿಸಿದರು. ಈ ವಿಕೆಟ್ ಪತನದ ಬಳಿಕ ಇಂಗ್ಲೆಂಡ್ ಕುಸಿತ ಆರಂಭಗೊಂಡಿತು. ನಾಯಕ ಬೆನ್ ಸ್ಟೋಕ್ಸ್ ಶೂನ್ಯಕ್ಕೆ ಔಟಾದರು. ಬೆನ್ ಫೋಕ್ಸ್ ಅಂತಿಮ ಕ್ಷಣದ ವರೆಗೆ ಹೋರಾಡಿದರೂ ಕೂಡ ಅವರಿಗೆ ಮತ್ತೊಂದು ತುದಿಯಲ್ಲಿ ಉತ್ತಮ ಸಾಥ್ ಸಿಗಲಿಲ್ಲ. 24 ರನ್ ಬಾರಿಸಿ ಅಶ್ವಿನ್Ravichandran Ashwin ಸ್ಪಿನ್ ಬಲೆಗೆ ಬಿದ್ದರು.
ವಿಶೇಷ ದಾಖಲೆ ಬರೆದ ಕುಲ್ದೀಪ್
ಕುಲ್ದೀಪ್ ಯಾದವ್ ಅವರು 4 ವಿಕೆಟ್ ಕೀಳುತಿದ್ದಂತೆ ಟೆಸ್ಟ್ನಲ್ಲಿ 50 ವಿಕೆಟ್ ಪೂರ್ತಿಗೊಳಿಸಿದರು. ಒಟ್ಟಾರೆಯಾಗಿ 5 ವಿಕೆಟ್ ಕಿತ್ತರು. ವಿಶೇಷ ಎಂದರೆ ಕುಲ್ದೀಪ್ ಅವರು 2017ರಲ್ಲಿ ಇಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಟೆಸ್ಟ್ ಪದಾರ್ಪಣೆ ಮಾಡಿದ್ದರು. ಇದೀಗ ಪದಾರ್ಪಣೆ ಮಾಡಿದ ಮೈದಾನದಲ್ಲಿಯೇ 50 ವಿಕೆಟ್ ಕೂಡ ಪೂರ್ತಿಗೊಳಿಸಿದರು. 100ನೇ ಟೆಸ್ಟ್ ಆಡಲಿಳಿದ ಅಶ್ವಿನ್ ಕೂಡ 51 ರನ್ ವೆಚ್ಚದಲ್ಲಿ 4 ವಿಕೆಟ್ ಉರುಳಿಸಿದರು. ಜಡೇಜಾ ಒಂದು ವಿಕೆಟ್ ಪಡೆದರು. ಇಲ್ಲಿಗೆ ಎಲ್ಲಾ 10 ವಿಕೆಟ್ ಕೂಡ ಸ್ಪಿನ್ನರ್ಗಳ ಪಾಲಾಯಿತು.