ಧರ್ಮಶಾಲಾ: ಚೈನಾಮನ್ ಖ್ಯಾತಿಯ ಸ್ಪಿನ್ ಬೌಲರ್ ಕುಲ್ದೀಪ್ ಯಾದವ್(5) ಮತ್ತು ಶತಕದ ಟೆಸ್ಟ್ ಆಡುತ್ತಿರುವ ಅಶ್ವಿನ್(4) ಅವರ ಸ್ಪಿನ್ ಬಲೆಗೆ ಬಿದ್ದ ಇಂಗ್ಲೆಂಡ್ ಅಂತಿಮ ಟೆಸ್ಟ್ನ(IND vs ENG 5th Test) ಮೊದಲ ಇನಿಂಗ್ಸ್ನಲ್ಲಿ 218 ರನ್ಗಳಿಗೆ ಸರ್ವಪತನ ಕಂಡಿದೆ. ಕುಲ್ದೀಪ್(kuldeep yadav) ಟೆಸ್ಟ್ನಲ್ಲಿ 50 ವಿಕೆಟ್ಗಳನ್ನು ಪೂರ್ತಿಗೊಸಿದ ಜತೆಗೆ ಒಟ್ಟು 5 ವಿಕೆಟ್ ಕಿತ್ತು ಮಿಂಚಿದರು.
ಹಿಮಾಲಯದ ತಪ್ಪಲಿನ ರಮಣೀಯ ತಾಣವಾದ ಧರ್ಮಶಾಲಾದಲ್ಲಿ ಇಂದು ಆರಂಭಗೊಂಡ ಈ ಟೆಸ್ಟ್ನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಇಂಗ್ಲೆಂಡ್ ಉತ್ತಮ ಆರಂಭ ಪಡೆದರೂ ಆ ಬಳಿಕ ಹಠಾತ್ ಕುಸಿತ ಕಂಡು 57.4 ಓವರ್ಗಳಲ್ಲಿ 218 ರನ್ಗೆ ಕುಸಿತ ಕಂಡಿತು.
Ravichandran Ashwin celebrates a century of brilliance 🤩
— ICC (@ICC) March 7, 2024
➡ https://t.co/E1y6IIGNcc#WTC25 | #INDvENG pic.twitter.com/y6wEOdyLsi
ಇನಿಂಗ್ಸ್ ಆರಂಭಿಸಿದ ಜಾಕ್ ಕ್ರಾಲಿ ಮತ್ತು ಬೆನ್ ಡಕೆಟ್ ಅವರು ಮೊದಲ ಸೆಸನ್ನಲ್ಲಿ ವಿಕೆಟ್ ಬೀಳದಂತೆ ತಾಳ್ಮೆಯುತ ಬ್ಯಾಟಿಂಗ್ ನಡೆಸಿದರು. ಕ್ರೀಸ್ನಲ್ಲಿ ಬೇರೂರಿದ್ದ ಈ ಜೋಡಿಯನ್ನು ಅಂತಿಮವಾಗಿ ಕುಲ್ದೀಪ್ ಬೇರ್ಪಡಿಸುವಲ್ಲಿ ಯಶಸ್ವಿಯಾದರು. ಶುಭಮನ್ ಗಿಲ್ ಅವರು ಹಿಮ್ಮುಖವಾಗಿ ಓಡಿ ಅತ್ಯಂತ ಕಷ್ಟದ ಕ್ಯಾಚೊಂದನ್ನು ಹಿಡಿಯುವ ಮೂಲಕ ಡಕೆಟ್ಗೆ ಪೆವಿಲಿಯನ್ ದಾರಿ ತೋರಿದರು. ಅವರ ಗಳಿಕೆ 27. ಕ್ರಾಲಿ ಮತ್ತು ಡಕೆಟ್ ಜೋಡಿ ಮೊದಲ ವಿಕೆಟ್ಗೆ 64 ರನ್ ಜತೆಯಾಟ ನಡೆಸಿತು.
R Ashwin's two quick wickets after Lunch ensure England are bowled out for 218 👊#WTC25 | #INDvENG 📝: https://t.co/dC1yQW2AdX pic.twitter.com/XoSBXaXzdJ
— ICC (@ICC) March 7, 2024
ಜಾಕ್ ಕ್ರಾಲಿ ಅವರು 79 ರನ್ ಗಳಿಸಿ ಕುಲ್ದೀಪ್ ಎಸೆತದಲ್ಲಿ ಕ್ಲೀನ್ ಬೌಲ್ಡ್ ಆದರು. 100ನೇ ಟೆಸ್ಟ್ ಆಡುತ್ತಿರುವ ಜಾನಿ ಬೇರ್ಸ್ಟೋ ಬಡಬಡನೆ ಒಂದೆರಡು ಸಿಕ್ಸರ್ ಮತ್ತು ಬೌಂಡರಿ ಬಾರಿಸಿದರೂ ಇದೇ ಆಟವನ್ನು ಮುಂದುವರಿಸುವಲ್ಲಿ ವಿಫಲರಾದರು. ತಲಾ 2 ಸಿಕ್ಸರ್ ಮತ್ತು ಬೌಂಡರಿ ನೆರವಿನಿಂದ 29ರನ್ಗೆ ಆಟ ಮುಗಿಸಿದರು. ಅನುಭವಿ ರೂಟ್ ಕೂಡ ಹೆಚ್ಚು ಹೊತ್ತು ಕ್ರೀಸ್ ಆಕ್ರಮಿಸಿಕೊಳ್ಳುವಲ್ಲಿ ಎಡವಿದರು. 26 ರನ್ ಗಳಿಸಿ ಜಡೇಜಾಗೆ ವಿಕೆಟ್ ಒಪ್ಪಿಸಿದರು. ಈ ವಿಕೆಟ್ ಪತನದ ಬಳಿಕ ಇಂಗ್ಲೆಂಡ್ ಕುಸಿತ ಆರಂಭಗೊಂಡಿತು. ನಾಯಕ ಬೆನ್ ಸ್ಟೋಕ್ಸ್ ಶೂನ್ಯಕ್ಕೆ ಔಟಾದರು. ಬೆನ್ ಫೋಕ್ಸ್ ಅಂತಿಮ ಕ್ಷಣದ ವರೆಗೆ ಹೋರಾಡಿದರೂ ಕೂಡ ಅವರಿಗೆ ಮತ್ತೊಂದು ತುದಿಯಲ್ಲಿ ಉತ್ತಮ ಸಾಥ್ ಸಿಗಲಿಲ್ಲ. 24 ರನ್ ಬಾರಿಸಿ ಅಶ್ವಿನ್Ravichandran Ashwin ಸ್ಪಿನ್ ಬಲೆಗೆ ಬಿದ್ದರು.
ಇದನ್ನೂ ಓದಿ Dinesh Karthik: ಐಪಿಎಲ್ಗೆ ವಿದಾಯ ಹೇಳಲು ಸಜ್ಜಾದ ದಿನೇಶ್ ಕಾರ್ತಿಕ್; ಇದುವೇ ಕೊನೆಯ ಪಂದ್ಯ!
50 ವಿಕೆಟ್ ಪೂರ್ತಿಗೊಳಿಸಿದ ಕುಲ್ದೀಪ್
ಕುಲ್ದೀಪ್ ಯಾದವ್ ಅವರು 4 ವಿಕೆಟ್ ಕೀಳುತಿದ್ದಂತೆ ಟೆಸ್ಟ್ನಲ್ಲಿ 50 ವಿಕೆಟ್ ಪೂರ್ತಿಗೊಳಿಸಿದರು. ಒಟ್ಟಾರೆಯಾಗಿ 5 ವಿಕೆಟ್ ಕಿತ್ತರು. ವಿಶೇಷ ಎಂದರೆ ಕುಲ್ದೀಪ್ ಅವರು 2017ರಲ್ಲಿ ಇಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಟೆಸ್ಟ್ ಪದಾರ್ಪಣೆ ಮಾಡಿದ್ದರು. ಇದೀಗ ಪದಾರ್ಪಣೆ ಮಾಡಿದ ಮೈದಾನದಲ್ಲಿಯೇ 50 ವಿಕೆಟ್ ಕೂಡ ಪೂರ್ತಿಗೊಳಿಸಿದರು. 100ನೇ ಟೆಸ್ಟ್ ಆಡಲಿಳಿದ ಅಶ್ವಿನ್ ಕೂಡ 51 ರನ್ ವೆಚ್ಚದಲ್ಲಿ 4 ವಿಕೆಟ್ ಉರುಳಿಸಿದರು. ಜಡೇಜಾ ಒಂದು ವಿಕೆಟ್ ಪಡೆದರು. ಇಲ್ಲಿಗೆ ಎಲ್ಲಾ 10 ವಿಕೆಟ್ ಕೂಡ ಸ್ಪಿನ್ನರ್ಗಳ ಪಾಲಾಯಿತು.
Ravichandran Ashwin celebrates a century of brilliance 🤩
— ICC (@ICC) March 7, 2024
➡ https://t.co/E1y6IIGNcc#WTC25 | #INDvENG pic.twitter.com/y6wEOdyLsi
ಪಡಿಕ್ಕಲ್ ಪದಾರ್ಪಣೆ
ಟೆಸ್ಟ್ ಪಂದ್ಯ ಆರಂಭಕ್ಕೂ ಮುನ್ನ ದಿನವಾದ ಬುಧವಾರ ಅಭ್ಯಾಸದ ವೇಳೆ ಪಾದದ ಗಾಯಕ್ಕೆ ತುತ್ತಾದ ಕಾರಣ ರಜತ್ ಪಾಟಿದಾರ್ ಅವರು ಈ ಪಂದ್ಯದಿಂದ ಹೊರಗುಳಿದರು. ಅವರ ಸ್ಥಾನದಲ್ಲಿ ದೇವದತ್ತ ಪಡಿಕ್ಕಲ್ ಆಡುವ ಮೂಲಕ ಭಾರತ ಟೆಸ್ಟ್ಗೆ ಪದಾರ್ಪಣೆ ಮಾಡಿದರು. ಪಡಿಕ್ಕಲ್ಗೆ ಅಶ್ವಿನ್ ಟೆಸ್ಟ್ ಕ್ಯಾಪ್ ನೀಡಿ ತಂಡಕ್ಕೆ ಸ್ವಾಗತಿಸಿದರು. ಭಾರತದ 314ನೇ ಟೆಸ್ಟ್ ಆಟಗಾರ ಎಂಬ ಹಿರಿಮೆಗೆ ಪಡಿಕ್ಕಲ್ ಪಾತ್ರರಾದರು.