ಟೀಮ್ ಇಂಡಿಯಾದ ನಾಯಕ ರೋಹಿತ್ ಶರ್ಮ(Rohit Sharma) ತಂಡದ ಆಟಗಾರರು ಫಿಲ್ಡಿಂಗ್ ಅಥವಾ ಬೌಲಿಂಗ್ನಲ್ಲಿ ಏನಾದರು ತಪ್ಪುಗಳನ್ನು ಮಾಡಿದ ತಕ್ಷಣ ಅವರ ವಿರುದ್ಧ ಮುನಿಸಿಕೊಳ್ಳುವುದು ಸರ್ವೆ ಸಾಮಾನ್ಯ. ಈಗಾಗಲೇ ಇಂತಹ ಹಲವು ನಿದರ್ಶನಗಳನ್ನು ನೋಡಿದ್ದೇವೆ. ಇಂತಹದ್ದೇ ಘಟನೆಯೊಂದು ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್ನ(IND vs ENG 2nd Test) 2ನೇ ದಿನದಾಟದ ವೇಳೆಯೂ ಕಂಡುಬಂದಿದೆ.
ಶನಿವಾರದ ದ್ವಿತೀಯ ದಿನದ ಆಟದಲ್ಲಿ ಇಂಗ್ಲೆಂಡ್ ತಂಡ ಮೊದಲ ಇನಿಂಗ್ಸ್ನ ಬ್ಯಾಟಿಂಗ್ ವೇಳೆ ಕಳಪೆ ಫೀಲ್ಡಿಂಗ್ ಮಾಡಿದ ಕುರಿತು ರೋಹಿತ್ ಸಹ ಆಟಗಾರನ ಮೇಲೆ ಅಸಮಾಧಾನ ವ್ಯಕ್ತಪಡಿಸಿದರು. ಫೀಲ್ಡಿಂಗ್ ಮೇಲೆ ಗಮನ ಹರಿಸದೆ ಮೈದಾನದಲ್ಲಿ ಸುಮ್ಮಸುಮ್ಮನೆ ತಿರುಗಾಡಿದರೆ ಅಷ್ಟೇ…. ಎಂದು ಕೆಲ ಅವಾಚ್ಯ ಪದಗಳಿಂದ ಬೈದಿದ್ದಾರೆ. ಇದು ಮೈಕ್ ಸ್ಟಂಪ್ನಲ್ಲಿ ರೆಕಾರ್ಡ್ ಆಗಿದೆ.
— Sanju Here 🤞| Alter EGO| (@me_sanjureddy) February 3, 2024
ರೋಹಿತ್ ಅವರು ಅವಾಚ್ಯ ಪದಗಳಿಂದ ಬೈಯುವಾಗ ಜಾನಿ ಬೇರ್ ಸ್ಟೋ ಮತ್ತು ಬೆನ್ ಸ್ಟೋಕ್ಸ್ ಬ್ಯಾಟಿಂಗ್ ನಡೆಸುತ್ತಿದ್ದರು. ಈ ವೇಳೆ ಇಂಗ್ಲೆಂಡ್ ನಾಲ್ಕು ವಿಕೆಟ್ ಕಳೆದುಕೊಂಡು 143 ರನ್ ಗಳಿಸಿತ್ತು. ಕಳೆದ ವರ್ಷ ಮಾರ್ಚ್ನಲ್ಲಿ ಚೆನ್ನೈಯಲ್ಲಿ ನಡೆದಿದ್ದ ಆಸ್ಟ್ರೇಲಿಯಾ ವಿರುದ್ಧದ ಅಂತಿಮ ಏಕದಿನ ಪಂದ್ಯದಲ್ಲಿ ರೋಹಿತ್ ಅವರು ತಾಳ್ಮೆ ಕಳೆದುಕೊಂಡು ಕುಲ್ದೀಪ್ ವಿರುದ್ಧ ರೇಗಾಡಿದ್ದರು. ಏಕದಿನ ವಿಶ್ವಕಪ್ ವೇಳೆಯೂ ರೋಹಿತ್ ಹಲವು ಬಾರಿ ತಾಳ್ಮೆ ಕಳೆದುಕೊಂಡಿದ್ದರು. ಈ ವಿಡಿಯೊಗಳು ವೈರಲ್ ಆಗಿತ್ತು.
ಇದೇ ವರ್ಷಾರಂಭದಲ್ಲಿ ನಡೆದ ಅಫಘಾನಿಸ್ತಾನ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ(India vs Afghanistan, 1st T20I) ರೋಹಿತ್ ಶರ್ಮ ಅವರು ಶೂನ್ಯಕ್ಕೆ ಔಟಾಗಿದ್ದರು. ಇದು ರೋಹಿತ್ ಅವರು 14 ತಿಂಗಳ ಬಳಿಕ ಆಡಿದ ಟಿ20 ಪಂದ್ಯವಾಗಿತ್ತು. ಅವರ ವಿಕೆಟ್ ಪತನಕ್ಕೆ ಸಹ ಆಟಗಾರ ಶುಭಮನ್ ಗಿಲ್(Shubman Gill) ಕಾರಣರಾಗಿದ್ದರು. ರನ್ ಗಳಿಸುವ ಅವಕಾಶ ಇದ್ದರೂ ಕೂಡ ಗಿಲ್ ಓಡದೆ ರೋಹಿತ್ ರನೌಟ್ ಆಗುವಂತೆ ಮಾಡಿದ್ದರು. ಇದೇ ಸಿಟ್ಟಿನಲ್ಲಿ ರೋಹಿತ್ ಮೈದಾನದಲ್ಲೇ ರೊಚ್ಚಿಗೆದ್ದು ಗಿಲ್ಗೆ ಬೈದಿದ್ದರು.
ಇದನ್ನೂ ಓದಿ IND vs ENG 2nd Test: 6 ವಿಕೆಟ್ ಕೆಡವಿ ಹಲವು ದಾಖಲೆ ಬರೆದ ಜಸ್ಪ್ರೀತ್ ಬುಮ್ರಾ
Rohit gone for Zero ,
— KAPIL DEV TAMRAKAR 🇮🇳🚀𝕏🌖 (@kapildevtamkr) January 11, 2024
Bad call by Rohit , Gill wasn't ready to take the single,#INDvAFG #IndvsAfg #RohitSharma #ShubmanGill #TeamIndia #CricketTwitter pic.twitter.com/KIpCaTfl4v
ಹಿಡಿತ ಸಾಧಿಸಿದ ಭಾರತ
ಇಂಗ್ಲೆಂಡ್ ವಿರುದ್ಧದ ದ್ವಿತೀಯ ಟೆಸ್ಟ್(IND vs END 2nd Test) ಪಂದ್ಯದಲ್ಲಿ ಭಾರತ ಮೇಲುಗೈ ಸಾಧಿಸಿದೆ. ದ್ವಿತೀಯ ಇನಿಂಗ್ಸ್ ಬ್ಯಾಟಿಂಗ್ ಆರಂಭಿಸಿದ ಭಾರತ ವಿಕೆಟ್ ನಷ್ಟವಿಲ್ಲದೆ 28 ರನ್ ಬಾರಿಸಿ ಒಟ್ಟು 171 ರನ್ ಲೀಡ್ ಗಳಿಸಿ ಮೂರನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ. ಜೈಸ್ವಾಲ್(15) ಮತ್ತು ರೋಹಿತ್(13) ರನ್ ಬಾರಿಸಿ ಕ್ರೀಸ್ನಲ್ಲಿದ್ದಾರೆ.
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ(Dr. Y.S. Rajasekhara Reddy ACA-VDCA Cricket Stadium) ನಡೆಯುತ್ತಿರುವ ಈ ಪಂದ್ಯದಲ್ಲಿ 6 ವಿಕೆಟ್ಗೆ 336 ರನ್ ಗಳಿಸಿದಲ್ಲಿಂದ ಶನಿವಾರ ದ್ವಿತೀಯ ದಿನದಾಟ ಆರಂಭಿಸಿದ ಭಾರತ, ಯಶಸ್ವಿ ಜೈಸ್ವಾಲ್(209) ಅವರ ದ್ವಿಶತಕದ ನೆರವಿನಿಂದ 396 ರನ್ ಬಾರಿಸಿತು. ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ ಉತ್ತಮ ಆರಂಭ ಪಡೆದರೂ ಆ ಬಳಿಕ ಸತತ ವಿಕೆಟ್ ಕಳೆದುಕೊಂಡು 253 ರನ್ಗೆ ಆಲೌಟ್ ಆಯಿತು. ಭಾರತ ಮಪದಲ ಇನಿಂಗ್ಸ್ನಲ್ಲಿ 143 ರನ್ ಲೀಡ್ ಗಳಿಸಿತು. ಸದ್ಯ ದ್ವಿತೀಯ ಇನಿಂಗ್ಸ್ ಆರಂಭಿಸಿರುವ ಭಾರತ ವಿಕೆಟ್ ನಷ್ಟವಿಲ್ಲದೆ 28 ರನ್ ಬಾರಿಸಿ ಒಟ್ಟು 171ರನ್ ಲೀಡ್ ಗಳಿಸಿದೆ.