ವಿಶಾಖಪಟ್ಟಣಂ: ಆರಂಭಿಕ ಯುವ ಆಟಗಾರ ಯಶಸ್ವಿ ಜೈಸ್ವಾಲ್(179*) ಅವರ ಅಜೇಯ ಶತಕದಾಟದ ನೆರವಿನಿಂದ ಭಾರತ ತಂಡ ಇಂಗ್ಲೆಂಡ್(IND vs ENG) ವಿರುದ್ಧದ ದ್ವಿತೀಯ ಟೆಸ್ಟ್ನ(India vs England 2nd Test) ಮೊದಲ ದಿನವೇ ಬೃಹತ್ ಮೊತ್ತ ದಾಖಲಿಸಿದೆ. 6 ವಿಕೆಟ್ಗೆ 336 ರನ್ ಗಳಿಸಿ ದ್ವಿತೀಯ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದೆ.
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ ಇಂದು(ಶುಕ್ರವಾರ) ಆರಂಭಗೊಂಡ ದ್ವಿತೀಯ ಟೆಸ್ಟ್ನಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆತಿಥೇಯ ಭಾರತಕ್ಕೆ, ಜೈಸ್ವಾಲ್(Yashasvi Jaiswal) ಉತ್ತಮ ಆಟವಾಡುವ ಮೂಲಕ ಸೊಗಸಾದ ಇನಿಂಗ್ಸ್ವೊಂದನ್ನು ಕಟ್ಟಿದ್ದಾರೆ. ನಾಯಕ ರೋಹಿತ್ ಶರ್ಮ(14) ವಿಕೆಟ್ಬೇಗನೆ ಉದುರಿದರೂ ಧೃತಿಗೆಡದೆ ಬ್ಯಾಟಿಂಗ್ ನಡೆಸಿದ ಜೈಸ್ವಾಲ್ 179* ಬಾರಿಸಿ ತಂಡಕ್ಕೆ ನೆರವಾಗಿದ್ದಾರೆ.
Yashasvi Jaiswal's excellent 179* guided India on day one of the second #INDvENG Test 🔥#WTC25: https://t.co/i3GiP6k0Qw pic.twitter.com/vZFOx0zxnB
— ICC (@ICC) February 2, 2024
ಮೊದಲ ಟೆಸ್ಟ್ ಪಂದ್ಯದಲ್ಲಿ ಘೋರ ಬ್ಯಾಟಿಂಗ್ ವೈಫಲ್ಯ ಕಂಡಿದ್ದ ಶುಭಮನ್ ಗಿಲ್ ಅವರು ಈ ಪಂದ್ಯದಲ್ಲಿ 34 ರನ್ ಬಾರಿಸಿದರು. ಶ್ರೇಯಸ್ ಅಯ್ಯರ್ 27 ರನ್ಗೆ ಆಟ ಮುಗಿಸಿ ಮತ್ತೆ ತಮ್ಮ ಆಯ್ಕೆಗೆ ನ್ಯಾಯ ಒದಗಿಸುವಲ್ಲಿ ವಿಫಲರಾದರು. ಪದಾರ್ಪಣ ಪಂದ್ಯವಾಡಿದ ರಜತ್ ಪಾಟಿದಾರ್ ಕೆಲ ಕಾಲ ಜೈಸ್ವಾಲ್ಗೆ ಉತ್ತಮ ಸಾಥ್ ನೀಡಿ 32 ರನ್ಗೆ ವಿಕೆಟ್ ಕೈಚೆಲ್ಲಿದರು. 6ನೇ ವಿಕೆಟ್ಗೆ ಆಡಲಿಳಿದ ಅಕ್ಷರ್ ಪಟೇಲ್ ಬಡಬಡನೆ 4 ಬೌಂಡರಿ ಬಾರಿಸಿ 27 ರನ್ ಗಳಿಸಿದರು. ಈ ವಿಕೆಟ್ ವೀಸಾ ಸಮಸ್ಯೆಯಿಂದಾಗಿ ಮೊದಲ ಟೆಸ್ಟ್ ಆಡಲು ಸಾಧ್ಯವಾಗದ ಪಾಕ್ ಮೂಲಕ ಬೌಲರ್ ಶೋಯೆಬ್ ಬಶೀರ್ ಪಾಲಾಯಿತು. ಇದು ಶೋಯೆಬ್ ಬಶೀರ್ ಅವರ ಪದಾರ್ಪಣೆ ಪಂದ್ಯವಾಗಿದೆ.
ಸಿಕ್ಸರ್ ಮೂಲಕ ಶತಕ ದಾಖಲಿಸಿದ ಜೈಸ್ವಾಲ್
ಆರಂಭದಲ್ಲಿ ನಿಧಾನಗತಿಯ ಬ್ಯಾಟಿಂಗ್ಗೆ ಒತ್ತು ಕೊಟ್ಟ ಯಶಸ್ವಿ ಜೈಸ್ವಾಲ್ ಬಳಿಕ ಬಿರುಸಿನ ಬ್ಯಾಟಿಂಗ್ಗೆ ಒತ್ತ ನೀಡಿದರು. ಕ್ರೀಸ್ಗೆ ಅಂಟಿಕೊಂಡ ತಕ್ಷಣ ಆಂಗ್ಲರ ಬೌಲಿಂಗ್ ದಾಳಿಯನ್ನು ಪುಡಿಗಟ್ಟಲು ಆರಂಭಿಸಿದ ಅವರು ಸಿಕ್ಸರ್ ಮೂಲಕವೇ ತಮ್ಮ ಶತಕವನ್ನು ಪೂರ್ತಿಗೊಳಿಸಿದರು. ಈ ಶತಕ ಬಾರಿಸುವ ಮೂಲಕ 23 ವರ್ಷ ತುಂಬುವ ಮೊದಲು ತವರು ಮತ್ತು ವಿದೇಶದ ಟೆಸ್ಟ್ನಲ್ಲಿ ಶತಕ ಬಾರಿಸಿದ 4ನೇ ಭಾರತೀಯ ಆಟಗಾರ ಎನಿಸಿಕೊಂಡರು. ರವಿ ಶಾಸ್ತ್ರಿ(Ravi Shastri), ಸಚಿನ್ ತೆಂಡೂಲ್ಕರ್(Shastri,Sachin Tendulkar), ವಿನೋದ್ ಕಾಂಬ್ಳಿ(Vinod Kambli) ಈ ಸಾಧನೆ ಮಾಡಿದ ಉಳಿದ ಮೂವರು ಆಟಗಾರರಾಗಿದ್ದಾರೆ. ಅಚ್ಚರಿ ಎಂದರೆ ಈ ಸಾಧನೆ ಮಾಡಿದ ನಾಲ್ಕು ಮಂದಿ ಆಟಗಾರರು ಕೂಡ ಮುಂಬೈ ಪರ ರಣಜಿ ಆಡಿದ ಆಟಗಾರರು ಎನ್ನುವುದು ಸಾರಸ್ಯಕರ ಸಂಗತಿಯಾಗಿದೆ.
A TEST HUNDRED WITH A SIX…!!! 🤯
— Mufaddal Vohra (@mufaddal_vohra) February 2, 2024
– Yashasvi Jaiswal special in Vizag.pic.twitter.com/C3QuPjjRBQ
2023ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಟೆಸ್ಟ್ ಪದಾರ್ಪಣೆ ಮಾಡಿದ್ದ ಯಶಸ್ವಿ ಜೈಸ್ವಾಲ್ ತಮ್ಮ ಚೊಚ್ಚಲ ಪಂದ್ಯದಲ್ಲೇ ಶತಕ ಬಾರಿಸಿ ಮಿಂಚಿದ್ದರು. ಆ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಅವರು 171 ರನ್ ಬಾರಿಸಿ ಅನೇಕ ದಾಖಲೆ ಬರೆದಿದ್ದರು. ಇದೀಗ ತವರಿನ ಪಂದ್ಯದಲ್ಲಿ ಶತಕ ಬಾರಿಸಿ ಗಮನಸೆಳೆದಿದ್ದಾರೆ. ಸದ್ಯ ಅವರು ಅಜೇಯ ಶತಕದಾಟ ಮುಂದುವರಿಸಿದ್ದಾರೆ. ದ್ವಿಶತಕ ಬಾರಿಸಲು ಇನ್ನು ಅವರಿಗೆ ಕೇವಲ 21 ರನ್ ಅಗತ್ಯವಿದೆ. ಅವರ ಬ್ಯಾಟಿಂಗ್ ಲಯ ನೋಡುವಾದ ಇದು ಅಸಾಧ್ಯ ಎನ್ನುವಂತೆ ಕಾಣುತ್ತಿಲ್ಲ. ದ್ವಿತೀಯ ದಿನಾಟದಲ್ಲಿ ಅವರು ಈ ಮೊತ್ತ ಬಾರಿಸಿ ಮಿಂಚುವ ವಿಶ್ವಾಸದಲ್ಲಿದ್ದಾರೆ. ಇನ್ನೇನು ಮೊದಲ ದಿನಾದಾಟ ಮುಕ್ತಾಯಗೊಳ್ಳುವ ಹಂತದಲ್ಲಿ ವಿಕೆಟ್ ಕೀಪರ್ ಕೆ.ಎಸ್ ಭರತ್ ವಿಕೆಟ್ ಕೈಚೆಲ್ಲಿದರು. ಅವರ ಗಳಿಕೆ 17. ಅಶ್ವಿನ್ 5* ರನ್ ಬಾರಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ.