ಮುಂಬಯಿ: 12 ವರ್ಷಗಳ ಬಳಿಕ ವಿಶ್ವಕಪ್(ICC World Cup 2023) ಗೆಲ್ಲುವ ಇರಾದೆಯೊಂದಿಗೆ ಭಾರತ ತಂಡ ಬುಧವಾರ ನಡೆಯುವ ಸೆಮಿಫೈನಲ್(IND vs NZ) ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧ ಅದೃಷ್ಟ ಪರೀಕ್ಷೆಗೆ ಇಳಿಯಲಿದೆ. ಆದರೆ ಕ್ರಿಕೆಟ್ ಅಭಿಮಾನಿಗಳಿಗೆ ಆತಂಕವೊಂದು ಎದುರಾಗಿದೆ. ಇದಕ್ಕೆ ಎರಡು ಕಾರಣ. ಭಾರತ ಟೇಬಲ್ ಟಾಪರ್ ಆಗಿರುವುದು ಮತ್ತು ಎದುರಾಳಿ ನ್ಯೂಜಿಲ್ಯಾಂಡ್ ಸಿಕ್ಕಿರುವುದು. ಈ ಕಂಟಕದಿಂದ ಭಾರತ ಪಾರಾದೀತೇ ಎನ್ನುವುದು ಬುಧವಾರದ ಕುತೂಹಲ.
ಟೇಬಲ್ ಟಾಪ್ ಕಂಟಕವೇ?
ಅಂಕಿ ಅಂಶಗಳ ಲೆಕ್ಕಾಚಾರದಲ್ಲಿ ಭಾರತ ತಂಡಕ್ಕೆ ಟೇಬಲ್ ಟಾಪ್ ಸ್ಥಾನ ಕಂಟಕವಾಗಿಯೇ ಪರಿಣಮಿಸಿದೆ. ಹೌದು, ಈ ಹಿಂದಿನ ಎರಡು ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಸಂಪಾದಿಸಿತ್ತು. ಆದರೆ ಈ ಎರಡೂ ಸೆಮಿಫೈನಲ್ನಲ್ಲಿ ಸೋಲು ಕಂಡಿತ್ತು. 2015ರಲ್ಲಿ ಭಾರತ ‘ಬಿ’ ಗ್ರೂಪ್ನಲ್ಲಿ ಆಡಿದ ಎಲ್ಲ 6 ಪಂದ್ಯಗಳನ್ನು ಗೆದ್ದು 12 ಅಂಕದೊಂದಿಗೆ ಸೆಮಿಫೈನಲ್ ಪ್ರವೇಶಿಸಿತ್ತು. 2019ರಲ್ಲಿ ಲಂಡನ್ನಲ್ಲಿ ನಡೆದಿದ್ದ ಟೂರ್ನಿಯಲ್ಲಿ ಭಾರತ 9 ಪಂದ್ಯಗಳನ್ನು ಆಡಿ 7ರಲ್ಲಿ ಗೆದ್ದು 15 ಅಂಕದೊಂದಿಗೆ ಅಗ್ರಸ್ಥಾನ ಪಡೆದಿದ್ದತ್ತು. ಆದರೆ ಈ ಎರಡೂ ಟೂರ್ನಿಯಲ್ಲಿ ಸೆಮಿ ಪಂದ್ಯಗಳಲ್ಲಿ ಭಾರತ ಮುಗ್ಗರಿಸಿತ್ತು.
ಇದನ್ನೂ ಓದಿ Ind vs Nz : ಹಳೆ ಸೋಲಿಗೆ ಸೇಡು ತೀರಿಸಿಕೊಳ್ಳುವುದೇ ಭಾರತ?
2015ರಲ್ಲಿ ಆಸೀಸ್ ವಿರುದ್ಧ ಸೋಲು
2015ರ ವಿಶ್ವಕಪ್ನಲ್ಲಿ ಟೇಬಲ್ ಟಾಪರ್ ಭಾರತ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ಸೆಮಿಫೈನಲ್ ಪಂದ್ಯವನ್ನಾಡಿತ್ತು. 2011ರಲ್ಲಿ ಭಾರತಕ್ಕೆ ವಿಶ್ವಕಪ್ ತಂದುಕೊಟ್ಟ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು 2ನೇ ಬಾರಿಯೂ ವಿಶ್ವಕಪ್ ತಂದುಕೊಡಲಿದ್ದಾರೆ ಎಂದು ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ನಿರೀಕ್ಷೆ ಮಾಡಿದ್ದರು. ಆದರೆ ಸಿಡ್ನಿಯಲ್ಲಿ ನಡೆದ ಸೆಮಿಫೈನಲ್ನಲ್ಲಿ ಆಸ್ಟ್ರೇಲಿಯಾ ತಂಡ ಧೋನಿ ಪಡೆಗೆ ಆಘಾತವಿಕ್ಕಿತು. 95 ರನ್ನುಗಳ ಸೋಲು ಕಂಡು ಟೂರ್ನಿಯನ್ನು ಅಂತ್ಯಗೊಲೀಸಿತು. ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾ 7 ವಿಕೆಟ್ಗೆ 328 ರನ್ ಪೇರಿಸಿತು. ಬೃಹತ್ ಮೊತ್ತವನ್ನು ಕಂಡು ಆರಂಭದಲ್ಲೇ ಕಂಗಾಲಾದ ಭಾರತ 46.5 ಓವರ್‌ಗಳಲ್ಲಿ 233ಕ್ಕೆ ತನ್ನೆಲ್ಲ ವಿಕೆಟ್‌ಗಳನ್ನು ಕಳೆದುಕೊಂಡು ಸೋಲಿಗೆ ತುತ್ತಾಯಿತು. ಆಸೀಸ್ ಪರ ಸ್ಟೀವನ್ ಸ್ಮಿತ್ (105), ಆರಾನ್ ಫಿಂಚ್‌ (81) ಬಾರಿಸಿ ಮಿಂಚಿದರು. ಭಾರತದ ಪರ ಧೋನಿ 65 ರನ್ ಮಾಡಿದರು. ಉಳಿದ ಎಲ್ಲ ಆಟಗಾರರು ವೈಫಲ್ಯ ಕಂಡರು.
2019ರಲ್ಲಿ ಕಿವೀಸ್ ವಿರುದ್ಧ ಸೋಲು
ಲಂಡನ್ನಲ್ಲಿ ನಡೆದ ಈ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ವಿರಾಟ್ ಕೊಹ್ಲಿ ಸಾರಥ್ಯದಲ್ಲಿ ಕಣಕ್ಕಿಳಿದಿತ್ತು. ಲೀಗ್ ಹಂತದಲ್ಲಿ ಅಮೋಘ ಸಾಧನೆ ತೋರಿದ ಭಾರತ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆಯಿತು. ರೋಹಿತ್ ಶರ್ಮ ಅವರು ವಿಶ್ವಕಪ್ ಇತಿಹಾಸದ ಆವೃತ್ತಿಯಯೊಂದರಲ್ಲೇ ಸರ್ವಾಧಿಕ 5 ಶತಕ ಬಾರಿಸಿದ್ದರು. ತಂಡ ಎಲ್ಲ ವಿಭಾಗದಲ್ಲೂ ಬಲಿಷ್ಠ ವಾಗಿತ್ತು. ಅಲ್ಲದೆ ಕಪ್ ಗೆಲ್ಲುವ ಫೇವರಿಟ್ ಕೂಡ ಆಗಿತ್ತು. ಆದರೆ ಸೆಮಿಫೈನಲ್ನಲ್ಲಿ ನ್ಯೂಜಿಲ್ಯಾಂಡ್ ಅಡ್ಡಗಾಲಿಕ್ಕಿತು.
ಮ್ಯಾಂಚೆಸ್ಟರ್ನಲ್ಲಿ ನಡೆದ ಮಳೆ ಪೀಡಿತ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲ್ಯಾಂಡ್ 8ಕ್ಕೆ 239 ರನ್ ಗಳಿಸಿತು. ಭಾರತದ ಬ್ಯಾಟಿಂಗ್ ವೇಳೆ ಮಳೆ ಅಡ್ಡಿಪಡಿಸಿದ ಕಾರಣ ಪಂದ್ಯ ಮೀಸಲು ದಿನಕ್ಕೆ ಮುಂದುವರಿಯಿತು. ಇಲ್ಲಿ ಅಗ್ರ ಕ್ರಮಾಂಕದ ಬ್ಯಾಟಿಂಗ್ ವೈಫ‌ಲ್ಯಕ್ಕೆ ಸಿಲುಕಿದ ಕೊಹ್ಲಿ ಪಡೆ 18 ರನ್ಗಳ ಸೋಲಿಗೆ ತುತ್ತಾಯಿತು. ಧೋನಿ ಅವರು ರನೌಟ್ ಆಗುವ ಮೂಲಕ ಭಾರತದ ವಿಶ್ವಕಪ್ ಕನಸು ಕಮರಿಹೋಗಿತ್ತು. ಭಾರತ 49.3 ಓವರ್‌ಗಳಲ್ಲಿ 221ಕ್ಕೆ ಆಲೌಟ್‌ ಆಗಿ ಕೂಟದಿಂದ ನಿರ್ಗಮಿಸಿತು.
ಈ ಬಾರಿಯೂ ಟೇಬಲ್ ಟಾಪರ್…
ಈ ಹಿಂದಿನ ಎರಡು ಟೂರ್ನಿಗಳಲ್ಲಿ ಟೇಬಲ್ ಟಾಪರ್ ಆಗಿದ್ದ ಭಾರತ ಈ ಬಾರಿಯೂ ಅಗ್ರಸ್ಥಾನದಲ್ಲೇ ಕಾಣಿಸಿಕೊಂಡಿದೆ. ಹೀಗಾಗಿ ಸಂಖ್ಯಾ ಶಾಸ್ತ್ರದ ಭವಿಷ್ಯದಲ್ಲಿ ಭಾರತಕ್ಕೆ ಕಂಟಕ ತಪ್ಪಿದ್ದಲ್ಲ. ಅಲ್ಲದೆ ಎದುರಾಳಿ ನ್ಯೂಜಿಲ್ಯಾಂಡ್ ಕಾಣಿಸಿಕೊಂಡಿರುವುದು ಇನ್ನಷ್ಟು ಚಿಂತೆಗೆ ಕಾರಣವಾಗಿದೆ. ಭಾರತ ಕಳೆದ ವಿಶ್ವಕಪ್ ಸೆಮಿಫನಲ್ ಮತ್ತು ಚೊಚ್ಚಲ ವಿಶ್ವಕಪ್ ಟೆಸ್ಟ್ನಲ್ಲಿ ಕಿವೀಸ್ ವಿರುದ್ಧವೇ ಸೋಲು ಕಂಡಿತ್ತು. ಹೀಗಾಗಿ ಭಾರತ 2 ಕಂಟಕವನ್ನು ಗೆಲ್ಲಬೇಕಿದೆ.
The man who fought with his heart in 2019 CWC SF vs New Zealand
— Kohlisexual 🇮🇳 (@Kohlisexual0511) November 14, 2023
Ravindra Jadeja 77(59) vs New Zealand 2019 ( Ball by Ball Highlights )#INDvsNZ #CWC23 pic.twitter.com/SoO7gq4Anm