ಮುಂಬಯಿ: ವಿಶ್ವಕಪ್(icc world cup 2023) ಟೂರ್ನಿಯಲ್ಲಿ ಟೀಮ್ ಇಂಡಿಯಾದ ಮಾಜಿ ಆಟಗಾರ ಸಚಿನ್ ತೆಂಡೂಲ್ಕರ್(Sachin Tendulkar) ಅವರ ದಾಖಲೆಯೊಂದನ್ನು ಮುರಿಯಲು ವಿರಾಟ್ ಕೊಹ್ಲಿ(virat kohli) ಮತ್ತು ನ್ಯೂಜಿಲ್ಯಾಂಡ್ ತಂಡದ ರಚಿನ್ ರವೀಂದ್ರ ಮುಂದಾಗಿದ್ದಾರೆ. ಹಾಲಿ ಆವೃತ್ತಿಯ ವಿಶ್ವಕಪ್ನಲ್ಲಿ 594 ರನ್ ಗಳಿಸಿರುವ ಕೊಹ್ಲಿ ಅವರು ಸದ್ಯ ಅತ್ಯಧಿಕ ರನ್ ಗಳಿಸಿದ ಆಟಗಾರರ ಯಾದಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಇವರಿಗೆ ಇಂದು ನಡೆಯುವ ಕಿವೀಸ್ ವಿರುದ್ಧದ(IND vs NZ) ಸೆಮಿಫೈನಲ್ ಪಂದ್ಯದಲ್ಲಿ ಸಚಿನ್ ಅವರ ದಾಖಲೆಯನ್ನು ಮುರಿಯುವ ಅವಕಾಶವಿದೆ. ಅತ್ತ ರಚಿನ್ಗೂ ಇದೇ ಅವಕಾಶವಿದೆ.
ಮೂರು ಆಟಗಾರರ ಪೈಪೋಟಿ
ಸಚಿನ್ ತೆಂಡೂಲ್ಕರ್ ಅವರು ವಿಶ್ವಕಪ್ ಆವೃತ್ತಿಯೊಂದರಲ್ಲಿ 11 ಪಂದ್ಯಗಳನ್ನು ಆಡಿ 673 ರನ್ ಬಾರಿಸಿದ್ದರು. ಸದ್ಯ ಇದು ಈವರೆಗೆ ವಿಶ್ವಕಪ್ನ ದಾಖಲೆಯಾಗಿಯೇ ಉಳಿದುಕೊಂಡಿದೆ. ಈ ದಾಖಲೆಯನ್ನು ಮುರಿಯುವ ಅವಕಾಶ ವಿರಾಟ್ ಕೊಹ್ಲಿ, ರಚಿನ್ ರವೀಂದ್ರ ಮತ್ತು ದಕ್ಷಿಣ ಆಫ್ರಿಕಾ ಬ್ಯಾಟರ್ ಕ್ವಿಂಟನ್ ಕಾಕ್ಗೆ ಇದೆ.
ಇದನ್ನೂ ಓದಿ Virat Kohli: ನನಸಾಗಲಿ ಕೊಹ್ಲಿಯ 50ನೇ ಶತಕದ ಕನಸು…
ಒಂದೇ ಆವೃತ್ತಿಯ ವಿಶ್ವಕಪ್ನಲ್ಲಿ ಅತ್ಯಧಿಕ ರನ್ ಬಾರಿಸಿದ ಅಗ್ರ 5 ಆಟಗಾರರು
| ಆಟಗಾರರು | ಪಂದ್ಯ | ಇನಿಂಗ್ಸ್ | ರನ್ |
| ಸಚಿನ್ ತೆಂಡೂಲ್ಕರ್ | 11 | 11 | 673 |
| ಮ್ಯಾಥ್ಯೂ ಹೇಡನ್‌ | 11 | 10 | 659 |
| ರೋಹಿತ್ ಶರ್ಮ | 9 | 9 | 648 |
| ಡೇವಿಡ್ ವಾರ್ನರ್ | 10 | 10 | 647 |
| ಶಕೀಬ್ ಅಲ್ ಹಸನ್ | 8 | 8 | 606 |
ಅಗ್ರಸ್ಥಾನದಲ್ಲಿ ಕೊಹ್ಲಿ
ಪ್ರಸಕ್ತ ಸಾಗುತ್ತಿರುವ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಗರಿಷ್ಠ ರನ್ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ವಿರಾಟ್ ಕೊಹ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಕೊಹ್ಲಿ 9 ಪಂದ್ಯಗಳನ್ನು ಆಡಿ ಸದ್ಯ 594*ರನ್ ಬಾರಿಸಿದ್ದಾರೆ. ಕಿವೀಸ್ ವಿರುದ್ಧ ಇಂದು ನಡೆಯುವ ಪಂದ್ಯದಲ್ಲಿ ಕೊಹ್ಲಿ 80 ರನ್ ಬಾರಿಸಿದರೆ ಸಚಿನ್ ಅವರ ಸಾರ್ವಕಾಲಿಕ ದಾಖಲೆ ಪತನಗೊಳ್ಳಲಿದೆ. 55 ರನ್ ಗಳಿಸಿದರೆ ರೋಹಿತ್ ಶರ್ಮ ಅವರ ದಾಖಲೆಯನ್ನು ಹಿಂದಿಕ್ಕಲಿದ್ದಾರೆ. ರೋಹಿತ್ ಅವರು ಕಳೆದ ವಿಶ್ವಕಪ್ನಲ್ಲಿ 648 ಬಾರಿಸಿದ್ದರು.
ಇದನ್ನೂ ಓದಿ IND vs NZ: ಇಂದು ಭಾರತ-ಕಿವೀಸ್ ಸೆಮಿ ಸಮರ; ಹೇಗಿದೆ ವಾಂಖೆಡೆ ಹವಾಮಾನ?
Look who's on top 👀👑✅
— ICC Cricket World Cup (@cricketworldcup) November 13, 2023
And all five are set to feature in the #CWC23 semi-finals 🤯
More #CWC23 stats 🔢 https://t.co/HEPMdZQumg pic.twitter.com/UoMwPC0JI4
ದ್ವಿತೀಯ ಸ್ಥಾನದಲ್ಲಿ ಡಿ ಕಾಕ್
ದಕ್ಷಿಣ ಆಫ್ರಿಕಾದ ಎಡಗೈ ಆಟಗಾರ ಡಿ ಕಾಕ್ ಹಾಲಿ ಆವೃತ್ತಿಯಲ್ಲಿ ನಾಲ್ಕು ಶತಕ ಬಾರಿಸಿದ್ದು ಸದ್ಯ 9 ಪಂದ್ಯಗಳಿಂದ 591 ರನ್ ಬಾರಿಸಿದ್ದಾರೆ. ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯನ್ನು ಮುರಿಯಲು ಇನ್ನು 83 ರನ್ಗಳ ಅಗತ್ಯವಿದೆ. ಗುರುವಾರ ನಡೆಯುವ ಆಸ್ಟ್ರೇಲಿಯಾ ವಿರುದ್ಧದ ಪಂದ್ಯದಲ್ಲಿ ಅವರು ಈ ಮೊತ್ತವನ್ನು ಬಾರಿಸಿದರೆ ಸಚಿನ್ ದಾಖಲೆ ಪತನಗೊಳ್ಳಲಿದೆ. ವಿಶ್ವಕಪ್ ಟೂರ್ನಿಯ ಬಳಿಕ ಡಿ ಕಾಕ್ ಎಲ್ಲ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಲಿದ್ದಾರೆ. ಅವರು ತಮ್ಮ ನಿವೃತ್ತಿ ನಿರ್ಧಾರವನ್ನು ಈಗಾಗಲೇ ಪ್ರಕಟಿಸಿದ್ದಾರೆ.
ರಚಿನ್ಗೆ 109 ರನ್ ಅಗತ್ಯ
ರಚಿನ್ ರವೀಂದ್ರ ಮೂರನೇ ಸ್ಥಾನದಲ್ಲಿದ್ದು ಸದ್ಯ ಅವರು 565*ರನ್ ಬಾರಿಸಿದ್ದಾರೆ. ಇಂದು ನಡೆಯುವ ಭಾರತ ವಿರುದ್ಧದ ಸೆಮಿ ಫೈನಲ್ ಪಂದ್ಯದಲ್ಲಿ 109 ರನ್ ಬಾರಿಸಿದರೆ ಸಚಿನ್ ದಾಖಲೆ ಮುರಿಯಲಿದ್ದಾರೆ. ಸದ್ಯ ಅವರ ಪ್ರಚಂಡ ಬ್ಯಾಟಿಂಗ್ ನೋಡುವಾಗ ಈ ಮೊತ್ತವನ್ನು ಪೇರಿಸುವ ಎಲ್ಲ ಲಕ್ಷಣವಿದೆ.