ಕೊಲಂಬೊ: ಕೊಲಂಬೊದ ಆರ್. ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಏಷ್ಯಾಕಪ್(India vs Sri Lanka Final) 2023 ಫೈನಲ್‌ನಲ್ಲಿ ಭಾರತದ ವೇಗಿ ಮೊಹಮ್ಮದ್ ಸಿರಾಜ್(Mohammed Siraj) ಶ್ರೀಲಂಕಾ ವಿರುದ್ಧ ಘಾತಕ ಐದು ಎಸೆತಗಳ ಅಂತರದಲ್ಲಿ ನಾಲ್ಕು ವಿಕೆಟ್‌ಗಳನ್ನು ಕಬಳಿಸಿ ದಾಖಲೆ ಬರೆದಿದ್ದಾರೆ.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಶ್ರೀಲಂಕಾಗೆ ಮೊದಲ ಓವರ್ನಲ್ಲಿಯೇ ಜಸ್ಪ್ರೀತ್ ಬುಮ್ರಾ ಆಘಾತವಿಕ್ಕಿದರು. ಕುಸಲ್ ಪೆರೆರಾ ಖಾತೆ ತೆಗೆಯುವ ಮುನ್ನವೇ ಪೆವಿಲಿಯನ್ಗೆ ಅಟ್ಟಿದರು. ಮುಂದಿನದ್ದು ಸಿರಾಜ್ ಅವರ ದರ್ಬಾರ್. ಒಂದೇ ಓವರ್ನಲ್ಲಿ 4 ವಿಕೆಟ್ ಕೆಡವಿದರು. ಇಲ್ಲಿಗೆ ಸುಮ್ಮನಾಗದ ಅವರು ಮುಂದಿನ ಓವರ್ನಲ್ಲಿಯೂ ಒಂದು ವಿಕೆಟ್ ಕಿತ್ತು ಮಿಂಚಿದರು. ಸಿರಾಜ್ ಅವರ ಬೆಂಕಿ ಎಸೆತಕ್ಕೆ ಯಾವ ರೀತಿ ಬ್ಯಾಟ್ ಬೀಸಬೇಕೆಂದೇ ಲಂಕಾ ಆಟಗಾರರಿಗೆ ತಿಳಿಯದೇ ಹೋಯಿತು.
ಸಿರಾಜ್ ಮೊದಲು ಪಾತುಮ್ ನಿಸ್ಸಾಂಕಾ ಅವರ ವಿಕೆಟ್ ಕಿತ್ತರು. ಬಳಿಕ ಚರಿತ ಅಸಲಂಕಾ, ಸದೀರ ಸಮರವಿಕ್ರಮ ಮತ್ತು ಧನಂಜಯ ಡಿ ಸಿಲ್ವಾ ಅವರ ವಿಕೆಟ್‌ಗಳನ್ನು ಕಿತ್ತರು. ಶ್ರೀಲಂಕಾ ನಾಲ್ಕು ಓವರ್‌ಗಳಲ್ಲಿ 12 ರನ್ಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಘಾತಕ ಬೌಲಿಂಗ್ ನಡೆಸಿದ ಸಿರಾಜ್ ಕೇವಲ 16 ಎಸೆತಗಳಲ್ಲಿ ಐದು ವಿಕೆಟ್ ಉರುಳಿಸಿ ಚಾಮಿಂಡ ವಾಸ್ ಅವರ ದಾಖಲೆಯನ್ನು ಮೀರಿ ನಿಂತರು. ಇದಲ್ಲದೆ ತಂಡದ 10 ಓವರ್ಗೂ ಮುನ್ನ 5 ವಿಕೆಟ್ ಕಿತ್ತ ಮೊದಲ ಭಾರತೀಯ ಬೌಲರ್ ಎನಿಸಿಕೊಂಡರು. ಇದಕ್ಕೂ ಮುನ್ನ ಜಾವಗಲ್ ಶ್ರೀನಾಥ್ ಅವರು 2003 ರಲ್ಲಿ 4 ವಿಕೆಟ್ ಕಿತ್ತದ್ದು ಭಾರತೀಯ ದಾಖಲೆಯಾಗಿತ್ತು. ಇದೀಗ ಈ ದಾಖಲೆಯನ್ನು ಸಿರಾಜ್ ಮುರಿದಿದ್ದಾರೆ.
ಏಷ್ಯಾಕಪ್ನಲ್ಲಿ ದಾಖಲೆ
ಏಷ್ಯಾ ಕಪ್ನ ಏಕದಿನ ಮಾದರಿಯಲ್ಲಿ ಅತಿ ಕಡಿಮೆ ರನ್ ನೀಡಿ 6 ವಿಕೆಟ್ ಪಡೆದ ಲಂಕಾದ ಅಜಂತ ಮೆಂಡೀಸ್ ಅವರ ದಾಖಲೆಯನ್ನು ಸಿರಾಜ್ ಸರಿಗಟ್ಟಿದರು. ಮೆಂಡೀಸ್ 2008ರಲ್ಲಿ 13 ರನ್ಗೆ 6 ವಿಕೆಟ್ ಕಡೆವಿದ್ದರು. ಇದು ಈವರೆಗಿನ ಏಷ್ಯಾಕಪ್ ದಾಖಲೆಯಾಗಿತ್ತು. ಈಗ ಈ ದಾಖಲೆಯನ್ನು ಸಿರಾಜ್ ಸರಿಗಟ್ಟಿದ್ದಾರೆ. ಸಿರಾಜ್ ಕೂಡ 13 ರನ್ಗೆ 6 ಕಿತ್ತರು.
ಇದನ್ನೂ ಓದಿ India vs Sri Lanka Final: ರಾತ್ರಿ ಕೊಲಂಬೊ ತಲುಪಿದ ಸುಂದರ್; ಮಧ್ಯಾಹ್ನ ಫೈನಲ್ ಪಂದ್ಯಕ್ಕೆ ಹಾಜರ್
W . W W 4 W! 🥵
— Star Sports (@StarSportsIndia) September 17, 2023
Is there any stopping @mdsirajofficial?! 🤯
The #TeamIndia bowlers are breathing 🔥
4️⃣ wickets in the over! A comeback on the cards for #SriLanka?
Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR
ಬಾಂಗ್ಲಾದೇಶ ವಿರುದ್ಧದ ಅಂತಿಮ ಸೂಪರ್ 4 ಪಂದ್ಯದಲ್ಲಿ ಗಾಯಕೊಂಡು ಏಷ್ಯಾಕಪ್(Asia Cup 2023) ಟೂರ್ನಿಯಿಂದ ಹೊರಬಿದ್ದ ಅಕ್ಷರ್ ಪಟೇಲ್(Axar Patel) ಸ್ಥಾನಕ್ಕೆ ವಾಷಿಂಗ್ಟನ್ ಸುಂದರ್ ಅವರು ಆಯ್ಕೆಯಾಗಿದ್ದರು. ಅಚ್ಚರಿ ಎಂದರೆ ಅವರು ಲಂಕಾಗೆ ತಲುಪಿದ್ದೇ ನಿನ್ನೆ ರಾತ್ರಿ. ಆದರೆ ಮಧ್ಯಾಹ್ನ ಫೈನಲ್ ಪಂದ್ಯದಲ್ಲಿ(India vs Sri Lanka Final)ಆಡುವ ಅವಕಾಶವನ್ನು ಪಡೆದರು.
ನಿರೀಕ್ಷೆಯಂತೆ ಭಾರತ ಪಂದ್ಯಕ್ಕೆ 6 ಬದಲಾವಣೆ ಮಾಡಿತು. ಬಾಂಗ್ಲಾದೇಶ ವಿರುದ್ಧದ ಔಪಚಾರಿಕ ಪಂದ್ಯಕ್ಕೆ ವಿಶ್ರಾಂತಿ ಪಡೆದಿದ್ದ ವಿರಾಟ್ ಕೊಹ್ಲಿ, ಉಪನಾಯಕ ಹಾರ್ದಿಕ್ ಪಾಂಡ್ಯ, ವೇಗಿಗಳಾದ ಜಸ್ಪ್ರೀತ್ ಬುಮ್ರಾ, ಮೊಮ್ಮದ್ ಸಿರಾಜ್ ಮತ್ತು ಸ್ಪಿನ್ನರ್ ಕುಲ್ದೀಪ್ ಯಾದವ್ ಮತ್ತೆ ತಂಡ ಸೇರಿಕೊಂಡಿದ್ದಾರೆ. ಹೀಗಾಗಿ ಇವರ ಸ್ಥಾನದಲ್ಲಿ ಆಡಿದ್ದ ಆಟಗಾರರು ಈ ಪಂದ್ಯದಿಂದ ಹೊರಗುಳಿದರು. ಅಕ್ಷರ್ ಬದಲು ವಾಷಿಂಗ್ಟನ್ ಸುಂದರ್ ಆಡಲಿಳಿದರು.