IND vs WI: ಬೌಂಡರಿ ಬಾರಿಸಿದ ಬಳಿಕ ವಿಶೇಷ ರೀತಿಯಲ್ಲಿ ಸಂಭ್ರಮಿಸಿದ ಕೊಹ್ಲಿ; ವಿಡಿಯೊ ವೈರಲ್​

ರೊಸೇಯೂ (ಡೊಮಿನಿಕಾ): ವೆಸ್ಟ್​ ಇಂಡೀಸ್​(IND vs WI) ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಹಲವು ದಾಖಲೆಗಳ ಮೇಲೆ ಕಣ್ಣಿಟ್ಟಿರುವ ಟೀಮ್​ ಇಂಡಿಯಾದ ಸ್ಟಾರ್​ ಆಟಗಾರ ವಿರಾಟ್​ ಕೊಹ್ಲಿ(virat kohli) ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್​ ಆಗಿದ್ದಾರೆ. ಇದಕ್ಕೆ ಕಾರಣ ಅವರು 80 ಎಸೆತಗಳನ್ನು ಎದುರಿಸಿದ ಬಳಿಕ ಬಾರಿಸಿದ ಮೊದಲ ಬೌಂಡರಿ(virat kohli boundary).

ಮೊದಲ ದಿನದಾಟದಲ್ಲಿ ಎಚ್ಚರಿಕೆಯ ಬ್ಯಾಟಿಂಗ್​ ಮೂಲಕ ಭಾರತಕ್ಕೆ ದಿಟ್ಟ ಆರಂಭ ಒದಗಿಸಿದ್ದ ರೋಹಿತ್​-ಜೈಸ್ವಾಲ್​ ಕ್ರಮವಾಗಿ 30 ಮತ್ತು 40 ರನ್​ಗಳಿಂದ 2ನೇ ದಿನ ಇನಿಂಗ್ಸ್​ ಮುಂದುವರಿಸಿದರು. ದ್ವಿತೀಯ ದಿನದಾಟದಲ್ಲಿ ತಾಳ್ಮೆಯುತ ಬ್ಯಾಟಿಂಗ್​ ನಡೆಸಿದ ಈ ಜೋಡಿ ಶತಕ ಬಾರಿಸಿ ಸಂಭ್ರಮಿಸಿತು. ಜತೆಗೆ ಮೊದಲ ವಿಕೆಟ್​ಗೆ 229 ರನ್​ಗಳ ಜತೆಯಾಟ ನಡೆಸಿತು. ಉಭಯ ಆಟಗಾರರ ಶತಕದ ಆಟದ ನೆರವಿನಿಂದ ಭಾರತ 2 ವಿಕೆಟ್​ನಷ್ಟಕ್ಕೆ 312 ರನ್​ ಗಳಿಸಿ ಬ್ಯಾಟಿಂಗ್​ ಕಾಯ್ದುಕೊಂಡಿದೆ.

ಶುಭಮನ್​ ಗಿಲ್​ ಅವರು ವಿಕೆಟ್​ ಪತನದ ಬಳಿಕ ಬ್ಯಾಟಿಂಗ್​ ನಡೆಸಲು ಬಂದ ವಿರಾಟ್​ ಕೊಹ್ಲಿ ತಾಳ್ಮೆಯುವ ಬ್ಯಾಟಿಂಗ್​ಗೆ ಒತ್ತು ನೀಡಿದರು. ಹೀಗಾಗಿ ಒಂದು,ಎರಡು ರನ್​ಗಳನಷ್ಟೇ ಗಳಿಸುತ್ತಾ ಸಾಗಿದರು. 80 ಎಸೆತ ಎದುರಿಸಿದ ವೇಳೆ ಅವರು ಮೊದಲ ಬೌಂಡರಿ ಬಾರಿಸಿದರು. ಸಾಮಾನ್ಯವಾಗಿ ಕೊಹ್ಲಿ ಇಷ್ಟು ನಿಧಾನಗತಿಯಲ್ಲಿ ಆಡುವುದಿಲ್ಲ. 80 ಎಸೆತದ ಬಳಿಕ ಬೌಂಡರಿ ಬಾರಿಸಿದ ವೇಳೆ ಕೊಹ್ಲಿ ಕ್ರಿಕೆಟ್​ನಲ್ಲಿ ಮೊದಲ ಬೌಂಡರಿ ಬಾರಿಸಿದ ರೀತಿಯಲ್ಲಿ ಸಂಭ್ರಮಿಸಿದ್ದಾರೆ. ಈ ವಿಡಿಯೊ ವೈರಲ್(viral video) ಆಗಿದೆ.

ಇದನ್ನೂ ಓದಿ Virat Kohli : ಕೊಹ್ಲಿಗೆ ಎಲ್ಲೇ ಹೋದರೂ ಅಭಿಮಾನಿಗಳು; ವಿಂಡೀಸ್​ನಲ್ಲೂ ಮುತ್ತಿಗೆ ಹಾಕಿದ ಫ್ಯಾನ್ಸ್​

See more

Virat Kohli celebrating his first boundary of the innings.

What a fantastic character.pic.twitter.com/f0DLJ8No4f

— Johns. (@CricCrazyJohns) July 14, 2023

ಸದ್ಯ 96 ಎಸೆತ ಎದುರಿಸಿ 36 ರನ್ ಗಳಿಸಿರುವ ಕೊಹ್ಲಿ ಮೂರನೇ ದಿನಕ್ಕೆ ಬ್ಯಾಟಿಂಗ್​ ಕಾಯ್ದುಕೊಂಡಿದ್ದಾರೆ. ಮತ್ತೊಂದು ತುದಿಯಲ್ಲಿ ಜೈಸ್ವಾಲ್​ 143 ರನ್​ ಗಳಿಸಿದ್ದಾರೆ. ಅರ್ಧಶತಕದ ಜತೆಯಾಟ ನಡೆಸಿರುವ ಈ ಜೋಡಿ ಮೂರನೇ ದಿನವಾದ ಶುಕ್ರವಾರ ಈ ಮೊತ್ತವನ್ನು ಹೆಚ್ಚಿಸುವ ವಿಶ್ವಾಸದಲ್ಲಿದ್ದಾರೆ.

ರಿಚರ್ಡ್ಸ್ ದಾಖಲೆ ಮುರಿಯುವ ಸನಿಹದಲ್ಲಿ ಕೊಹ್ಲಿ

ಕೊಹ್ಲಿ ಅವರು ಇನ್ನು 26 ರನ್​ ಬಾರಿಸಿದರೆ ವಿವ್ ರಿಚರ್ಡ್ಸ್ ಅವರ ದಾಖಲೆಯೊಂದು ಪತನಗೊಳ್ಳಲಿದೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ ರಿಚರ್ಡ್ಸ್ ಅವರ ರನ್ನನ್ನು ಹಿಂದಿಕ್ಕಲಿದ್ದಾರೆ. ರಿಚರ್ಡ್ಸ್ ಟೆಸ್ಟ್​ನಲ್ಲಿ 8540 ರನ್​ ಗಳಿಸಿದ್ದಾರೆ. ಸದ್ಯ ವಿರಾಟ್​ ಅವರು 8515* ರನ್​ ಬಾರಿಸಿದ್ದಾರೆ. ಇನ್ನು 26 ರನ್​ ಬಾರಿಸಿದರೆ ಕೊಹ್ಲಿ ಈ ರೇಸ್​ನಲ್ಲಿ ಮುಂದೆ ಸಾಗಲಿದ್ದಾರೆ. ಅವರು 36 ರನ್​ ಗಳಿಸುವುದಕ್ಕೂ ಮುನ್ನ ಈ ದಾಖಲೆ ಮುರಿಯಲು 62 ರನ್​ಗಳ ಅವಶ್ಯಕತೆ ಇತ್ತು. ಸದ್ಯ 36 ರನ್​ ಗಳಿಸಿ ಬ್ಯಾಟಿಂಗ್​ ಕಾಯ್ದುಕೊಂಡಿದ್ದಾರೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ ಅತ್ಯಧಿಕ ರನ್​ ಗಳಿಸಿದ ದಾಖಲೆ ಕ್ರಿಕೆಟ್​ ದೇವರು ಎಂದು ಕರೆಯಲ್ಪಡುವ ಸಚಿನ್​ ತೆಂಡೂಲ್ಕರ್(Sachin Tendulkar)​ ಹೆಸರಿನಲ್ಲಿದೆ. ಸಚಿನ್​ 15921 ರನ್​ ಗಳಿಸಿದ್ದಾರೆ.