ಚೆನ್ನೈ: ಆಸ್ಟ್ರೇಲಿಯಾ ಮತ್ತು ಭಾರತ ವಿರುದ್ಧ ಇಂದು, ಚೆನ್ನೈಯಲ್ಲಿ(IND vsAUS) ನಡೆಯುವ ವಿಶ್ವಕಪ್(icc world cup 2023) ಪಂದ್ಯವನ್ನು ಕಣ್ತುಂಬಿಕೊಳ್ಳಲು ಕಾದು ಕುಳಿತ ಅಭಿಮಾನಿಗಳಿಗೆ ಯಾವುದೇ ನಿರಾಸೆಯಾಗದು. ಈ ಪಂದ್ಯದಕ್ಕೆ ಮಳೆ ಅಡ್ಡಿಪಡಿಸುವ ಯಾವುದೇ ಸಾಧ್ಯತೆ ಇಲ್ಲ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಹೀಗಾಗಿ ಸಂಪೂರ್ಣವಾಗಿ ಪಂದ್ಯ ನಡೆಯಲಿದೆ.
ಹವಾಮಾನ ವರದಿ
ವೆದರ್‌ಕಾಮ್ ನೀಡಿರುವ ಹವಾಮಾನ ವರದಿಯ ಪ್ರಕಾರ, ಭಾನುವಾರದಂದು ಚೆನ್ನೈನಲ್ಲಿ ಗರಿಷ್ಠ ತಾಪಮಾನ 32 ಡಿಗ್ರಿ ಸೆಲ್ಸಿಯಸ್ ಮತ್ತು ಕನಿಷ್ಠ 27 ಡಿಗ್ರಿ ಸೆಲ್ಸಿಯಸ್ ಇರಲಿದೆ. ಸಣ್ಣ ಮಟ್ಟಿನ ಮೋಡ ಕವಿದ ವಾತಾವರಣ ಇದ್ದರೂ ಮಳೆಯ ಸಾಧ್ಯತೆ ಇಲ್ಲ ಎಂದು ತಿಳಿಸಿದೆ.
ಮೀಸಲು ದಿನ ಇಲ್ಲ
ಒಂದೊಮ್ಮೆ ಈ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿ ಫಲಿತಾಂಶ ನಿರ್ಧಾರವಾಗದಿದ್ದರೆ ಮೀಸಲು ದಿನ ಇರುವುದಿಲ್ಲ. ಈಗಾಗಕೇ ಐಸಿಸಿ ಮಳೆ ನಿಯಮವನ್ನು ಪ್ರಕಟಿಸಿದೆ. ಅದರಂತೆ ಪಂದ್ಯ ರದ್ದಾದರೆ ಉಭಯ ತಂಡಗಳಿಗೂ ತಲಾ ಒಂದು ಅಂಕ ನೀಡಲಾಗುತ್ತದೆ.
ಪಿಚ್ ರಿಪೋರ್ಟ್
ಚೆನ್ನೈಯ ಐಕಾನಿಕ್ ಎಂ.ಎ ಚಿದಂಬರಂ ಸ್ಟೇಡಿಯಂನ ಪಿಚ್ ಅನ್ನು ನವೀಕರಿಸಲಾಗಿದೆ. ಮೇಲ್ಮೈಗಳನ್ನು ಕೆಂಪು ಮಣ್ಣಿಗಿಂತ ಹೆಚ್ಚು ಜೇಡಿಮಣ್ಣಿನ ಅಂಶದೊಂದಿಗೆ ಕಪ್ಪು ಮಣ್ಣಿನಿಂದ ನಿರ್ಮಾಣ ಮಾಡಲಾಗಿದೆ. ಆದ್ದರಿಂದ ವೇಗಿಗಳು ಹೆಚ್ಚುವರಿ ಬೌನ್ಸ್ ನಡೆಸಲು ಸಾಧ್ಯವಿದೆ. ಆದಾಗ್ಯೂ, ಚೆನ್ನೈನಲ್ಲಿ ನಡೆಯುವ ಸ್ಪಿನ್ ಮೋಡಿಗೇನು ಕೊರತೆಯಾಗದು. ಸ್ಪಿನ್ನರ್‌ಗಳು ಆಟದ ಉದ್ದಕ್ಕೂ ಯೋಗ್ಯವಾದ ತಿರುವು ಪಡೆಯಲಿದ್ದಾರೆ. ಇಲ್ಲಿನ ಮೊದಲ ಇನಿಂಗ್ಸ್ನ ಎವರೇಜ್ ರನ್ 247.
ಇದನ್ನೂ ಓದಿ ICC World Cup 2023 : ಡೆಲ್ಲಿಯಲ್ಲಿ ಬ್ಯಾಟಿಂಗ್ ಸಂಭ್ರಮ, ದಕ್ಷಿಣ ಆಫ್ರಿಕಾ ತಂಡಕ್ಕೆಲಂಕಾ ವಿರುದ್ಧ 102 ರನ್ ಜಯ
Which captain comes out on top today? 🤔#CWC23 pic.twitter.com/kDg0qYDweg
— ICC Cricket World Cup (@cricketworldcup) October 8, 2023
ವಿಶ್ವಕಪ್ ಮುಖಾಮುಖಿ
ಭಾರತ ಮತ್ತು ಆಸೀಸ್ ತಂಡಗಳು 12 ಆವೃತ್ತಿಯ ವಿಶ್ವಕಪ್ ಮಹಾ ಸಮರದಲ್ಲಿ ಇದುವರೆಗೆ 12 ಪಂದ್ಯಗಳಲ್ಲಿ ಮುಖಾಮುಖಿಯಾಗಿವೆ. ಒಂದು ಬಾರಿ ಫೈನಲ್ನಲ್ಲಿ ಸೆಣಸಾಡಿವೆ. ಇದು 2003ರ ವಿಶ್ವಕಪ್ ಟೂರ್ನಿ. ಫೈನಲ್ನಲ್ಲಿ ಭಾರತ ಸೋಲು ಕಂಡು 2ನೇ ಬಾರಿ ಕಪ್ ಗೆಲ್ಲುವ ಅವಕಾಶದಿಂದ ವಂಚಿತವಾಗಿತ್ತು. 12 ಪಂದ್ಯಗಳ ಪೈಕಿ ಭಾರತ 4 ಪಂದ್ಯಗಳಲ್ಲಿ ಗೆದ್ದರೆ, ಆಸ್ಟ್ರೇಲಿಯಾ 8 ಪಂದ್ಯಗಳಲ್ಲಿ ಗೆಲುವಿನ ನಗೆ ಬೀರಿದೆ.
ಭಾರತ-ಆಸ್ಟ್ರೇಲಿಯಾ ವಿಶ್ವಕಪ್ ಪಂದ್ಯಗಳ ಮಾಹಿತಿ
| ವರ್ಷ | ಸ್ಥಳ | ಫಲಿತಾಂಶ | ಪಂದ್ಯಶ್ರೇಷ್ಠ |
| 1983 | ನಾಟಿಂಗ್‌ಹ್ಯಾಮ್‌ | ಆಸ್ಟ್ರೇಲಿಯಾಕ್ಕೆ 162 ರನ್ ಜಯ | ಟ್ರೆವರ್‌ ಚಾಪೆಲ್‌ |
| 1983 | ಚೆಲ್ಮ್ಸ್ ಫೋರ್ಡ್ | ಭಾರತಕ್ಕೆ 118 ರನ್ ಜಯ | ರೋಜರ್‌ ಬಿನ್ನಿ |
| 1987 | ಚೆನ್ನೈ | ಆಸ್ಟ್ರೇಲಿಯಾಕ್ಕೆ 1ರನ್ ಗೆಲುವು | ಜೆಫ್‌ ಮಾರ್ಷ್‌ |
| 1987 | ನವದೆಹಲಿ | ಭಾರತಕ್ಕೆ 56 ರನ್ ಜಯ | ಎಂ. ಅಜರುದ್ದೀನ್‌ |
| 1992 | ಬ್ರಿಸ್ಬೇನ್‌ | ಆಸ್ಟ್ರೇಲಿಯಾಕ್ಕೆ 1 ರನ್ ಜಯ | ಡೀನ್‌ ಜೋನ್ಸ್ |
| 1996 | ಮುಂಬಯಿ | ಆಸ್ಟ್ರೇಲಿಯಾಕ್ಕೆ 16 ರನ್ ಜಯ | ಮಾರ್ಕ್‌ ವೋ |
| 1999 | ಓವಲ್ | ಆಸ್ಟ್ರೇಲಿಯಾಕ್ಕೆ 77 ರನ್ ಜಯ | ಗ್ಲೆನ್‌ ಮೆಕ್‌ಗ್ರಾತ್‌ |
| 2003 | ಸೆಂಚುರಿಯನ್‌ | ಆಸ್ಟ್ರೇಲಿಯಾಕ್ಕೆ 9 ವಿಕೆಟ್‌ ಜಯ | ಜಾಸನ್‌ ಗಿಲೆಸ್ಪಿ |
| 2003 | ಜೊಹಾನ್ಸ್ಬರ್ಗ್ | ಆಸ್ಟ್ರೇಲಿಯಾಕ್ಕೆ 125 ರನ್ ಜಯ | ರಿಕಿ ಪಾಂಟಿಂಗ್‌ |
| 2011 | ಅಹ್ಮದಾಬಾದ್‌ | ಭಾರತಕ್ಕೆ 5 ವಿಕೆಟ್‌ ಜಯ | ಯುವರಾಜ್‌ ಸಿಂಗ್‌ |
| 2015 | ಸಿಡ್ನಿ | ಆಸ್ಟ್ರೇಲಿಯಾಕ್ಕೆ 95 ರನ್ ಜಯ | ಸ್ಟೀವನ್‌ ಸ್ಮಿತ್‌ |
| 2019 | ಓವಲ್ | ಭಾರತಕ್ಕೆ 36 ರನ್ | ಶಿಖರ್ ಧವನ್ |
1987ರ ವಿಶ್ವಕಪ್ನಲ್ಲಿ ಚೆನ್ನೈಯಲ್ಲಿ ನಡೆದ ಅತ್ಯಂತ ರೋಚಕವಾದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಭಾರತ ವಿರುದ್ಧ ಕೇವಲ ಒಂದು ರನ್ಗಳಿಂದ ಗೆಲುವು ಸಾಧಿಸಿತ್ತು. ಜೆಫ್‌ ಮಾರ್ಷ್‌ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು. ಈ ಬಾರಿಯೂ ಭಾರತ ತನ್ನ ಮೊದಲ ಪಂದ್ಯವನ್ನು ಚೆನ್ನೈಯಲ್ಲೇ ಆಸೀಸ್ ವಿರುದ್ಧ ಆಡಲಿದೆ. 87ರ ಸೋಲಿಗೆ ಭಾರತ ಸೇಡು ತೀರಿಸೀತೇ ಎನ್ನುವುದು ಪಂದ್ಯದ ಕೌತುಕ.