ರಾಯ್ಪುರ: ಐದು ಪಂದ್ಯಗಳ ಟಿ20 ಸರಣಿಯಲ ನಾಲ್ಕನೇ ಪಂದ್ಯದಲ್ಲಿ ಭಾರತ ತಂಡ ಗೆಲುವು ಸಾಧಿಸಿದೆ. ಇದರೊಂದಿಗೆ ಇನ್ನೂ ಒಂದು ಪಂದ್ಯ ಬಾಕಿ ಇರುವಂತೆಯೇ ಸರಣಿ 2-1 ಅಂತರದಿಂದ ಭಾರತದ ಕೈವಶವಾಗಿದೆ. ಭಾರತೀಯ ಅಭಿಮಾನಿಗಳ ಪಾಲಿಗೆ ಸ್ವಲ್ಪ ಸಮಾಧಾನದ ಸಂಗತಿಯಾಗಿದೆ ಯಾಕೆಂದರೆ ಭಾರತ ತಂಡವನ್ನು ವಿಶ್ವ ಕಪ್ ಫೈನಲ್ಲ್ಲಿ ಸೋಲಿಸುವ ಮೂಲಕ ಆಸೀಸ್ ತಂಡ ನಿರಾಸೆ ಮೂಡಿಸಿತ್ತು. ಇದೀಗ ಸರಣಿಯ ಟ್ರೋಫಿಯನ್ನು ಕೊಂಡೊಯ್ಯಲು ಸೂರ್ಯಕುಮಾರ್ ಯಾದವ್ ನೇತೃತ್ವದ ತಂಡ ಬಿಡಲಿಲ್ಲ. ಸರಣಿಯಲ್ಲಿ ಇನ್ನು ಒಂದು ಪಂದ್ಯ ಬಾಕಿ ಉಳಿದಿದ್ದು ಅದು ಭಾನುವಾರ ಬೆಂಗಳೂರಿನಲ್ಲಿ ನಡೆಯಲಿದೆ.
ಇಲ್ಲಿನ ಶಹೀದ್ ವೀರನಾರಾಯಣ ಸಿಂಗ್ ಇಂಟರ್ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ.. ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ಗೆ 174 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ತಂಡ ತಮ್ಮ ಪಾಲಿನ 20 ಓವರ್ಗಳಲ್ಲಿ 7 ವಿಕೆಟ್ಗೆ 154 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು. ಭಾರತ ತಂಡದ ಪರ ಬೌಲಿಂಗ್ನಲ್ಲಿ ಅಕ್ಷರ್ ಪಟೇಲ್ 3 ವಿಕೆಟ್ ಪಡೆದರೆ ದೀಪಕ್ ಚಾಹರ್ 2 ವಿಕೆಟ್ ಉರುಳಿಸಿದರು. ಭಾರತ ತಂಡ ಹೈದರಾಬಾದ್ ಹಾಗೂ ತಿರುವನಂತಪುರದಲ್ಲಿ ನಡೆದ ಎರಡು ಪಂದ್ಯಗಳಲ್ಲಿ ಗೆದ್ದಿದ್ದರೆ ಆಸ್ಟ್ರೇಲಿಯಾ ತಂಡ ಗುವಾಹಟಿಯಲ್ಲಿ ಗೆಲುವು ಕಂಡಿತ್ತು. ಅಂದ ಹಾಗೆ ಆಸ್ಟ್ರೇಲಿಯಾ ತಂಡದ ಮ್ಯಾಕ್ಸ್ವೆಲ್ ಸೇರಿದಂತೆ ಪ್ರಮುಖ ಬ್ಯಾಟರ್ಗಳು ಇಲ್ಲದಿರುವುದು ಕೂಡ ಭಾರತ ತಂಡಕ್ಕೆ ಲಾಭ ಎನಿಸಿತು.
ಇದನ್ನೂ ಓದಿ : ind vs Aus : ಸೂರ್ಯಕುಮಾರ್ ಪಡೆ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿದರೆ ವಿಶ್ವ ದಾಖಲೆ ಖಚಿತ
ಭಾರತ ತಂಡ ಸಾಧಾರಣ ಮೊತ್ತ ಪೇರಿಸಿದ್ದ ಕಾರಣ ಗೆಲುವು ಸುಲಭ ಎಂದು ಅಂದುಕೊಂಡಿರಲಿಲ್ಲ. ಆದರೆ, ಭಾರತದ ಸ್ಪಿನ್ನ್ ಬೌಲರ್ಗಳು ಅದನ್ನು ಸಾಧ್ಯವಾಗಿಸಿದರು. ಕೊನೇ ಹಂತದಲ್ಲಿ ಬಿಗಿಯಾದ ಬೌಲಿಂಗ್ ಸಂಘಟಿಸಿ ಗೆಲುವು ತನ್ನದಾಗಿಸಿಕೊಂಡಿತು. ಆಸೀಸ್ ಪರ ನಾಯಕ ಮ್ಯಾಥ್ಯೂ ವೇಡ್ 36 ರನ್ ಬಾರಿಸಿದರೆ, ಮ್ಯಾಥ್ಯೂ ಶಾರ್ಟ್ಸ್ 22 ರನ್ ಕೊಡುಗೆ ಕೊಟ್ಟರು. ಆರಂಭಿಕ ಬ್ಯಾಟರ್ ಟ್ರಾವಿಸ್ ಹೆಡ್ ಅಬ್ಬರದ 31 ರನ್ ಬಾರಿಸಿ ಭಯ ಹುಟ್ಟಿಸಿದ್ದರು.
ರಿಂಕು, ಜಿತೇಶ್ ನೆರವು
ಭಾರತ ತಂಡದ ಬ್ಯಾಟಿಂಗ್ ಆರಂಭ ಹಿಂದಿನ ಎರಡು ಪಂದ್ಯಗಳಷ್ಟು ಅಬ್ಬರ ಇರಲಿಲ್ಲ. ಮೊದಲ ಓವರ್ನಲ್ಲಿ ಕೇವಲ 1 ರನ್ ಮಾತ್ರ ಬಂತು. ಆ ಬಳಿಕ ಆರಂಭಿಕ ಬ್ಯಾಟರ್ 28 ಎಸೆತಗಳಲ್ಲಿ 37 ರನ್ ಬಾರಿಸಿದರು. ಅವರ ಪ್ರಯತ್ನದಿಂದಾಗಿ ಭಾರತದ ಸ್ಕೋರ್ ಬೋರ್ಡ್ ನಿಧಾನಕ್ಕೆ ಹಿಗ್ಗಿತು. ಆ ಬಳಿಕ ತಪ್ಪು ಹೊಡೆದ ಹೊಡೆದ ಜೈಸ್ವಾಲ್ ಔಟ್ ಆದರು. ನಾಲ್ಕನೇ ಪಂದ್ಯಕ್ಕೆ ತಂಡಕ್ಕೆ ಪ್ರವೇಶ ಪಡೆದ ಶ್ರೇಯಸ್ ಅಯ್ಯರ್ 8 ರನ್ಗೆ ಔಟಾಗುವ ಮೂಲಕ ನಿರಾಸೆ ಮೂಡಿಸಿದರು. ಸೂರ್ಯಕುಮಾರ್ ಯಾದವ್ ಕೂಡ ಒಂದು ರನ್ ಮಾಡಿ ಔಟಾಗುವ ಮೂಲಕ ಭಾರತ ತಂಡದ ಮೇಲೆ ಒತ್ತಡ ಬಿತ್ತು.
The unstoppable Rinku Singh. 🔥pic.twitter.com/ACc8li1e0v
— Johns. (@CricCrazyJohns) December 1, 2023
ಮೂರನೇ ವಿಕೆಟ್ ಪತನಗೊಂಡ ಬಳಿಕ ಆಡಲು ಬಂದ ರಿಂಕು ಸಿಂಗ್ ಭರವಸೆ ಮೂಡಿಸಿದರು. ಆದರೆ, ಈ ವೇಳೆ ಋತುರಾಜ್ ಗಾಯಕ್ವಾಡ್ 32 ರನ್ ಮಾಡಿ ಔಟಾದರು. ಹೀಗಾಗಿ 111 ರನ್ಗಳಿಗೆ 4 ವಿಕೆಟ್ ಉರುಳಿತು. ಆಡುವ ಅವಕಾಶ ಪಡೆದ ಜಿತೇಶ್ ಶರ್ಮಾ ಹಾಗೂ ರಿಂಕು ಸಿಂಗ್ 57 ರನ್ಗಳ ಜತೆಯಾಟವಾಡಿದರು. ಹೀಗಾಗಿ ಭಾರತಕ್ಕೆ ಸ್ಪರ್ಧತ್ಮಕ ಮೊತ್ತ ಪೇರಿಸಲು ಸಾಧ್ಯವಾಯಿತು. ಕೊನೇ ಹಂತದಲ್ಲಿ ಸತತವಾಗಿ ವಿಕೆಟ್ ಕಳೆದದುಕೊಂಡ ಭಾರತ 200 ರನ್ಗಳ ಸನಿಹ ಮೊತ್ತವನ್ನು ಹೆಚ್ಚಿಸುವ ಅವಕಾಶ ಕಳೆದುಕೊಂಡರು. ಅಕ್ಷರ್ ಪಟೇಲ್ ಹಾಗೂ ದೀಪಕ್ ಚಾಹರ್ ಶೂನ್ಯಕ್ಕೆ ಔಟಾದರು.