ಬೆಂಗಳೂರು: ವಿಶ್ವ ಕಪ್ನ ಲೀಗ್ ಹಂತದ ತನ್ನ ಕೊನೇ ಪಂದ್ಯದಲ್ಲಿ ಭಾರತ ತಂಡ ನೆದರ್ಲ್ಯಾಂಡ್ಸ್ (ind vs ned) ವಿರುದ್ಧ 160 ರನ್ಗಳಿಂದ ಜಯಗಳಿಸಿದೆ. ಈ ಮೂಲಕ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ಹಾಲಿ ವಿಶ್ವ ಕಪ್ನ (ICC World Cup 2023) ಲೀಗ್ ಹಂತದ 9 ಪಂದ್ಯಗಳಲ್ಲಿ ಎಲ್ಲವನ್ನೂ ಗೆದ್ದು 18 ಅಂಕಗಳೊಂದಿಗೆ ಸೆಮಿ ಫೈನಲ್ಗೆ ಪ್ರವೇಶ ಪಡೆಯಿತು. ಭಾರತ ತಂಡ ಒಂದೇ ವಿಶ್ವ ಕಪ್ ಆವೃತ್ತಿಯಲ್ಲಿ ಸತತ 9 ಗೆಲುವು ಪಡೆಯುತ್ತಿರುವುದು ಇದೇ ಮೊದಲಾಗಿರುವ ಕಾರಣ ಅದು ಕೂಡ ದಾಖಲೆಯಾಯಿತು. ಹಿಂದೆ ಧೋನಿ ನಾಯಕತ್ವದಲ್ಲಿ ಭಾರತ ತಂಡ 8 ಗೆಲುವು ಕಂಡಿತ್ತು. ಉತ್ಸಾಹದಲ್ಲಿರುವ ಭಾರತ ಬಳಗ ಬುಧವಾರ (ನವೆಂಬರ್ 15) ನಡೆಯಲಿರುವ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಅಂಕಪಟ್ಟಿಯ ನಾಲ್ಕನೇ ಸ್ಥಾನಿ ನ್ಯೂಜಿಲ್ಯಾಂಡ್ ವಿರುದ್ಧ ಆಡಲಿದೆ.
India finish the #CWC23 group stage without a loss 🎇#INDvNED 📝: https://t.co/i4XroN43Ss pic.twitter.com/vp3KyuwGS6
— ICC Cricket World Cup (@cricketworldcup) November 12, 2023
ಶ್ರೇಯಸ್ ಅಯ್ಯರ್ (ಅಜೇಯ 128) ಮತ್ತು ಕೆ. ಎಲ್ ರಾಹುಲ್ (102) ಅವರ ಶತಕಗಳು ಹಾಗೂ ಶುಭ್ಮನ್ ಗಿಲ್ (61), ರೋಹಿತ್ ಶರ್ಮಾ (61) ವಿರಾಟ್ ಕೊಹ್ಲಿ (51) ಹಾಗೂ ಅವರ ಅರ್ಧ ಶತಕಗಳು ಭಾರತ ತಂಡದ ಗೆಲುವಿಗೆ ನೆರವಾಯಿತು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಸೇರಿದಂತೆ ಭಾರತ ತಂಡದ ಪರ 9 ಆಟಗಾರರು ಬೌಲಿಂಗ್ ಮಾಡಿದರು. ಜಸ್ಪ್ರಿತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಕುಲ್ದೀಪ್ ಯಾದವ್, ರವೀಂದ್ರ ಜಡೇಜಾ ತಲಾ 2 ವಿಕೆಟ್ ಪಡೆದರೆ, ಕೊಹ್ಲಿ ಮತ್ತು ರೋಹಿತ್ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
Phenomenal performance by Team India at the #CWC2023! 🇮🇳💙 9 out of 9 wins in the group stage – what an exceptional performance! Kudos to our batters for a record-breaking show, with the top 5 scoring 50s – a FIRST in @cricketworldcup history! Special mention to @ShreyasIyer15 &… pic.twitter.com/59W6FnBZkQ
— Jay Shah (@JayShah) November 12, 2023
ಇಲ್ಲಿನ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ತನ್ನ ನಿರ್ಧಾರಕ್ಕೆ ಪೂರಕವಾಗಿ ಆಡಿತು. ಆರಂಭದಿಂದಲೂ ಕೊನೇ ತನಕ ರನ್ಗಳನ್ನು ಗಳಿಸುತ್ತಾ ನಿಗದಿತ 50 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 40 ರನ್ ಬಾರಿಸಿತು. ಪ್ರತಿಯಾಗಿ ಆಡಿದ ಸ್ಕಾಟ್ ಎಡ್ವರ್ಡ್ ನೇತೃತ್ವದ ಡಚ್ಚರ ಪಡೆ 47. 5 ಓವರ್ಗಳಲ್ಲಿ 250 ರನ್ಗಳಿಗೆ ಆಲ್ಔಟ್ ಆಗಿ ಸೋಲೊಪ್ಪಿಕೊಂಡಿತು.
Kohli – 594 runs.
— Johns. (@CricCrazyJohns) November 12, 2023
Rohit – 503 runs.
Iyer – 421 runs.
Rahul – 347 runs.
Gill – 270 runs.
Bumrah – 17 wickets.
Jadeja – 16 wickets.
Shami – 16 wickets.
Kuldeep – 14 wickets.
Siraj – 12 wickets.
Indian team is a family. 🔥 pic.twitter.com/B2wN0vrvC3
ಬೆಂಗಳೂರಿನಲ್ಲಿ ರನ್ ಮಳೆ
ಬ್ಯಾಟರ್ಗಳ ಸ್ವರ್ಗ ಎನಿಸಿರುವ ಬೆಂಗಳೂರಿನ ಮೈದಾನದಲ್ಲಿ ಭಾರತೀಯ ಬ್ಯಾಟರ್ಗಳು ಸಿಕ್ಕ ಅವಕಾಶವನ್ನು ಸದ್ಬಳಕೆ ಮಾಡಿಕೊಂಡು ರನ್ಗಳ ಮಳೆಯನ್ನೇ ಸುರಿಸಿದರು. ಹೀಗಾಗಿ ಡಚ್ಚರ ಗೆಲುವಿಗೆ 411 ರನ್ಗಳ ಗುರಿ ಎದುರಾಗಿತ್ತು. ಈ ಮೂಲಕ ಭಾರತ ತಂಡ ವಿಶ್ವ ಕಪ್ ಇತಿಹಾಸದಲ್ಲಿ ಎರಡನೇ ಬಾರಿಗೆ 400 ರನ್ಗಳಿಗಿಂತ ಅಧಿಕ ಮೊತ್ತವನ್ನು ಬಾರಿಸಿತು. 2007ರ ವಿಶ್ವ ಕಪ್ನಲ್ಲಿ ಬರ್ಮುಡಾ ವಿರುದ್ಧ 5 ವಿಕೆಟ್ 413 ರನ್ ಬಾರಿಸಿತ್ತು.
Happy Diwali 💙🇮🇳 pic.twitter.com/fxMOuZRsF3
— SunRisers Hyderabad (@SunRisers) November 12, 2023
ಇನಿಂಗ್ಸ್ ಆರಂಭಿಸಿದ ಭಾರತ ತಂಡದ ಸರಾಗವಾಗಿ ರನ್ಗಳಿಸಿತು. ಶುಭ್ಮನ್ ಗಿಲ್ (51) ಹಾಗೂ ರೋಹಿತ್ ಶರ್ಮಾ (61) ಮೊದಲ ವಿಕೆಟ್ಗೆ 100 ರನ್ಗಳ ಜತೆಯಾಟ ನೀಡಿದರು. 32 ಎಸೆತಗಳಲ್ಲಿ ಅರ್ಧ ಶತಕ ಪೂರೈಸಿಸಿದ್ದ ಶುಭ್ಮನ್ ಗಿಲ್ ಬೌಂಡರಿ ಲೈನ್ನಲ್ಲಿ ಎದುರಾಳಿ ತಂಡದ ಬರ್ರೇಸಿ ಹಿಡಿದ ಅದ್ಭುತ ಕ್ಯಾಚ್ಗೆ ಬಲಿಯಾದರು. ಅವರ ಇನಿಂಗ್ಸ್ನಲ್ಲಿ 8 ಫೋರ್ ಹಾಗೂ 2 ಸಿಕ್ಸರ್ಗಳಿದ್ದವು/ ಬಳಿಕ ಆಡಲು ಬಂದ ವಿರಾಟ್ ಕೊಹ್ಲಿ ಆರಂಭದಲ್ಲಿ ನಿಧಾನಗತಿಯಲ್ಲಿ ಬ್ಯಾಟಿಂಗ್ ಮಾಡಿ ಬಳಿಕ ರನ್ ಗಳಿಕೆಗೆ ವೇಗ ಕೊಟ್ಟರು. 5 ಫೋರ್ ಹಾಗೂ 1 ಸಿಕ್ಸರ್ ಮೂಲಕ ಅವರು ಅರ್ಧ ಶತಕ ಬಾರಿಸಿದರು. ಏತನ್ಮಧ್ಯೆ ಬ್ಯಾಟಿಂಗ್ನಲ್ಲಿ ಅಬ್ಬರಿಸುತ್ತಿದ್ದ ರೋಹಿತ್ ಶರ್ಮಾ 61 ರನ್ಗಳಿಗ ಔಟಾದರು. 8 ಫೋರ್ ಹಾಗೂ 2 ಸಿಕ್ಸರ್ ಅವರು ಬಾರಿಸಿದ್ದರು.
ಈ ಸುದ್ದಿಯನ್ನೂ ಓದಿ: KL Rahul : ನೆದರ್ಲ್ಯಾಂಡ್ಸ್ ವಿರುದ್ಧ ಶತಕ ಬಾರಿಸಿ ನೂತನ ಸಾಧನೆ ಮಾಡಿದ ಕೆ.ಎಲ್ ರಾಹುಲ್
ಬಳಿಕ ಶ್ರೇಯಸ್ ಅಯ್ಯರ್ ಹಾಗೂ ವಿರಾಟ್ ಕೊಹ್ಲಿ ತಂಡ ಗಳಿಕೆಗೆ ವೇಗ ಕೊಟ್ಟರು. ಏನನ್ಮಧ್ಯೆ ಮತ್ತೊಂದು ಶತಕದ ನಿರಿಕ್ಷೆಯಲ್ಲಿದ್ದ ವಿರಾಟ್ ಕೊಹ್ಲಿ ಎದುರಾಳಿ ತಂಡದ ವ್ಯಾನ್ಡೆರ್ ಮರ್ವ್ ಎಸೆತಕ್ಕೆ ಕ್ಲೀನ್ ಬೌಲ್ಡ್ ಅಗಿ ನಿರಾಸೆ ಎದುರಿಸಿರು.
ಶ್ರೇಯಸ್- ರಾಹುಲ್ ಜತೆಯಾಟ
ಭಾರತ ತಂಡ 200 ರನ್ಗಳಿಗೆ 3ನೇ ವಿಕೆಟ್ ಕಳೆದುಕೊಂಡ ಬಳಿಕ ಭಾರತ ತಂಡ ರನ್ ಗಳಿಕೆ ವೇಗ ಪಡೆಯಿತು. ಶ್ರೇಯಸ್ ಅಯ್ಯರ್ ಭರ್ಜರಿ ಜತೆಯಾಟವಾಡಿದರು. ನೆದರ್ಲ್ಯಾಂಡ್ಸ್ ಬೌಲರ್ಗಳನ್ನು ಸತತವಾಗಿ ಹಿಮ್ಮೆಟ್ಟಿಸಿದರು. ಆರಂಭದಲ್ಲಿ ಸ್ವಲ್ಪ ಎಚ್ಚರಿಕೆಯಿಂದ ಆಡಿದ ಹೊರತಾಗಿಯೂ ಕೊನೇ ಹಂತದಲ್ಲಿ ಆ ತಂಡದ ಬೌಲರ್ಗಳನ್ನು ಸತತವಾಗಿ ದಂಡಿಸಿದರು.
ಶ್ರೇಯಸ್ ಅಯ್ಯರ್ 82 ಎಸೆತಕ್ಕೆ ತಮ್ಮ ಶತಕವನ್ನು ಬಾರಿಸಿ ಮಿಂಚಿದರು. ಅವರಿಗೆ ಅದು ಏಕ ದಿನ ಕ್ರಿಕೆಟ್ ಮಾದರಿಯಲ್ಲಿ ನಾಲ್ಕನೇ ಶತಕವಾಗಿದೆ. ಶ್ರೇಯಸ್ ಇನಿಂಗ್ಸ್ನಲ್ಲಿ 10 ಫೋರ್ ಹಾಗೂ 5 ಸಿಕ್ಸರ್ಗಳು ಸೇರಿಕೊಂಡಿದ್ದವು. ಅವರ ಕೊನೇ ತನಕ ಉಳಿದ 128 ರನ್ ಬಾರಿಸಿದರು. ಕೊನೇ ಹಂತದಲ್ಲಿ ಅಬ್ಬರದ ಬ್ಯಾಟಿಂಗ್ ಪ್ರದರ್ಶಿಸಿದ ಕೆ. ಎಲ್ ರಾಹುಲ್ 62 ಎಸೆತಗಳಿಗೆ ಶತಕ ಬಾರಿಸಿದರು. ಇದು ವಿಶ್ವ ಕಪ್ನಲ್ಲಿ ಭಾರತ ತಂಡದ ಪರವಾಗಿ ಅತಿ ವೇಗದ ಶತಕವಾಗಿದೆ. ಅವರು 11 ಫೋರ್ ಹಾಗೂ 4 ಸಿಕ್ಸರ್ ನೆರವಿನಿಂದ ತಮ್ಮ ಶತಕ ಬಾರಿಸಿದರು. ಈ ಜೋಡಿ ನಾಲ್ಕನೇ ವಿಕೆಟ್ಗೆ 208 ರನ್ಗಳನ್ನು ಬಾರಿಸಿದರು.
ನೆದರ್ಲ್ಯಾಂಡ್ಸ್ಗೆ ನಿಲುಕದಷ್ಟು ದೊಡ್ಡ ಮೊತ್ತ
ಭಾರತ ಪೇರಿಸಿದ್ದ ಬೃಹತ್ ಮೊತ್ತವನ್ನು ದಾಟುವುದು ನೆದರ್ಲ್ಯಾಂಡ್ಸ್ ತಂಡಕ್ಕೆ ಸುಲಭ ಸವಾಲು ಆಗಿರಲಿಲ್ಲ. ಆದಾಗ್ಯೂ ಬ್ಯಾಟಿಂಗ್ಗೆ ನೆಚ್ಚಿನ ಪಿಚ್ ಆಗಿದ್ದ ಕಾರಣ ಗೆಲುವಿಗೆ ಪ್ರಯತ್ನ ಮಾಡಿತು. ಆದರೆ, 411 ರನ್ ಬಾರಿಸುವ ಹಾದಿಯಲ್ಲಿ ಸತತವಾಗಿ ವಿಕೆಟ್ ಕಳೆದುಕೊಂಡಿತು. ತೇಜಾ ನಿಡಮನ್ನೂರ್ 54 ರನ್ ಬಾರಿಸಿ ಆ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಸೈಬ್ರಾಂಡ್ 45 ರನ್ ಬಾರಿಸಿದರೆ, ಮ್ಯಾಕ್ಸ್ ಡಿ ಓಡ್ 30, ಕಾಲಿನ ಅಕರ್ಮಾನ್ 35, ರನ್ಗಳ ಕೊಡುಗೆ ಕೊಟ್ಟರು ಭಾರತ ತಂಡ ಪ್ರಭಾವಿ ಬೌಲಿಂಗ್ ಆಯ್ಕೆಯನ್ನು ಹೊಂದಿದ್ದ ಹೊರತಾಗಿಯೂ ನೆದರ್ಲ್ಯಾಂಡ್ಸ್ ಆಟಗಾರರು ಸುಲಭವಾಗಿ ಬಿಟ್ಟು ಕೊಡದೇ 48 ಓವರ್ಗಳ ತನಕ ಆಡಿದರು.