ಬೂಸಾನ್‌: ಏಷ್ಯನ್ ಕಬಡ್ಡಿ ಚಾಂಪಿಯನ್ಶಿಪ್(Asian Kabaddi Championship) ಫೈನಲ್ ಪಂದ್ಯದಲ್ಲಿ ಬಲಿಷ್ಠ ಇರಾನ್ ತಂಡದ ಸೊಕ್ಕಡಗಿಸಿದ ಭಾರತ, ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಈ ಮೂಲಕ ಟೂರ್ನಿಯಲ್ಲಿ 8ನೇ ಬಾರಿ ಚಾಂಪಿಯನ್ ಆದ ಸಾಧನೆ ಮಾಡಿದೆ. ಪವನ್ ಸೆಹ್ರಾವತ್ (Pawan Sehrawat)ಅವರು ಮಿಂಚಿನ ರೈಡಿಂಗ್ ಮಾಡುವ ಮೂಲಕ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಹಾಲಿ ಚಾಂಪಿಯನ್ ಆಗಿದ್ದ ಭಾರತ ತನ್ನ ಖ್ಯಾತಿಗೆ ತಕ್ಕಂತೆ ಪ್ರದರ್ಶನ ತೋರುವ ಮೂಲಕ ಇರಾನ್(India vs Iran) ತಂಡವನ್ನು 42-32 ಅಂತರದಿಂದ ಪರಾಭವಗೊಳಿಸಿತು. ಟೂರ್ನಿಯುದ್ದಕ್ಕೂ ಅಮೋಘ ಪ್ರದರ್ಶನ ತೋರಿದ ಭಾರತ ಅಜೇಯವಾಗಿ ಫೈನಲ್ ಪ್ರವೇಶಿಸಿತ್ತು. ಫೈನಲ್ನಲ್ಲಿಯೂ ಇದೇ ಲಯ ಮುಂದುವರಿಸಿ ಪ್ರಶಸ್ತಿ ತನ್ನದಾಗಿಸಿಕೊಂಡಿತು. ಇದಕ್ಕೂ ಮುನ್ನ ಲೀಗ್ ಪಂದ್ಯದಲ್ಲಿಯೂ ಇರಾನ್ಗೆ ಭಾರತ 33-28 ಅಂತರದಿಂದ ಆಘಾತವಿಕ್ಕಿತ್ತು.
India WIN Asia Kabaddi Championship title 🔥🔥🔥
— India_AllSports (@India_AllSports) June 30, 2023
➡️ India BEAT Iran 42-32 in Final.
➡️ It's record 8th title for India in overall 9 editions. pic.twitter.com/UYl82Vu6tJ
ಅತ್ಯಂತ ಜಿದ್ದಾಜಿದ್ದಿನಿಂದ ಸಾಗಿದ ಈ ಪಂದ್ಯದಲ್ಲಿ ಪವನ್ ಸೆಹ್ರಾವತ್ ಉತ್ತಮ ಪ್ರದರ್ಶನ ತೋರುವ ಮೂಲಕ ಗಮನ ಸೆಳೆದರು. ಇದಕ್ಕೂ ಮುನ್ನ ಆಡಿದ 4 ಪಂದ್ಯಗಳಲ್ಲಿ ಅವರ ಪ್ರದರ್ಶನ ನಿರೀಕ್ಷಿತ ಮಟ್ಟದಿಂದ ಕೂಡಿರಿಲ್ಲ. ಹಿಂದಿನ ಪಂದ್ಯಗಳಲ್ಲಿ ಅಸ್ಲಾಮ್‌ ಇನಾಮಾದರ್‌ ಅವರು ಸೂಪರ್ ಟೆನ್ ರೈಡ್ ಮಾಡುವ ಮೂಲಕ ಭಾರತ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದರು. ಆದರೆ ಫೈನಲ್ನಲ್ಲಿ ಪವನ್ ಎದುರಾಳಿ ಕೋಟೆಗೆ ನುಗ್ಗಿ ಸೂಪರ್ ಟೆನ್ ಅಂಕ ಗಳಿಸುವಲ್ಲಿ ಯಶಸ್ಸು ಸಾಧಿಸಿದರು. ಕಳೆದ ಬಾರಿಯ ಪ್ರೊ ಕಬಡ್ಡಿಯ ಮೊದಲ ಪಂದ್ಯದಲ್ಲೇ ಗಾಯಗೊಂಡಿದ್ದ ಪವನ್ ಬಳಿಕ ಸಂಪೂರ್ಣವಾಗಿ ಟೂರ್ನಿಯಿಂದ ಹೊರಗುಳಿದಿದ್ದರು.
ಇದನ್ನೂ ಓದಿ PKL 2022 | ಪ್ರೊ ಕಬಡ್ಡಿಗೆ ಪವನ್ ಸೆಹ್ರಾವತ್ ಎಂಟ್ರಿ; ಅಭಿಮಾನಿಗಳಿಗೆ ಫುಲ್ ಖುಷ್!
🏆CHAMPIONS OF ASIA
— The Bridge (@the_bridge_in) June 30, 2023
🇮🇳India wins the Asian Kabaddi Championship defeating arch-rivals Iran 42-32 in the final✨
This is the 8⃣th time that we have won the continental event!#asiankabaddichampionship2023 | #AKC2023 pic.twitter.com/mmvTdl5ySH
ಪವನ್ ಸೆಹ್ರಾವತ್ ಅವರಿಗೆ ಅರ್ಜುನ್‌ ದೇಶ್ವಾಲ್‌ ಮತ್ತು ಅಸ್ಲಾಮ್‌ ಇನಾಮಾದರ್‌ ಉತ್ತಮ ಸಾಥ್ ನೀಡಿದರು. ಇರಾನ್ ಪರ ಪ್ರಮುಖ ರೈಡರ್‌ಗಳಾದ ಅಲಿರೇಝ, ಹೈದರ್‌ ಅಲಿ, ಇಕ್ರಾಮಿ ಹೋರಾಟ ನಡೆಸಿದರೂ ಪಂದ್ಯದಲ್ಲಿ ಹಿಡಿತ ಸಾಧಿಸಲು ವಿಫಲರಾದರು.
ಭಾರತದ್ದೇ ಪಾರುಪತ್ಯ
ಏಷ್ಯನ್ ಕಬಡ್ಡಿ ಚಾಂಪಿಯನ್ಶಿಪ್ನಲ್ಲಿ ಭಾರತದ್ದೇ ಪಾರುಪತ್ಯ. ಮೊದಲ ಬಾರಿಗೆ ಈ ಪಂದ್ಯಾವಳಿಯನ್ನು 1980ರಲ್ಲಿ ಪ್ರಾರಂಭಿಸಲಾಯಿತು. ಏಷ್ಯಾ ಖಂಡದ ವಿವಿಧ ದೇಶಗಳು ಈ ಟೂರ್ನಿಯಲ್ಲಿ ಭಾಗವಹಿಸುತ್ತವೆ. ಚೊಚ್ಚಲ ಆವೃತ್ತಿಯಲ್ಲೇ ಭಾರತ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು. ಸದ್ಯ ಇದುವರೆಗೆ ಈ ಚಾಂಪಿಯನ್ಶಿಪ್ನಲ್ಲಿ 9 ಆವೃತ್ತಿಗಳು ನಡೆದಿದ್ದು, ಇದರಲ್ಲಿ 8 ಬಾರಿ ಭಾರತ ಚಿನ್ನದ ಪದಕಗಳನ್ನು ಗೆದ್ದ ದಾಖಲೆ ಬರೆದಿದೆ. 2003ರಲ್ಲಿ ಮಾತ್ರ ಭಾರತ ಸೋಲು ಕಂಡಿತ್ತು. ಈ ವರ್ಷ ಇರಾನ್ ಚಾಂಪಿಯನ್ ಪಟ್ಟ ಅಲಂಕರಿಸಿತ್ತು. ಮಹಿಳಾ ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್ನಲ್ಲಿಯೂ ಭಾರತ ಉತ್ತಮ ದಾಖಲೆ ಹೊಂದಿದೆ. 5 ಆವೃತ್ತಿಯಲ್ಲಿ ನಾಲ್ಕು ಬಾರಿ ಚಿನ್ನ ಗೆದ್ದ ಸಾಧನೆ ಮಾಡಿದೆ.