ಬೆಂಗಳೂರು: ನೆದರ್ಲ್ಯಾಂಡ್ಸ್ ವಿರುದ್ಧ 160 ರನ್ಗಳ ಜಯದೊಂದಿಗೆ, ರೋಹಿತ್ ಶರ್ಮಾ ನೇತೃತ್ವದ ಭಾರತವು ಸೆಮಿ ಫೈನಲ್ಸ್ ತಲುಪಿದೆ. ಈ ಮೂಲಕ ವಿಶ್ವ ಕಪ್ ಆವೃತ್ತಿಯೊಂದರ ರೌಂಡ್-ರಾಬಿನ್ ಸ್ವರೂಪದಲ್ಲಿ ಅಜೇಯವಾಗಿ ಸೆಮಿ ಫೈನಲ್ ತಲುಪಿದ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು.. 2023 ರ ವಿಶ್ವಕಪ್ನಲ್ಲಿ (ICC World Cup 2023) ಪಾಲಿಗೂ ತಂಡವೊಂದು ದಾಖಲಿಸಿದ ವಿಜಯ ದಾಖಲೆಯಾಯಿತು. ಶ್ರೀಲಂಕಾ (1996) ಮತ್ತು ಆಸ್ಟ್ರೇಲಿಯಾ (2003) ತಂಡಗಳು ಸತತ ಎಂಟು ಏಕದಿನ ವಿಶ್ವಕಪ್ ಪಂದ್ಯಗಳನ್ನು ಮಾತ್ರ ಗೆದ್ದುಕೊಂಡಿತ್ತು. ಇದೀಗ ತನ್ನೇದೇ ಆತಿಥ್ಯದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಹೊಸ ದಾಖಲೆ ಬರೆಯಿತು. ಹಿಂದೆ ಧೋನಿ ನಾಯಕತ್ವದಲ್ಲಿ ಭಾರತ ತಂಡ 8 ಗೆಲುವು ಕಂಡಿತ್ತು.
Sri Lanka and Netherlands miss out as the 8 teams are now confirmed for the ICC Champions Trophy 2025.#CT25 pic.twitter.com/vi6zEJ9uHl
— Circle of Cricket (@circleofcricket) November 12, 2023
ಪ್ರಸ್ತುತ ನಡೆಯುತ್ತಿರುವ ಪಂದ್ಯಾವಳಿಯಲ್ಲಿ ಅವರ ಅಸಾಧಾರಣ ಪ್ರದರ್ಶನವು ಭಾರತ ಕ್ರಿಕೆಟ್ ತಂಡ ನಿರ್ಭೀತ ಮತ್ತು ಅಜೇಯ ಪ್ರದರ್ಶನವನ್ನು ಬಿಂಬಿಸಿದೆ. ಈ ಪ್ರಾಬಲ್ಯವು ವರ್ಷದ ಆರಂಭದಲ್ಲಿ ಏಷ್ಯಾ ಕಪ್ನೊಂದಿಗೆ ಆರಂಭಗೊಂಡಿತ್ತು ಹಾಗೂ ಐದು ವರ್ಷಗಳ ಟ್ರೋಫಿ ಬರವನ್ನು ಕೊನೆಗೊಳಿತ್ತು. ಈ ಗೆಲುವುಗಳ ಮೂಲ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಭಾರತ ತಂಡವನ್ನು ಅಸಾಧಾರಣ ಶಕ್ತಿಯಾಗಿ ಬೆಳೆಸಿತು.
ನೆದರ್ಲ್ಯಾಂಡ್ಸ್ ವಿರುದ್ಧ ಉತ್ತಮ ಪ್ರದರ್ಶನ ನೀಡಿದ ಭಾರತದ ಬ್ಯಾಟರ್ಗಳು ಈ ಗೆಲುವಿಗೆ ಕೊಡುಗೆ ಕೊಟ್ಟರು. ಕ್ರೀಸ್ಗೆ ಬಂದ ಎಲ್ಲಾ ಐದು ಬ್ಯಾಟರ್ಗಳು ಕನಿಷ್ಠ ಅರ್ಧ ಶತಕವನ್ನು ಗಳಿಸಿದರು. ಬೌಲರ್ಗಳಿಗೆ ಡಿಫೆಂಡ್ ಮಾಡಲು ಸಾಕಷ್ಟು ರನ್ಗಳನ್ನು ಹೊಂದಿಸಿದ್ದರು. ಮೊಹಮ್ಮದ್ ಸಿರಾಜ್ ಆರಂಭಿಕ ವಿಕೆಟ್ ಪಡೆದರೂ ವೇಗಿಗಳು ಹೆಚ್ಚು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ದೊಡ್ಡ ಗುರಿ ಇದ್ದ ಕಾರಣವೇ ಗೆಲುವು ಸಾಧ್ಯವಾಯಿತು.
What a splendid performance!!
— Amit Shah (@AmitShah) November 12, 2023
Our cricket team continues its winning streak in the World Cup. Congratulations to them and best wishes for the semifinal. #INDvNED pic.twitter.com/ShJGCbwYLA
ಪಂದ್ಯದಲ್ಲಿ ಏನಾಯಿತು?
ವಿಶ್ವ ಕಪ್ನ ಲೀಗ್ ಹಂತದ ತನ್ನ ಕೊನೇ ಪಂದ್ಯದಲ್ಲಿ ಭಾರತ ತಂಡ ನೆದರ್ಲ್ಯಾಂಡ್ಸ್ (ind vs ned) ವಿರುದ್ಧ 160 ರನ್ಗಳಿಂದ ಜಯಗಳಿಸಿತು ಈ ಮೂಲಕ ರೋಹಿತ್ ಶರ್ಮಾ ನೇತೃತ್ವದ ಭಾರತ ತಂಡ ಹಾಲಿ ವಿಶ್ವ ಕಪ್ನ (ICC World Cup 2023) ಲೀಗ್ ಹಂತದ 9 ಪಂದ್ಯಗಳಲ್ಲಿ ಎಲ್ಲವನ್ನೂ ಗೆದ್ದು 18 ಅಂಕಗಳೊಂದಿಗೆ ಸೆಮಿ ಫೈನಲ್ಗೆ ಪ್ರವೇಶ ಪಡೆಯಿತು. ಉತ್ಸಾಹದಲ್ಲಿರುವ ಭಾರತ ಬಳಗ ಬುಧವಾರ (ನವೆಂಬರ್ 15) ನಡೆಯಲಿರುವ ಮೊದಲ ಸೆಮಿಫೈನಲ್ ಪಂದ್ಯದಲ್ಲಿ ಅಂಕಪಟ್ಟಿಯ ನಾಲ್ಕನೇ ಸ್ಥಾನಿ ನ್ಯೂಜಿಲ್ಯಾಂಡ್ ವಿರುದ್ಧ ಆಡಲಿದೆ.
ಈ ಸುದ್ದಿಯನ್ನೂ ಓದಿ : Virat kohli : ಅಭಿಮಾನಿಗಳ ಬೇಡಿಕೆಯಂತೆ ಬೌಲಿಂಗ್ ಮಾಡಿ ವಿಕೆಟ್ ಪಡೆದ ವಿರಾಟ್!
ಶ್ರೇಯಸ್ ಅಯ್ಯರ್ (ಅಜೇಯ 128) ಮತ್ತು ಕೆ. ಎಲ್ ರಾಹುಲ್ (102) ಅವರ ಶತಕಗಳು ಹಾಗೂ ಶುಭ್ಮನ್ ಗಿಲ್ (61), ರೋಹಿತ್ ಶರ್ಮಾ (61) ವಿರಾಟ್ ಕೊಹ್ಲಿ (51) ಹಾಗೂ ಅವರ ಅರ್ಧ ಶತಕಗಳು ಭಾರತ ತಂಡದ ಗೆಲುವಿಗೆ ನೆರವಾಯಿತು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಸೇರಿದಂತೆ ಭಾರತ ತಂಡದ ಪರ 9 ಆಟಗಾರರು ಬೌಲಿಂಗ್ ಮಾಡಿದರು. ಜಸ್ಪ್ರಿತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಕುಲ್ದೀಪ್ ಯಾದವ್, ರವೀಂದ್ರ ಜಡೇಜಾ ತಲಾ 2 ವಿಕೆಟ್ ಪಡೆದರೆ, ಕೊಹ್ಲಿ ಮತ್ತು ರೋಹಿತ್ ತಲಾ ಒಂದು ವಿಕೆಟ್ ಪಡೆದು ಮಿಂಚಿದರು.
ಇಲ್ಲಿನ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ತನ್ನ ನಿರ್ಧಾರಕ್ಕೆ ಪೂರಕವಾಗಿ ಆಡಿತು. ಆರಂಭದಿಂದಲೂ ಕೊನೇ ತನಕ ರನ್ಗಳನ್ನು ಗಳಿಸುತ್ತಾ ನಿಗದಿತ 50 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 40 ರನ್ ಬಾರಿಸಿತು. ಪ್ರತಿಯಾಗಿ ಆಡಿದ ಸ್ಕಾಟ್ ಎಡ್ವರ್ಡ್ ನೇತೃತ್ವದ ಡಚ್ಚರ ಪಡೆ 47. 5 ಓವರ್ಗಳಲ್ಲಿ 250 ರನ್ಗಳಿಗೆ ಆಲ್ಔಟ್ ಆಗಿ ಸೋಲೊಪ್ಪಿಕೊಂಡಿತು