ಸಿಡ್ನಿ: ಐಸಿಸಿ ಟಿ20 ವಿಶ್ವ ಕಪ್ (T20 World Cup) ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ರೋಚಕ ಗೆಲುವು ಸಾಧಿಸಿ ಶುಭಾರಂಭ ಮಾಡಿದ ಭಾರತ ಕ್ರಿಕೆಟ್ ತಂಡ, ದ್ವಿತೀಯ ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡದ(India vs Netherlands) ವಿರುದ್ಧ ಟಾಸ್ ಗೆದ್ದಿದ್ದು, ಮೊದಲು ಬ್ಯಾಟ್‌ ಮಾಡಲು ಮುಂದಾಗಿದೆ. ಮೊದಲ ಪಂದ್ಯವನ್ನು ಗೆದ್ದು ಆತ್ಮವಿಶ್ವಾಸದಲ್ಲಿರುವ ರೋಹಿತ್ ಪಡೆ ಈ ಪಂದ್ಯವನ್ನೂ ಗೆಲ್ಲುವ ಯೋಜನೆಯಲ್ಲಿದೆ. ಅತ್ತ ನೆದರ್ಲೆಂಡ್ಸ್ ತಂಡ ಕೂಟದ ಮೊದಲ ಗೆಲುವಿನ ಇರಾದೆಯೊಂದಿಗೆ ಕಣಕ್ಕಿಳಿದಿದೆ. ಭಾರತ ತಂಡ ಪಾಕ್‌ ವಿರುದ್ಧ ಆಡಿರುವ ತಂಡವನ್ನೇ ಕಣಕ್ಕೆ ಇಳಿಸಿದ್ದು ಯಾವುದೇ ಬದಲಾವಣೆ ಮಾಡಿಲ್ಲ.
ಪಿಚ್ ರಿಪೋರ್ಟ್: ಈ ಪಿಚ್ ಹೆಚ್ಚಾಗಿ ಸ್ಪಿನ್ ಬೌಲಿಂಗ್ಗೆ ನೆರವಾಗಲಿದೆ. ಟಿ20 ವಿಶ್ವ ಕಪ್ನ ಉದ್ಘಾಟನ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನ್ಯೂಜಿಲೆಂಡ್ ತಂಡದ ಸ್ಪಿನ್ನರ್ಗಳು ಮೇಲುಗೈ ಸಾಧಿಸಿದ್ದೇ ಇದಕ್ಕೆ ಉತ್ತಮ ನಿದರ್ಶನ. ಹೀಗಾಗಿ ಉಭಯ ತಂಡಗಳು ಸ್ಪಿನ್ ಅಸ್ತ್ರವನ್ನು ಬಳಸುವುದು ಖಚಿತ. ಉಳಿದಂತೆ ಬ್ಯಾಟರ್ಗಳಿಗೂ ಈ ಪಿಚ್ ನೆರವಾಗಲಿದೆ.
ಭಾರತ ತಂಡ
ರೋಹಿತ್ ಶರ್ಮಾ (ನಾಯಕ), ಕೆ.ಎಲ್. ರಾಹುಲ್, ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ಹಾರ್ದಿಕ್ ಪಾಂಡ್ಯ, ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಅಕ್ಷರ್ ಪಟೇಲ್, ರವಿಚಂದ್ರನ್ ಅಶ್ವಿನ್ ಯಜುವೇಂದ್ರ ಚಹಲ್, ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಶಮಿ, ಅರ್ಶ್ದೀಪ್ ಸಿಂಗ್.
ನೆದರ್ಲೆಂಡ್ಸ್ ತಂಡ
ಸ್ಕಾಟ್‌ ಎಡ್ವರ್ಡ್ಸ್‌ (ನಾಯಕ), ಮ್ಯಾಕ್ಸ್‌ ಒ’ಡಾವ್ಡ್‌, ವಿಕ್ರಮ್‌ಜೀತ್ ಸಿಂಗ್, ಬಾಸ್‌ ಡೆ ಲೀಡೆ, ಕಾಲಿನ್‌ ಅಕೆರ್ಮನ್‌, ಟಾಮ್‌ ಕೂಪರ್‌, ಟಿಮ್‌ ಪ್ರಿಂಗಲ್, ಟಿಮ್‌ ವ್ಯಾನ್‌ ಡೆರ್‌ ಗಟೆನ್‌, ಫ್ರೆಡ್‌ ಕ್ಲಾಸೆನ್‌, ಪಾಲ್‌ ವ್ಯಾನ್‌ ಮೀಕೆರೆನ್‌, ಶಾರಿಝ್‌ ಅಹ್ಮದ್‌/ ರಾಲ್ಫ್‌ ವ್ಯಾನ್‌ ಡೆರ್‌ ಮೆರ್ವ್‌.
ಇದನ್ನೂ ಓದಿ | IND | ನೆಟ್‌ ಪ್ರಾಕ್ಟೀಸ್‌ ಮೊಟಕುಗೊಳಿಸಿ ಐಸಿಸಿ ವಿರುದ್ಧ ಬೇಸರ ವ್ಯಕ್ತಪಡಿಸಿದ ಟೀಮ್ ಇಂಡಿಯಾ