ಕೊಲೊಂಬೊ: ಏಷ್ಯಾ ಕಪ್ ಫೈನಲ್ನಲ್ಲಿ (Asia Cup 2023 ) ಭಾರತ ತಂಡದ ಬೌಲರ್ಗಳು ಅಬ್ಬರಿಸಿದ್ದಾರೆ. ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಆತಿಥೇಯ ಶ್ರೀಲಂಕಾ ತಂಡವನ್ನು ಕೇವಲ 50 ರನ್ಗಳಿಗೆ ಆಲ್ಔಟ್ ಮಾಡಿದೆ. ಇದು ಏಕದಿನ ಮಾದರಿಯಲ್ಲಿ ಭಾರತ ವಿರುದ್ಧ ಶ್ರೀಲಂಕಾ ತಂಡ ಬಾರಿಸಿದ ಅತ್ಯಂತ ಕನಿಷ್ಠ ಮೊತ್ತವಾಗಿದೆ. ಇಲ್ಲಿನ ಪ್ರೇಮದಾಸ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ಬ್ಯಾಟರ್ಗಳು ಸಂಪೂರ್ಣ ವೈಫಲ್ಯ ಕಂಡರು. ಕುಸಾಸ್ ಮೆಂಡಿಸ್ (17) ಹಾಗೂ ದುಶಾನ್ ಹೇಮಂತ (13) ಬಿಟ್ಟರೆ ಉಳಿದ ಯಾವ ಆಟಗಾರರೂ ಎರಂಡಕಿ ಮೊತ್ತ ದಾಟಲಿಲ್ಲ.
ಭಾರತ ತಂಡದ ಪರವಾಗಿ ಮೊಹಮ್ಮದ್ ಸಿರಾಜ್ ಜೀವನ ಶ್ರೇಷ್ಠ ಪ್ರದರ್ಶನ ನೀಡಿದ್ದಾರೆ. ಶ್ರೀಲಂಕಾದ ಬ್ಯಾಟರ್ಗಳೆಲ್ಲರೂ ಪತರಗುಟ್ಟುವಂತೆ ಮಾಡಿದ ಅವರು ತಮ್ಮ 7 ಓವರ್ಗಳ ಸ್ಪೆಲ್ನಲ್ಲಿ 21 ರನ್ ನೀಡಿ 6 ವಿಕೆಟ್ ಕಬಳಿಸಿದ್ದಾರೆ. ತಮ್ಮ ಬೆಂಕಿಯುಂಡೆಯಂಥ ಚೆಂಡುಗಳ ಮೂಲಕ ಲಂಕಾದ ಬ್ಯಾಟರ್ಗಳು ಪೆವಿಲಿಯನ್ ಪರೇಡ್ ಮಾಡಿದ್ದಾರೆ.
ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ ತಮ್ಮ 2.2 ಓವರ್ಗಳ 3 ರನ್ ಬಾರಿಸಿ 3 ವಿಕೆಟ್ ಪಡೆದರು. ಜಸ್ಪ್ರಿತ್ ಬುಮ್ರಾ ತಮ್ಮ 5 ಓವರ್ಗಳ ಸ್ಪೆಲ್ನಲ್ಲಿ 23 ರನ್ಗಳಿಗೆ 1 ವಿಕೆಟ್ ಪಡೆದರು.
ಲಂಕಾದ ಕಳಪೆ ಬ್ಯಾಟಿಂಗ್
ಬ್ಯಾಟಿಂಗ್ ಆರಂಭಿಸಿದ ಲಂಕಾ ತಂಡ ಒಂದು ರನ್ಗೆ 1 ವಿಕೆಟ್ ಕಳೆದುಕೊಂಡಿತು. ಈ ಮೂಲಕ ಕಳಪೆ ಆರಂಭ ಪಡೆಯಿತು. ಕುಸಾಲ್ ಪೆರೆರಾ ಶೂನ್ಯಕ್ಕೆ ಔಟಾದರು. ಇದಾದ ಬಳಿಕ 8 ರನ್ಗೆ 2 ನೇ ವಿಕೆಟ್ ಪತನಗೊಂಡಿತು. ಕುಸಾಲ್ ಮೆಂಡಿಸ್ 17 ರನ್ ಬಾರಿಸಿ ಸ್ವಲ್ಪ ಹೊತ್ತು ಉಳಿದರು. ಅವರು ಸಿರಾಜ್ ಬೌಲಿಂಗ್ಗೆ ಬೌಲ್ಡ್ ಆದರು. ಬಳಿಕ ಬಂದ ಸದೀರ ಸಮರವಿಕ್ರಮ, ಚರಿತ್ ಅಸಲಂಕಾ, ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.
ಧನಂಜಯ ಡಿಸಿಲ್ವಾ 4 ರನ್ಗೆ ಔಟಾದರೆ, ದಸುನ್ ಶನಕ ಶೂನ್ಯಕ್ಕೆ ಪೆವಿಲಿಯನ್ಗೆ ಮರಳಿದರು. ದುನಿತ್ ವೆಲ್ಲಾಲಗೆ 8 ರನ್ಗೆ ಪೆವಿಲಿಯನ್ಗೆ ಮರಳಿದರೆ, 13 ರನ್ ಬಾರಿಸಿದ ದುಶಾನ್ ಔಟಾಗದೇ ಉಳಿದರು. ಪ್ರಮೋದ್ ಮದುಶಾನ್ 1 ರನ್ ಹಾಗೂ ಮತೀಶಾ ಮತಿರಾಣಾ ಶೂನ್ಯಕ್ಕೆ ಔಟಾದರು.
ಇದನ್ನೂ ಓದಿ : India vs Sri Lanka Final: ರಾತ್ರಿ ಕೊಲಂಬೊ ತಲುಪಿದ ಸುಂದರ್; ಮಧ್ಯಾಹ್ನ ಫೈನಲ್ ಪಂದ್ಯಕ್ಕೆ ಹಾಜರ್
ಏಷ್ಯಾಕಪ್ನಲ್ಲಿ ದಾಖಲೆ
ಏಷ್ಯಾ ಕಪ್ನ ಏಕದಿನ ಮಾದರಿಯಲ್ಲಿ ಅತಿ ಕಡಿಮೆ ರನ್ ನೀಡಿ 6 ವಿಕೆಟ್ ಪಡೆದ ಲಂಕಾದ ಅಜಂತಾ ಮೆಂಡೀಸ್ ಅವರ ದಾಖಲೆಯನ್ನು ಸಿರಾಜ್ ಸರಿಗಟ್ಟಿದರು. ಮೆಂಡೀಸ್ 2008ರಲ್ಲಿ 13 ರನ್ಗೆ 6 ವಿಕೆಟ್ ಕಡೆವಿದ್ದರು. ಇದು ಈವರೆಗಿನ ಏಷ್ಯಾಕಪ್ ದಾಖಲೆಯಾಗಿತ್ತು. ಈಗ ಈ ದಾಖಲೆಯನ್ನು ಸಿರಾಜ್ ಸರಿಗಟ್ಟಿದ್ದಾರೆ. ಸಿರಾಜ್ ಕೂಡ 13 ರನ್ಗೆ 6 ಕಿತ್ತರು.
ಸಿರಾಜ್ ದರ್ಬಾರ್
W . W W 4 W! 🥵
— Star Sports (@StarSportsIndia) September 17, 2023
Is there any stopping @mdsirajofficial?! 🤯
The #TeamIndia bowlers are breathing 🔥
4️⃣ wickets in the over! A comeback on the cards for #SriLanka?
Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR
ಮೊಹಮ್ಮದ್ ಸಿರಾಜ್ ಒಂದೇ ಓವರ್ನಲ್ಲಿ 4 ವಿಕೆಟ್ ಕೆಡವಿದರು. ಇಲ್ಲಿಗೆ ಸುಮ್ಮನಾಗದ ಅವರು ಮುಂದಿನ ಓವರ್ನಲ್ಲಿಯೂ ಒಂದು ವಿಕೆಟ್ ಕಿತ್ತು ಮಿಂಚಿದರು. ಸಿರಾಜ್ ಅವರ ಬೆಂಕಿ ಎಸೆತಕ್ಕೆ ಯಾವ ರೀತಿ ಬ್ಯಾಟ್ ಬೀಸಬೇಕೆಂದೇ ಲಂಕಾ ಆಟಗಾರರಿಗೆ ತಿಳಿಯದೇ ಹೋಯಿತು.
ಸಿರಾಜ್ ಮೊದಲು ಪಾತುಮ್ ನಿಸ್ಸಾಂಕಾ ಅವರ ವಿಕೆಟ್ ಕಿತ್ತರು. ಬಳಿಕ ಚರಿತ ಅಸಲಂಕಾ, ಸದೀರ ಸಮರವಿಕ್ರಮ ಮತ್ತು ಧನಂಜಯ ಡಿ ಸಿಲ್ವಾ ಅವರ ವಿಕೆಟ್‌ಗಳನ್ನು ಕಿತ್ತರು. ಶ್ರೀಲಂಕಾ ನಾಲ್ಕು ಓವರ್‌ಗಳಲ್ಲಿ 12 ರನ್ಗೆ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಘಾತಕ ಬೌಲಿಂಗ್ ನಡೆಸಿದ ಸಿರಾಜ್ ಕೇವಲ 16 ಎಸೆತಗಳಲ್ಲಿ ಐದು ವಿಕೆಟ್ ಉರುಳಿಸಿ ಚಾಮಿಂಡ ವಾಸ್ ಅವರ ದಾಖಲೆಯನ್ನು ಮೀರಿ ನಿಂತರು. ಇದಲ್ಲದೆ ತಂಡದ 10 ಓವರ್ಗೂ ಮುನ್ನ 5 ವಿಕೆಟ್ ಕಿತ್ತ ಮೊದಲ ಭಾರತೀಯ ಬೌಲರ್ ಎನಿಸಿಕೊಂಡರು. ಇದಕ್ಕೂ ಮುನ್ನ ಜಾವಗಲ್ ಶ್ರೀನಾಥ್ ಅವರು 2003 ರಲ್ಲಿ 4 ವಿಕೆಟ್ ಕಿತ್ತದ್ದು ಭಾರತೀಯ ದಾಖಲೆಯಾಗಿತ್ತು. ಇದೀಗ ಈ ದಾಖಲೆಯನ್ನು ಸಿರಾಜ್ ಮುರಿದಿದ್ದಾರೆ.