ವಿಶಾಖಪಟ್ಟಣ: ಅತ್ಯಂತ ರೋಚಕವಾಗಿ ಸಾಗಿದ ಆಸ್ಟ್ರೇಲಿಯಾ(IND vs AUS) ವಿರುದ್ಧದ ದೊಡ್ಡ ಮೊತ್ತದ ಮೇಲಾಟದಲ್ಲಿ ಭಾರತ ತಂಡ 2 ವಿಕೆಟ್ಗಳ ರೋಚಕ ಗೆಲುವು ಸಾಧಿಸಿದೆ. ಈ ಗೆಲುವಿನೊಂದಿಗೆ 5 ಪಂದ್ಯಗಳ ಟಿ20 ಸರಣಿಯಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದೆ. ಸೂರ್ಯಕುಮಾರ್(80) ಮತ್ತು ಇಶಾನ್ ಕಿಶನ್(58) ಅವರ ಅದ್ಭುತ ಬ್ಯಾಟಿಂಗ್ ವೈಭವ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿತು.
ವಿಶಾಖಪಟ್ಟಣದ ವೈ.ಎಸ್.ರಾಜಶೇಖರ ರೆಡ್ಡಿ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಆಹ್ವಾನ ಪಡೆದ ಆಸ್ಟ್ರೇಲಿಯಾ ಜೋಶ್ ಇಂಗ್ಲಿಸ್(110) ಅವರ ಆಕರ್ಷಕ ಶತಕದ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು 208 ರನ್ ಗಳಿಸಿತು. ಬೃಹತ್ ಮೊತ್ತವನ್ನು ದಿಟ್ಟವಾಗಿ ಬೆನ್ನಟ್ಟಿಕೊಂಡು ಹೋದ ಭಾರತಕ್ಕೆ ಅಂತಿಮ ಓವರ್ನಲ್ಲಿ ಗೆಲುವಿಗೆ 7 ರನ್ ಬೇಕಿತ್ತು. ಈ ವೇಳೆ ನಾಟಕೀಯ ಕುಸಿತ ಕಂಡ ಭಾರತ ಸತತವಾಗಿ ಮೂರು ವಿಕಟ್ ಕಳೆದುಕೊಂಡು ಸೋಲಿನತ್ತ ಮುಖ ಮಾಡಿತು. ಕೊನೆಯ ಎಸೆತದಲ್ಲಿ ಗೆಲುವಿಗೆ ಒಂದು ರನ್ ಬೇಕಿದ್ದಾಗ ಆತ್ಮವಿಶ್ವಾಸ ಕಳೆದುಕೊಳ್ಳದ ರಿಂಕು ಸಿಂಗ್ ಸಿಕ್ಸರ್ ಬಾರಿಸಿ ವಿಜಯ ಪತಾಕೆ ಹಾರಿಸಿದರು. ಅಚ್ಚರಿ ಎಂದರೆ ಇದು ನೋಬಾಲ್ ಕೂಡ ಆಗಿತ್ತು. ವಿಕೆಟ್ ಪತನಗೊಂಡರೂ ಭಾರತ ಗೆಲುವು ಸಾಧಿಸುತ್ತಿತ್ತು.
ಇದನ್ನೂ ಓದಿ Rohit vs Virat: ರೋಹಿತ್,ಕೊಹ್ಲಿ ಟಿ20 ಕ್ರಿಕೆಟ್ ಯುಗಾಂತ್ಯ?; ಬಿಸಿಸಿಐ ನಿಲುವೇನು?
ಚೇಸಿಂಗ್ ವೇಳೆ ಯಶಸ್ವಿ ಜೈಸ್ವಾಲ್ ಅವರು ಮೊದಲ ಎಸೆತದಲ್ಲಿಯೇ ಬೌಂಡರಿ ಬಾರಿಸಿದರು. ಬಳಿಕ ಮೂರನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿ ಮಿಂಚಿದರು. ಆದರೆ ಇದೇ ಓವರ್ನಲ್ಲಿ ಭಾರತ ಮೊದಲ ವಿಕಟ್ ಕೂಡ ಕಳೆದುಕೊಂಡಿತು. ಸಂವಹನ ಕೊರತೆಯಿಂದಾಗಿ 2 ಓಡುವ ವೇಳೆ ಋತುರಾಜ್ ಗಾಯಕ್ವಾಡ್ ರನೌಟ್ ಸಂಕಟಕ್ಕೆ ಸಿಲುಕಿದರು. ಒಂದು ಎಸೆತ ಎದುರಿಸದೆ ಶೂನ್ಯ ಸುತ್ತಿ ಪೆವಿಲಿಯನ್ ಸೇರಿದರು. ಈ ವಿಕೆಟ್ ಪತನದ ಬಳಿಕ ಜೈಸ್ವಾಲ್ ಕೂಡ ವಿಕೆಟ್ ಕೈಚೆಲ್ಲಿದರು. ತಲಾ 2 ಸಿಕ್ಸರ್ ಮತ್ತು ಬೌಂಡರಿ ಸಿಡಿಸಿ 21ರನ್ ಬಾರಿಸಿದರು.
ಇಶಾನ್-ಸೂರ್ಯ ಬ್ಯಾಟಿಂಗ್ ಮಿಂಚು
22 ರನ್ಗೆ 2 ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತ ಕಂಡಿದ್ದ ತಂಡಕ್ಕೆ ನಾಯಕ ಸೂರ್ಯಕುಮಾರ್ ಮತ್ತು ಇಶಾನ್ ಕಿಶನ್ ಬಿರುಸಿನ ಬ್ಯಾಟಿಂಗ್ ಮೂಲಕ ಆಸರೆಯಾದರು. ಇಬ್ಬರು ಸೇರಿಕೊಂಡು ಸಿಕ್ಸರ್ ಮತ್ತು ಬೌಂಡರಿಗಳ ಸುರಿಮಳೆ ಸುರಿಸಿದರು. ಆಸೀಸ್ ಬೌಲರ್ಗಳು ಲಯ ಕಳೆದುಕೊಂಡರು. ಬೌಂಡರಿ ಮೂಲಕವೇ ಇಶಾನ್ ಅರ್ಧಶತಕ ಪೂರ್ತಿಗೊಳಿಸಿದರು.
5⃣8⃣ Runs
— BCCI (@BCCI) November 23, 2023
3⃣9⃣ Balls
2⃣ Fours
5⃣ Sixes@ishankishan51 departs but not before he scored a breezy & stroke-filled half-century in the chase!
Follow the match ▶️ https://t.co/T64UnGxiJU #TeamIndia | #INDvAUS | @IDFCFIRSTBank pic.twitter.com/G7gRcvR1P9
ಅರ್ಧಶತಕ ಪೂರ್ತಿಗೊಂಡ ಮರು ಎಸೆತದಲ್ಲಿ ಸಿಕ್ಸರ್ ಬಾರಿಸಿದ ಇಶಾನ್ ಮತ್ತೊಂದು ಸಿಕ್ಸರ್ ಪ್ರಯತ್ನದಲ್ಲಿ ಎಡವಿ ಬೌಂಡರಿ ಲೈನ್ನಲ್ಲಿ ಮ್ಯಾಥ್ಯೂ ಶಾರ್ಟ್ ಕೈಗೆ ಕ್ಯಾಚ್ ನೀಡಿ ಔಟಾದರು. 39 ಎಸೆತ ಎದುರಿಸಿದ ಕಿಶನ್ 5 ಆಕರ್ಷಕ ಸಿಕ್ಸರ್ ಮತ್ತು 2 ಬೌಂಡರಿ ನೆರವಿನಿಂದ 58 ರನ್ ಗಳಿಸಿದರು. ಸೂರ್ಯಕುಮಾರ್ ಮುತ್ತು ಇಶಾನ್ ಮೂರನೇ ವಿಕೆಟ್ಗೆ 112ರನ್ಗಳ ಅತ್ಯಮೂಲ್ಯ ಜತೆಯಾಟ ನಡೆಸಿದರು. ಇಶಾನ್ ವಿಕೆಟ್ ಬಿದ್ದರೂ ವಿಚಲಿತರಾಗದ ಸೂರ್ಯ ತಮ್ಮ ಸ್ಫೋಟಕ ಬ್ಯಾಟಿಂಗ್ ಮುಂದುವರಿಸಿದರು. ಅವರು ಕೂಡ ಸಿಕ್ಸರ್ ಬಾರಿಸುವ ಅರ್ಧಶತಕ ಬಾರಿಸಿದರು.
ಇಶಾನ್ ವಿಕೆಟ್ ಪತನದ ಬಳಿಕ ಬಂದ ತಿಲಕ್ ವರ್ಮ ಬಡಬಡನೆ 2 ಬೌಂಡರಿ ಬಾರಿಸಿ ಅಪಾಯಕಾರಿಯಾಗುವ ಸೂಚನೆ ನೀಡಿದರು. ಆದರೆ ಇದೇ ಆಟವನ್ನು ಮುಂದುವರಿಸುವಲ್ಲಿ ಎಡವಿದ ಅವರು 12 ರನ್ಗೆ ವಿಕೆಟ್ ಕೈಚೆಲ್ಲಿದರು. ತಂಡ ಮತ್ತೆ ಸಂಕಷ್ಟಕ್ಕೆ ಸಿಲುಕಿತು. ಆದರೆ ಎದೆಗುಂದದ ಸೂರ್ಯಕುಮಾರ್ ಯಾದವ್ 42 ಎಸೆತಗಳಿಂದ 80 ರನ್ ಬಾರಿಸಿ ಮತ್ತೆ ತಂಡದ ನೆರವಿಗೆ ನಿಂತರು. ಅವರ ಈ ಸ್ಫೋಟಕ ಬ್ಯಾಟಿಂಗ್ ಇನಿಂಗ್ಸ್ನಲ್ಲಿ 9 ಬೌಂಡರಿ ಮತ್ತು 4 ಸಿಕ್ಸರ್ ಸಿಡಿಯಿತು. ಐಪಿಎಲ್ನ ಸಿಕ್ಸರ್ ಕಿಂಗ್ ಖ್ಯಾತಿಯ ರಿಂಕು ಸಿಂಗ್ ಅಜೇಯ 22 ರನ್ ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ಜೋಶ್ನಿಂದ ಬ್ಯಾಟಿಂಗ್ ನಡೆಸಿದ ಜೋಶ್ ಇಂಗ್ಲಿಸ್
ಮೊದಲು ಬ್ಯಾಟಿಂಗ್ ನಡೆಸಿದ ಆಸೀಸ್ ಪರ ದ್ವಿತೀಯ ಕ್ರಮಾಂಕದಲ್ಲಿ ಆಡಲಿಳಿದ ಜೋಶ್ ಇಂಗ್ಲಿಸ್ ಫುಲ್ ಜೋಶ್ನಿಂದಲೇ ಬ್ಯಾಟಿಂಗ್ ನಡೆಸಿ ಭಾರತೀಯ ಬೌಲರ್ಗಳ ಎಸೆತಗಳನ್ನು ದಿಕ್ಕಾಪಾಲಾಗಿಸಿದರು. ಕನ್ನಡಿಗ ಪ್ರಸಿದ್ಧ್ ಕೃಷ್ಣ ಅವರಂತು ಸರಿಯಾಗಿಯೇ ದಂಡಿಸಿಕೊಂಡರು. ಓವರ್ಗೆ ಕನಿಷ್ಠ 4 ಬೌಂಡರಿ ಮತ್ತು ಒಂದೆರಡು ಸಿಕ್ಸರ್ ಹೊಡೆಸಿಕೊಂಡರು. ಜಿದ್ದಿಗೆ ಬಿದ್ದವರಂತೆ ಬ್ಯಾಟ್ ಬೀಸಿದ ಸ್ಟೀವನ್ ಸ್ಮಿತ್ ಮತ್ತು ಜೋಶ್ ಇಂಗ್ಲಿಸ್ ಕಡಿಮೆ ಎಸೆತಗಳಿಂದ ಅರ್ಧಶತಕ ಪೂರೈಸಿದರು.
ಅನುಭವಿ ಆಟಗಾರರ ಅನುಪಸ್ಥಿತಿ ಈ ಪಂದ್ಯದಲ್ಲಿ ಎದ್ದು ಕಾಣುತ್ತಿತ್ತು. ಯಂಗ್ ಟೀಮ್ ಇಂಡಿಯಾ ಆಟಗಾರರು ಹಲವು ಫೀಲ್ಡಿಂಗ್ ತಪ್ಪುಗಳನ್ನು ಮಾಡಿ ಕೈ ಸುಟ್ಟುಕೊಂಡರು, ಕ್ಯಾಚ್ ಮತ್ತು ಸುಲಭದ ರನೌಟ್ ಅವಕಾಶವನ್ನು ಕೈಚೆಲ್ಲಿದರು. ಇದರಿಂದ ಜೀವದಾನ ಪಡೆದ ಇಂಗ್ಲಿಸ್ ಶತಕ ಬಾರಿಸಿ ಆಸೀಸ್ ಬೃಹತ್ ಮೊತ್ತಕ್ಕೆ ಕಾರಣವಾದರು.
ಸ್ಮಿತ್ ಅರ್ಧಶತಕ
ದ್ವಿತೀಯ ವಿಕೆಟ್ಗೆ ಸ್ಮಿತ್ ಮತ್ತು ಇಂಗ್ಲಿಸ್ ಸೇರಿಕೊಂಡು 130ರನ್ ಜತೆಯಾಟ ನಡೆಸಿದರು. ಅರ್ಧಶತಕ ಬಾರಿಸಿದ ಬಳಿಕ ಸ್ಮಿತ್ ಅವರು ರನೌಟ್ ಆದರು. ಆದರೆ ಇಂಗ್ಲಿಸ್ ಮಾತ್ರ ತಮ್ಮ ಬ್ಯಾಟಿಂಗ್ ಪರಾಕ್ರಮವನ್ನು ಮುಂದುವರಿಸಿ ಭಾರತೀಯ ಬೌಲರ್ಗಳಿಗೆ ಕಾಡಿದರು. ಕೇವಲ 47 ಎಸೆತಗಳಿಂದ ಶತಕ ಪೂರ್ತಿಗೊಳಿಸಿದರು.
Josh Inglis was Flopped in whole wc Just to Score Century against Endia in paan Bahar trophy 😭 pic.twitter.com/zGO2VbtvKS
— 🇵🇰JACKIE/ BA56 Forever👑 (@TahreemZero) November 23, 2023
ರವಿ ಬಿಷ್ಣೊಯಿ ಅವರು ನಾಲ್ಕು ಓವರ್ ಎಸೆದು 54 ರನ್ ಬಿಟ್ಟುಕೊಟ್ಟು ಒಂದು ವಿಕೆಟ್ ಪಡೆದರು. ಗಾಯಗೊಂಡು ವಿಶ್ವಕಪ್ ಟೂರ್ನಿಯಿಂದ ಅಂತಿಮ ಕ್ಷಣದಲ್ಲಿ ಹೊರಬಿದಿದ್ದ ಅಕ್ಷರ್ ಪಟೇಲ್ ಅವರು 32 ರನ್ ಬಿಟ್ಟುಕೊಟ್ಟು ವಿಕೆಟ್ ಲೆಸ್ ಎನಿಸಿಕೊಂಡರು. ಆರಂಭಿಕ ಮೂರು ಓವರ್ಗಳಲ್ಲಿ 43 ರನ್ ಬಿಟ್ಟುಕೊಟ್ಟ ಪ್ರಸಿದ್ಧ್ ಕೃಷ್ಣ ತಮ್ಮ ಅಂತಿಮ ಓವರ್ನಲ್ಲಿ ಡೇಂಜಸರ್ ಇಂಗ್ಲಿಸ್ ಅವರ ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ಸ್ಲೋ ಬಾಲ್ಗೆ ಸಿಕ್ಸರ್ ಬಾರಿಸುವ ಯತ್ನದಲ್ಲಿ ಎಡವಿದ ಇಂಗ್ಲಿಸ್ ಬೌಂಡರಿ ಲೈನ್ನಲ್ಲಿ ಯಶಸ್ವಿ ಜೈಸ್ವಾಲ್ಗೆ ಕ್ಯಾಚ್ ನೀಡಿದರು.
50 ಎಸೆತ ಎದುರಿಸಿದ ಇಂಗ್ಲಿಸ್ ಸೊಗಸಾದ 8 ಸಿಕ್ಸರ್ ಮತ್ತು 11 ಬೌಂಡರಿ ನೆರವಿನಿಂದ 110 ರನ್ ಬಾರಿಸಿದರು. ಸ್ಟೀವನ್ ಸ್ಮಿತ್ 41 ಎಸೆತಗಳಿಂದ 8 ಬೌಂಡರಿ ಬಾರಿಸಿ 52 ರನ್ ಗಳಿಸಿದರು. ಆರಂಭಕಾರ ಮ್ಯಾಥ್ಯೂ ಶಾರ್ಟ್ 13 ರನ್ ಗಳಿಸಿದರು. ಅಂತಿಮ ಹಂತದಲ್ಲಿ ಟಿಮ್ ಡೇವಿಡ್ ಅಜೇಯ 19 ರನ್ ಗಳಿಸಿ ತಂಡದ ಮೊತ್ತವನ್ನು 200ಕ್ಕೇರಿಸಿದರು. ಸ್ಟೋಯಿನಿಸ್ 7 ರನ್ ಗಳಿಸಿ ಅಜೇಯರಾಗಿ ಉಳಿದರು.