ಮುಂಬಯಿ: ಲೀಗ್ ಹಂತದಲ್ಲಿ ಭಾರತ ವಿರುದ್ಧ ಸೋಲು ಕಂಡರೂ ಅನುಮಾನ ಬೇಡ, ನ್ಯೂಜಿಲ್ಯಾಂಡ್(India vs New Zealand) ಅತ್ಯಂತ ಅಪಾಯಕಾರಿ ತಂಡ. ಇತ್ತಂಡಗಳು ಬುಧವಾರ ನಡೆಯುವ ಸೆಮಿಫೈನಲ್(1st Semi-Final) ಪಂದ್ಯದಲ್ಲಿ ಕಾದಾಟ ನಡೆಸಲಿದೆ. ಈ ಪಂದ್ಯಕ್ಕೆ ಮುಂಬಯಿಯ ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂ ಅಣಿಯಾಗಿದೆ.
ಭಾರತ ಇನ್ನೂ ಗೆಲುವು ಕಂಡಿಲ್ಲ
ವಾಂಖೆಡೆ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ಇದುವರೆಗೆ ಕೇವಲ ಒಂದು ಬಾರಿ ಮಾತ್ರ ಏಕದಿನ ಪಂದ್ಯದಲ್ಲಿ ಮುಖಾಮುಖಿಯಾಗಿವೆ. 2017ರಲ್ಲಿ ನಡೆದ ಏಕದಿನ ಸರಣಿಯ ಪಂದ್ಯ ಇದಾಗಿತ್ತು. ಈ ಪಂದ್ಯವನ್ನು ನ್ಯೂಜಿಲ್ಯಾಂಡ್ 6 ವಿಕೆಟ್‌ಗಳಿಂದ ಗೆದ್ದು ಬೀಗಿತ್ತು.
ಈ ಪಂದ್ಯದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ ತಂಡ ವಿರಾಟ್‌ ಕೊಹ್ಲಿ(121) ಅವರ ಅಮೋಘ ಶತಕದ ನೆರವಿನಿಂದ 8 ವಿಕೆಟಿಗೆ 280 ರನ್‌ ಪೇರಿಸಿತು. ಗುರಿ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್ ಎಡಗೈ ಬ್ಯಾಟರ್ ಟಾಮ್‌ ಲ್ಯಾಥಂ (ಅಜೇಯ 103) ಮತ್ತು ರಾಸ್‌ ಟೇಲರ್‌ (95) ಅವರ ಬ್ಯಾಟಿಂಗ್ ಪರಾಕ್ರಮದಿಂದ 49 ಓವರ್ಗಳಲ್ಲಿ 4 ವಿಕೆಟಿಗೆ 284 ರನ್‌ ಬಾರಿಸಿ ಗೆಲುವು ಸಾಧಿಸಿತು. ಕಿವೀಸ್ ಪರ ಟ್ರೆಂಟ್‌ ಬೌಲ್ಟ್ 4, ಟಿಮ್‌ ಸೌಥಿ 3 ವಿಕೆಟ್ ಕಿತ್ತು ಮಿಂಚಿದ್ದರು. ಈ ಬಾರಿಯೂ ತಂಡದಲ್ಲಿ ಟ್ರೆಂಟ್‌ ಬೌಲ್ಟ್, ಸೌಥಿ ಮತ್ತು ಲ್ಯಾಥಂ ಕಾಣಿಸಿಕೊಂಡಿದ್ದಾರೆ. ಮತ್ತೆ ಇವರೆಲ್ಲ ಭಾರತಕ್ಕೆ ಸಂಕಷ್ಟ ತಂದರೇ ಎಂದು ಕಾದು ನೋಡಬೇಕಿದೆ.
ಇದನ್ನೂ ಓದಿ ICC World Cup 2023: ಮರುಕಳಿಸದಿರಲಿ 2019ರ ಸೆಮಿಫೈನಲ್ ಸೋಲಿನ ನೋವು…
#Semifinals #INDvsNZ
— Shivaay (@PramodPate25580) November 14, 2023
India vs New Zealand
It's do or die pic.twitter.com/7nyLKuPZsK
ವಿಶ್ವಕಪ್ನಲ್ಲಿ 2 ಪಂದ್ಯ
ನ್ಯೂಜಿಲ್ಯಾಂಡ್ ತಂಡ ಮುಂಬಯಿಯ ವಾಂಖೆಡೆ ಸ್ಟೇಡಿಯಂನಲ್ಲಿ ಇದುವರೆಗೆ 2 ಪಂದ್ಯಗಳನ್ನು ಆಡಿದೆ. 2011ರ ವಿಶ್ವಕಪ್ ವೇಳೆ. ಒಂದನ್ನು ಗೆದ್ದಿರೆ, ಇನ್ನೊಂರದಲ್ಲಿ ಸೋಲು ಕಂಡಿದೆ. ಆದರೆ ಇದು ಭಾರತ ವಿರುದ್ಧವಲ್ಲ. ಲೀಗ್ ಹಂತದ ಪಂದ್ಯದಲ್ಲಿ ಕೆನಡಾ ವಿರುದ್ಧ 97 ರನ್‌ ಅಂತರದಲ್ಲಿ ಗೆಲುವು ಸಾಧಿಸಿತ್ತು. ಈ ಮುಖಾಮುಖೀಯಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲ್ಯಾಂಡ್ ಬ್ರೆಂಡನ್‌ ಮೆಕಲಮ್‌ (101) ಅವರ ಶತಕ ಸಾಹಸದಿಂದ ನಿಗದಿತ 50 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 358 ರನ್‌ ಬಾರಿಸಿತು. ದಿಟ್ಟ ರೀತಿಯಲ್ಲಿ ಹೋರಾಟ ನಡೆಸಿದ ಕೆನಡಾ ತನ್ನ ಪಾಲಿನ ಆಟದಲ್ಲಿ 9 ವಿಕೆಟ್ ಕಳೆದುಕೊಂಡು 261 ರನ್‌ ಮಾಡಿ ಶರಣಾಯಿತು.
Star Sports promo for the India vs New Zealand semi final 🔥#INDvsNZ | #CWC23 | #WorldCup2023 | #INDvsNZ #CWC2023 | #VirenderSehwag
— Devashish Patel (@deva_shish0) November 13, 2023
Warner | Cricket Australia | ICC Hall of Fame | Anushka | Morne Morkel pic.twitter.com/vXouinjKym
ಲಂಕಾ ವಿರುದ್ಧ ಸೋಲು
ಇದೇ ಮೈದಾನಲ್ಲಿ ನಡೆದ ದ್ವಿತೀಯ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್ ತಂಡ ಶ್ರೀಲಂಕಾವನ್ನು ಎದುರಿಸಿತು. ಮೊದಲು ಬ್ಯಾಟಿಂಗ್ ನಡೆಸಿದ ಶ್ರೀಲಂಕಾ 9ಕ್ಕೆ 265 ರನ್‌ ಮಾಡಿತು. ಗುರಿ ಬೆನ್ನಟ್ಟಿದ ನ್ಯೂಜಿಲ್ಯಾಂಡ್ ಮುರಳೀಧರನ್‌ ದಾಳಿಗೆ (25ಕ್ಕೆ 4) ತತ್ತರಿಸಿದ 153ಕ್ಕೆ ಆಲೌಟ್‌ ಆಗಿತ್ತು. ಲಂಕಾ 112 ರನ್ನುಗಳ ಗೆಲುವು ಕಂಡಿತ್ತು. ಇದೇ ಆವೃತ್ತಿಯ ಸೆಮಿಫೈನಲ್ನಲ್ಲಿಯೂ ಲಂಕಾ ವಿರುದ್ಧವೇ ಕಿವೀಸ್ ಸೋಲು ಕಂಡಿತ್ತು. ಆದರೆ ಈ ಪಂದ್ಯ ಕೊಲಂಬೊದಲ್ಲಿ ನಡೆದಿತ್ತು.
ಇದನ್ನೂ ಓದಿ IND vs NZ: ಮುಂದಿದೆ ಟೇಬಲ್ ಟಾಪ್ ಕಂಟಕ; ಪಾರಾದೀತೇ ಭಾರತ?
ಅಪಾಯಕಾರಿ ಕಿವೀಸ್
ನ್ಯೂಜಿಲ್ಯಾಂಡ್ ತಂಡ ಪ್ರತಿ ಐಸಿಸಿ ಟೂರ್ನಿಗಳಲ್ಲಿಯೂ ಭಾರತಕ್ಕೆ ಕಾಡುತ್ತಲೇ ಬಂದಿದೆ. ಅದರಲ್ಲೂ ಮಹತ್ವದ ಪಂದ್ಯದಲ್ಲಿ. ಹೌದು ಮೂರೂ ಐಸಿಸಿ ನಾಕೌಟ್‌ ಪಂದ್ಯಗಳಲ್ಲಿ ಭಾರತಕ್ಕೆ ಕಿವೀಸ್ ಆಘಾತವಿಕ್ಕಿದೆ. 2000ದಲ್ಲಿ ನಡೆದ ಐಸಿಸಿ ಚಾಂಪಿಯನ್ಸ್‌ ಟ್ರೋಫಿ ಫೈನಲ್‌, 2019ರ ವಿಶ್ವಕಪ್ ಸೆಮಿಫೈನಲ್ ಹಾಗೂ 2021ರ ಐಸಿಸಿ ಟೆಸ್ಟ್‌ ಚಾಂಪಿಯನ್‌ಶಿಪ್‌ ಫೈನಲ್‌ನಲ್ಲಿ ಭಾರತವನ್ನು ಪರಾಭವಗೊಳಿಸಿದೆ. ಈ ಬಾರಿ ಇದು ಸಂಭವಿಸದಿರಲಿ ಎನ್ನುವುದು ಶತಕೋಟಿ ಭಾರತೀಯರ ಆಶಯವಾಗಿದೆ.
ಇದನ್ನೂ ಓದಿ ವಿಶ್ವಕಪ್ ಇತಿಹಾಸದಲ್ಲಿ ನ್ಯೂಜಿಲ್ಯಾಂಡ್ ತಂಡದ ಸೆಮಿಫೈನಲ್ ಸಾಧನೆ ಹೇಗಿದೆ?
ವಿಶ್ವಕಪ್ ಮುಖಾಮುಖಿ
ಭಾರತ ಮತ್ತು ನ್ಯೂಜಿಲ್ಯಾಂಡ್ ಈವರೆಗೆ ವಿಶ್ವಕಪ್ ಟೂರ್ನಿಯಲ್ಲಿ ಒಟ್ಟು 10 ಬಾರಿ ಮುಖಾಮುಖಿಯಾಗಿವೆ. ಇದರಲ್ಲಿ ಭಾರತ 04 ಪಂದ್ಯಗಳನ್ನು ಗೆದ್ದರೆ, ನ್ಯೂಜಿಲ್ಯಾಂಡ್ 05 ಪಂದ್ಯಗಳನ್ನು ಗೆದ್ದಿದ. 01 ಪಂದ್ಯ ರದ್ದುಗೊಂಡಿದೆ. ಭಾರತದ ಒಂದು ಗೆಲುವು ಈ ಬಾರಿಯ ಲೀಗ್ ಪಂದ್ಯದಲ್ಲಿ ಒಲಿದಿತ್ತು. ಧರ್ಮಶಾಲಾದಲ್ಲಿ ನಡೆದಿದ್ದ ಪಂದ್ಯದಲ್ಲಿ ಭಾರತ 4 ವಿಕೆಟ್ ಜಯ ಸಾಧಿಸಿತ್ತು.