ಕೇಪ್ಟೌನ್ : ಬೌಲಿಂಗ್ ಹಾಗೂ ಬ್ಯಾಟಿಂಗ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಭಾರತ ತಂಡ ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿನ ಏಕ ದಿನ ಸರಣಿಯ ಮೂರನೇ ಪಂದ್ಯದಲ್ಲಿ 78 ರನ್ಗಳ ಗೆಲುವು ಸಾಧಿಸಿದೆ. ಇದರೊಂದಿಗೆ ಸರಣಿಯನ್ನು 2-1 ಅಂತರದಿಂದ ಕೈವಶ ಮಾಡಿಕೊಂಡಿದೆ. ಮೊದಲ ಪಂದ್ಯದಲ್ಲಿ ಗೆಲುವು ಸಾಧಿಸಿದ್ದ ಭಾರತ ತಂಡ ಎರಡನೇ ಪಂದ್ಯದಲ್ಲಿ ಸೋಲು ಎದುರಿಸಿತ್ತು. ಇದು ಭಾರತ ತಂಡಕ್ಕೆ ದಕ್ಷಿಣ ಆಫ್ರಿಕಾದ ನೆಲದಲ್ಲಿ ಐದು ವರ್ಷಗಳ ಬಳಿಕ ಲಭಿಸಿದ ಏಕ ದಿನ ಸರಣಿ ವಿಜಯವಾಗಿದೆ. ಈ ಹಿಂದೆ 2018ರಲ್ಲಿ ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ತಂಡ ಏಕ ದಿನ ಸರಣಿಯಲ್ಲಿ ಗೆಲುವು ಕಂಡಿತ್ತು. ಆದರೆ, 2022ರ ಪ್ರವಾಸದಲ್ಲಿ ಭಾರತ ತಂಡ 3-0 ಹೀನಾಯ ಸೋಲಿಗೆ ಒಳಗಾಗಿತ್ತು. ಆ ವೇಳೆ ಕೆ ಎಲ್ ರಾಹುಲ್ ಭಾರತ ತಂಡವನ್ನು ಮುನ್ನಡೆಸಿದ್ದರು. ಅದಕ್ಕೀಗ ಸೇಡು ತೀರಿಸಿಕೊಂಡಿದ್ದಾರೆ ರಾಹುಲ್.
🚨 BREAKING NEWS 🚨
— Vin Choudhary (@vin_dholiya) December 21, 2023
No! Fans of #SanjuSamson never pass without liking this post#SanjuSamson #IPLAuction2024#RohitSharma #Hitman #INDvsSA #BBKingBabuBhaiya #vivekbindra #BigScamExposed #DunkiReview #StopVivekBindra #SakshiMalik #sandeepmaheshwari #AskSRK#SalaarReview #ODI pic.twitter.com/XipzEc4xhO
ಭಾರತ ತಂಡದ ಗೆಲುವಿನಲ್ಲಿ ಏಕ ದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಚೊಚ್ಚಲ ಶತಕ ಬಾರಿಸಿದ ಸಂಜು ಸ್ಯಾಮ್ಸನ್ ಪ್ರಮುಖ ಪಾತ್ರ ವಹಿಸಿದರು. ಬೌಲಿಂಗ್ನಲ್ಲಿ ಅರ್ಶ್ದೀಪ್ ಸಿಂಗ್ ಮಿಂಚಿದರು. ಅವರು 9 ಓವರ್ ಎಸೆದು 30 ರನ್ ನೀಡಿ 4 ವಿಕೆಟ್ ಉರುಳಿಸಿ ಮಿಂಚಿದರು.
ಇಲ್ಲಿನ ಬೊಲ್ಯಾಂಡ್ ಪಾರ್ಕ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ನಿಗದಿತ 50 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 296 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ ತಂಡ 45.5 ಓವರ್ಗಳಲ್ಲಿ 218 ರನ್ಗಳಿಗೆ ಸರ್ವಪತನ ಕಂಡು ಸೋಲೊಪ್ಪಿಕೊಂಡಿತು.
ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನಟ್ಟಲು ಆರಂಭಿಸಿದ ದಕ್ಷಿಣ ಆಫ್ರಿಕಾ ತಂಡ ಉತ್ತಮ ಆರಂಭ ಪಡೆಯಿತು. ಮೊದಲ ವಿಕೆಟ್ಗೆ 59 ರನ್ ಬಾರಿಸಿತು. ಆದರೆ ರೀಜಾ ಹೆಂಡ್ರಿಕ್ಸ್ 19 ರನ್ಗೆ ಔಟಾದ ಬಳಿಕ ಭಾರತಕ್ಕೆ ಹಿಡಿತ ಸಿಕ್ಕಿತು. ಆದರೆ ಮತ್ತೊಂದು ತುದಿಯಲ್ಲಿ ಟೋನಿ ಜೋರ್ಜಿ ಭಾರತದ ಬೌಲರ್ಗಳ ಬೆವರಿಳಿಸಲು ಆರಂಭಿಸಿದರು. ಏತನ್ಮಧ್ಯೆ ಮೂರನೇ ಕ್ರಮಾಂಕದಲ್ಲಿ ಆಡಲು ಬಂದ ವ್ಯಾನ್ ಡೆರ್ ಡಸ್ಸೆನ್ 2 ರನ್ಗೆ ಔಟಾದರು. ಬಳಿಕ ಬಂದ ಏಡೆನ್ ಮಾರ್ಕ್ರಮ್ 36 ರನ್ ಬಾರಿಸಿ ಭಾರತ ತಂಡಕ್ಕೆ ಭಯ ಹುಟ್ಟಿಸಿದರು. ಅವರನ್ನು ವಾಷಿಂಗ್ಟನ್ ಸುಂದರ್ ಪೆವಿಲಿಯನ್ಗೆ ಕಳುಹಿಸಿದರು.
ಈ ವೇಳೆ ಮತ್ತೊಂದು ಶತಕ ಬಾರಿಸು ಹುಮ್ಮಸ್ಸಿನೊಂದಿಗೆ ಆಡುತ್ತಿದ್ದ ಜೋರ್ಜಿಯನ್ನು ಅರ್ಶ್ದೀಪ್ ಸಿಂಗ್ ಎಲ್ಬಿಡಬ್ಲ್ಯು ಬಲೆಗೆ ಕೆಡವಿದರು. ನಂತರದ ಕ್ಲಾಸೆನ್ ಕೂಡ 21 ರನ್ ಬಾರಿಸಿ ಔಟಾದರು. ಕೇಶವ್ ಮಹಾಜಾರ್ 14 ರನ್ ಬಾರಿಸಿದರು.
ಸಂಜು ಚೊಚ್ಚಲ ಶತಕದ ಸಾಧನೆ
SANJU SAMSON You Beauty 😍
— Aman Raina (@ImRaina45) December 21, 2023
Maiden 💯 in ODI in series decider match 🔥🔥 I hope many more to come 🙌#INDvsSA#SanjuSamsonpic.twitter.com/D55Uh02KRK
ಮೊದಲು ಬ್ಯಾಟ್ ಮಾಡಿದ ಭಾರತ ತಂಡ ಮೊದಲೆರಡು ವಿಕೆಟ್ಗಳನ್ನು ಬೇಗನೆ ಕಳೆದುಕೊಂಡಿತು. ರಜತ್ 22 ರನ್ಗೆ ಔಟಾದರೆ, ಸಾಯಿ ಸುದರ್ಶನ್ 10 ರನ್ಗೆ ಸೀಮಿತಗೊಂಡತು. ಮೂರನೇ ಕ್ರಮಾಂಕದಲ್ಲಿ ಆಡಲು ಬಂದ ಸಂಜು ಸ್ಯಾಮ್ಸನ್ ಅತ್ಯಂತ ತಾಳ್ಮೆಯಿಂದ ಆಡಿ ಶತಕ ಬಾರಿಸಿದರು. ಅವರ ಸಾಥ್ ನೀಡಿದ ರಾಹುಲ್ 21 ರನ್ ಬಾರಿಸಿ ಔಟಾದರು. ಕ್ರಮಾಂಕದಲ್ಲಿ ಹಿಂಬಡ್ತಿ ಪಡೆದ ತಿಲಕ್ ವರ್ಮಾ ದೀರ್ಘ ಅವಧಿಯ ಹಿನ್ನಡೆಯನ್ನು ಸರಿದೂಗಿಸಿದರು.
ಇದನ್ನೂ ಓದಿ: KL Rahul : ದ. ಆಫ್ರಿಕಾ ವಿರುದ್ಧ 3ನೇ ಪಂದ್ಯದ ವೇಳೆ ವಿಶೇಷ ದಾಖಲೆ ಬರೆದ ರಾಹುಲ್
ದಕ್ಷಿಣ ಆಫ್ರಿಕಾದ ವೇಗದ ಬೌಲರ್ಗಳನ್ನು ಸತತವಾಗಿ ಹಿಮ್ಮೆಟ್ಟಿಸಿದ ಸಂಜು ಸ್ಯಾಮ್ಸನ್ 66 ಎಸೆತಕ್ಕೆ ಅರ್ಧ ಶತಕ ಬಾರಿಸಿದರು. ಬಳಿಕ ವೇಗದ ಹೆಚ್ಚಿಸಿ ಶತಕದ ಗೌರವವನ್ನು ತಮ್ಮದಾಗಿಸಿಕೊಂಡರು. ಅವರ ಇನಿಂಗ್ಸ್ನಲ್ಲಿ 6 ಫೋರ್ ಹಾಗೂ 3 ಸಿಕ್ಸರ್ಗಳು ಸೇರಿಕೊಂಡಿದ್ದವು.
ಅವರು 77 ಎಸೆತಕ್ಕೆ 55 ರನ್ ಬಾರಿಸಿದರು. ಕೊನೆಯಲ್ಲಿ ರಿಂಕು ಸಿಂಗ್ 2 ಸಿಕ್ಸರ್ ಹಾಗೂ 3 ಫೋರ್ ಸಮೇತ 38 ರನ್ ಬಾರಿಸಿ ತಂಡದ ಮೊತ್ತ ಏರಲು ನೆರವಾದರು. ವಾಷಿಂಗ್ಟನ್ ಸುಂದರ್ 9 ಎಸೆತಕ್ಕೆ 14 ರನ್ ಬಾರಿಸಿದರು.