ವಿಸ್ತಾರ ನ್ಯೂಸ್, ಬೆಂಗಳೂರು: ಭಾರತ ಮಹಿಳೆಯರ ಕ್ರಿಕೆಟ್ ತಂಡ ತವರಿನಲ್ಲಿ ನಡೆದ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದೆ. ಕ್ರಿಕೆಟ್ ಪ್ರೇಮಿಗಳಿಂದಲೂ ಅದಕ್ಕೆ ಉತ್ತೇಜನ ಸಿಕ್ಕಿದೆ. ಹೀಗಾಗಿ ದೇಶಿಯ ಮಟ್ಟದಲ್ಲಿ ಮಹಿಳೆಯರಿಗಾಗಿ ರಣಜಿ ಟ್ರೋಫಿ ಮಾದರಿಯ (Ranji Trophy) ರೆಡ್ ಬಾಲ್ ಕ್ರಿಕೆಟ್ ಟೂರ್ನಿ ಆಯೋಜಿಸಲು ಸಿದ್ಧತೆ ನಡೆಯುತ್ತಿದೆ. ವರದಿಯೊಂದರ ಪ್ರಕಾರ ಸುಮಾರು ಆರು ವರ್ಷಗಳ ಅಂತರದ ನಂತರ ಮಾರ್ಚ್-ಏಪ್ರಿಲ್ನಲ್ಲಿ ಮಹಿಳೆಯರಿಗೆ ರೆಡ್-ಬಾಲ್ ಋತುವನ್ನು ಪ್ರಾರಂಭಿಸಲು ಬಿಸಿಸಿಐ ನಿರ್ಧರಿಸಿದೆ.
ಫೆಬ್ರವರಿ 22ರಿಂದ ದೆಹಲಿ ಮತ್ತು ಬೆಂಗಳೂರಿನಲ್ಲಿ ಡಬ್ಲ್ಯುಪಿಎಲ್ ಎರಡನೇ ಆವೃತ್ತಿ ನಡೆಸಲು ಬಿಸಿಸಿಐ ಯೋಜಿಸುತ್ತಿದೆ ಎಂದು ವರದಿ ಹೇಳಿದೆ. ಆ ಬಳಿಕ ರಣಜಿ ಆರಂಭಗೊಳ್ಳಬಹುದು. ಸದ್ಯ ಅದು ಕೇವಲ ವಲಯ ಪಂದ್ಯಾವಳಿಗೆ ಸೀಮಿತವಾಗಿರಬಹುದು. ನಂತರ ರಣಜಿ ತರಹದ ಸ್ವರೂಪಕ್ಕೆ ಬದಲಾವಣೆಗೊಳ್ಳಲಿದೆ.
ಮಹಿಳೆಯರ ರಣಜಿ ಮೂರು ದಿನಗಳ ಪಂದ್ಯಾವಳಿಯಾಗಿದೆ. ಸಮಯದ ಮಿತಿಯಿಂದಾಗಿ ಆರಂಭದಲ್ಲಿ ವಲಯ ಸ್ವರೂಪದಿಂದ ಪ್ರಾರಂಭಿಸಲು ಯೋಚಿಸುತ್ತಿದ್ದೇವೆ. ಪಂದ್ಯಾವಳಿಯು ಮಾರ್ಚ್-ಏಪ್ರಿಲ್ ತಿಂಗಳಲ್ಲಿ ಮುಕ್ತಾಯಗೊಳ್ಳಲಿದೆ. ಮಹಿಳಾ ತಂಡಕ್ಕೆ ದೇಶಿಯವಾಗಿ ರೆಡ್ಬಾಲ್ ಕ್ರಿಕೆಟ್ ಇಲ್ಲ. ಮಹಿಳೆಯರಿಗಾಗಿ ದೇಶೀಯ ಕ್ರಿಕೆಟ್ ಅನ್ನು ಪ್ರಾರಂಭಿಸುವ ಸಮಯ ಬಂದಿದೆ ಎಂದು ಬಿಸಿಸಿಐ ಭಾವಿಸಿದೆ “ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಇದನ್ನೂ ಓದಿ : Sachin Tendulkar : ಮುದ್ದೇನಹಳ್ಳಿಯಲ್ಲಿ ಕ್ರಿಕೆಟ್ ಆಡಲಿದ್ದಾರೆ ಸಚಿನ್, ಯುವರಾಜ್ ಸಿಂಗ್
ಮಹಿಳಾ ಕ್ರಿಕೆಟ್ನಲ್ಲಿ ದೇಶೀಯ ಪಂದ್ಯಾವಳಿಯನ್ನು ಆಯೋಜಿಸವುದು ಮುಖ್ಯ ಎಂದು ಡಯಾನಾ ಎಡುಲ್ಜಿ ಈ ಹಿಂದೆ ಹೇಳಿದ್ದರು.
ಮಹಿಳೆ ಕ್ರಿಕೆಟ್ನ ಪುನರುಜ್ಜೀವನದ ಅತ್ಯಂತ ಮುಖ್ಯವಾದ ವಿಷಯವೆಂದರೆ ದೇಶೀಯವಾಗಿ ಮೂರು ದಿನಗಳ ಅಥವಾ ನಾಲ್ಕು ದಿನಗಳ ಕ್ರಿಕೆಟ್ ಆಯೋಜಿಸುವುದು ” ಎಂದು ಎಡುಲ್ಜಿ ಇಂಡಿಯನ್ ಎಕ್ಪ್ರೆಸ್ಗೆ ತಿಳಿಸಿದ್ದಾರೆ. “ಈ ಸ್ವರೂಪದಲ್ಲಿ ಹೆಚ್ಚು ಆಡುವ ಮೂಲಕ ನೀವು ಹೆಚ್ಚು ಹೊತ್ತು ಆಡುವ ಮನೋಧರ್ಮವನ್ನು ಆಟಗಾರ್ತಿಯರು ಬೆಳೆಸಿಕೊಳ್ಳಲಿದ್ದಾರೆ. ಟಿ20ಯಲ್ಲಿ ಅದಕ್ಕೆ ಅವಕಾಶ ಇರುವುದಿಲ್ಲ ಎಂದು ಎಡುಲ್ಜಿ ಹೇಳಿದ್ದಾರೆ.
ದೀರ್ಘ ಸ್ವರೂಪಗಳನ್ನು ಹೆಚ್ಚು ಆಡಿದಾಗ, ಸರಿಯಾದ ಕ್ರಿಕೆಟ್ ಶಾಟ್ಗಳನ್ನು ಆಡಲು ಕಲಿಯಬಹುದು. ನಾವು ಇದನ್ನು ಈಗ ಟಿ20 ಗಳಲ್ಲಿ ಅಭ್ಯಾಸವಾಗಿ ನೋಡುತ್ತೇವೆ. ಉದಾಹರಣೆ ಹೆಚ್ಚಿನ ಪಂದ್ಯಗಳು ಕ್ರಾಸ್-ಬ್ಯಾಟ್ ಶಾಟ್ಗಳಿಗೆ ಪೂರಕವಾಗಿಲ್ಲ. ವಿರಾಟ್, ರೋಹಿತ್ ಮುಂತಾದವರು ಉತ್ತಮ ಶಾಟ್ಗಳೊಂದಿಗೆ ಕಿರು ಸ್ವರೂಪಗಳಲ್ಲಿ ಮಿಂಚುತ್ತಾರೆ. ದೀರ್ಘ ಅವಧಿಯ ಕ್ರಿಕೆಟ್ನಿಂದ ಕಲಿತ ಶಾಟ್ಗಳವು. ಕನಿಷ್ಠ ಒಂದು ದೇಶೀಯ ಪಂದ್ಯಾವಳಿಯನ್ನು ನಡೆಸಬೇಕೆಂದು ನಾನು ಬಿಸಿಸಿಐಗೆ ವಿನಂತಿಸುತ್ತೇನೆ. ದೀರ್ಘ ಆವೃತ್ತಿಯನ್ನು ಹೆಚ್ಚು ಆಡಿದಷ್ಟೂ ಕೌಶಲ್ಯಗಳು ಸುಧಾರಿಸುತ್ತವೆ ಎಂದು ಎಡುಲ್ಜಿ ಹೇಳಿದ್ದಾರೆ.