ಮುಂಬಯಿ: ಆಸ್ಟ್ರೇಲಿಯಾ(INDW vs AUSW) ವಿರುದ್ಧ ಏಕೈಕ ಪಂದ್ಯದ ಟೆಸ್ಟ್ ಸರಣಿ ಗೆದ್ದು ಐತಿಹಾಸಿಕ ಸಾಧನೆ ಮಾಡಿದ್ದ ಭಾರತ ಮಹಿಳಾ ಕ್ರಿಕೆಟ್ ತಂಡ ಇದೀಗ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ(India Women vs Australia Women, 1st ODI) 6 ವಿಕೆಟ್ಗಳ ಹೀನಾಯ ಸೋಲು ಕಂಡಿದೆ. ಗೆದ್ದ ಅಲಿಸ್ಸಾ ಹೀಲಿ ಬಳಗ ಮೂರು ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದೆ.
ಮುಂಬಯಿಯ ವಾಂಖೆಡೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಭಾರತ ನಿಗದಿತ 50 ಓವರ್ಗಳನ್ನು ಆಡಿ 8 ವಿಕೆಟ್ಗೆ 282 ರನ್ಗಳನ್ನು ಬಾರಿಸಿತು. ಬೃಹತ್ ಮೊತ್ತವನ್ನು ಪೇರಿಸಿದರೂ ಕೂಡ ಇದನ್ನು ಉಳಿಸಿಕೊಳ್ಳುವಲ್ಲಿ ವಿಫಲವಾಗಿ ಸೋಲಿಗೆ ತುತ್ತಾಯಿತು. ದೊಡ್ಡ ಮೊತ್ತವನ್ನು ದಿಟ್ಟ ರೀತಿಯಲ್ಲಿ ಬೆನ್ನಟ್ಟಿದ ಆಸ್ಟ್ರೇಲಿಯಾ ಆಟಗಾರ್ತಿಯರು 46.3 ಓವರ್ಗಳಲ್ಲಿ ಕೇವಲ 4 ವಿಕೆಟ್ ಕಳೆದುಕೊಂಡು 285 ರನ್ ಬಾರಿಸಿ ವಿಜಯ ಪತಾಕೆ ಹಾರಿಸಿತು.
Second highest successful chase in ODIs ✅
— Women’s CricZone (@WomensCricZone) December 28, 2023
🌟 Phoebe Litchfield 78
💫 Ellyse Perry 75
🌟 Tahlia McGrath 68*
Australia continue to be a well-oiled machine in limited over formats. They go 1⃣ – 0⃣ in the series.#INDvAUS pic.twitter.com/pzkP2zMhuR
ಆರಂಭಿಕ ಆಘಾತದದ ಹೊರತಾಗಿಯೂ ಪಂದ್ಯ ಗೆದ್ದ ಆಸೀಸ್
ದೊಡ್ಡ ಮೊತ್ತವನ್ನು ಬೆನ್ನಟ್ಟಿದ ಆಸ್ಟ್ರೇಲಿಯಾ ಖಾತೆ ತೆರೆಯುವ ಮುನ್ನವೇ ನಾಯಕ ಅಲಿಸ್ಸಾ ಹೀಲಿ(0) ವಿಕೆಟ್ ಕಳೆದುಕೊಂಡು ಆಘಾತಕ್ಕೆ ಸಿಲುಕಿತು. ರೇಣುಕಾ ಸಿಂಗ್ ತಮ್ಮ ಮೂರನೇ ಎಸೆತದಲ್ಲಿ ಈ ವಿಕೆಟ್ ಕಿತ್ತು ಭಾರತಕ್ಕೆ ಮುನ್ನಡೆ ತಂದುಕೊಟ್ಟರು. ಆದರೆ ದ್ವಿತೀಯ ವಿಕೆಟ್ಗೆ ಜತೆಯಾದ ಫೋಬೆ ಲಿಚ್ಫೀಲ್ಡ್ ಮತ್ತು ಎಲ್ಲಿಸ್ ಪೆರ್ರಿ ಸೇರಿಕೊಂಡು ಭಾರತದ ಗೆಲುವಿನ ಕನಸಿಗೆ ತಣ್ಣಿರೇರಚಿದರು.
ಇದನ್ನೂ ಓದಿ IND vs SA: ಇನಿಂಗ್ಸ್, 32 ರನ್ಗಳ ಸೋಲಿಗೆ ತುತ್ತಾದ ಭಾರತ
ಆರಂಭಿಕ ವಿಕೆಟ್ ಕಿತ್ತ ಜೋಶ್ನಲ್ಲಿದ್ದ ಭಾರತಕ್ಕೆ ಈ ಜೋಡಿ ಕ್ರೀಸ್ನಲ್ಲಿ ಬೇರೂರಿ ನಿಂತು ಕಾಡಿದರು. ಎಲ್ಲ ಬೌಲರ್ಗಳಿಗೂ ಸರಿಯಾಗಿ ದಂಡಿಸಿ ಉಭಯ ಆಟಗಾರ್ತಿಯರು ಅರ್ಧಶತಕ ಬಾರಿಸಿ ಸಂಭ್ರಮಿಸಿದರು. ಈ ಜೋಡಿ 2ನೇ ವಿಕೆಟ್ಗೆ ಬರೋಬ್ಬರಿ 148 ರನ್ಗಳ ಜತೆಯಾಟ ನಡೆಸಿ ತಂಡಕ್ಕೆ ಉತ್ತಮ ಅಡಿಪಾಯ ನಿರ್ಮಿಸಿದರು. ಶೂನ್ಯಕ್ಕೂ ತಂಡದ ವಿಕೆಟ್ ಬಿದ್ದರೂ ಕೂಡ ಕಿಂಚಿತ್ತೂ ವಿಚಲಿತರಾಗಿ ಆಡಿ ತಂಡವನ್ನು ಸಂಕಷ್ಟದಿಂದ ಪಾರು ಮಾಡಿದರು.
ಲಿಚ್ಫೀಲ್ಡ್ 89 ಎಸೆತ ಎದುರಿಸಿ 8 ಬೌಂಡರಿ ಮತ್ತು ಒಂದು ಸಿಕ್ಸರ್ ನೆರವಿನಿಂದ 78 ರನ್ ಬಾರಿಸಿದರು. ಇವರ ಜತೆಗಾರ್ತಿ ಎಲ್ಲಿಸ್ ಪೆರ್ರಿ 9 ಬೌಂಡರಿ ಮತ್ತು 2 ಸೊಗಸಾದ ಸಿಕ್ಸರ್ ಚಚ್ಚಿ 75 ರನ್ ಗಳಿಸಿದರು. ಉಭಯ ಆಟಗಾರ್ತಿಯ ವಿಕೆಟ್ ಪತನದ ಬಳಿಕ ಆಡಲಿಳಿದ ಬೆತ್ ಮೂನಿ ಹಾಗೂ ಟಹ್ಲಿಯಾ ಮೆಕ್‌ಗ್ರಾತ್‌ ಜೋಡಿಯೂ ತಾಳ್ಮೆಯು ಬ್ಯಾಟಿಂಗ್ ನಡೆಸುವ ಮೂಲಕ ಉತ್ತಮ ಜತೆತಯಾಟ ನಡೆಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ಬೆತ್ ಮೂನಿ 42 ರನ್ ಗಳಿಸಿ ಔಟಾದರೂ, ಮೆಕ್‌ಗ್ರಾತ್‌ 11 ಬೌಂಡರಿ ಬಾರಿಸಿ 68 ಗಳಿಸಿ ಅಜೇಯರಾಗಿ ಉಳಿದರು. ಭಾರತ ಪರ ರೇಣುಕಾ ಸಿಂಗ್, ಪೂಜಾ ವಸ್ತ್ರಾಕರ್ ಮತ್ತು ಸ್ನೇಹ್ ರಾಣಾ ತಲಾ ಒಂದು ವಿಕೆಟ್ ಕಿತ್ತರು.
ಜೆಮಿಮಾ ಹೋರಾಟ ವ್ಯರ್ಥ
ಇದಕ್ಕೂ ಮುನ್ನ ಬ್ಯಾಟಿಂಗ್ ನಡೆಸಿದ ಭಾರತ ಪರ ಮಧ್ಯಮ ಕ್ರಮಾಂಕದ ಆಟಗಾರ್ತಿ ಜೆಮಿಮಾ ರೋಡ್ರಿಗಸ್ ಅಮೋಘ ಬ್ಯಾಟಿಂಗ್ ನಡೆಸಿ ಅಧರ್ಶತಕ ಬಾರಿಸಿದರು. 5ನೇ ಕ್ರಮಾಂಕದಲ್ಲಿ ಆಡಲಿಳಿದ ಜೆಮಿಮಾ 7 ಬೌಂಡರಿ ನೆರವಿನಿಂದ 82 ರನ್ ಬಾರಿಸಿದರು. ಆದರೆ ಪಂದ್ಯ ಸೋತ ಕಾರಣ ಇವರ ಈ ಹೋರಾಟ ವ್ಯರ್ಥವಾಯಿತು. ಆರಂಭಿಕ ಆಟಗಾರ್ತಿ ಯಾಸ್ತಿಕಾ ಭಾಟಿಯಾ 49 ರನ್ಗೆ ವಿಕೆಟ್ ಕಳೆದುಕೊಂಡು ಒಂದು ರನ್ ಅಂತರದಲ್ಲಿ ಅರ್ಧಶತಕದಿಂದ ವಂಚಿರಾದರು.
The fighting innings from Jemimah Rodrigues 🫡🙏🏼#INDvAUS #CricketTwitter
— Women’s CricZone (@WomensCricZone) December 28, 2023
pic.twitter.com/O3T506EX61
ಅಂತಿಮ ಹಂತದಲ್ಲಿ ಕ್ರೀಸ್ಗಿಳಿದು ಸ್ಫೋಟಕ ಬ್ಯಾಟಿಂಗ್ ನಡೆಸಿದ ಬೌಲರ್ ಪೂಜಾ ವಸ್ತ್ರಾಕರ್ ಕೇಬಲ 42 ಎಸೆತಗಳಿಂದ ಅಜೇಯ 62 ರನ್ ಬಾರಿಸಿದರು. ಅವರ ಈ ಬ್ಯಾಟಿಂಗ್ ಇನಿಂಗ್ಸ್ನಲ್ಲಿ 7 ಬೌಂಡರಿ ಮತ್ತು 2 ಸಿಕ್ಸರ್ ಸಿಡಿಯಿತು. ನಾಯಕಿ ಕೌರ್ 9 ಹಾಗೂ ಆರಂಭಿಕ ಆಟಗಾರ್ತಿ ಶಫಾಲಿ 1 ರನ್ಗೆ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದರು.