ನವಿ ಮುಂಬಯಿ: ಶಫಾಲಿ ವರ್ಮ(64*) ಮತ್ತು ಸ್ಮೃತಿ ಮಂಧಾನ(54) ಅವರ ಅರ್ಧಶತಕ, ಬೌಲಿಂಗ್ನಲ್ಲಿ ಟಿಟಾಸ್‌ ಸಾಧು(4 ವಿಕೆಟ್) ಪರಾಕ್ರಮದಿಂದ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ(India Women vs Australia Women, 1st T20I) ಭಾರತ(INDW vs AUSW) ಮಹಿಳಾ ತಂಡ ಭರ್ಜರಿ 9 ವಿಕೆಟ್ಗಳ ಗೆಲುವು ಸಾಧಿಸಿದೆ. ಜತೆಗೆ ಮೂರು ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದ.
ನವಿ ಮುಂಬಯಿಯ ಡಿ.ವೈ ಪಾಟೀಲ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ ತನ್ನ ಆಯ್ಕೆಗೆ ತಕ್ಕ ಪ್ರದರ್ಶನ ತೋರುವ ಮೂಲಕ ಎದುರಾಳಿ ಆಸೀಸ್ ತಂಡವನ್ನು 19.2 ಓವರ್ಗಳಲ್ಲಿ 141 ರನ್ಗೆ ಕಟ್ಟಿ ಹಾಕಿತು. ಬಳಿಕ ಗುರಿ ಬೆನ್ನಟ್ಟಿದ ಭಾರತ ಬ್ಯಾಟಿಂಗ್ನಲ್ಲಿಯೂ ಶ್ರೇಷ್ಠ ಪ್ರದರ್ಶನ ತೋರುವ ಮೂಲಕ 17.4 ಓವರ್ನಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು 145 ರನ್ ಬಾರಿಸಿ ಗೆಲುವಿನ ನಗೆ ಬೀರಿತು.
.@JemiRodrigues with the winning runs! 😃🙌#TeamIndia win the 1st T20I by 9 wickets and take a 1⃣-0⃣ lead in the series 👏👏
— BCCI Women (@BCCIWomen) January 5, 2024
Scorecard ▶️ https://t.co/rNWyVNHrmk#INDvAUS | @IDFCFIRSTBank pic.twitter.com/LAVr1uo3Yl
ಶಫಾಲಿ-ಮಂಧಾನ ಅರ್ಧಶತಕ
ಗುರಿ ಬೆನ್ನಟ್ಟಿದ ಭಾರತ ತಂಡಕ್ಕೆ ಶಫಾಲಿ ವರ್ಮ ಮತ್ತು ಉಪನಾಯಕ ಸ್ಮೃತಿ ಮಂಧಾನ ಉತ್ತಮ ಜತೆಯಾಟ ನಡೆಸುವ ಮೂಲಕ ಭರ್ಜರಿ ಆರಂಭ ಒದಗಿಸಿದರು. ಉಭಯ ಆಟಗಾರ್ತಿಯರು ಕೂಡ ಆಸೀಸ್ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿ ಅರ್ಧಶತಕ ಬಾರಿಸಿದರು. ಈ ಮೂಲಕ ಏಕದಿನ ಸರಣಿಯಲ್ಲಿ ಅನುಭವಿಸಿದ್ದ ಬ್ಯಾಟಿಂಗ್ ಬರವನ್ನು ಇಲ್ಲಿ ನೀಗಿಸಿಕೊಂಡರು.
A thumping win for India as they beat the Aussies by nine wickets to take a 1-0 lead in the T20I series 👏#INDvAUS 📝: https://t.co/FdM3EktCfK pic.twitter.com/D0WuYva6T3
— ICC (@ICC) January 5, 2024
ಬಿರುಸಿನ ಬ್ಯಾಟಿಂಗ್ ನಡೆಸಿದ ಶಫಾಲಿ ಒಟ್ಟು ಮೂರು ಜೀವದಾನ ಪಡೆದರು. ಇದರಲ್ಲಿ 2 ಜೀವದಾನ ಆಶ್ಲೀ ಗಾರ್ಡ್ನರ್ ಅವರಿಂದ ಲಭಿಸಿತು. 2 ಬಾರಿಯೂ ಕಾಟ್‌ ಬಿಹೈಂಡ್‌ ಅಪಾಯದಿಂದ ಪಾರಾದರು. ಇದರ ಸಂಪೂರ್ಣ ಲಾಭವೆತ್ತಿದ ಅವರು ಆಸೀಸ್ಗೆ ಸಿಕ್ಸರ್ ಮತ್ತು ಬೌಂಡರಿಗಳ ರುಚಿ ತೋರಿಸಿದರು. 44 ಎಸೆತ ಎದುರಿಸಿ 6 ಬೌಂಡರಿ ಮತ್ತು 3 ಸೊಗಸಾದ ಸಿಕ್ಸರ್ ಬಾರಿಸಿ ಅಜೇಯ 64 ರನ್ ಗಳಿಸಿದರು. ಇವರ ಜತೆಗಾರ್ತಿ ಸ್ಮೃತಿ ಮಂಧಾನ 7 ಬೌಂಡರಿ ಹಾಗೂ ಒಂದು ಸಿಕ್ಸರ್ನಿಂದ 54 ರನ್ ಗಳಿಸಿ ಗೆಲುವಿಗೆ 5 ರನ್ ಬೇಕಿದ್ದಾಗ ವಿಕೆಟ್ ಕೈ ಚೆಲ್ಲಿದರು. ಸಿಕ್ಸರ್ಗೆ ಬಾರಿಸಿದ ಚೆಂಡನ್ನು ಬೌಂಡರಿ ಲೈನ್ನಲ್ಲಿ ತಾಲಿಯಾ ಮೆಕ್‌ಗ್ರಾತ್ ಯಾರೂ ಊಹಿಸಿದ ರೀತಿಯಲ್ಲಿ ಮೇಲಕ್ಕೆ ಜಿಗಿದು ಕ್ಯಾಚ್ ಹಿಡಿದು ಈ ವಿಕೆಟ್ ಪತನಕ್ಕೆ ಕಾರಣರಾದರು.
ಇದನ್ನೂ ಓದಿ T20 World Cup 2024: ಟಿ20 ವಿಶ್ವಕಪ್ ವೇಳಾಪಟ್ಟಿ ಪ್ರಕಟ; ಬದ್ಧ ಎದುರಾಳಿ ಭಾರತ-ಪಾಕ್ ಪಂದ್ಯ ಯಾವಾಗ?
ಶಫಾಲಿ ಮತ್ತು ಸ್ಮೃತಿ ಮೊದಲ ವಿಕೆಟ್ಗೆ ಬರೋಬ್ಬರಿ 137 ರನ್ ಒಟ್ಟುಗೂಡಿಸಿದರು. ದ್ವಿತೀಯ ವಿಕೆಟ್ಗೆ ಆಡಲಿಳಿದ ಜೆಮಿಮಾ ರೋಡ್ರಿಗಸ್ ಬೌಂಡರಿ ಬಾರಿಸಿ ಭಾರತದ ಗೆಲುವುನ್ನು ಸಾರಿದರು. ಅವರು 6 ರನ್ ಗಳಿಸಿ ಅಜೇಯರಾಗಿ ಉಳಿದರು.
ಮಿಂಚಿದ ಟಿಟಾಸ್‌ ಸಾಧು
ಮೊದಲು ಬ್ಯಾಟಿಂಗ್ ನಡೆಸಿದ ಆಸ್ಟ್ರೇಲಿಯಾಕ್ಕೆ 19 ವರ್ಷದ ಯುವ ಆಟಗಾರ್ತಿ ಟಿಟಾಸ್‌ ಸಾಧು ಆರಂಭದಲ್ಲೇ ಆಘಾತ ನೀಡಿದರು. ಮೊನಚಾದ ಬೌಲಿಂಗ್ ದಾಳಿ ನಡೆಸಿ ಬ್ಯಾಕ್ ಟು ಬ್ಯಾಕ್ ಮೂರು ವಿಕೆಟ್ ಕಿತ್ತು ಆಸೀಸ್ ಕುಸಿತಕ್ಕೆ ಕಾರಣರಾದರು. ಒಟ್ಟು 4 ಓವರ್ ಎಸೆದು ಕೇವಲ 17 ರನ್ ಬಿಟ್ಟು ಕೊಟ್ಟು 4 ವಿಕೆಟ್ ಕಿತ್ತರು. ಇವರಿಗೆ ಕನ್ನಡತಿ ಶ್ರೇಯಾಂಕ ಪಾಟೀಲ್ ಮತ್ತು ದೀಪ್ತಿ ಶರ್ಮ ಉತ್ತಮ ಸಾಥ್ ನೀಡಿದರು. ಶ್ರೇಯಾಂಕ ಹಾಗೂ ದೀಪ್ತಿ ತಲಾ 2 ವಿಕೆಟ್ ಪಡೆದರು.
For her impressive four-wicket haul, Titas Sadhu is adjudged the Player of the Match 👏👏
— BCCI Women (@BCCIWomen) January 5, 2024
India win the 1st T20I by 9-wickets 👌👌
Scorecard ▶️ https://t.co/rNWyVNHrmk#TeamIndia | #INDvAUS | @IDFCFIRSTBank | @titas_sadhu pic.twitter.com/1ey5wboU6c
33 ರನ್ಗೆ 4 ವಿಕೆಟ್ ಕಳೆದುಕೊಂಡ ಆಸೀಸ್ ತಂಡಕ್ಕೆ ಆಸರೆಯಾದದ್ದು ಯುವ ಆಟಗಾರ್ತಿ ಫೋಬೆ ಲಿಚ್ಫೀಲ್ಡ್ ಮತ್ತು ಎಲ್ಲಿಸ್ ಪೆರ್ರಿ. ಏಕದಿನದಲ್ಲಿ ಆರಂಭಿಕ ಸ್ಥಾನದಲ್ಲಿ ಆಡಿದ್ದ ಫೋಬೆ ಲಿಚ್ಫೀಲ್ಡ್ ಟಿ20ಯಲ್ಲಿ 6ನೇ ಸ್ಥಾನದಲ್ಲಿ ಕಣಕ್ಕಿಳಿದರು. ಸ್ಟೋಟಕ ಬ್ಯಾಟಿಂಗ್ ನಡೆಸಿದ ಲಿಚ್ಫೀಲ್ಡ್ 3 ಸೊಗಸಾದ ಸಿಕ್ಸರ್ ಮತ್ತು 4 ಬೌಂಡರಿ ಬಾರಿಸಿ 49 ರನ್ಗೆ ಔಟಾದರು. ಪೆರ್ರಿ ತಲಾ 2 ಸಿಕ್ಸರ್ ಹಾಗೂ ಬೌಂಡರಿ ನೆರವಿನಿಂದ 37 ರನ್ ಬಾರಿಸಿದರು. ಉಭಯ ಆಟಗಾರ್ತಿಯನ್ನು ಹೊರತುಪಡಿಸಿ ಉಳಿದ ಎಲ್ಲ ಆಟಗಾರ್ತಿಯರು ನಿರೀಕ್ಷಿತ ಬ್ಯಾಟಿಂಗ್ ನಡೆಸುವಲ್ಲಿ ವಿಫಲರಾದರು.