ಬೆಂಗಳೂರು: ಅಫಘಾನಿಸ್ತಾನ ವಿರುದ್ಧದ ಅಂತಿಮ ಟಿ20 ಪಂದ್ಯದಲ್ಲಿ ವಿರಾಟ್ ಕೊಹ್ಲಿ(Virat Kohli) ತೋರಿದ 2 ಅವತಾರಗಳು ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡ್ ಆಗಿದೆ. ಮೊದಲನೆಯದು, ಪ್ರಶಸ್ತಿ ನೀಡುವ ವೇಳೆ ಫೋಟೊಗೆ ಫೋಸ್ ನೀಡಲು ಸ್ಕೇಟಿಂಗ್ ಶೈಲಿಯಲ್ಲಿ ಜಾರಿಕೊಂಡು ಬಂದದ್ದು, ಇನ್ನೊಂದು ಮೊಯೇ ಮೊಯೇ ಹಾಡಿಗೆ ಹೆಜ್ಜೆ ಹಾಕಿದ್ದು. ಈ ಎರಡು ಘಟನೆಯ ದೃಶ್ಯಗಳು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಸೂಪರ್ ಓವರ್ ಗೆಲುವಿನ ಬಳಿಕ ಟ್ರೋಫಿಯೊಂದಿಗೆ ಆಟಗಾರರು ಫೋಟೋಶೂಟ್ಗೆ ತಯಾರಾಗಿ ನಿಂತಿದ್ದರು. ಆದರೆ ಕೊಹ್ಲಿ ಬರುವುದು ಕೊಂಚ ತಡವಾಗಿತ್ತು. ರೋಹಿತ್ ಶರ್ಮಾ ಟ್ರೋಫಿಯನ್ನು ಪಡೆದು ಗೆಲುವಿನ ಪೋಸ್ ನೀಡಲು ಬರುತ್ತಿರುವುದನ್ನು ಕಂಡ ಕೊಹ್ಲಿ ಶರವೇಗದಲ್ಲಿ ಕಾಲಿನಿಂದ ಜಾರಿಕೊಂಡು ಬಂದು ಫೋಟೊಶೂಟ್ ಬಳಿ ನಿಂತರು. ಈ ಮೂಲಕ ಪಕ್ಕಾ ಟೈಮಿಂಗ್ಗೆ ಸ್ಥಳದಲ್ಲಿ ಹಾಜರಾದರು. ಕೊಹ್ಲಿಯ ಸ್ಕೇಟಿಂಗ್ ಶೈಲಿಯ ಆಗಮನ ಕಂಡು ಶಿವಂ ದುಬೆ ಒಂದು ಕ್ಷಣ ದಂಗಾದರು. ಈ ವಿಡಿಯೊ ಇಲ್ಲಿದೆ.
Virat Kohli – the best character of the game..!!! 😂🐐pic.twitter.com/eQf2TvUL76
— Mufaddal Vohra (@mufaddal_vohra) January 18, 2024
ಮೊಯೇ ಮೊಯೇ ಹಾಡಿಗೆ ಸ್ಟೆಪ್ಸ್ ಹಾಕಿದ ಕೊಹ್ಲಿ
ವಿರಾಟ್ ಕೊಹ್ಲಿ ಅವರು ಕ್ರಿಕೆಟ್ನಲ್ಲಿ ಎಷ್ಟು ಖ್ಯಾತಿ ಪಡೆದಿದ್ದಾರೋ ಅಷ್ಟೇ ಖ್ಯಾತಿಯನ್ನು ಮೈದಾನದಲ್ಲಿ ಡ್ಯಾನ್ಸ್ ಮಾಡುವ ಮೂಲಕವೂ ಪಡೆದಿದ್ದಾರೆ. ಕೊಹ್ಲಿ ಹಲವು ಬಾರಿ ಫಿಲ್ಡಿಂಗ್ ನಡೆಸುವ ವೇಳೆ ಡ್ಯಾನ್ಸ್ ಮಾಡಿದ ವಿಡಿಯೊ ವೈರಲ್ ಆಗಿತ್ತು. ಇಂತಹದ್ದೇ ಘಟನೆ ಬುಧವಾರ ಚಿನ್ನಸ್ವಾಮಿಯಲ್ಲಿ ನಡೆದ ಆಫ್ಘನ್ ಎದುರಿನ ಟಿ20 ಪಂದ್ಯದಲ್ಲಿ ಕಂಡುಬಂತು. ಹೌದು, ಸ್ಟೇಡಿಯಂನಲ್ಲಿ ಮೊಯೇ ಮೊಯೇ ಎಂದು ಪ್ರತಿಧ್ವನಿಸಿತು. ಹಾಡನ್ನು ಪ್ಲೇ ಮಾಡುತ್ತಿದ್ದಂತೆ ಕೊಹ್ಲಿ ಕಣ್ಮುಚ್ಚಿಕೊಂಡು ಸೊಂಟ ಬಳುಕಿಸಿದರು. ಈ ವಿಡಿಯೊ ವೈರಲ್ ಆಗಿದೆ.
ಇದನ್ನೂ ಓದಿ Team India: ಭಾರತದ ಸೂಪರ್ ಗೆಲುವಿಗೆ ಪಾಕಿಸ್ತಾನದ ದಾಖಲೆ ಪತನ
DJ played “Moye Moye” after the super over & Virat did moye moye dance 😭😂#ViratKohli | #INDvsAFG | #CricketTwitterpic.twitter.com/6EjiH6a7xB
— CricWatcher (@CricWatcher11) January 17, 2024
ಅನಗತ್ಯ ದಾಖಲೆ ಬರೆದ ಕೊಹ್ಲಿ
ವಿರಾಟ್ ಕೊಹ್ಲಿ ಈ ಪಂದ್ಯದಲ್ಲಿ ಗೋಲ್ಡನ್ ಟಕ್ ಆಗುವ ಮೂಲಕ ಅನಗತ್ಯ ದಾಖೆಯೊಂದನ್ನು ತಮ್ಮ ಹೆಸರಿಗೆ ಬರೆದರು. ಭಾರತದ ಪರ ಅತ್ಯಧಿಕ ಶೂನ್ಯ ಸಂಪಾದಿಸಿದ ಆಟಗಾರ ಎನಿಸಿಕೊಂಡರು. ಇದಕ್ಕೂ ಮುನ್ನ ಈ ಕೆಟ್ಟ ದಾಖಲೆ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಹೆಸರಿನಲ್ಲಿತ್ತು. ಸಚಿನ್ 34 ಬಾರಿ ಶೂನ್ಯಕ್ಕೆ ಔಟಾಗಿದ್ದರು. ಆದರೆ ಈಗ ಕೊಹ್ಲಿ 35 ಬಾರಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿ ಸಚಿನ್ ಹಿಂದಿಕ್ಕಿ ಈ ಅನಗತ್ಯ ದಾಖಲೆಯನ್ನು ತಮ್ಮ ಹೆಸರಿಗೆ ಸೇರಿಸಿಕೊಂಡಿದ್ದಾರೆ.
ಐಪಿಎಲ್ನಲ್ಲಿ ಆರ್ಸಿಬಿ ಪರ ಆಡುವ ವಿರಾಟ್ ಕೊಹ್ಲಿಗೆ ಬೆಂಗಳೂರಿನಲ್ಲಿ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಅವರ ಆಟ ನೋಡಲೆಂದೇ ಆರ್ಸಿಬಿ ಅಭಿಮಾನಿಗಳು ಈ ಪಂದ್ಯಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದರು. ಆದರೆ, ಕೊಹ್ಲಿ ಗೋಲ್ಡನ್ ಡಕ್ಗೆ ವಿಕೆಟ್ ಕೈಚೆಲ್ಲಿ ಎಲ್ಲ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದ್ದರು.