ಚೆನ್ನೈ: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ ಘಾತಕ ಬೌಲಿಂಗ್ ದಾಳಿ ನಡೆಸಿ ಗಮನಸೆಳೆದ ಆಕಾಶ್ ಮಧ್ವಾಲ್ ಅವರ ಕ್ರಿಕೆಟ್ ಪಯಣವೇ ಒಂದು ರೋಚಕ. ಆರ್ಸಿಬಿ ತಂಡದ ನೆಟ್ ಬೌಲರ್ ಆಗಿದ್ದ ಇವರು ಐಪಿಎಲ್ಗೆ ಹೇಗೆ ಪದಾರ್ಪಣೆ ಮಾಡಿದರು ಎಂಬ ಸ್ಟೋರಿ ಇಲ್ಲಿದೆ.
ಆಕಾಶ್ ಮೊದಲು ಟೆನಿಸ್ ಬಾಲ್ ಕ್ರಿಕೆಟ್ ಆಡುತ್ತಿದ್ದರು. 2019ರಲ್ಲಿ ಇವರ ಬೌಲಿಂಗ್ ಕಂಡ ಆಗಿನ ಉತ್ತರಾಖಂಡ್ ಕೋಚ್ ವಾಸಿಮ್ ಜಾಫರ್ ಅವರು ಸ್ಟಿಚ್ ಬಾಲ್ ಆಡುವಂತೆ ಸಲಹೆ ನೀಡಿದ್ದರು. ಜತೆಗೆ ಅವರಿಗೆ ಕ್ರಿಕೆಟ್ ಅಭ್ಯಾಸದಲ್ಲಿ ತೊಡಗಿಕೊಳ್ಳಲು ಉತ್ತರಾಖಂಡ್ ತಂಡದಲ್ಲಿ ನೆಟ್ ಬೌಲರ್ ಆಗಿ ನೇಮಕಮಾಡಲಾಯಿತು. ಇಲ್ಲಿ ಪಳಗಿದ ಅವರು 2021ರಲ್ಲಿ ಆರ್ಸಿಬಿ ತಂಡದ ನೆಟ್ ಬೌಲರ್ ಆಗಿ ಆಯ್ಕೆಯಾದರು.
2022ರ 15ನೇ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಆಕಾಶ್ ಮಧ್ವಾಲ್ ಅವರಿಗೆ ಅದೃಷ್ಟವೊಂದು ಖುಲಾಯಿಸಿತು. ಸೂರ್ಯಕುಮಾರ್ ಯಾದವ್ ಅವರು ಗಾಯಗೊಂಡ ಕಾರಣ ಅವರ ಬದಲಿಯಾಗಿ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಆಯ್ಕೆಯಾದರು. 2023ರ ಹರಾಜಿನಲ್ಲಿ 20 ಲಕ್ಷ ರೂ. ಗೆ ಮುಂಬೈ ತಂಡದ ಭಾಗವಾದ ಅವರು ಶ್ರೇಷ್ಠ ಪ್ರದರ್ಶನ ತೋರುವ ಮೂಲಕ ಇದೀಗ ತಂಡದ ಕೀ ಬೌಲರ್ ಆಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ IPL 2023: ಆರೆಂಜ್-ಪರ್ಪಲ್ ಕ್ಯಾಪ್ಗೆ ಯಾರ ಮಧ್ಯೆ ಪೈಪೋಟಿ; ಇಲ್ಲಿದೆ ಮಾಹಿತಿ
ಎಂಜಿನಿಯರಿಂಗ್ ಓದಿರುವ ಮಧ್ವಲ್ ಅವರು ಐಪಿಎಲ್ ಆಡಿದ ಉತ್ತರಾಖಂಡ್ ರಾಜ್ಯದ ಮೊದಲ ಕ್ರಿಕೆಟಿಗ ಎಂಬ ಹಿರಿಮೆಗೂ ಪಾತ್ರರಾಗಿದ್ದಾರೆ. ಒಂದೊಮ್ಮೆ ಸೂರ್ಯಕುಮಾರ್ ಗಾಯಗೊಳ್ಳದೇ ಹೋಗಿದ್ದರೆ ಅವರಿಗೆ ಐಪಿಎಲ್ ಭಾಗ್ಯ ಇರುತ್ತಿರಲಿಲ್ಲವೋ ಏನೋ?, ಅದೃಷ್ಟ ಎನ್ನುವುದು ಯಾವಾಗ ಬರುತ್ತದೆ ಎಂದು ಹೇಳುವುದು ಕಷ್ಟ. ಆದರೆ ಬಂದ ಅದೃಷ್ಟವನ್ನು ಯಾವ ರೀತಿ ಬಳಸಿಕೊಳ್ಳಬೇಕು ಎನ್ನುವುದಕ್ಕೆ ಆಕಾಶ್ ಮಧ್ವಾಲ್ ಅವರೇ ಉತ್ತಮ ನಿದರ್ಶನ.
When I was Uttarakhand Head Coach this boy came for trials. He was 24-25 and had only played tennis ball cricket. We were so impressed with his pace we roped him in right away! The year was 2019, and that boy was Akash Madhwal. Proud of how far he's come! #MIvsLSG #IPL2023 pic.twitter.com/BH0RTeRKvz
— Wasim Jaffer (@WasimJaffer14) May 25, 2023
ಲಕ್ನೋ ವಿರುದ್ಧದ ಪಂದ್ಯದಲ್ಲಿ ಆಕಾಶ್ ಮಧ್ವಾಲ್ ಅವರು 3.3 ಓವರ್ ಎಸೆದು ಕೇವಲ 5 ರನ್ ವೆಚ್ಚದಲ್ಲಿ ಪ್ರಮುಖ 5 ವಿಕೆಟ್ ಕಬಳಿಸಿದರು. ಇವರ ಈ ಸಾಧನೆ ಕಂಡು ಭಾರತ ಕ್ರಿಕೆಟ್ ತಂಡದ ಮಾಜಿ ದಿಗ್ಗಜ ಬೌಲರ್ಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು ಶೀಘ್ರದಲ್ಲೇ ಭಾರತ ತಂಡಕ್ಕೆ ನಿಮ್ಮ ಆಗಮನವಾಗಲಿದೆ ಎಂದು ಹೇಳಿದ್ದಾರೆ. ಜಸ್ಪ್ರೀತ್ ಬುಮ್ರಾ ಕೂಡ ಮುಂಬೈ ತಂಡದ ನೆಟ್ ಬೌಲರ್ ಆಗಿದ್ದರು. ಬಳಿಕ ಮುಂಬೈ ಪರ ಆಡಿ ಇದೀಗ ಟೀಮ್ ಇಂಡಿಯಾದ ಪ್ರಧಾನ ಮತ್ತು ವಿಶ್ವದ ನಂ.1 ಬೌಲರ್ ಸ್ಥಾನವನ್ನು ಪಡೆದಿದ್ದರು. ಇವರಂತೆ ಆಕಾಶ್ ಮಧ್ವಾಲ್ ಕೂಡ ಬೆಳೆಯಲಿ ಎನ್ನುವುದು ಕ್ರಿಕೆಟ್ ಪಂಡಿತರ ಆಶಯವಾಗಿದೆ.