ಚೆನ್ನೈ: ಮುಂದಿನ ಸೀಸನ್ನ ಐಪಿಎಲ್(IPL 2023) ಟೂರ್ನಿಯ ತಯಾರಿ ಆರಂಭವಾಗಿದೆ. ಡಿಸೆಂಬರ್‌ನಲ್ಲಿ ಮಿನಿ ಹರಾಜು ನಡೆಯಲಿದೆ. ಅದಕ್ಕೂ ಮೊದಲು ಎಲ್ಲ ಫ್ರಾಂಚೈಸಿಗಳು ತಾವು ಉಳಿಸಿಕೊಳ್ಳಲು ಬಯಸುವ ಆಟಗಾರರ ಪಟ್ಟಿಯನ್ನು ನೀಡಬೇಕಾಗಿದೆ. ಅದರಂತೆ ನಾಲ್ಕು ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ತಮ್ಮ ಅಂತಿಮ ಪಟ್ಟಿಯನ್ನು ಪ್ರಕಟಿಸಿದೆ.
ಅಚ್ಚರಿ ಎಂಬಂತೆ ಈ ಬಾರಿ ತಂಡದಿಂದ ಕೈಬಿಡಲಾಗುವುದು ಎಂದು ಹೇಳಿದ್ದ ಜಡೇಜಾ ಅವರನ್ನು ಸಿಎಸ್ಕೆ ತಂಡದಲ್ಲಿ ಉಳಿಸಿಕೊಂಡಿದ್ದು ಎಲ್ಲ ಉಹಾಪೋಹಗಳಿಗೆ ತೆರೆ ಎಳೆದಿದೆ. ಇದೀಗ ಚೆನ್ನೈ ತಂಡ ಎಂ.ಎಸ್‌ ಧೋನಿ, ರವೀಂದ್ರ ಜಡೇಜಾ, ಮೊಯೀನ್‌ ಅಲಿ, ಋತುರಾಜ್‌ ಗಾಯಕ್ವಾಡ್‌, ಶಿವಂ ದುಬೆ, ಡೆವೋನ್‌ ಕಾನ್ವೆ, ಮುಕೇಶ್‌ ಚೌಧರಿ, ಡ್ವೇನ್ ಪ್ರಿಟೋರಿಯಸ್‌ ಹಾಗೂ ದೀಪಕ್‌ ಚಾಹರ್‌ ಸೇರಿ ಒಟ್ಟು 9 ಆಟಗಾರರನ್ನು 2023ರ ಟೂರ್ನಿಗೆ ಉಳಿಸಿಕೊಂಡಿದೆ.
ಕಳೆದ ಆವೃತ್ತಿಯಲ್ಲಿ ನಿರೀಕ್ಷೆ ಹುಸಿಗೊಳಿಸಿದ ಕ್ರಿಸ್‌ ಜೋರ್ಡನ್, ಆಡಂ ಮಿಲ್ನೆ, ನಾರಾಯಣ್‌ ಜಗದೀಶನ್‌, ಡ್ವೇನ್ ಬ್ರಾವೊ ಹಾಗೂ ಮಿಚೆಲ್‌ ಸ್ಯಾಂಟ್ನರ್‌ ಅವರನ್ನು ಮಿನಿ ಹರಾಜಿನ ನಿಮಿತ್ತ ಚೆನ್ನೈ ಫ್ರಾಂಚೈಸಿ ಬಿಡುಗಡೆಗೊಳಿಸಿದೆ. ಡಿಸೆಂಬರ್‌ 23 ರಂದು ಕೇರಳದ ಕೊಚ್ಚಿಯಲ್ಲಿ 16ನೇ ಆವೃತ್ತಿಯ ಐಪಿಎಲ್ ಆಟಗಾರರ ಮಿನಿ ಹರಾಜು ನಡೆಯಲಿದೆ.
| ತಂಡದದಲ್ಲಿ ಉಳಿಸಿಕೊಂಡಿರುವ ಆಟಗಾರರ ಪಟ್ಟಿ |
| 1. ಮಹೇಂದ್ರ ಸಿಂಗ್ ಧೋನಿ |
| 2.ರವೀಂದ್ರ ಜಡೇಜಾ |
| 3.ಮೊಯೀನ್‌ ಅಲಿ |
| 4. ಋತುರಾಜ್‌ ಗಾಯಕ್ವಾಡ್‌ |
| 5. ಶಿವಂ ದುಬೆ |
| 6. ಡೆವೋನ್‌ ಕಾನ್ವೆ |
| 7.ಮುಕೇಶ್‌ ಚೌಧರಿ |
| 8. ಡ್ವೇನ್ ಪ್ರಿರೆಟೋರಿಯಸ್‌ |
| 9.ದೀಪಕ್‌ ಚಾಹರ್‌ |
ತಂಡದಿಂದ ಕೈಬಿಟ್ಟಿರುವ ಆಟಗಾರರ ಪಟ್ಟಿ
| 1. ಕ್ರಿಸ್‌ ಜೋರ್ಡನ್ |
| 2.ಆಡಂ ಮಿಲ್ನೆ |
| 3. ನಾರಾಯಣ್‌ ಜಗದೀಶನ್‌ |
| 4.ಡ್ವೇನ್ ಬ್ರಾವೊ |
| 5.ಮಿಚೆಲ್‌ ಸ್ಯಾಂಟ್ನರ್‌ |
ಇದನ್ನೂ ಓದಿ | T20 World Cup | ಫೈನಲ್‌ ಪಂದ್ಯಕ್ಕೆ ಮೊದಲು ಭಾರತ ಮೂಲದ ಬಾಲಕಿಯಿಂದ ಸಂಗೀತ; ಯಾರೀಕೆ?