ಚೆನ್ನೈ: 16ನೇ ಆವೃತ್ತಿಯ ಐಪಿಎಲ್ ಟೂರ್ನಿಗಾಗಿ ಎಲ್ಲ ತಂಡಗಳು ಸಿದ್ಧತೆ ನಡೆಸುತ್ತಿದೆ. ಈ ಮಧ್ಯೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ (CSK) ನಾಯಕ ಎಂ.ಎಸ್ ಧೋನಿ(MS Dhoni) ಅವರು ವಿಂಡೀಸ್ನ ಮಾಜಿ ಕ್ರಿಕೆಟಿಗ ಡ್ವೇನ್ ಬ್ರಾವೋ(DJ Bravo) ಅವರಿಗೆ ಶಿಳ್ಳೆ ಹೊಡೆಯಲು ಅಭ್ಯಾಸ ನಡೆಸಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪ್ರಚಾರದ ವಿಡಿಯೊವೊಂದರ ಮೆಕಿಂಗ್‌ ವೇಳೆ ಧೋನಿ ಅವರು ಬ್ರಾವೋಗೆ ಶಿಳ್ಳೆ ಹೊಡೆಯುವುದನ್ನು ಹೇಳಿಕೊಟ್ಟಿದ್ದಾರೆ. ಮೊದಲಿಗೆ ಧೋನಿ ಅವರು ಶಿಳ್ಳೆ ಹೊಡೆಯುತ್ತಾರೆ. ಆದರೆ ಪಕ್ಕದಲ್ಲಿ ನಿಂತಿದ್ದ ಬ್ರಾವೋ ಶಿಳ್ಳೆ ಹೊಡೆಯುವ ಬದಲು ಬಾಯಿಗೆ ಬೆರಳನ್ನು ಇಟ್ಟು ನಿಂತಿರುತ್ತಾರೆ. ಇದನ್ನು ಕಂಡ ಧೋನಿ ನಕ್ಕು ಬಳಿಕ ಶಿಳ್ಳೆ ಹೊಡೆಯುವುದು ಹೇಗೆ ಎಂದು ಹೇಳಿಕೊಟ್ಟಿದ್ದಾರೆ. ಧೋನಿ ಅವರ ಸಲಹೆಯಂತೆ ಬ್ರಾವೋ ಅಂತಿಮವಾಗಿ ಶಿಳ್ಳೆ ಹೊಡೆಯುವಲ್ಲಿ ಯಶಸ್ಸು ಕಂಡಿದ್ದಾರೆ. ಈ ವಿಡಿಯೊವನ್ನು ಫ್ರಾಂಚೈಸಿ ತನ್ನ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿದೆ.
ಇದನ್ನೂ ಓದಿIPL 2023: ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಮೇಡನ್ ಓವರ್ ದಾಖಲೆ ಹೊಂದಿದ ಆಟಗಾರರು ಯಾರು?
ಮಾರ್ಚ್ 31 ರಂದು ಆರಂಭವಾಗಲಿರುವ ಈ ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ತಂಡದ ಸವಾಲು ಎದುರಿಸಲಿದೆ. ಇನ್ನೊಂದೆಡೆ ಈ ಬಾರಿಯ ಐಪಿಎಲ್ ಬಳಿಕ ಧೋನಿ ವಿದಾಯ ಹೇಳಲಿದ್ದಾರೆ ಎಂದು ಈಗಾಗಲೇ ವರದಿಯಾಗಿದೆ. ಆದರೆ ಈ ಬಗ್ಗೆ ಧೋನಿ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.