ಬೆಂಗಳೂರು: ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಸುರಿಯುತ್ತಿರುವ ಭಾರಿ ಮಳೆಗೆ ರಸ್ತೆಗಳು ಜಲಾವೃತಗೊಂಡಿದ್ದು ಮರಗಳು ಧರೆಗುರುಳಿದೆ. ಮಳೆಯಿಂದಾಗಿ ಆರ್ಸಿಬಿ ಅಭಿಮಾನಿಗಳು ಆತಂಕಗೊಂಡಿದ್ದಾರೆ. ಇದಕ್ಕೆ ಕಾರಣ ಇಂದು ಆರ್ಸಿಬಿ ಮತ್ತು ಗುಜರಾತ್ ವಿರುದ್ಧ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯಲಿದೆ. ಪ್ಲೇ ಆಫ್ ಪ್ರವೇಶಕ್ಕೆ ಆರ್ಸಿಬಿಗೆ ಈ ಪಂದ್ಯ ಮಹತ್ವದ್ದಾಗಿದೆ.
ಸದ್ಯ ಮಳೆ ಸದ್ಯ ಮಳೆ ಪ್ರಮಾಣ ತಗ್ಗಿದ್ದು ಪಂದ್ಯ ಮಾತ್ರ ನಿಗದಿತ ಸಮಯಕ್ಕೆ ಆರಂಭವಾಗುವುದು ಅನುಮಾನ ಎನ್ನಲಾಗಿದೆ. ಇನ್ನೊಂದೆಡೆ ಮೈದಾನದ ತುಂಬ ನೀರು ತುಂಬಿದೆ. ಒಂದೊಮ್ಮೆ ಈ ಪಂದ್ಯ ನಡೆಯಲಿದ್ದರೆ, ಮುಂಬೈ ತಂಡ ಹೈದರಾಬಾದ್ ವಿರುದ್ಧ ಗೆದ್ದರೆ ಆರ್ಸಿಬಿ ಪ್ಲೇ ಆಫ್ ಕನಸಿಗೆ ಮಳೆ ತಣ್ಣೀರೆರಚಲಿದೆ. ಮುಂಬೈ ಸೋತರೆ ಆರ್ಸಿಬಿಗೆ ಈ ಪಂದ್ಯ ನಡೆಯದಿದ್ದರೂ ಯಾವುದೇ ಹಾನಿಯಾಗದು. ಒಂದು ಅಂಕ ಸಂಪಾದಿಸಿ ಆರ್ಸಿಬಿ ಪ್ಲೇ ಆಪ್ಗೆ ಪ್ರವೇಶ ಪಡೆಯಲಿದೆ. ಸದ್ಯ ಆರ್ಸಿಬಿ ಅಭಿಮಾನಿಗಳು ಹೈದರಾಬಾದ್ ತಂಡದ ಗೆಲುವನ್ನು ಹಾರೈಸುತ್ತಿದ್ದಾರೆ.
ಪ್ಲೇ ಆಫ್ ಹೋರಾಟದಲ್ಲಿ ಈಗಾಗಲೇ ಮೂರು ಸ್ಥಾನಗಳು ಭರ್ತಿಯಾಗಿದೆ. ಇನ್ನುಳಿದ ಒಂದು ಸ್ಥಾನಕ್ಕಾಗಿ ಆರ್ಸಿಬಿ, ಮುಂಬೈ ಮತ್ತು ರಾಜಸ್ಥಾನ್ ಮಧ್ಯೆ ಪೈಪೋಟಿ ಏರ್ಪಟ್ಟಿದೆ. ಒಂದೊಮ್ಮೆ ಮುಂಬೈ ಮತ್ತು ಆರ್ಸಿಬಿ ಸೋತರೆ ಆಗ ರಾಜಸ್ಥಾನ್ ಅದೃಷ್ಟದಿಂದ ಪ್ಲೇ ಆಫ್ ಪ್ರವೇಶ ಪಡೆಯಲಿದೆ. ಉಭಯ ತಂಡಗಳು ಸೋತು ರನ್ ರೇಟ್ನಲ್ಲಿ ಕುಸಿತ ಕಾಣುವ ಕಾರಣದಿಂದ ರಾಜಸ್ಥಾನ್ಗೆ ಈ ಲಕ್ ಒಲಿಯಲಿದೆ.
ಇದನ್ನೂ ಓದಿ IPL 2023: ವಾರ್ನರ್ ಕತ್ತಿವರಸೆ ಕಂಡು ದಂಗಾದ ಜಡೇಜಾ; ವಿಡಿಯೊ ವೈರಲ್
ಸಂಭಾವ್ಯ ತಂಡಗಳು
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್(ನಾಯಕ), ಅನುಜ್ ರಾವತ್, ಗ್ಲೆನ್ ಮ್ಯಾಕ್ಸ್ವೆಲ್, ಮಹಿಪಾಲ್ ಲಾಮ್ರೊರ್, ದಿನೇಶ್ ಕಾರ್ತಿಕ್(ವಿಕೆಟ್ ಕೀಪರ್), ಸುಯಾಶ್ ಪ್ರಭುದೇಸಾಯಿ, ವನಿಂದು ಹಸರಂಗ, ಕರಣ್ ಶರ್ಮಾ, ಮೊಹಮ್ಮದ್ ಸಿರಾಜ್, ಜೋಶ್ ಹೇಜಲ್ವುಡ್.
ಗುಜರಾತ್ ಟೈಟನ್ಸ್: ಶುಭಮನ್ ಗಿಲ್, ವೃದ್ಧಿಮಾನ್ ಸಾಹ, ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ (ನಾಯಕ), ಡೇವಿಡ್ ಮಿಲ್ಲರ್, ದಸುನ್ ಶನಕಾ, ರಾಹುಲ್ ತೆವಾಟಿಯಾ, ಮೋಹಿತ್ ಶರ್ಮಾ, ರಶೀದ್ ಖಾನ್, ಮೊಹಮ್ಮದ್ ಶಮಿ, ನೂರ್ ಅಹ್ಮದ್.