ಮುಂಬಯಿ: ಆರ್ಸಿಬಿ ವಿರುದ್ಧ ಆಡಿದ ಮೊದಲ ಪಂದ್ಯದಲ್ಲಿಯೇ ಮುಗ್ಗರಿಸಿದ ಐಪಿಎಲ್ನ ಅತ್ಯಂತ ಯಶಸ್ವಿ ತಂಡವಾದ ಮುಂಬೈ ಇಂಡಿಯನ್ಸ್ ಇದೀಗ ದ್ವಿತೀಯ ಪಂದ್ಯವನ್ನಾಡಲು ಸಜ್ಜಾಗಿದೆ. ತವರಿನಲ್ಲಿ ನಡೆಯುವ ಈ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಸವಾಲನ್ನು ಮೆಟ್ಟಿ ನಿಂತಿತೇ ಎಂಬುದು ಈ ಪಂದ್ಯ ಕುತೂಹಲವಾಗಿದೆ. 2013ರಿಂದೀಚೆ ತನ್ನ ಆರಂಭಿಕ ಪಂದ್ಯವನ್ನು ಕಳೆದುಕೊಳ್ಳುತ್ತ ಬಂದ ದಾಖಲೆ ಹೊಂದಿರುವ ರೋಹಿತ್ ಪಡೆ ಆ ನಂತರ ಕಪ್ ಗೆಲ್ಲುವ ಸಂಪ್ರದಾಯ ಹೊಂದಿದೆ. ಹೀಗಾಗಿ ಈ ಬಾರಿಯೂ ಕಪ್ ಗೆಲ್ಲಲಿದೆ ಎನ್ನುವುದು ಮುಂಬೈ ಅಭಿಮಾನಿಗಳ ಆಶಯವಾಗಿದೆ.
ವಾಂಖೇಡೆ ಕ್ರೀಡಾಂಗಣದ ಪಿಚ್ ಬ್ಯಾಟಿಂಗ್ ಟ್ರಾಕ್ಯ್ ಆಗಿರುವುದರಿಂದ ಈ ಪಂದ್ಯವನ್ನು ದೊಡ್ಡ ಮೊತ್ತದ ಮೇಲಾಟ ಎಂದು ನಿರೀಕ್ಷಿಸಬಹುದು. ಮುಂಬೈ ಇಂಡಿಯನ್ಸ್ ಪರ ರೋಹಿತ್, ಇಶಾನ್‌ ಕಿಶನ್‌, ಗ್ರೀನ್‌, ಸೂರ್ಯಕುಮಾರ್‌ ಯಾದವ್ ಬ್ಯಾಟಿಂಗ್‌ನಲ್ಲಿ ಕ್ಲಿಕ್‌ ಆಗಬೇಕಿದೆ. ಕಳೆದ ಆರ್ಸಿಬಿದ ಪಂದ್ಯದಲ್ಲಿ ವಿರುದ್ಧ ಇವರೆಲ್ಲ ಘೋರ ವೈಫಲ್ಯ ಕಂಡಿದ್ದರು. ತಿಲಕ್‌ ವರ್ಮ ಏಕಾಂಗಿ ಹೋರಾಟ ನಡೆಸದೇ ಹೋಗಿದ್ದರೆ ತಂಡ ನೂರರ ಗಟಿ ಕೂಡ ದಾಟುವುದು ಕಷ್ಟಕರವಾಗುತ್ತಿತ್ತು. ಆದ್ದರಿಂದ ಈ ಪಂದ್ಯದಲ್ಲಿ ಸಂಘಟಿತ ಬ್ಯಾಟಿಂಗ್ ಮತ್ತು ಬೌಲಿಂಗ್ನಲ್ಲಿ ಜೋಫ್ರಾ ಆರ್ಚರ್‌, ಅರ್ಷದ್‌ ಖಾನ್‌, ಬೆಹ್ರೆಂಡಾರ್ಫ್‌ ಹಿಡಿತ ಸಾಧಿಸುವುದು ಮುಖ್ಯ.
ಇದನ್ನೂ ಓದಿ IPL 2023: ರಜತ್ ಪಾಟೀದಾರ್ ಬದಲು ಆರ್ಸಿಬಿ ಸೇರಿದ ಕನ್ನಡಿಗ ವೈಶಾಖ್
ಚೆನ್ನೈ ಸೂಪರ್ ಕಿಂಗ್ಸ್ ಬಲಿಷ್ಠ ಬ್ಯಾಟಿಂಗ್ ಪಡೆಯನ್ನೇ ಹೊಂದಿದೆ. ಋತುರಾಜ್‌ ಗಾಯಕ್ವಾಡ್‌ ಎರಡೂ ಪಂದ್ಯಗಳಲ್ಲಿ ಸ್ಫೋಟಕ ಬ್ಯಾಟಿಂಗ್ ನಡೆಸಿ ಎದುರಾಳಿ ಬೌಲರ್‌ಗಳನ್ನು ಕಾಡಿದ್ದರು. ಉಳಿದಂತೆ ಅಂಬಾಟಿ ರಾಯುಡು, ಮೊಯಿನ್ ಅಲಿ, ಡೆವೋನ್ ಕಾನ್ವೆ ಹಾಗೂ ಮಧ್ಯಮ ಕ್ರಮಾಂಕದಲ್ಲಿ ಧೋನಿ ಕೂಡ ಬಿರುಸಿನ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ದೊಡ್ಡ ಮೊತ್ತ ದಾಖಲಿಸುತ್ತಾರೆ. ಆದರೆ ತಂಡಕ್ಕೆ ಬೌಲಿಂಗ್ನದ್ದೇ ಚಿಂತೆ. ಚೆನ್ನೈ ಪಾಳಯದಲ್ಲಿ ಬೌಲರ್ಗಳು ಅತಿಯಾದ ವೈಡ್ ಮತ್ತು ನೋಬಾಲ್ ಎಸೆಯುತ್ತಿರುವುದು ತಂಡದ ಸೋಲಿಗೆ ಪ್ರಮುಖ ಕಾರಣ. ಸ್ವತಃ ಈ ಮಾತನ್ನು ನಾಯಕ ಧೋನಿಯೇ ಹೇಳಿದ್ದಾರೆ. ಜತೆಗೆ ತಂಡದ ಬೌಲರ್ಗಳಿಗೆ ಇದೇ ರೀತಿ ಬೌಲಿಂಗ್ ಮಾಡಿದರೆ ಬೇರೆ ನಾಯಕನ ಅಡಿಯಲ್ಲಿ ನೀವು ಆಡಬೇಕಾದಿತು ಎಂದು ಈಗಾಗಲೇ ಧೋನಿ ಬಲವಾದ ಎಚ್ಚರಿಕೆ ನೀಡಿದ್ದಾರೆ. ಆದ್ದರಿಂದ ಚಹರ್‌, ದೇಶಪಾಂಡೆ, ಹಂಗಗೇಕರ್‌ ಉತ್ತಮ ಬೌಲಿಂಗ್ ನಡೆಸಬೇಕಿದೆ. ಒಂದೊಮ್ಮೆ ಈ ಪಂದ್ಯದಲ್ಲಿಯೂ ಅವರು ಕಳಪೆ ಬೌಲಿಂಗ್ ನಡೆಸಿದರೆ ಧೋನಿ ಯಾವ ನಿರ್ಧಾರ ಕೈಗೊಳ್ಳಿದ್ದಾರೆ ಎಂದು ಕಾದು ನೋಡಬೇಕಿದೆ.