ಮುಂಬಯಿ: 16ನೇ ಆವೃತ್ತಿಯ ಐಪಿಎಲ್(IPL 2023) ಟೂರ್ನಿ ಅಂತಿಮ ಹಂತಕ್ಕೆ ಬಂದು ನಿಂತಿದೆ. ಪ್ಲೇ ಆಫ್ಗೇರುವ ನಿಟ್ಟಿನಲ್ಲಿ ಕೆಲ ತಂಡಗಳಿಗೆ ಇನ್ನುಳಿದ ಪಂದ್ಯಗಳನ್ನು ಗೆಲ್ಲಲೇ ಬೇಕಾದ ಒತ್ತಡ ಎದುರಾಗಿದೆ. ಹೀಗಾಗಿ ಕೆಲ ತಂಡಗಳು ಹಲವು ಲೆಕ್ಕಾಚಾರದೊಂದಿಗೆ ಕಣ್ಣಕಿಳಿಯುತ್ತಿವೆ. ಹಾಲಿ ಚಾಂಪಿಯನ್ ಗುಜರಾತ್ ತಂಡ ಈಗಾಗಲೇ ಪ್ಲೇ ಆಫ್ ಪ್ರವೇಶಿಸಿ ನಿಟ್ಟುಸಿರು ಬಿಟ್ಟಿದೆ. ಆದರೆ ಉಳಿದ ಮೂರು ಸ್ಥಾನಕ್ಕಾಗಿ ಭಾರಿ ಫೈಪೊಟಿ ಆರಂಭವಾಗಿದೆ.
ಡೆಲ್ಲಿ ವಿರುದ್ಧ ಪಂಜಾಬ್ ಸೋತ ಕಾರಣ ಮುಂಬೈ ಮತ್ತು ಆರ್ಸಿಬಿ ತಂಡಗಳಿಗೆ ಈ ರೇಸ್ನಲ್ಲಿ ಮತ್ತಷ್ಟು ಬೂಷ್ಟ್ ದೊರೆತಿದೆ. ಸದ್ಯ ಪ್ಲೇ ಆಪ್ ರೇಸ್ ಹೇಗಿದೆ ಮತ್ತು ಯಾವ ತಂಡಗಳಿಗೆ ಗೆಚ್ಚಿನ ಅವಕಾಶವಿದೆ ಎಂಬ ಮಾಹಿತಿ ಇಂತಿದೆ. ಪಂಜಾಬ್ ತಂಡಕ್ಕೆ ಇನ್ನು ಒಂದು ಪಂದ್ಯ ಬಾಕಿ ಇದೆ. ಶುಕ್ರವಾರ ರಾಜಸ್ಥಾನ್ ವಿರುದ್ಧ ಧರ್ಮಶಾಲದಲ್ಲೇ ಈ ಪಂದ್ಯ ನಡೆಯಲಿದೆ. ಒಂದೊಮ್ಮೆ ಈ ಪಂದ್ಯ ಗೆದ್ದರೆ ಪಂಜಾಬ್ 14 ಅಂಕ ಗಳಿಸಲಿದೆ. ಆದರೂ ಪಂಜಾಬ್ಗೆ ಪ್ಲೇ ಆಫ್ ಪ್ರವೇಶಿಸುವುದು ಕಷ್ಟ. ಏಕೆಂದರೆ ರನ್ರೇಟ್ ಕಳಪೆಯಾಗಿದೆ. ಅತ್ಯಂತ ದೊಡ್ಡ ಅಂತರದಿಂದ ಗೆದ್ದರೂ ತನಗಿಂತ ಮೇಲಿರುವ ತಂಡಗಳು ದೊಡ್ಡ ಅಂತರದಿಂದ ಸೋಲು ಕಂಡರೆ ಆಗ ಪಂಜಾಬ್ಗೆ ಒಂದು ಅವಕಾಶ ಸಿಗಲಿದೆ.
ಮುಂದಿನ ಪಂದ್ಯದಲ್ಲಿ ಆರ್ಸಿಬಿ ಮತ್ತು ಮುಂಬೈ ಗೆದ್ದರೆ ಆಗ ಪಂಜಾಬ್ ಅಂತಿಮ ಪಂದ್ಯದಲ್ಲಿ ಗೆದ್ದರೂ ಯಾವುದೇ ಪ್ರಯೋಜನವಿಲ್ಲ. ಧವನ್ ಪಡೆ ಟೂರ್ನಿಯಿಂದ ಹೊರ ಬೀಳಲಿದೆ. ಕಳೆದ ಪಂದ್ಯಲ್ಲಿ ಡೆಲ್ಲಿ ವಿರುದ್ಧ ಗೆದ್ದಿದ್ದರೆ ಪಂಜಾಬ್ಗೆ ಈ ಸ್ಥಿತಿ ಎದುರಾಗುತ್ತಿರಲಿಲ್ಲ. ಒಟ್ಟಾರೆ ಪಂಜಾಬ್ ತನಗಿಂತ ಮೇಲಿರುವ ತಂಡಗಳ ಸೋಲನ್ನು ಬಯಸಬೇಕಿದೆ.
ಇದನ್ನೂ ಓದಿ IPL 2023: ಧೋನಿ ನನ್ನ ಮೊದಲ ನಾಯಕ; ಕೆ.ಎಲ್ ರಾಹುಲ್ ಹೀಗೆ ಹೇಳಲು ಕಾರಣವೇನು?
ಒಂದೊಮ್ಮೆ ಆರ್ಸಿಬಿ ಸನ್ರೈಸರ್ಸ್ ವಿರುದ್ಧ ಸೋತರೆ ಆಗ ಮುಂಬೈ ತಂಡಕ್ಕೆ ಹೆಚ್ಚು ವರದಾನವಾಗಲಿದೆ. ಮುಂಬೈ ಅಂತಿಮ ಪಂದ್ಯದಲ್ಲಿ ಸಣ್ಣ ಅಂತರದಿಂದ ಗೆದ್ದರೂ ತಂಡಕ್ಕೆ 16 ಅಂಕ ಲಭಿಸಿ ಪ್ಲೇ ಆಫ್ಗೆ ಲಗ್ಗೆ ಇಡಲಿದೆ. ಲಕ್ನೋ ಮತ್ತು ಚೆನ್ನೈ ಈಗಾಗಲೇ 15 ಅಂಕ ಹೊಂದಿದೆ. ಆರ್ಸಿಬಿ ಅಂತಿಮ ಪಂದ್ಯದಲ್ಲಿ ಗೆದ್ದರೂ 14 ಅಂಕ ಮಾತ್ರ ಸಿಗಲಿದೆ. ಹೀಗಾಗಿ ಆರ್ಸಿಬಿ ಹೈದರಾಬಾದ್ ವಿರುದ್ಧ ಸೋತರೆ ಮುಂಬೈ ಅಂತಿಮ ಪಂದ್ಯದಲ್ಲಿ ಸೋಲು ಕಾಣಬೇಕು ಆಗ ಆರ್ಸಿಬಿ 14 ಅಂಕದೊಂದಿಗೆ ನಾಲ್ಕನೇ ತಂಡವಾಗಿ ಪ್ಲೇ ಆಫ್ ಪ್ರವೇಶ ಪಡೆಯಬಹುದು. ಮುಂಬೈಗಿಂತ ಆರ್ಸಿಬಿ ರನ್ರೇಟ್ ಹೆಚ್ಚಿದೆ. ಒಟ್ಟಾರೆ ತಂಡಗಳ ಮಧ್ಯೆ ಹಾವು ಏಣಿ ಆಟ ಆರಂಭವಾಗಿದೆ.