ಹೈದರಾಬಾದ್: ಸತತ ಸೋಲಿನಿಂದ ಕಂಗೆಟ್ಟಿರುವ ಸನ್ರೈಸರ್ಸ್ ಹೈದರಾಬಾದ್(Sunrisers Hyderabad) ಗೆಲುವಿನ ಹುಡುಕಾಟದಲ್ಲಿ ಇಂದು(ಭಾನುವಾರ ಏಪ್ರಿಲ್ 9) ರಾತ್ರಿ ನಡೆಯುವ ಐಪಿಎಲ್ನ 14ನೇ(IPL 2023) ಪಂದ್ಯದಲ್ಲಿ ಬಲಿಷ್ಠ ಪಂಜಾಬ್ ಕಿಂಗ್ಸ್(Punjab Kings) ವಿರುದ್ಧ ಕಣಕ್ಕಿಳಿಯಲಿದೆ. ಈ ಪಂದ್ಯದಲ್ಲಾದರೂ ಗೆಲುವಿನ ಸನ್ರೈಸರ್ಸ್ ಆದೀತೇ ಎಂಬುದು ಈ ಪಂದ್ಯದ ಕೂತೂಹಲ.
ದ್ವಿತೀಯ ಪಂದ್ಯದಲ್ಲಿ ಐಡನ್‌ ಮಾರ್ಕ್‌ರಮ್‌ ತಂಡದ ನಾಯಕತ್ವ ವಹಿಸಿಕೊಂಡರು. ಹೈದರಾಬಾದ್ಗೆ ಯಾವುದೇ ಲಾಭವಾಗಿಲ್ಲ. ಅವರು ಗೋಲ್ಡನ್‌ ಡಕ್‌ ಸಂಕಟಕ್ಕೆ ಸಿಲುಕಿದ್ದರು. ಕನ್ನಡಿಗ ಮಾಯಾಂಕ್‌ ಅಗರ್ವಾಲ್, ಅಭಿಷೇಕ್ ಶರ್ಮ, ಅನ್ಮೋಲ್‌ಪ್ರೀತ್‌ ಸಿಂಗ್, ರಾಹುಲ್ ತ್ರಿಪಾಠಿ, ಹ್ಯಾರಿ ಬ್ರೂಕ್, ವಾಷಿಂಗ್ಟನ್ ಸುಂದರ್, ಗ್ಲೆನ್‌ ಫಿಲಿಪ್ಸ್‌, ಅಬ್ದುಲ್‌ ಸಮದ್‌ ಹೀಗೆ ಹಲವು ಡೇಂಜರಸ್ ಬ್ಯಾಟರ್ಗಳನ್ನು ಒಳಗೊಂಡಿದ್ದರೂ ತಂಡದ ಪ್ರದರ್ಶನ ಮಾತ್ರ ತೀರ ಕಳಪೆ ಮಟ್ಟದಾಗಿದೆ. ಬೌಲಿಂಗ್ನಲ್ಲಿಯೂ ಭುವನೇಶ್ವರ್ ಕುಮಾರ್, ಉಮ್ರಾನ್ ಮಲಿಕ್ ಸುಧಾರಣೆ ಕಾಣಬೇಕಿದೆ. ಸ್ಪಿನ್ನರ್‌ ಆದಿಲ್ ರಶೀದ್ ಮಾತ್ರವೇ ಗಮನ ಸೆಳೆದಿದ್ದಾರೆ. ಕಳೆದ ಆವೃತ್ತಿಯಂತೇ ಈ ಆವೃತ್ತಿಯಲ್ಲಿ ಸರಣಿ ಸೋಲಿನ ಸರದಿಯನ್ನು ಮುಂದುವರಿಸುತ್ತಲೇ ಇದೆ. ಸದ್ಯ ಈ ಪಂದ್ಯದಲ್ಲಾದರೂ ಸೋಲಿನ ಕೊಂಡಿ ಕಳೆದುಕೊಂಡಿತೇ ಎಂದು ಕಾದು ನೋಡಬೇಕಿದೆ.
ಇದನ್ನೂ ಓದಿ IPL 2023: ಹ್ಯಾಟ್ರಿಕ್ ಗೆಲುವಿನ ನಿರೀಕ್ಷೆಯಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್
ಪಂಜಾಬ್ ಬಲಿಷ್ಠ
ಪಂಜಾಬ್ ತಂಡ ಬಲಿಷ್ಠವಾಗಿದೆ. ಜತೆಗೆ ಅದೃಷ್ಟವೂ ಈ ತಂಡದ ಪರವಾಗಿದೆ. ಆಡಿದ ಎರಡೂ ಪಂದ್ಯಗಳಲ್ಲಿಯೂ ಇನ್ನೇನು ಸೋತೆ ಬಿಟ್ಟಿತು ಎನ್ನುವಷ್ಟರಲ್ಲಿ ಅಲ್ಪ ಅಂತರದಲ್ಲಿ ಪಂಜಾಬ್ ಗೆಲುವು ಸಾಧಿಸಿತ್ತು, ಹೀಗಾಗಿ ಶಿಖರ್ ಧವನ್ಗೆ ಕಪ್ ಎತ್ತುವ ಅದೃಷ್ಟವೊಂದಿದೆ ಎಂಬ ಮಾತುಗಳು ಈಗಾಗಲೇ ಕೇಳಿಬಂದಿದೆ. ಶಿಖರ್ ಧವನ್ ಕೂಡ ಉತ್ತಮ ಫಾರ್ಮ್ನಲ್ಲಿದ್ದಾರೆ ಇವರಿಗೆ ಪ್ರಭ್‌ಸಿಮ್ರಾನ್‌ ಉತ್ತಮ ಸಾಥ್ ನೀಡುತಿದ್ದಾರೆ. ಈ ಜೋಡಿ ಆರಂಭದಲ್ಲೇ ಎದುರಾಳಿ ಬೌಲರ್ಗಳ ಮೇಲೆ ಸವಾರಿ ಮಾಡಿ ತಂಡಕ್ಕೆ ಉತ್ತಮ ಅಡಿಪಾಯ ಹಾಕಿಕೊಡುವಲ್ಲಿ ಸಮರ್ಥರಿದ್ದಾರೆ. ಇನ್ನು ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ಸ್ಟಾರ್ ವೇಗಿ ಕಗಿಸೊ ರಬಾಡ ಆಡಲಿದ್ದಾರೆ ಹೀಗಾಗಿ ಬೌಲಿಂಗ್ ವಿಭಾ್=ಗ ಮತ್ತಷ್ಟು ಬಲಿಷ್ಠಗೊಂಡಿದೆ. ಅರ್ಶ್ದೀಪ್, ನಥಾನ್ ಎಲ್ಲಿಸ್ ಅವರ ಘಾತಕ ಸ್ಪೆಲ್‌ ಪಂಜಾಬ್‌ಗ ಹೆಚ್ಚಿನ ಬಲ ತಂದಿತ್ತಿದೆ. ಕಳೆದ ಪಂದ್ಯದಲ್ಲಿ ಕೈಗೆ ಯಾಗವಾಗಿದ್ದ ರಾಜಪಕ್ಸ ಅವರು ಈ ಪಂದ್ಯದಲ್ಲಿ ಆಡುವುದು ಅನುಮಾನ ಎನ್ನಲಾಗಿದೆ.
ಸಂಭಾವ್ಯ ತಂಡ
ಸನ್ರೈಸರ್ಸ್ ಹೈದರಾಬಾದ್: ಅಭಿಷೇಕ್ ಶರ್ಮಾ, ಮಯಾಂಕ್ ಅಗರ್ವಾಲ್, ರಾಹುಲ್ ತ್ರಿಪಾಠಿ, ಐಡೆನ್ ಮಾರ್ಕ್ರಾಮ್ (ನಾಯಕ), ಹ್ಯಾರಿ ಬ್ರೂಕ್, ಹೆನ್ರಿಚ್ ಕ್ಲಾಸೆನ್ (ವಿಕೆಟ್ ಕೀಪರ್), ವಾಷಿಂಗ್ಟನ್ ಸುಂದರ್, ಆದಿಲ್ ರಶೀದ್/ಮಾರ್ಕೊ ಜಾನ್ಸೆನ್, ಭುವನೇಶ್ವರ್ ಕುಮಾರ್, ಟಿ ನಟರಾಜನ್, ಉಮ್ರಾನ್ ಮಲಿಕ್
ಪಂಜಾಬ್ ಕಿಂಗ್ಸ್: ಶಿಖರ್ ಧವನ್ (ನಾಯಕ), ಪ್ರಭಾಸಿಮ್ರಾನ್ ಸಿಂಗ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಸಿಕಂದರ್ ರಜಾ, ಶಾರುಖ್ ಖಾನ್, ಸ್ಯಾಮ್ ಕರನ್, ಹರ್‌ಪ್ರೀತ್ ಬ್ರಾರ್, ರಾಹುಲ್ ಚಾಹರ್, ನಥಾನ್ ಎಲ್ಲಿಸ್, ಅರ್ಶ್ದೀಪ್ ಸಿಂಗ್, ಕಗಿಸೊ ರಬಾಡ.