ಮುಂಬಯಿ: ಮುಂಬೈ ಇಂಡಿಯನ್ಸ್ ವಿರುದ್ಧ ವಿರಾಟ್ ಕೊಹ್ಲಿ(virat kohli) ಅವರು ಔಟಾದ ಬಳಿಕ ಮಾವಿನ ಹಣ್ಣಿನ ಫೋಟೊ ಹಾಕುವ ಮೂಲಕ ಕೊಹ್ಲಿಯನ್ನು ಪರೋಕ್ಷವಾಗಿ ಲೇವಡಿ ಮಾಡಿದ್ದ, ಲಕ್ನೋ ತಂಡದ ಆಟಗಾರ ನವೀನ್ ಉಲ್ ಹಕ್ಗೆ(naveen ul haq) ಇದೀಗ ಕೊಹ್ಲಿಯೂ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ.
ಮಂಗಳವಾರ ನಡೆದ ಐಪಿಎಲ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅವರು ಬ್ಯಾಟಿಂಗ್ ವೈಫಲ್ಯ ಕಂಡರು. ನಾಲ್ಕು ಎಸೆತಗಳಲ್ಲಿ ಕೇವಲ ಒಂದು ರನ್‌ ಗಳಿಸಿ ಜೇಸನ್‌ ಬೆಹ್ರನ್‌ಡ್ರಾಫ್‌ ಅವರಿಗೆ ವಿಕೆಟ್‌ ಒಪ್ಪಿಸಿದರು. ಈ ಪಂದ್ಯ ವೀಕ್ಷಿಸುತ್ತಿದ್ದ ನವೀನ್ ಉಲ್ ಹಕ್ ಅವರು ಮಾವಿನ ಹಣ್ಣುಗಳ ಫೋಟೊವನ್ನು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಳ್ಳುವ ಮೂಲಕ ‘ಮಾವಿನ ಹಣ್ಣುಗಳು ಬಹಳ ಸಿಹಿಯಾಗಿವೆ’ ಎಂದು ಬರೆದು ಕೊಹ್ಲಿಯನ್ನು ಪರೋಕ್ಷವಾಗಿ ಕೆಣಕ್ಕಿದ್ದರು.
ಇದನ್ನೂ ಓದಿ IPL 2023: ಡೆಲ್ಲಿ ವಿರುದ್ಧ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿದ ಚೆನ್ನೈ ಸೂಪರ್ ಕಿಂಗ್ಸ್
ಇದೀಗ ನವೀನ್ ಉಲ್ ಹಕ್ ಅವರ ಪೋಸ್ಟ್ಗೆ ಕಿಂಗ್ ವಿರಾಟ್ ಕೊಹ್ಲಿಯೂ ತಿರುಗೇಟು ನೀಡಿದ್ದಾರೆ. ಕೊಹ್ಲಿ ಅವರು ಕುರ್ಚಿಯೊಂದರಲ್ಲಿ ಕುಳಿತುಕೊಂಡಿರುವ ಫೋಟೊವನ್ನು ಪೋಸ್ಟ್ ಮಾಡುವ ಮೂಲಕ “ನೀನು ನನಗೆ ಸ್ಪರ್ಧಿಯೇ ಅಲ್ಲ” ಎಂಬ ಅರ್ಥದಲ್ಲಿ ಪಂಚ್ ನೀಡಿದ್ದಾರೆ. ವಿರಾಟ್ ಕೊಹ್ಲಿಯ ಪೋಸ್ಟ್ನಲ್ಲಿ “ಸ್ಪರ್ಧೆ ಎನ್ನುವುದು ನಿನ್ನ ತಲೆಯಲ್ಲಿ ಇದೆ ಅಷ್ಟೆ. ಆದರೆ ವಾಸ್ತವದಲ್ಲಿ ನನ್ನ ಪ್ರತಿಸ್ಪರ್ಧಿ ನಾನೇ” ಎಂದು ಬರೆದುಕೊಂಡಿದ್ದಾರೆ.
ಉಭಯ ಆಟಗಾರರ ಶಿತಲ ಸಮರಕ್ಕೆ ಕಾರಣ ಏನು?
ಮೇ 1 ರಂದು ನಡೆದ ಆರ್ಸಿಬಿ ಮತ್ತು ಲಕ್ನೋ ವಿರುದ್ಧದ ಪಂದ್ಯದಲ್ಲಿ ನವೀನ್ ಉಲ್ ಹಕ್ ಬ್ಯಾಟಿಂಗ್ ನಡೆಸುತ್ತಿದ್ದಾಗ ಸಿರಾಜ್ ಜತೆ ಕಿರಿಕ್ ಮಾಡಿದ್ದರು. ಈ ವೇಳೆ ವಿರಾಟ್ ಮಧ್ಯ ಪ್ರವೇಶಿಸಿ ಉಲ್ ಹಕ್ಗೆ ಏನೋ ಬೈದಿದ್ದರು. ಅಲ್ಲಿಂದ ಉಭಯ ಆಟಗಾರರ ಮಧ್ಯೆ ಶಿತಲ ಸಮರ ನಡೆಯುತ್ತಲೇ ಇದೆ.