ಚೆನ್ನೈ: ಮಂಗಳವಾರ ನಡೆದ ಐಪಿಎಲ್(IPL 2023) ಕ್ವಾಲಿಫೈಯರ್‌ ಪಂದ್ಯದಲ್ಲಿ ಗುಜರಾತ್ ವಿರುದ್ಧ 15 ರನ್ಗಳಿಂದ ಗೆದ್ದ ಚೆನ್ನೈ ಸೂಪರ್ ಕಿಂಗ್ಸ್ ಫೈನಲ್ ಪ್ರವೇಶ ಪಡೆಯಿತು. ಇದೇ ಪಂದ್ಯದಲ್ಲಿ ದೀಪಕ್ ಚಹರ್ ಅವರ ಮಂಕಡಿಂಗ್ ರನೌಟ್ ಪ್ರಯತ್ನ ಕಂಡು ಧೋನಿ ಅವರು ನೀಡಿದ ರಿಯ್ಯಾಕ್ಷನ್ ಇದೀಗ ಎಲ್ಲಡೆ ವೈರಲ್ ಆಗಿದೆ.
ಚೆನ್ನೈಯ ಎಂ.ಎ. ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಮಂಗಳವಾರದ ಈ ಕ್ವಾಲಿಫೈಯರ್‌-1 ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಚೆನ್ನೈ ಸೂಪರ್ ಕಿಂಗ್ಸ್ ಬೌಲಿಂಗ್ ಟ್ರ್ಯಾಕ್ನಲ್ಲಿಯೂ ಉತ್ತಮ ಪ್ರದರ್ಶನ ತೋರುವ ಮೂಲಕ ನಿಗದಿತ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 172 ರನ್ ಗಳಿಸಿತು. ಜವಾಬಿತ್ತ ಗುಜರಾತ್ ತಂಡ ತನ್ನ ಪಾಲಿನ ಆಟದಲ್ಲಿ 157 ರನ್ಗಳಿಗೆ ಸರ್ವಪತನ ಕಂಡಿತು.
ಗುಜರಾತ್ ತಂಡದ ಚೇಸಿಂಗ್ನ 13ನೇ ಓವರ್ನಲ್ಲಿ ಬೌಲಿಂಗ್ ನಡೆಸುತ್ತಿದ್ದ ಚೆನ್ನೈ ತಂಡದ ಬೌಲರ್ ದೀಪಕ್ ಚಹರ್ ಅವರು ನಾನ್‌ಸ್ಟ್ರೈಕರ್‌ನಲ್ಲಿದ್ದ ವಿಜಯ್ ಶಂಕರ್ ಅವರನ್ನು ಮಂಕಡಿಂಗ್ ಔಟ್ ಮಾಡಲು ಪ್ರಯತ್ನಿಸಿದರು. ಆದರೆ ಅವರು ತಮ್ಮ ಈ ನಡೆಯಲ್ಲಿ ವಿಫಲರಾದರು. ವಿಜಯ್ ಶಂಕರ್ ಅವರ ಬ್ಯಾಟ್ ಕ್ರೀಸ್ ಒಳಗೆ ಇತ್ತು, ಇದರಿಂದಾಗಿ ದೀಪಕ್ ಚಹರ್ ಅವರ ಟ್ರಿಕ್‌ ವಿಫಲವಾಯಿತು. ಇದನ್ನು ಕಂಡ ಧೋನಿ ಅವರು ಮುಗುಳ್ನಗುತ್ತಾಲೇ ತಲೆ ಅಲ್ಲಾಡಿಸಿ ತಮ್ಮ ನಿರಾಶೆಯನ್ನು ವ್ಯಕ್ತಪಡಿಸಿದರು. ಈ ರೀತಿಯ ಆಟ ಬೇಡ ಎಂಬ ಅರ್ಧದಲ್ಲಿ ಅವರು ರಿಯ್ಯಾಕ್ಷನ್ ನೀಡಿದರು. ತಕ್ಷಣ ಚಹರ್ ಕೂಡ ಅಂಪೈರ್ಗೆ ತಮ್ಮ ಮಂಕಡಿಂಗ್ ಮೂರನೇ ಅಂಪೈರ್ಗೆ ಪುರಸ್ಕರಿಸದಂತೆ ಸನ್ನೆ ಮಾಡುತ್ತಾ ಹೋದರು. ಸದ್ಯ ಈ ವಿಡಿಯೊ ವೈರಲ್ ಆಗಿದೆ.
ಇದ್ನನೂ ಓದಿ IPL 2023: ಸಮಯ ಕಳೆಯಲು ಅಂಪೈರ್ ಜತೆ ಧೋನಿ ಮಾತುಕತೆ; ಗವಾಸ್ಕರ್ ಸೇರಿ ನೆಟ್ಟಿಗರ ಆಕ್ರೋಶ
ಈ ವಿಡಿಯೊ ಕಂಡ ಕೆಲವರು ಒಂದೊಂಮ್ಮೆ ಇದು ವಿಜಯ್ ಶಂಕರ್ ಅವರು ಕ್ರೀಸ್ ಬಿಟ್ಟು ಮುಂದೆ ಹೋಗಿದ್ದರೆ ಧೋನಿ ಅವರು ಇದನ್ನು ಔಟ್ ಎಂದು ಒಪ್ಪಿಕೊಳ್ಳುತ್ತಿದ್ದರೇ ಅಥವಾ ಕ್ರೀಡಾಸ್ಫೂರ್ತಿ ತೋರುವ ಮೂಲಕ ಇದನ್ನು ನಿರಾಕರಿಸುತ್ತಿದ್ದರೇ ಎಂಬ ಚರ್ಚೆಗಳು ನಡೆದಿವೆ. ಬಹುಪಾಲು ಮಂದಿ ಧೋನಿ ಅವರು ಕ್ರೀಡಾಸ್ಫೂರ್ತಿ ಮೆರೆಯುತ್ತಿದ್ದರೂ ಇದೇ ಕಾರಣಕ್ಕೆ ಅವರು ಈ ರೀತಿಯ ರಿಯ್ಯಾಕ್ಷನ್ ನೀಡಿದ್ದಾರೆ ಎಂದು ಧೋನಿಯನ್ನು ಹೊಗಳಿದ್ದಾರೆ.