IPL 2024: ಇಶಾಂತ್​ ಶರ್ಮ ಡೆಡ್ಲಿ ಯಾರ್ಕರ್​ಗೆ ರಸೆಲ್ ಕ್ಲೀನ್​ ಬೌಲ್ಡ್​​; ವಿಡಿಯೊ ವೈರಲ್​

ವಿಶಾಖಪಟ್ಟಣಂ: ನಿನ್ನೆ(ಬುಧವಾರ) ನಡೆದ ಐಪಿಎಲ್(IPL 2024)​ ಪಂದ್ಯದಲ್ಲಿ ಕೆಕೆಆರ್(KKR)​ ತಂಡದ ಹಾರ್ಡ್​ ಹಿಟ್ಟರ್​ ಆ್ಯಂಡ್ರೆ ರಸೆಲ್​(Andre Russell) ಅವರನ್ನು ಡೆಲ್ಲಿ ತಂಡದ ವೇಗಿ ಇಶಾಂತ್​ ಶರ್ಮ(Ishant Sharma) ಡೆಡ್ಲಿ ಯಾರ್ಕರ್​ ಮೂಲಕ ಕ್ಲೀನ್​ ಬೌಲ್ಡ್​ ಮಾಡಿದ ವಿಡಿಯೊ ವೈರಲ್​(viral video) ಆಗಿದೆ. ಇಶಾಂತ್​ ಅವರ ಈ ಯಾರ್ಕರ್​ಗೆ​ ಸ್ವತಃ ರಸೆಲ್​ ಕೂಡ ಮೈದಾನದಲ್ಲೇ ವೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಇಲ್ಲಿನ ವಿಶಾಖಪಟ್ಟಣದ ಡಾ.ವೈ.ಎಸ್. ರಾಜಶೇಖರ ರೆಡ್ಡಿ ಎಸಿಎ-ವಿಡಿಸಿಎ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್​ನ 16ನೇ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿದ ಕೆಕೆಆರ್​ ಪರ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್​ಗೆ ಇಳಿದ ರೆಸಲ್​ ಆರಂಭದಿಂದಲೇ ಬಿರುಸಿನ ಬ್ಯಾಟಿಂಗ್​ ಮೂಲಕ ಡೆಲ್ಲಿ ಬೌಲಗಳನ್ನು ಕಾಡಿದರು. ಇನ್ನೇನು ಅರ್ಧಶತಕ ಬಾರಿಸುತ್ತಾರೆ ಎನ್ನುವಷ್ಟರಲ್ಲಿ ಇಶಾಂತ್​ ಶರ್ಮಗೆ ಕ್ಲೀನ್​ ಬೌಲ್ಟ್​ ಆಗಿ ವಿಕೆಟ್​ ಕೈಚೆಲ್ಲಿದರು.

​ಡೆಲ್ಲಿ ತಂಡದ ಬೌಲಿಂಗ್​​ ಇನಿಂಗ್ಸ್​ನ ಕೊನೆಯ ಓವರ್ ಇಶಾಂತ್​ ಶರ್ಮ ಎಸೆದರು. ಈ ಓವರ್​ನ ಮೊದಲ ಎಸೆತದಲ್ಲೇ ಅಪಾಯಕಾರಿ ರೆಸಲ್​ ಅವರನ್ನು ಸೊಗಸಾದ ಯಾರ್ಕರ್​ ಮೂಲಕ ಕ್ಲೀನ್​ ಬೌಲ್ಡ್​ ಮಾಡಿದರು. ಈ ಯಾರ್ಕರ್​ ಕಂಡು ರಸೆಲ್​ ಔಟಾದರೂ ಕೂಡ ಬ್ಯಾಟ್​ ಮೇಲೆತ್ತಿ ಚಪ್ಪಾಳೆ ತಟ್ಟುತ್ತಾ ಇಶಾಂತ್​ಗೆ ಮೆಚ್ಚುಗೆ ಸೂಚಿಸಿದರು. ಇಶಾಂತ್​ ಅವರ ಈ ಘಾತಕ ಯಾರ್ಕರ್​ ವಿಡಿಯೊವನ್ನು ಐಪಿಎಲ್​ ಕೂಡ ತನ್ನ ಅಧಿಕೃತ ಟ್ವೀಟರ್​ ಎಕ್ಸ್​ನಲ್ಲಿ ಹಂಚಿಕೊಂಡು ‘ಯಾರ್ಕ್ಡ್’ ಎಂದು ಬರೆದುಕೊಂಡಿದೆ.

ಇದನ್ನೂ ಓದಿ IPL 2024: ಕೇವಲ ಒಂದು ಸಿಕ್ಸರ್​ ಸಿಡಿಸಿ ರೋಹಿತ್​ ದಾಖಲೆ ಮುರಿದ ಡೇವಿಡ್​ ವಾರ್ನರ್

See more

YORKED! 🎯

Ishant Sharma with a beaut of a delivery to dismiss the dangerous Russell!

Head to @JioCinema and @StarSportsIndia to watch the match LIVE#TATAIPL | #DCvKKR | @ImIshant pic.twitter.com/6TjrXjgA6R

— IndianPremierLeague (@IPL) April 3, 2024

ರಸೆಲ್​ ಅವರು ಈ ಪಂದ್ಯದಲ್ಲಿ 19 ಎಸೆತಗಳಿಂದ 4 ಬೌಂಡರಿ ಮತ್ತು 3 ಸಿಕ್ಸರ್​ ನೆರವಿನಿಂದ 41 ರನ್​ ಬಾರಿಸಿದರು. ಇಶಾಂತ್​ ಮೂರು ಓವರ್​ ಬೌಲಿಂಗ್​ ನಡೆಸಿ 2 ವಿಕೆಟ್​ ಕಿತ್ತರು. ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್​ ಆಯ್ದುಕೊಂಡ ಕೆಕೆಆರ್​ ಫುಲ್​ ಜೋಶ್​ನಲ್ಲಿ ಬ್ಯಾಟಿಂಗ್​ ನಡೆಸಿ ನಿಗದಿತ 20 ಓವರ್​ಗಳಲ್ಲಿ 7 ವಿಕೆಟ್​​ಗೆ ಬರೋಬ್ಬರಿ 272 ರನ್​ ಬಾರಿಸಿತು. ಈ ಬೃಹತ್​ ಮೊತ್ತವನ್ನು ಕಂಡು ಕಂಗಾಲಾದ ಡೆಲ್ಲಿ ಕ್ಯಾಪಿಟಲ್ಸ್​ 17.2 ಓವರ್​ಗಳಲ್ಲಿ 166 ರನ್​ ಬಾರಿಸಿ ಸರ್ವಪತನ ಕಂಡಿತು. ಕೋಲ್ಕತ್ತಾ ತಂಡ 106ರನ್​ ಗೆಲುವು ಸಾಧಿಸಿತು.

ಆರ್​ಸಿಬಿ ದಾಖಲೆ ಪತನ

ಇದೇ ಪಂದ್ಯದಲ್ಲಿ ಆರ್​ಸಿಬಿಯ ದಾಖಲೆಯೊಂದು ಪತನಗೊಂಡಿತು. ಕೆಕೆಆರ್​ 272 ರನ್​ ಬಾರಿಸಿ ​ಐಪಿಎಲ್​ನಲ್ಲಿ ಅತ್ಯಧಿಕ ರನ್​ ಗಳಿಸಿದ ಎರಡನೇ ತಂಡ ಎಂಬ ದಾಖಲೆ ಬರೆಯಿತು. ಈ ಮೂಲಕ 2ನೇ ಸ್ಥಾನದಲ್ಲಿದ್ದ ಆರ್​ಸಿಬಿ ಮೂರನೇ ಸ್ಥಾನಕ್ಕೆ ಕುಸಿಯಿತು. ಕಳೆದ ವಾರವಷ್ಟೇ ಸನ್​ರೈಸರ್ಸ್​ ಹೈದರಾಬಾದ್​ ತಂಡ ಮುಂಬೈ ವಿರುದ್ಧ 277 ರನ್​ ಬಾರಿಸಿ ಐಪಿಎಲ್​ನಲ್ಲಿ ಅತ್ಯಧಿಕ ರನ್​ ಗಳಿಸಿದ ದಾಖಲೆ ನಿರ್ಮಿಸಿತ್ತು. ಇದೀಗ ಒಂದೇ ವಾರದ ಅಂತರದಲ್ಲಿ ಈ ಟೂರ್ನಿಯಲ್ಲಿ ಮತ್ತೊಂದು ದ್ವಿತೀಯ ಗರಿಷ್ಠ ಮೊತ್ತ ದಾಖಲಾಯಿತು.