ಅಹಮದಾಬಾದ್: ಭಾನುವಾರ ನಡೆದ ಐಪಿಎಲ್(IPL 2024) ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಗುಜರಾತ್ ಟೈಟಾನ್ಸ್ ವಿರುದ್ಧ ಸೋಲು ಕಂಡಿತು. ಇದೇ ಪಂದ್ಯದಲ್ಲಿ ಮುಂಬೈಯ ನೂತನ ನಾಯಕ ಹಾರ್ದಿಕ್ ಪಾಂಡ್ಯ(Hardik Pandya) ಅವರು ಮಾಜಿ ನಾಯಕ ರೋಹಿತ್ ಶರ್ಮ(Rohit Sharma) ಅವರನ್ನು ನಡೆಸಿಕೊಂಡ ರೀತಿಗೆ ಕ್ರಿಕೆಟ್ ಅಭಿಮಾನಿಗಳು ಪಾಂಡ್ಯ ವಿರುದ್ಧ ಕಿಡಿ ಕಾರಿದ್ದಾರೆ.
ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಅವರು ಗುಜರಾತ್ ಬ್ಯಾಟಿಂಗ್ ವೇಳೆ ರೋಹಿತ್ ಅವರನ್ನು ಹಲವು ಬಾರಿ ಫೀಲ್ಡಿಂಗ್ ಬದಲಿಸಿದರು. ಒಮ್ಮೆ ಸ್ಲಿಪ್, ಮತ್ತೊಮ್ಮೆ ಲಾಂಗ್ ಆನ್, ಇನ್ನೊಮ್ಮೆ ಲೆಗ್ ಸೈಡ್, ಮಿಡ್ ವಿಕೆಟ್ನತ್ತ ಹೀಗೆ ಮೈದಾನದ ಮೂಲೆ ಮೂಲೆಗೂ ಓಡಿಸಿದರು.
ಇನಿಂಗ್ಸ್ನ ಅಂತಿಮ ಓವರ್ನಲ್ಲಿ 30 ಯಾರ್ಡ್ ಸರ್ಕಲ್ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ರೋಹಿತ್ ಅವರನ್ನು ಪಾಂಡ್ಯ ಏಕಾಏಕಿ ಲಾಂಗ್ ಆನ್ನಲ್ಲಿ ಫೀಲ್ಡಿಂಗ್ ಮಾಡುವಂತೆ ಸೂಚನೆ ನೀಡಿದರು. ಒಮ್ಮ ಗೊಂದಲಕ್ಕೆ ಒಳಗಾದ ರೋಹಿತ್ ಕೈ ಸನ್ನೆಯ ಮೂಲಕ ನನಗೆ ಹೇಳಿದ್ದ ಎಂದು ಕೇಳಿದರು. ಈ ವೇಳೆ ಪಾಂಡ್ಯ ಹೌದು ನೀವೇ ಎಂದು ಕೈ ಬೆರಳು ತೋರಿಸಿದರು. ನಾಯಕನ ಸೂಚನೆಯಂತೆ ರೋಹಿತ್ ಬೌಂಡರಿ ಲೈನ್ಗೆ ಹೋದ ಬಳಿಕವೂ ಕೂಡ ಪಾಂಡ್ಯ ಮತ್ತೆ ಅಲ್ಲಿಂದ ಬೇರೆ ಕಡೆ ಹೋಗುವಂತೆ ಹೇಳಿದರು. ಈ ವಿಡಿಯೊ ವೈರಲ್ ಆಗಿದ್ದು ಇದು ಪಾಂಡ್ಯ ಉದ್ದೇಶ ಪೂರ್ವಕವಾಗಿಯೇ ಹೀಗೆ ಮಾಡಿದ್ದು ಎಂದು ರೋಹಿತ್ ಅವರ ಅಭಿಮಾನಿಗಳು ಪಾಂಡ್ಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
Obey the order.
— Knowledge Hub (@KHByte) March 24, 2024
Still 💔 Rohit Sharmapic.twitter.com/fQ6U2Xi0VO
ರೋಹಿತ್ ಮತ್ತು ಜಸ್ಪ್ರೀತ್ ಬುಮ್ರಾ ಅವರು ನೀಡಿದ ಸಲಹೆಯನ್ನು ಕೂಡ ಪಾಂಡ್ಯ ಕ್ಯಾರೆ ಎನ್ನದೆ ದರ್ಪ ತೋರಿದ ಘಟನೆಯೂ ಈ ಪಂದ್ಯದಲ್ಲಿ ಕಂಡುಬಂದಿತು. ಹಲವು ಪ್ರಯೋಗಗಳನ್ನು ಮಾಡಿದ ಪಾಂಡ್ಯ ಸೋಲಿನಿಂದ ಕೈ ಸುಟ್ಟುಕೊಂಡರು. ಪ್ರಧಾನ ಬೌಲರ್ ಜಸ್ಪ್ರೀತ್ ಬುಮ್ರಾಗೆ ಇನಿಂಗ್ಸ್ನ ಮೊದಲ ಓವರ್ ನೀಡುವ ಬದಲು ತಾನೆ ದೊಡ್ಡ ಹೀರೊ ಎನ್ನುವ ರೀತಿಯಲ್ಲಿ ಪಾಂಡ್ಯ ಮೊದಲ ಓವರ್ ಎಸೆದು ವೃದ್ಧಿಮಾನ್ ಸಾಹಾ ಅವರಿಂದ ಸರಿಯಾಗಿ ರನ್ ಹೊಡೆಸಿಕೊಂಡರು.
ಇದನ್ನೂ ಓದಿ IPL 2024: ಈ ಲೆಕ್ಕಾಚಾರದಲ್ಲಿ ಇಂದು ಆರ್ಸಿಬಿಗೆ ಗೆಲುವು ಖಚಿತ!
ನಾಯಿಗೆ ಪಾಂಡ್ಯ ಎಂದು ಕರೆದ ಪ್ರೇಕ್ಷಕರು
ಇದೇ ಪಂದ್ಯದಲ್ಲಿ ನಾಯಿಯೊಂದು ಮೈದಾನಕ್ಕೆ ನುಗ್ಗಿತು. ಈ ವೇಳೆ ಗ್ಯಾಲರಿಯಲ್ಲಿದ್ದ ಪ್ರೇಕ್ಷಕರು ನಾಯಿ ಓಡುತ್ತಿರುವುದನ್ನು ಕಂಡು ಹಾರ್ದಿಕ್…ಹಾರ್ದಿಕ್ ಎಂದು ಜೋರಾಗಿ ಕೂಗುವ ಮೂಲಕ ಪಾಂಡ್ಯ ಅವರನ್ನು ನಾಯಿಗೆ ಹೋಲಿಸಿದ್ದಾರೆ. ಈ ವಿಡಿಯೊ ಕೂಡ ವೈರಲ್ ಆಗಿದೆ.
In a country where cricketers are worshipped, this sort of reaction for any player in home state is unheard of. Has never happened.
— Prashant Kumar (@scribe_prashant) March 25, 2024
But then the man has earned it himself. Have lost all respect for #HardikPandya after his treatment of #RohitSharma𓃵.
pic.twitter.com/nMgn0a4VzT