IPL 2024: ಆರ್ಸಿಬಿ-ಮುಂಬೈ ಪಂದ್ಯದ ಟಾಸ್ ಫಿಕ್ಸಿಂಗ್ ಆಗಿಲ್ಲ; ಅಸಲಿ ವಿಡಿಯೊ ವೈರಲ್

Abhilash B C

7 ತಿಂಗಳುಗಳು ago

ಮುಂಬೈ: ಗುರುವಾರ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದಿದ್ದ ಐಪಿಎಲ್(IPL 2024) ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(MI vs RCB) ಹಾಗೂ ಮುಂಬೈ ಇಂಡಿಯನ್ಸ್(Mumbai Indians) ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ ಹಾರ್ದಿಕ್ ಪಾಂಡ್ಯ ಪಡೆ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿತ್ತು. ಆದರೆ, ಪಂದ್ಯದ ಬಳಿಕ ಮುಂಬೈ ಗೆಲುವಿಗೆ ಕಾರಣ ಟಾಸ್ ಫಿಕ್ಸಿಂಗ್ ಎಂಬ ಕೂಗು ಜೋರಾಗಿ ಕೇಳಿ ಬಂದಿತ್ತು. ಇದಕ್ಕೆ ಸಂಬಂಧಪಟ್ಟ ಕೆಲ ವಿಡಿಯೊಗಳು ಕೂಡ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇದೀಗ ಈ ಘಟನೆಯ ನೈಜ ವಿಡಿಯೊ ಸಿಕ್ಕಿದ್ದು. ಯಾವುದೇ ಫಿಕ್ಸಿಂಗ್ ನಡೆದಿಲ್ಲ ಎನ್ನುವುದು ಸ್ಪಷ್ಟಗೊಂಡಿದೆ.

ತವರಿನ ಪಂದ್ಯವಾದ ಕಾರಣ ವಾಡಿಕೆಯಂತೆ ಹಾರ್ದಿಕ್ ಪಾಂಡ್ಯ ಅವರು ಟಾಸ್ ಹಾರಿಸಿದರು. ಮ್ಯಾಚ್ ರೆಫ್ರಿಯಾಗಿದ್ದ ಜಾವಗಲ್ ಶ್ರೀನಾಥ್(Javagal Srinath) ಅವರು ಕಾಯಿನ್ ಹೆಕ್ಕಿ ಪಾಂಡ್ಯ ಬಳಿ ಏನೋ ಕೇಳಿದರು. ಪಂದ್ಯದ ಬಳಿಕ ಜಾವಗಲ್ ಶ್ರೀನಾಥ್ ಅವರು ಕಾಯಿನ್ ತಿರುಗಿಸಿ ಹೆಕ್ಕುವಂತಹ ವಿಡಿಯೊ ಹರಿದಾಟಿತ್ತು. ಇದಾದ ಬಳಿಕ ಬೌಂಡರಿ ಲೈನ್ನಲ್ಲಿ ಫೀಲ್ಡರ್ ಒಬ್ಬರ ದೇಹ ಲೈನ್ಗೆ ತಾಗಿ ಚೆಂಡು ಹಿಡಿದರೂ ಬೌಂಡರಿ ನೀಡಿಲ್ಲ. ಮತ್ತು ನೋಬಾಲ್ ಕೂಡ ಅಂಪೈರ್ ಪರಿಗಣನೆಗೆ ತೆಗೆದುಕೊಂಡಿರಲ್ಲಿ.

ನಕಲಿ ವಿಡಿಯೊ

What 😂😂😂😂 pic.twitter.com/RlH0u8FNvc
— Shadowism (@shadowsofblack) April 12, 2024

ಚೇಸಿಂಗ್ಗೆ ಯೋಗ್ಯವಾದ ವಾಂಖೆಡೆ ಸ್ಟೇಡಿಯಂನಲ್ಲಿ ಅಂಪೈರ್ ಟಾಸ್ ಕಾಯಿನ್ ಬದಲಿಸಿ ಮುಂಬೈ ತಂಡಕ್ಕೆ ಸಹಕರಿಸಿದ್ದಾರೆ. ಇಲ್ಲವಾದರೆ ಆರ್ಸಿಬಿ ಗೆಲ್ಲುತ್ತಿತ್ತು ಎಂದು ಅನೇಕ ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ಅಂಬಾನಿ ಮತ್ತು ಐಪಿಎಲ್ ಆಡಳಿತ ಮಂಡಳಿಯ ವಿರುದ್ಧ ಆಕ್ರೋಶ ಹೊರಹಾಕಿದ್ದರು. ಆದರೆ ಈ ವಿಡಿಯೊ ಅಸಲಿಯಲ್ಲ ಎನ್ನುವುದು ಫ್ಯಾಕ್ಟ್ ಚೆಕ್ ಮೂಲಕ ತಿಳಿದುಬಂದಿದೆ. ಜಾವಗಲ್ ಶ್ರೀನಾಥ್ ಕಾಯಿನ್ ಹೇಗೆ ಬಿದ್ದಿದೆಯೋ ಹಾಗೆ ಹೆಕ್ಕಿರುವ ವಿಡಿಯೊ ಈಗ ವೈರಲ್ ಆಗುತ್ತಿದೆ.

ಇದನ್ನೂ ಓದಿ IPL 2024 : ಮುಂದಿನ ಆವೃತ್ತಿಯಿಂದ ರೋಹಿತ್ ಶರ್ಮಾ ಚೆನ್ನೈ ತಂಡ ನಾಯಕ; ಮಾಜಿ ನಾಯಕನ ಭವಿಷ್ಯ

ಅಸಲಿ ವಿಡಿಯೊ

A clear Video of the toss..

If You Still having doubt Either go to
Eye Hospital or Mental hospital 😊 pic.twitter.com/qGVmQHLRqo
— Mumbai Indians TN (@MumbaiIndiansTN) April 13, 2024

ಪಂದ್ಯ ಗೆದ್ದ ಮುಂಬೈ

ಬೃಹತ್ ಮೊತ್ತದ ಈ ಮೇಲಾಟದಲ್ಲಿ ಮುಂಬೈ ತಂಡ 7 ವಿಕೆಟ್ಗಳ ಗೆಲುವು ಸಾಧಿಸಿತ್ತು. ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಆರ್ಸಿಬಿ ತಂಡ, ದಿನೇಶ್ ಕಾರ್ತಿಕ್(53*), ರಜತ್ ಪಾಟಿದಾರ್(50) ಮತ್ತು ನಾಯಕ ಫಾಫ್ ಡುಪ್ಲೆಸಿಸ್(61) ಅವರ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ಗೆ 196 ರನ್ ಬಾರಿಸಿತು. ದೊಡ್ಡ ಮೊತ್ತವನ್ನು ಬಹಳ ಜೋಶ್ನಿಂದಲೇ ಬೆನ್ನತ್ತಿದ ಮುಂಬೈ ಇಶಾನ್ ಕಿಶನ್ ಮತ್ತು ಸೂರ್ಯಕುಮಾರ್ ಅವರ ಪ್ರಚಂಡ ಬ್ಯಾಟಿಂಗ್ ನೆರವಿನಿಂದ 15.3 ಓವರ್ಗಳಲ್ಲಿ ಕೇವಲ 3 ವಿಕೆಟ್ಗೆ 199 ರನ್ ಬಾರಿಸಿ ಗೆಲುವಿನ ನಗೆ ಬೀರಿತ್ತು.