ಹೈದರಾಬಾದ್: ಬುಧವಾರದ ಐಪಿಎಲ್(IPL 2024) ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್ ಮೂಲಕ ಸದ್ದು ಮಾಡಿದ ಕೋಲ್ಕತ್ತಾ ನೈಟ್ ರೈಡರ್ಸ್(Kolkata Knight Riders) ತಂಡ 272 ರನ್ ಬಾರಿಸಿ ಐಪಿಎಲ್ನಲ್ಲಿ ಅತ್ಯಧಿಕ ರನ್ ಗಳಿಸಿದ ಎರಡನೇ ತಂಡ ಎಂಬ ದಾಖಲೆ ಬರೆದಿದೆ. 2ನೇ ಸ್ಥಾನದಲ್ಲಿದ್ದ ಆರ್ಸಿಬಿ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಕಳೆದ ವಾರವಷ್ಟೇ ಸನ್ರೈಸರ್ಸ್ ಹೈದರಾಬಾದ್ ತಂಡ ಮುಂಬೈ ವಿರುದ್ಧ 277 ರನ್ ಬಾರಿಸಿ ಐಪಿಎಲ್ನಲ್ಲಿ ಅತ್ಯಧಿಕ ರನ್ ಗಳಿಸಿದ ದಾಖಲೆ ನಿರ್ಮಿಸಿತ್ತು. ಇದೀಗ ಒಂದೇ ವಾರದ ಅಂತರದಲ್ಲಿ ಈ ಟೂರ್ನಿಯಲ್ಲಿ ಮತ್ತೊಂದು ದ್ವಿತೀಯ ಗರಿಷ್ಠ ಮೊತ್ತ ದಾಖಲಾಯಿತು.
KKR POSTED THE SECOND HIGHEST TEAM SCORE IN IPL HISTORY..!!!!
— Johns. (@CricCrazyJohns) April 3, 2024
– 272/7 FROM 20 OVER vs DC. 🤯 pic.twitter.com/esfnIOpwgH
ಐಪಿಎಲ್ನಲ್ಲಿ ಅತಿ ಹೆಚ್ಚು ರನ್ ಬಾರಿಸಿದ ತಂಡಗಳು
ಸನ್ರೈಸರ್ಸ್ ಹೈದರಾಬಾದ್-3 ವಿಕೆಟ್ಗೆ 277(ಮುಂಬೈ ಇಂಡಿಯನ್ಸ್ ವಿರುದ್ಧ)
ಕೋಲ್ಕತ್ತಾ ನೈಟ್ ರೈಡರ್ಸ್-7 ವಿಕೆಟ್ಗೆ 272 ( ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ)
ರಾಯಲ್ ಚಾಲೆಂಜರ್ಸ್ ಬೆಂಗಳೂರು 5 ವಿಕೆಟ್ಗೆ 263( ಪುಣೆ ವಾರಿಯರ್ಸ್ ವಿರುದ್ಧ)
ಲಕ್ನೋ ಸೂಪರ್ ಜೈಂಟ್ಸ್-5 ವಿಕೆಟ್ಗೆ 257(ಪಂಜಾಬ್ ಕಿಂಗ್ಸ್ ವಿರುದ್ಧ)
ರಾಯಲ್ ಚಾಲೆಂಜರ್ಸ್ ಬೆಂಗಳೂರು- 3 ವಿಕೆಟ್ಗೆ 248( ಗುಜರಾತ್ ಲಯನ್ಸ್ ವಿರುದ್ಧ
ಕೋಲ್ಕತ್ತಾ ನೈಟ್ ರೈಡರ್ಸ್-6 ವಿಕೆಟ್ಗೆ 246(ರಾಜಸ್ಥಾನ್ ರಾಯಲ್ಸ್ ವಿರುದ್ಧ)
ಚೆನ್ನೈ ಸೂಪರ್ ಕಿಂಗ್ಸ್-5 ವಿಕೆಟ್ಗೆ 240(ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ)
ಚೆನ್ನೈ ಸೂಪರ್ ಕಿಂಗ್ಸ್-2 ವಿಕೆಟ್ಗೆ 235(ಕೆಕೆಆರ್ ವಿರುದ್ಧ)
Highest team totals in IPL
— CricTracker (@Cricketracker) April 3, 2024
277/3 – SRH vs MI, 2024 at Hyderabad
272/7 – KKR vs DC, 2024 at Vizag
263/5 – RCB vs PWI, 2013 at Bengaluru
257/5 – LSG vs PBKS, 2023 at Mohali
248/3 – RCB vs GL, 2016 at Bengaluru
ಕೆಕೆಆರ್ ತಂಡದ ಇದುವರೆಗಿನ ಗರಿಷ್ಠ ಐಪಿಎಲ್ ಮೊತ್ತ 6 ವಿಕೆಟ್ಗೆ 246 ರನ್ ಆಗಿತ್ತು. ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಈ ಮೊತ್ತವನ್ನು ಪೇರಿಸಿತ್ತು. ಇದೀಗ 272 ರನ್ ಬಾರಿಸಿ ಐಪಿಎಲ್ ಟೂರ್ನಿಯಲ್ಲಿ ಅತ್ಯಧಿಕ ರನ್ ಗಳಿಸಿದ 2ನೇ ತಂಡವಾಗಿ ಹೊರಹೊಮ್ಮಿದೆ.
ಇದನ್ನೂ ಓದಿ IPL 2024: ಚೆನ್ನೈಗೆ ಆಘಾತ; ತಂಡ ತೊರೆದು ತವರಿಗೆ ಪ್ರಯಾಣಿಸಿದ ಸ್ಟಾರ್ ವೇಗಿ
ವಿಶಾಖಪಟ್ಟಣಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಕೆಕೆಆರ್ ತನ್ನ ಆಯ್ಕೆಗೆ ತಕ್ಕ ಪ್ರದರ್ಶನ ತೋರಿತು. ಆರಂಭದಿಂದಲೇ ಬಿರುಸಿನ ಬ್ಯಾಟಿಂಗ್ಗೆ ಒತ್ತು ಕೊಟ್ಟು ಜಿದ್ದಿಗೆ ಜಿದ್ದವರಂತೆ ಬ್ಯಾಟಿಂಗ್ ನಡೆಸಿದ ಸುನೀಲ್ ನರೈನ್ ಮತ್ತು ಆಂಗ್‌ಕ್ರಿಶ್ ರಘುವಂಶಿ ಅರ್ಧಶತಕ ಬಾರಿಸಿ ಮಿಂಚಿದರೆ. ಆ ಬಳಿಕ ಬಂದ ಆ್ಯಂಡ್ರೆ ರಸೆಲ್, ರಿಂಕು ಸಿಂಗ್ ಕಡಿಮೆ ಎಸೆತದಲ್ಲಿ ದೊಡ್ಡ ಮೊತ್ತ ಪೇರಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣರಾದರು. ನಿಗದಿ 20 ಓವರ್ ಬ್ಯಾಟಿಂಗ್ ನಡೆಸಿದ ಕೆಕೆಆರ್ 7 ವಿಕೆಟ್ಗೆ 272 ರನ್ ಬಾರಿಸಿತು. 6 ರನ್ ಬಾರಿಸುತ್ತಿದ್ದರೆ ಸನ್ರೈಸರ್ಸ್ ಹೈದರಾಬಾದ್ ತಂಡದ ದಾಖಲೆ ಪತನಗೊಳ್ಳುತ್ತಿತ್ತು.