ಬೆಂಗಳೂರು: ದುರ್ಬಲ ಬೌಲಿಂಗ್ ಹಾಗೂ ನಿಯಂತ್ರಣವಿಲ್ಲ ಬ್ಯಾಟಿಂಗ್ ಹಾಗೂ ಕಳಪೆ ಫೀಲ್ಡಿಂಗ್ಗೆ ಬೆಲೆ ತೆತ್ತ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತಂಡ ಕೋಲ್ಕೊತಾ ನೈಟ್ ರೈಡರ್ಸ್ (Kolkata Knight Riders) ವಿರುದ್ಧದ ಐಪಿಎಲ್ (IPL 2024) ಪಂದ್ಯದಲ್ಲಿ 7 ವಿಕೆಟ್ಗಳ ಹೀನಾಯ ಸೋಲಿಗೆ ಒಳಗಾಗಿದೆ. ಈ ಮೂಲಕ ಕೆಕೆಆರ್ ವಿರುದ್ಧ ಬೆಂಗಳೂರಿನಲ್ಲಿ ಸೋಲುವ ಚಾಳಿಯನ್ನು ಮತ್ತೆ ಮುಂದುವರಿಸಿದೆ ಆರ್ಸಿಬಿ ಸೋಲುಗಳ ಶಾಪದಿಂದ ವಿಮೋಚನೆ ಪಡೆಯಲು ಯಾವುದೇ ಪ್ರಯತ್ನವನ್ನು ಆರ್ಸಿಬಿ (RCB) ಕಲಿಗಳು ಮಾಡಿಲ್ಲ ಎಂಬುದೇ ಅಭಿಮಾನಿಗಳಿಗೆ ಬೇಸರದ ವಿಷಯ. ಕೆಕೆಆರ್ ತಂಡದ ಆಟಗಾರಾದ ವೆಂಕಟೇಶ್ ಅಯ್ಯರ್ (50), ಸುನಿಲ್ ನರೈನ್ (47) ಹಾಗೂ ಫಿಲ್ ಸಾಲ್ಟ್ (30) ಗೆಲುವಿನ ರೂವಾರಿಗಳೆನಿಸಿಕೊಂಡರು. ಇದರ ಜತೆಗೆ ಕಿಂಗ್ ಕೊಹ್ಲಿಯ (83*) ಅಮೋಘ ಅರ್ಧ ಶತಕವೂ ವ್ಯರ್ಥಗೊಂಡಿತು.
An effortless maximum to bring 💯 sixes in IPL for @KKRiders Captain Shreyas Iyer 😎
— IndianPremierLeague (@IPL) March 29, 2024
Head to @JioCinema and @StarSportsIndia to watch the match LIVE#TATAIPL | #RCBvKKR | @ShreyasIyer15 pic.twitter.com/vhPsh9HNG1
ಇಲ್ಲಿನ ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತ ಆರ್ಸಿಬಿ ಮೊದಲು ಬ್ಯಾಟಿಂಗ್ ಮಾಡಲು ಆಹ್ವಾನ ಪಡೆಯಿತು. ಅಂತೆಯೇ ಬ್ಯಾಟಿಂಗ್ಗೆ ನೆರವು ನೀಡುವ ಪಿಚ್ನಲ್ಲಿ ಕುಂಟುತ್ತಾ ರನ್ ಪೇರಿಸಿ ನಿಗದಿತ 20 ಓವರ್ಗಳು ಮುಕ್ತಾಯಗೊಂಡಾಗ 6 ವಿಕೆಟ್ಗೆ 182 ರನ್ ಬಾರಿಸಿತು. ಇದಕ್ಕೆ ಪ್ರತಿಯಾಗಿ ಆಡಿದ ನೈಟ್ರೈಡರ್ಸ್ ಬಳಗ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ನೀಡಿ. ಇನ್ನೂ 19 ಎಸೆತಗಳ ಬಾಕಿ ಇರುವಂತೆಯೇ 3 ವಿಕೆಟ್ಗೆ 186 ರನ್ ಬಾರಿಸಿ ಗೆಲುವು ಸಾಧಿಸಿತು.
An effortless maximum to bring 💯 sixes in IPL for @KKRiders Captain Shreyas Iyer 😎
— IndianPremierLeague (@IPL) March 29, 2024
Head to @JioCinema and @StarSportsIndia to watch the match LIVE#TATAIPL | #RCBvKKR | @ShreyasIyer15 pic.twitter.com/vhPsh9HNG1
ಸ್ಪರ್ಧಾತ್ಮಕ ಗುರಿಯನ್ನು ಬೆನ್ನಟ್ಟಲು ಆರಂಭಿಸಿದ ಕೆಕೆಆರ್ ಅಬ್ಬರಿಸಿ ಬೊಬ್ಬಿರಿಯಿತು. ಆರ್ಸಿಬಿ ಬೌಲರ್ಗಳ ಲಯ ತಪ್ಪಿದ ಬೌಲಿಂಗ್ಗೆ ಬೌಂಡರಿ ಸಿಕ್ಸರ್ಗಳ ಸುರಿಮಳೆ ಸುರಿಸಿದರು. ಫಿಲ್ ಸಾಲ್ಟ್ 20 ಎಸೆತಕ್ಕೆ 30 ರನ್ ಬಾರಿಸಿದರೆ, ಸುನೀಲ್ ನರೈನ್ 22 ಎಸೆತಕ್ಕೆ 47 ರನ್ ಚಚ್ಚಿದರು. ಇವರ ಇನಿಂಗ್ಸ್ನಲ್ಲಿ 2 ಫೋರ್ ಹಾಗೂ 5 ಸಿಕ್ಸರ್ಗಳು ಇದ್ದವು. ಮೊಹಮ್ಮದ್ ಸಿರಾಜ್ ಮೊದಲ ಓವರ್ನಲ್ಲಿ 18 ರನ್ ಬಿಟ್ಟು ಕೊಟ್ಟು ಸೋಲಿಗೆ ಮುನ್ನುಡಿ ಬರೆದರು. ಯಶ್ ದಯಾಳ್, ಅಲ್ಜಾರಿ ಜೋಸೆಫ್ ಕೂಡ ದುಬಾರಿ ಎನಿಸಿಕೊಂಡರು. ಬಳಿಕ ವೆಂಕಟೇಶ್ ಅಯ್ಯರ್ 50 ರನ್ ಬಾರಿಸಿದರೆ ನಾಯಕ ಶ್ರೇಯಸ್ ಅಯ್ಯರ್39 ರನ್ ಬಾರಿಸಿದರು.
ಮಾನ ಕಾಪಾಡಿದ ಕೊಹ್ಲಿ
2️⃣ high quality shots
— IndianPremierLeague (@IPL) March 29, 2024
2️⃣ maximum results
Predict Virat Kohli's final score tonight 👇
Watch the match LIVE on @JioCinema and @StarSportsIndia 💻📱
Match Updates ▶️ https://t.co/CJLmcs7aNa#TATAIPL | #RCBvKKR | @RCBTweets pic.twitter.com/WUuarIrM2m
ಬ್ಯಾಟಿಂಗ್ ಆರಂಭಿಸಿದ ಆರ್ಸಿಬಿ ಹೀನಾಯ ಪ್ರದರ್ಶನ ನೀಡಿತು. ನಾಯಕ ಫಾಪ್ ಡು ಪ್ಲೆಸಿಸ್ ಮತ್ತೊಮ್ಮೆ ವಿಫಲಗೊಂಡರಲ್ಲದೆ 8 ರನ್ ಬಾರಿಸಿ ಔಟಾದರು. ಬಳಿಕ ಬಂದ ಕ್ಯಾಮೆರೂನ್ ಗ್ರೀನ್ 33 ರನ್ ಬಾರಿಸಿದರೂ ಅದರಲ್ಲಿ ವೇಗ ಇರಲಿಲ್ಲ. ಗ್ಲೆನ್ ಮ್ಯಾಕ್ಸ್ವೆಲ್ ಹಾಲಿ ಟೂರ್ನಿಯ ಮೂರನೇ ಪಂದ್ಯದಲ್ಲಿ 20 ರನ್ ಗಡಿ ದಾಟಿದರು. ಅವರ ಸ್ಕೋರ್ 28.
ಇದನ್ನೂ ಓದಿ: Gambhir vs Kohli : ಹಗೆತನ ಮರೆತು ‘ಹಗ್’ ಮಾಡಿದ ಕೊಹ್ಲಿ- ಗಂಭೀರ್, ಇಲ್ಲಿದೆ ವಿಡಿಯೊ
ಮಾಜಿ ನಾಯಕ ವಿರಾಟ್ ಕೊಹ್ಲಿ ಮಾತ್ರ ಆರಂಭದಿಂದಲೇ ವೇಗದ ರನ್ ಗಳಿಕೆಗೆ ಮನಸ್ಸು ಮಾಡಿದರು. ಆದರೆ, ವಿಕೆಟ್ಗಳು ಪತನಗೊಳ್ಳುತ್ತಿದ್ದ ಕಾರಣ ಅವರಿಗೆ ಬಿರುಸು ನೀಡಲು ಸಾಧ್ಯವಾಗಲಿಲ್ಲ. ನಿಧಾನವಾಗಿ ಅಡಿದ ಅವರು ಕೊನೇ ಹಂತದಲ್ಲಿ ಬೌಂಡರಿ, ಸಿಕ್ಸರ್ಗಳನ್ನು ಬಾರಿಸಿ ಅಜೇಯ 83 ರನ್ ಬಾರಿಸಿದರು. ಅವರ ಇನಿಂಗ್ಸ್ನಲ್ಲಿ 4 ಫೋರ್ ಹಾಗೂ ಅಷ್ಟೇ ಸಂಖ್ಯೆಯ ಸಿಕ್ಸರ್ಗಳು ಇದ್ದವು. ಕೊನೆಯಲ್ಲಿ ದಿನೇಶ್ ಕಾರ್ತಿಕ್ 8 ಎಸೆತಕ್ಕೆ 20 ರನ್ ಬಾರಿಸಿದರು.
ಕೆಕೆಆರ್ ಪರ ಬೌಲಿಂಗ್ನಲ್ಲಿ ಹರ್ಷಿತ್ ರಾಣಾ 2 ವಿಕೆಟ್ ಪಡೆದರೆ, ಆ್ಯಂಡ್ರೆ ರಸೆಲ್ ಕೂಡ 2 ವಿಕೆಟ್ ತಮ್ಮದಾಗಿಸಿಕೊಂಡರು.