ಜೈಪುರ: ವಿಶ್ವ ಕ್ರಿಕೆಟ್ ನಲ್ಲಿ ಹೊಸ ಹೊಸ ಬ್ಯಾಟಿಂಗ್ ಶಾಟ್ ಗಳು ಪರಿಚಯ ಆಗುತ್ತಿವೆ. ಧೋನಿ(ms dhoni) ಪರಿಚಯಿಸಿದ ‘ಹೆಲಿಕಾಪ್ಟರ್ ಶಾಟ್’(Helicopter shot) ಅನ್ನು ಹೊಡೆಯಲು ಅನೇಕರು ಪ್ರಯತ್ನಿಸಿದರೂ ಸಫಲರಾಗಿದ್ದು ಮಾತ್ರ ಕೆಲವರಷ್ಟೇ. ಬುಧವಾರ ಗುಜರಾತ್ ಟೈಟಾನ್ಸ್(Gujarat Titans) ವಿರುದ್ಧದ ಪಂದ್ಯದಲ್ಲಿ ರಾಜಸ್ಥಾನ್ ತಂಡದ(Rajasthan Royals) ರಿಯಾನ್ ಪರಾಗ್(Riyan Parag) ಹೆಲಿಕಾಪ್ಟರ್ ಶಾಟ್ ಹೊಡೆದು ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಅಚ್ಚರಿ ಎಂದರೆ ಪರಾಗ್ ಕೂಡ ಧೋನಿಯ ಅಪಟ್ಟ ಅಭಿಮಾನಿ.
ಜೈಪುರ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ ಪಂದ್ಯದ ವೇಳೆ ಪರಾಗ್ ಈ ಹೆಲಿಕಾಪ್ಟರ್ ಶಾಟ್ ಬಾರಿಸಿದರು. ಗುಜರಾತ್ ಬೌಲಿಂಗ್ ಇನಿಂಗ್ಸ್ನ 17ನೇ ಓವರ್ನ ದ್ವಿತೀಯ ಎಸೆತದಲ್ಲಿ ಬೌಂಡರಿ ಬಾರಿಸಿ ತಮ್ಮ ಶಕ್ತಿ ಪ್ರದರ್ಶನ ಮಾಡಿದರು. ಮೋಹಿತ್ ಶರ್ಮ ಎಸೆತವನ್ನು ಹೆಲಿಕಾಪ್ಟರ್ ಶಾಟ್ ಮೂಲಕ ಬೌಂಡರಿ ಬಾರಿಸಿದರು. ಉಮೇಶ್ ಯಾದವ್ ಅವರು ಬೌಂಡರಿ ತಡೆಯುವ ಪ್ರಯತ್ನ ಮಾಡಿದರೂ ಕೂಡ ವಿಫಲರಾದರು.
Helicopter shot from Riyan Parag, his redemption arc should be studied. pic.twitter.com/eq0nb14d6J
— TravisBickle (@TravisbickleCSK) April 10, 2024
ಹಿಂದೊಮ್ಮೆ 2021ರಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಮೊಹಮ್ಮದ್ ಶಮಿ ಅವರ ಎಸೆತಕ್ಕೆ ಪರಾಗ್ ಹೆಲಿಕಾಪ್ಟರ್ ಶಾಟ್ ಹೊಡೆದರೂ ಕ್ಯಾಚ್ ನೀಡಿ ನಿರಾಸೆ ಅನುಭವಿಸಿದ್ದರು. ಇದೀಗ 3 ವರ್ಷಗಳ ಬಳಿಕ ಹೆಲಿಕಾಪ್ಟರ್ ಶಾಟ್ ಬಾರಿಸುವಲ್ಲಿ ಯಶಸ್ಸು ಕಂಡಿದ್ದಾರೆ.
Legendary Sunil Gavaskar remembers Dhoni after Riyan Parag's failed helicopter shot. pic.twitter.com/u7NSiLDBEK
— Shubham Shah (@bollywoodWaalah) September 22, 2021
ಅರ್ಧಶತಕ ಬಾರಿಸಿದ ಪರಾಗ್
ಜಾಸ್ ಬಟ್ಲರ್ ಅವರ ವಿಕೆಟ್ ಪತನದ ಬಳಿಕ ನಾಲ್ಕನೇ ಕ್ರಮಾಂಕದಲ್ಲಿ ಆಡಲಿಳಿದ ಪರಾಗ್ ಕೇಲವ 6 ರನ್ ಗಳಿಸಿದ್ದ ವೇಳೆ ರಶೀದ್ ಖಾನ್ ಅವರ ಓವರ್ನಲ್ಲಿ ಕೀಪರ್ ಮ್ಯಾಥ್ಯೂ ವೇಡ್ ಕೈಚೆಲ್ಲಿದ ಕ್ಯಾಚ್ನಿಂದ ಜೀವದಾನ ಪಡೆದರು. ಈ ಅವಕಾಶವನ್ನು ಎರಡೂ ಕೈಗಳಿಂದ ಬಾಚಿದ ಅವರು 34 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿ ಮಿಂಚಿದರು. ಪ್ರತಿ ಓವರ್ಗೊಂದು ಸಿಕ್ಸರ್ ಮತ್ತು ಬೌಂಡರಿ ಬಾರಿಸುತ್ತಲೇ ಮುನ್ನುಗ್ಗಿದ ಪರಾಗ್ ಅಂತಿಮವಾಗಿ 48 ಎಸೆತಗಳಿಂದ 76 ರನ್ ಗಳಿಸಿ ಬೌಂಡರಿ ಲೈನ್ನಲ್ಲಿ ವಿಜಯ್ ಶಂಕರ್ ಹಿಡಿದ ಅಸಾಮಾನ್ಯ ಕಾಚ್ನಿಂದ ಔಟಾದರು. ಅವರ ಈ ಸ್ಫೋಟಕ ಇನಿಂಗ್ಸ್ನಲ್ಲಿ 5 ಸೊಗಸಾದ ಸಿಕ್ಸರ್ ಮತ್ತು 3 ಬೌಂಡರಿ ದಾಖಲಾಯಿತು. 4ನೇ ವಿಕೆಟ್ಗೆ ನಾಯಕ ಸಂಜು ಜತೆ ಸೇರಿ 130 ರನ್ಗಳ ಜತೆಯಾಟ ಕೂಡ ನಿಭಾಯಿಸಿದರು.
ಇದನ್ನೂ ಓದಿ IPL 2024: ಸ್ಮರಣೀಯ ಪಂದ್ಯವನ್ನಾಡುತ್ತಿರುವ ಚಹಲ್ಗೆ ಪತ್ನಿಯಿಂದ ಭಾವುಕ ಸಂದೇಶ
Riyan Parag playing helicopter shot!! 🚁#IPL2024 #RiyanParag #GTvsRR #RRvsGT #MSDhoni pic.twitter.com/kNq9dznQYJ
— 𝗖𝗿𝗶𝗰 𝗶𝗻𝘀𝗶𝗱𝗲𝗿 (@cric_insiderr) April 10, 2024
ಸಂಜು ಸ್ಯಾಮ್ಸನ್ ಕೂಡ ಬಿರುಸಿನ ಬ್ಯಾಟಿಂಗ್ ಮೂಲಕ 38 ಎಸೆತಗಳಿಂದ ಅಜೇಯ 68 ರನ್ ಬಾರಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣರಾದರು. ಕಳೆದ ಆರ್ಸಿಬಿ ವಿರುದ್ಧ ಅಜೇಯ ಶತಕ ಬಾರಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟಿದ್ದ ಜಾಸ್ ಬಟ್ಲರ್ ಈ ಪಂದ್ಯದಲ್ಲಿ ಕೇವಲ 8 ರನ್ ಗಳಿಸಿ ನಿರಾಸೆ ಮೂಡಿಸಿದರು. ಇವರ ಜತೆಗಾರ ಯಶಸ್ವಿ ಜೈಸ್ವಾಲ್ 24 ರನ್ ಗಳಿಸಿದರು. ಗುಜರಾತ್ ಪರ ಉಮೇಶ್ ಯಾದವ್, ರಶೀದ್ ಖಾನ್, ಮತ್ತು ಮೋಹಿತ್ ಶರ್ಮ ತಲಾ ಒಂದೊಂದು ವಿಕೆಟ್ ಪಡೆದರು.